خواتي حبايبى ابي احذركم من جهاز crazy fit massage

[نمله سيلانيه]

بنات انا سمعت عنه بالمنتدى ان وحده من الاخوات تدور


والى كاتبه لحقو سوو النصر تنزيلات وصار بالستيناات

اهو الجهاز هذا


http://www.youtube.com/watch?v=bJvRFA-zk_s





يعني يهتز فيج حيل حيل ويعادل المشى ساعه بالجهاز توقفين ربع ساعه كنج ماشيه ساعه
ولـــــــــــــــــــــــــــــــــــكـــــــــــــــــــــــــن




له خطر اكبير ع الارحام والعمود الفقري بنات احذروه والله انا ميته امس ابيه وخلاص لزمت اخذه من النصر بس سويت قبلها بحث بقوقل وانصدمت كانت المفاجاه ردود الى جربوه وبحاول احطللكم بعضهم

8-08-2008, 05:21 PM
انا شفته بس ماجربته هو في تلي سين بالسالميه
بس ماادري احس اللي توقف عليه راااح يضر عمودها الفقري لان قوة الاهتزاز ممكن تحرك فقرااات الظهر
وممكن اللي مركبه لولب يطيح وممكن يسبب بعد صدة للرحم ؟؟ يعني ماانصح فيه
تخيلي شي يرجج رج هل تتصورين ماراح يضر ؟؟؟ انا اشوووفه فاشل وصارله 7 سنوات لايقصووون عليج يقووولون توه نازل
المهم هذا رااااييي وانتو بكيفج وبرفع الموضوووع لج علشااان تشوووفين تجارب البنااات
-----------------------------------------
9-08-2008, 02:39 AM
بنات قبل اسبوعين رحت بشتري جهاز من تلي سين في الفروانية
وبالفعل قالت لي الفليبينية هذا الجهاز جديد وشغلته لي عشان أحربه وقفت عليه الله لا يوريكم صرت اهتز من كل صوب وفيه بعد سرعات
مع إني رايحة اشتري جهاز مشي بس ما اقتنعت فيه ما ادري ليش لأني ما ابذل مجهود يمكن ينزل وزن
بس ما يشد عضلاتي عشان جذي قررت اشتري الجهاز للمشي افضل بكثييييييييييييييييير
وسعرة فوق 100 بس ما ادري بجم اتمنى اني افدتكم
--------------------------
09-08-2008, 02:28 PM
حبيبتي اسمه كريزي فت مساج كان عندي و بعته اهو زين بس طلع لي كرشه و حق الرحم و هالسوالف موذاك الزود فبعته
-----------------------
-08-2008, 02:36 PM
البور بليت = كريزي فت
كلش مو صحي انا وقفت عليه خضني خض ياثر على الرحم موزين بنات ومو صحي
--------------------
11-08-2008, 10:53 AM
والله انا اعرف ناس شارينه واضعفوا عليه حيل بس انا خايف تكون له اضرار مثل ارتجاج بالمخ او تحريك فقرات الظهر
مثل ما قالت الاخت بالصفحه السابقه
---------------------------------
26-08-2008, 12:32 AM
بنات هذا الجهاز خطر؟؟؟؟ الاهتزازات هذي تاثر على كل اعضاء الجسم الداخلية.. الكلية و جهاز التناسلي و المثانه وغيرها... حبيباتي ما لا داعي انعدل شى واخرب اشياء ثانية.... امشى طبيعي احسن... وليش العجله... الشحم المتراكم في اجسامن ما يات بين يوم وليله... اشلون تبين تذوبينها بيوم وليله... ديروا بالكم... الزم ما عيج صحتج....
------------------------------------
31-08-2008, 01:36 AM
جنه حبيبتي حطوو عنه واحس انه مامنه فايده من زماان بقولج شيي لواهوى في فايده و زين ونزل وزن جان الناس تكلم عنه وماانصحج فيه وليش ماتشترين شورت حراري في منه قياسات وبالتوفيق
-----------------------------
11-02-2009, 05:49 PM
اولا الجهاز دة مثلة مثل المساج واللي عاوزة تضعف اكيد مش حتضعف وهي واقفة لازم تتحرك ومش حركة عادية لا حركة سريعة وعلي فكرة ساعة مشي بتحرقي حوالي 300 سعر حراري دة لو كان مشي سريع كمان وعلي فكرة الموضوع سهل جدا بس عاوز ارادة ورياضة ورجيم بس مش جهاز هزاز المشكلة من جواكم انكم عاوزين تتغيرو يعني لازم كل واحدة يكون عندها عزيمة لاني ملاحظة كل واحدة اول متسمع عن شيء للتخسيس تروح وتشترية بدون متفكروتحسبها المهم اللي عاوز يخس لازم يتحرك بنفسة مش حاجة تحركة لانكم كلكم عاوزين تضعفو وانتم نايمين علي السرير طب ازاي واسفة لو اي واحدة زعلت لكن دة اللي انا لاحظتة عليكم وشكرا
---------------------------------------
-02-2009, 04:14 AM
مسآء الخير
أتخيله موب زين
كهربا

