خواتي .. اليكم قصتي !! محتاجه ارائكم ياسرع وقت

[micro girl]

انت خلاص ماخذه قرارج.... لانج دافعتي عن نفسج مع الاخت اللي علقت مشكلتج تبينالناس تقولج انة قرار اللي اتخذيتة صح علشان تترتاحين .

انا لو منج اتزوجة لانة اللة كاتبلج اياه نصيبج واضح لانة اللتقتو بعد سنين لو مو نصيبج جان اللة بعده عنج . ماراح يمر زواجج بسهولة راح يصير مشاكل في ابداية بس مبين عليج عاقلة بذكاءج راح اتحلينها و اتمني لج كل التوفيق حبيبتي .....

 

[shak!shoka]

تزوجي الي حبيتيه 12 سنه

يحقلج عقب هالحب و الانتظار تجتمعين فيه و تشوفين الدنيا معااااه


لا تضيعين الفرصه من ايدج


رضيت المره الاولى علشان خاطر ابوج و رضا الوالدين والحين الله عوضج و ارسله لج مره ثانيه يفرح قلبج


اخذيه و عوضي سنينج الي راحت




لا تظلمين نفسج بزواج تقليدي


اخذي الي تحبينه و يحبج و قلبه متعلق فيج






الله يوفقج و يكتب لج الخير و الصالح

 

[جامعيه كويتيه]

استخيري يالغاليه ووافقي ع الاعزب



نصيحه اختي ابعدي عن المشاكل




والله يوفقج ويسر امرج

 

[ونات الخفوق]

انا اقول اخذي حبيبج بعد الاستخاره على الاقل واحد تعرفينه احسن من اللي ماتعرفينه واتركي عنج سوالف زوجته الاولى
هذا شرع ربي انتي ماظلمتي احد لو فيه ظلم كان ربي ماحلله
فكري عدل واستخيري
تمنياتي لج بالتوفيق

 

[شوشو الشقيه]

واي ما اقدر احس تاثرت
دموع في عيوني حرام مسكين كسر خاطري حبيبج
لو جيتي عاطفيا توجع القلب
بس المشكلة عقلانيا الانسان يفكر بعقله قبل قلبه المفروض
لو بالعاطفة انتي ودج تروحين له قلبج معاه
بس عقلج يقول لا رضا ابوي فوق كل شيء لانه نمشي على عادات وتقاليد
بس مشكلة ما في مراة ترضى ينوجد لها ضرة
تشاركها بزوجها
بس لو انتي تحبينه صدق بترضين تبقين معاه لو كان مع الف غيرج
لما القلب يحب بصدق يتنازل عن واايد اشياء السبب تحبينه بقوة قربه كل الي تمنينه
ما تقدرين تبتعدين عنه راضيه تبيقين قربه حتى لو كان يعاشر غيرج

استخيري الافضل لج
بصراحة لا يوجد مراة ترضى تزوج متزوج و عنده امراة اخى
ويعاشرها ويعاشر اخرى
ما اتصور نفسي جذيه
انتي شلون اذا تقدرين تستحملين بعد هذا شيء ثاني بصراحة
تره صعبة
الافضل استخيري ربج
في نساء يرضون زوجها يعاشر غيرها
لما يعاشرها عادي عندها ما تفرق معاها
في نساء لما زوجها يعاشر غيرها تكره وتكره ريحته
حتى لا ترضى يقرب منها
عطيتج على بلاطه شوفي اي وحدة انتي منهم
اذا تقدرين تادين حقوقج الزوجية معاه حتى لو عاشر غيرج
اخذيه والله يفتح عليكم

 

[كارلوفي فاري]

حبيبتي عمرج 29 اتوقع ماعد عمرك يستحمل مشاكل ومتاهات خصوصا انج ناجحه بعملج. فكري اكثر من مره واختاري الامر الاهون مشاكل

 

[رفيف الخير]

