مرحبا
البنات ماشاء الله عليهم ما قصؤوا بس انا عندي شوية اضافات كمان
1- التثقافة و الاطلاع
لازم بهل المهنة الشديدة التنافسية انوا يكون عندك اطلاع بكل صرعات و هبات الموضة عالميا و الفناتك و الذوق المحلي كرمال هيك بدك تواكبي هل الاخبار و التطورات من خلال قراءة مجلات الموضة متل ماري كلير و تتابعي برامج الازياء و الموضة و اللي احسن منهم تتابعي مدونات الموضة المحلية لانوا يخزي العين عنا بنات بالكويت ذوقن كتير حلو بالموضة و بيفهموا منيح
2- التعليم و التدريب
انت بدك تفتحي مصلحة كل شغلك حيكون عملي و بايدك متل اخذ المقاسات و رسم التصاميم و تنفيذها و قص القماش و خياطته ... الخ فبنصحك تاخدي دولرات بتصميم الازياء تعلمك اصول الصنعة صح و لحتى كمان بالمستقبل تعرفي اذا الشغيلة عندك انتاجهم منيح و لا اي كلام لانوا الدقة كتير مهمة بهيك امور
3- الارشيف
لازم تعملي البوم صور لكل قطعة صممتيها او دخلتي عليا اضافات وتعديلات من تصميمك لحتى يكون ارشيف ترجعيله وقت الضرورة و لتقدري تقيمي مستوى التطور بشغلك
4- الابتكارية بالعرض
متل ما ذكرت بالسابق في كتير منافسين بضائعهم حلوة بس بيفشلوا و احد الاسباب هو انوا طرسثة عرضهم لمنتجاتهم مملة او ما بتجذب العين كرمال هيك بدك تتفنني بطرق عرض منتجاتك هيدا غير تركزي على الاضاءة لانوا مهمة و في كتير شركات بتدفع كتير بس كرمال تصمم واجهات للمحلات غير شكل لانوا هي اول ما بيجذب العين للمنتج
5- المعارف و التسويق
متل ما قلنا هيدا حقل صعب لازم يكون عندك فيه معارف ممكن يصرفولك بضاعتك او تربي زبائن و كمان يكون الك علاقات طيبة مع مورديم و تجار رح يصرفو البضاعة غير انك اذا حتسوقي وما بدك تدفعي كتير حاولي من خلال شبكات الاجتماعية متل تويتر و فيبوك و بي بي مسنجر و الواتس اب و المنتديات و حتى المدونات
6- النت بيعلم
ادخلي على غوغل و دورس على اي شي بدك اياه ممكن تتعلميه متل اخذ المقاسات او تشوفي عن طريق اليوتيوب
هيدا اللي عندي حاليا
وهلا وسهلا فيكي ... لاي استفسار