وكان فى ناس يأيدووونه انا قلت الى على :eh_s(10):

والله المستعان ويخفف عننا بصحه وعافيه قولو آمين

المنتدى كويتيات هذا هو لى انطرح بس من الارشيف

للى حابين يقرون آراء اكثر لبنات يدشون هالرابط وانا ناسخه رايهم وباقى اراء واجد مانسختها تعبت

http://www.q8yat.net/archive/index.php/t-203741.html

 

[بنت زايد الخير]

صدقتي ياختي ,,,,انا سمعت عنة وايد والبنات يمدحونة وقلت خلني اجربة في المحل والله من جربتة حسيت ان ينزل الرحم مثل ماقلتي وظهري تكسر حتى لوشو بلاش ما خذيتة

 

[نمله سيلانيه]

والله الى يشوفني اليوم يقول هذى مو اللى امس ؟..

امس كنت مصرررررررررررره واحن على امي ابي اشتريه اليوم يعني اليوم قالت مشغوله بعد بكره نروح ونشتريه سبحان الله خيره لاني لوشاريته امس كان طاح بكبدي

اليوم اتصفح النت وادور عنه لاني ناويه اشتريه ابي اشوف طريقه استعماله وانصدمت بكلام الى مجربينه :eh_s(2):

والله كريم .............

 

[نمله سيلانيه]

وشااااااكره لج مرورج حياتي

 

[احلا عجميه]

ثانكس

 

[عرموشة]

شاكره لج

 

[Miss sensitive]

شكراااااااااا

 

[وافية*]

انا عندي الجهاز واستخدمتة جم مرة لان ماصرلة فترة طويلة عندي بس في وضعيات احس انها تخض ارحامي خض لما اكون واقفة بشكل مستقيم بس لما انحني شوي بالعكس حييييييييل مريح واحس انة ينفع لان من اخلص ال10 دقايق جسمي يصير حااااااااار وتحوشني حكة موطبيعية وهذي طبعا من اذابة الشحوم اكثر وضعية ارتاحلها لما اقعد
وانا اعرف وحدة واللة يابنات شايفتها بعيني الجسم صار مانيكان والسبة هالجهاز مع الرجيم بس مورجيم قاسي تحلف انة من هالجهاز بس جسمها ماشاللة مووووطبيعي مع انها كانت اووووووووفر بالسمنة شب خيالي
انا بستشير اخصائية تناسلية وهالسوالف اذا ياثر ولا لا واردلكم نشاللة بس للحين انا اوكي معاة ماحسيت باي عوار لا بالظهر ولاغيرة الحمدللة

 

[كويتيه رزتها ملكيه]

انا المدربه الى كنت اتدرب عندها حذرتنى منه انه يؤثر على الارحام فبعدت عنه

 

[حنون المزيون]

أنا استخدمه صج يخض خض بس له سرعات يعني لا تحطينه فوق الرقم 4

 

[أحلى عيون]