بانصحك نصيحة لوجه الله وعساني اكون فيها على صواب احيانا نمر بالسوق نشوف شي يعجبنا من بعيد لما نقرب نلاقي المحل مقفل. نحس بالقهر ونقعد نحاتي متى يفتح ونرجع للمكان ونلاقي الشي الي كنا نبيه مايستاهل ونطلع بدون ماناخذه ترى حبيبتي للحياه مالها بس وجه بالعكس فكري بالرجل الي رضى بالقدر وتزوج واول ماشافك مره ثانيه غامر بحياته ونسى بنته وامها و كذب عليك وقال ان زوجته راضيه وبعدين اكشفتين العكس ويش الي يضمن لك ان زوجته شايله الرحم مثل ماقالوا لك الي يكذب مرة يكذب في كل مره لما تزوج وعاش حياته جاب بنته كان قادر يعيش بدونك ولو ما الصدفه الي جمعتكم كان الحين عايش مع زوجته ويربي بنته الي مالها ذنب وبتكون الضحيه وهالانسان ماله امان عايش عشان رغباته ولا بترتاحين معاه ترى الحب قبل الزواج مايتم نفسه بعد العشرة والغربه الي بتعيشنها وموقف اهلك ورفضهم له لازم بيكون في باله وما بينساه وزوجته مهما سوت معذوره كانت عايشه مع زوج ولها بيت مايشاركها فيه احد وانت الحين بتتقاسمين معاها حياتها وبعدين انت بالنسبه له حلم ولما يتحقق ويصحى. صدقيني بينصدم ان الواقع شي والاحلام شي ثاني وبيعرف ان الحياه ماتعطينا كل مانتمنى بعدها بتروح السكرة وتجي الفكرة وصدقيني الكل بيتضرروانت منهم ابتدي حياتك مع ابن بلادك وابتدي معاه قصه حلوه انت في كل صفحة فيهاوعيشي بوسط اهلك وكوني بيت ملك لك مبني على الحب والتفاهم مو على انقاض سعادة ناس تتألم وتنام وهي وتدعي عليك *

 

[~خطر~]

عورتي قلبي
الله يرزقج على قد نيتج ويقدملج الي فيه الخير
ربي يسعد قلبج ويفرحج ويرزقج الزوج الصالح

 

[sanforty a7bch]

محتاره
خصوصا اني متزوجه
ولو زوجي بيتزوج علي
بموت ويمكن ادعي عليهم
انهم مايتهنون


والحين اهلج رضو عشان سنج كبير
ليش ؟
رضو يخربون بيت
وقبل مارضو باجنبي


الله يسامج اهلج


ماقدر اشارك برايي
قلبي حارقني على زوجته
انظلمت

بس بقول
يامن بيده ملكوت السماوات والارض
انك تملك قلب حبيبج لزوجته الاولى
وينزع من قلبج وقلبه الحب


سوري بس مارضا على بنت ناس

انا معاها

 

[اشلون يعني &]

حبيبتي الان يحبك
بعد الزواج تكونيين حالك من حال الزوجه تصرين عاديه
لانه الحب بعد الزواج يروح يبقى الاحترام
مثل مايقولون السكره تجي عقبها الفكره
وصنف الرجال دائماً يحبون للشيء الي مو بيدهم لما يملكونه يدسون عليه
انتي عزيزه وغاليه لانك بعيده بكره تصيري بعقر داره راح يستكشف الاختلافات العشر فيج وانه كان مبهر فيج وراحت حلاوه الابهار
ثم يقارن بينك وبين زوجته غير المشاكل ووجع الراس
ثانيا لو فرضا تطلقتي وعندك ابناء. راح ينظلموا بديرتك غير صعوبة الاوراق وهذي المطلقات يعانونها بنفس الديره فما بالك بتصعب اكثر
بديره مختلفه
تزوجي بواحد بنفس ديرتج. وسمعته زينه والحب يجي بعد الزواج

 

[BnoGa 911]

الله يعععينچ ..
اهي دام أنها مو يايبتله الذريه و أهي تددري أن بيتزوج عليها خلاص ..تووگلي على الله و استخيري
و سووي اللي يريحچ
و الله يوفقچ انشششالله

 

[سلطانه-]

السلام عليكم و رحمة الله و بركاته
اخواتي حبيباتي انا صاحبة المشكله .. باذن الله سبحانه و تعالى حبيت ابشركم انه تمت خطوبتي البارحه . اشكر كل من حاول نصحي و كل من تعاطف معي و ادعيلكم جميعا بالمثل . قصتي رساله لكل المتاخرات بالزواج ثقي دائما بأن الله سيستجب لدعاءك فلا تتوقفي عن الدعاء و تقنط من رحمه الله و لا تيأس من الاستجابه
أؤمني بأن الله سيستجب لدعاءك في الوقت الذي يراه هو مناسبا لك تماما . و عيشوا حياتكم و ارضوا الوالدين .. و اوصيكم عليكم بالدعاء و الاستغفار . احبكم في الله

 

[Lourdez]

حبيبتي موضوعج صعب و متشابك و هي رافضة الزواج لانها تدري اذا تزوجج بينساها بالمرة و بتصيرون روميو و جوليوت بس فكري شوي انتي عزبا بوظيفة مرموقة حلوة مرتاحة فجاة بتعيشين ببلد ثاني غير مشاكل الضرة و اللوية و عوار الراس و الغيرة و حرة القلب و انتي مثلوما قلتي غيووورة ما راح تتحملين
و بالكف الثانية الريال هذاك غير متزوج عاللاقل اذا ما حبيتيه بتكون بينكم مودة و عشرة طيبة
و مع حبيبج بتحصلين الحب لكن في غيرة و حقد و حسد و عوار قلب و غثا و هالشي ييب الامراض للمرة اما عاللاقل تتزوجين من الثاني ريال من دولتج و ولد ديرتج و بتعيشين بين اهلج و ناسج ماراح تتغربين و عسى الله ينور بصيرتج و ييسر دربج

 

[αησмα]

موضوعك حيل صعب والمشكله اذا خذيتي العازب راح يظل قلبج متعلق بثاني وتظلمين زوجك وان تزوجتي اللي تحبينه بتتعبين مع زوجته وخاصه انها شريه مو هينه شوفي اتخاذ القرار صعب ومحتاج تفكير واستخاره شوفي نفسك انت ايهم افضل لراحتك النفسيه هل حبك بيكون قوي لدرجه تتحملين المشاكل ام انك قويه بالقدر اللي تقدرين تنسينه فيه وتبدئين حياه جديده مع العازب
نصيحتي انا تزوجي العازب خاصه ان شخصيتك مبينه قويه وعقلانيه

اوافقها الراااي بكل كلمه


انتي اذا تحبينه صج وخري عنه وصدقيني العيشه مع الحبيب يجيب الهم والغم والمعايير يعني دايما يشك فيج ويستمج ويحب الاولى اكثر منج لو يحبها صج ما طلقها !! عدل فشووفي احسن لج تاخذين شاب ماتعرفينه واعزب



تحياتي لج
:eh_s(7):

 

[Chocolate.]

حبيبتي انت بعدج صغيره العمر قدامج وانت بنت مثقفه وعارفه هالشي وممكن تييج فرص احسن منطقيا وعقلانيا لاكن اذا تحبينا لهدرجه ليش لا تزوجوا والزواج بكل الاحوال في مشاكل انا تزوجت من ريلي من اشهر والحمدلله نحب بعض بس بعد بينا مشاكل بس تنحل يعني جذي جذي في مشاكل علي شخص تحبينا افضل

 

[نونه المنكوشه]

الله يكتبلج الخيييره ولكن انا اشوف مدامه معطي خبر لزوجته من زمان انه راح يتزوج عليها فافضل انج تاخذينه اللي اتعرفينه احسن من اللي ماتعرفينه خاصه انه شاريج ويبيج واكيد راح يوفق بينكم والله يسهل امورج

 

[نونه المنكوشه]