اختي الغاليه انا استخدمه ومافيه اي شي بالعكس والله روعه


واتركوا عنكم سوالف المنتديات والله اذا ما قدرت امشي اروح للجهاز واسوي عليه وبعدين حبوبه فيه سرعات اهيا الي تخض على قولتج بس انتي لا تزيدين عن الحد المسموح

انا حاليا صار لي عليه 6 اشهر استخدمه ولله الحمد ومافيني الا العافيه تبارك الرحمن

 

[نمله سيلانيه]

اب


اب اب


للفائده

 

[أحلى^حياه]

وووووووووووووووويه امبييييييييييييه

زين قلتيلي

 

[maryooma]

بناااات الله يخلييكم مو كل شي ينقالكم تصدقوووونه كل وحدة قاعده تفتي برووووحه ولا وحدة قالت انه دكتووورة قالتلها ولا اي احد متخصص ابهالشي!!!! دام انه هالشي يحرك الرجم على قووولتكم شلون عيل الواحد يركض ويناقز و يركب خيييل!!!جان كل وحده من هالي تقول هالكلام طب رحمها ابحظنها!!!! بنات الله يخليكم الي مو متأكدة من هالشي من الناحية الطبية أو سائلة دكتور ولا تقطع أرزاق الناس وتخرع البنات!! انا جربته ولا حسيييت باللي تقولووونه و مثل ماقالوا خواتي فييي سرعات!!!! الله يهداكم بس

 

[CrEaTiViTy]

مشكوره

 

[ام سليمان]

اب للفائده

 

[شموع & دافئه]

ما يبيلها
اكيد مو زين
انا ما فكرت فيه نهائيا مع ان عندى بالبيت 5 اجهزه رياضيه
وهالجهاز يخض اشفايدته بس خض
حسيت ان يضر اكثر لو يحرك العضلات مثل السير او الاوربت تراك جان زين بس ما فيه الا الخض
ف عشان جذيه استبعدت فكرته من راسى


يسلمو ع الموضوع

 

[Pepsi Cola]

انا من استخدمه ياني عوار بالركبه يذبح حيل مااقدر اثني ركبتي بسبته بس اعتقد لاني على طول استخدم الجهاز بدون لا اسوي تمارين تسخين للجسم قبل
كل جهاز له اضراره اذا مااستخدمناه بطريقه سليمه بس سالفه خض الرحم مااعتقد صحيحه على جذي عيل ارحامنا تختض واحنا صاعدين ونازلين من الدرج او لين نلعب على الستيبس او نط الحبل او اي رياضه ثانيه
انا اشوف انهم بالغوا في الدعايه قالوا ينزل نص كيلو في النص ساعه من استخدامه وفي الحقيقه اهو يكسر الشحم ويخلي الجسم يصير طري

 

[جوااانا]

مشكوره حبيبتي

 

[ام عزيزان3]

حبيبتي انتي حاطه تحذير,,بس علي اساس كلام بنات مومجربينه؟؟
وحده تقول احسه موزين,,والثانيه مومقتنعه,,والثالثه تقول جربته شوي وطلعلي كرش,,والي تفتي من كيفها ان يأثر علي الرحم ولايأثر علي الظهر
انا الي اعرفه من كلام النت والمنتديات ان اذا هبو بشي يمدحوونه كلهم واهم مومجربينه ولاحتي مانطرو يشوفون نتايجه
واذا وحده ذمت شغله الكل يذمها واهو مومجربها,,,الي حطتي اقتباساتهم كلهم مومجربينه الا وحده ام كرش الي جربته فتره قصيره
ونصيحه الي بيسأل عن شغله لايعتمد علي كلام بنات بمنتديات سألوا دكاتره او متخصصين بالمجال او ناس مجربينه فتره طويله وثقه عشان تحكمين
انا اقولج جذيه لان عندي وماشفت مضره منه بالعكس,,وقبل لااشتريه دورت بقوقل افتر راسي من الي يمدح والي يذم
بس في ناس ممنوعين من استخدامه وفي تعليمات محدده