السلام عليكم و رحمة الله و بركاته
اخواتي حبيباتي انا صاحبة المشكله .. باذن الله سبحانه و تعالى حبيت ابشركم انه تمت خطوبتي البارحه . اشكر كل من حاول نصحي و كل من تعاطف معي و ادعيلكم جميعا بالمثل . قصتي رساله لكل المتاخرات بالزواج ثقي دائما بأن الله سيستجب لدعاءك فلا تتوقفي عن الدعاء و تقنط من رحمه الله و لا تيأس من الاستجابه
أؤمني بأن الله سيستجب لدعاءك في الوقت الذي يراه هو مناسبا لك تماما . و عيشوا حياتكم و ارضوا الوالدين .. و اوصيكم عليكم بالدعاء و الاستغفار . احبكم في الله

توني اقره ردج يلله الحمدالله والف مبرووووووووووك والله يتمم عليج ويسعدج ويوفقج

 

[أعشقه]

الله يعينك بجد شي يحير .. والمشكله تخافين من العواااقب
انتي فكري صح وخذي وقتك بالتفكير ..
اذا تقدرين تعيشين بدون حبيبك وحياه مستقله وزوجك يكون لك لحالك محد يشاركك بوه وافقي ع العزوبي
واذا تشوفين انك ماراح تقدرين تعيشين بدون حبيبك وودك فيه وراح تتحملين زوجته وافقي عليه
بس اشرطي انه يعدل علشان ربي يوفقك في اعلى سماه
ويرزقك بافضل ماعنده .. خليك انتي الخيره وهي عملها مردود عليها
نصيحه مني لك اذا تزوجتي المتزوج ابد ابد لا تجيبين له طاري لزوجته الاولى
والافضل انك تبتعدين عن اي مكان يجمعك فيهااا .. ولو اجتمعتي فيها انتي كبيره وعقلك كبير راح تعرفين تتصرفين
الله يوفقك وييسر لك

 

[نبـض قلبـهـ]

ووووووووافقي عليه


اخطبج ثلاث مررررات ومع ذلك ما يأس خلاص وافقي


مع أني ضد الزوجه الثانيه بس هو بيتزوج بيتزوج انتي ولا غيرج


واستخيري وربي يوفقج بس لازم تقولين له عن مكالمتها عليان توقف عند حدها وما تمادى وياج وتتعبين

 

[شوشو ..]

ياسبحااااان الله قصتك نفس قصتي تقريباً ، أهلي رفضوه لانه اردني رفضوه وبقوووه

لنا انا وهو 9 سنوات مع بعض واهله كلهم يعرفوني ويكلموني ومعتبره امه امي وابوه ابوي واخواته اخواتي

بس اهلي رافضين الفكره نهائياً حاولت فيهم مارضو ، فراح تزوج وللأسف ماقعد مع زوجته شهر يقول مااقدر احس اني اخونك يوم اكون معاها ويوم طلق رجع خطبني واهلي مارضو فيه بعد

تعبت قعدت ابكي وهو يبكي وطول الوقت يقول الله يسسسامح اهلك وانا رفضت خطاب كثير علشانه مو قادره اوافق على احد ومو متقبله اي رجال غيره ..

والحين اهله زنو عليه قالو لازم تشوف حياتك ونبي نشوف ونفرح بعيالك لانه اكبر واحد وقام خطب وزواجه بعد اسبوعين الله يوفقه ويسعده يارب وربي حاسه بالم بقلبي محد يعلمه غير ربنا الحمدلله على كل حال وان شااءلله اذا ماكان من نصيبي في الدنيا ربي يجمعني معاه بالجنه يااااااارب

وانا لو كنت بمكانك ياقلبي من جد راح احتار خاصة اني غيووور .. بس راح اوافق عليه كفايه اني راح اكون بجنبه واشوفه واهتم فيه وحتى مرته راح اتقرب منها ومااذيها واعاملها بكل احترام وادب علشانه هو لاني ابيه يكون مبسوط ومرتاح

بس قبل كل شي ياااااقلبي استخيري وادعي ربك .. ممكن سبحان الله اللي متقدم لك العازب راح يسعدك ويغير لك حياتك فاستخيري قبل كل خطوه

الله يوووفقك ويسعدك ، ويوفقني ويسعدني يااارب ويكتب اللي فيه الخير لنا يارب ..