خواتي شلون اشيل زفره لحم الذبيحه؟؟؟

[طالبه]

خواتي انا عندي ذبيحه هالاسبوع واول مرا اسويها بس معاي طباختي بس ساعات تكون فيها ريحه زفر بعد ما تنطبخ شنو تسوون عشان ريحتها تطلع واااو ونكتها عجيبه شنو تحطون مع اللحم واهوا ينطبخ بعد مانشيل زفرته البيضه؟؟؟؟؟

 

[أحلى همبه كويتية]

نصيحة

اول شي اغلي الذبيحة بماي وشوية دارسين
لما تطلع الرغوة


بعدين غسليها عدل واسلقيها بماي ثاني نظيف
لأن الرغوة اهي الزفرة

وكثري من الدارسين والقرنفل والهيل
+ الكركم + بهارات اللحم
+ بصلة وطماطة مقطعة نصين ( هي تساعد في ازالة الزفرة )

انا هذه طريقتي


ولما تقلينها

دهنينها بخليط ماي ورد + زعفران وشوية صبغه زعفران حسب رغبتك + رشة من بهارك

وبعدين اما تقلينها او تدخلينها الفرن تتحمر

وشمي الريحة
وعليكم بالعافية

 

[جارة القمر]

احلي همبه كويتيه



كلامه عدل



انا اسوي جذيه


http://www.q8yat.com/showthread.php?t=480854

 

[غاية مرامي]

نفس طريقه احلي همه:ggdw:

البهارات العدله مع شويه بهارات مطحونه وبصله مقطعه تشيل الزفرة

وبعدين حبيبتي زفره اللحم تعتمد علي اللحمه انا ماااحب الا الاسترالي من المواشي تطلبينه

لااااااافيه زفره ولاشي ناااطع وطبعا مع الطبخ العدل بالبهارات

ان شاااءالله فدتج حبيبتي

 

[داجستيف]

رد : خواتي شلون اشيل زفره لحم الذبيحه؟؟؟

واااااااااي مثل مشكلتي بس اشلون اغليها مرتين تقصدون مره عشر دقايق ومره عشااان تستوي

 

[شيري]

الحمدلله انا طبخي للذبيحه لا ينافس سوي طريقتي وانتي مغمضه بس اذا ظبطت دزيلي مسج عالخاص ...اول شي نقعي الذبيحه بماي فاتر مايل للدافي لمدة ساعه وافركي اللحم بايدك عدل عشان في دم لازق يطلع وقطي الماي ورشي نص قلاص خل للذبيحه وبعدين غسليها بماي صافي الخل بيطير الريحه والزفره ... اخذي الر اس وغسليها عدل ودخلي الماي من الحنفيه بالخشم وبعدين طقي الخشم بشي ثقيل لحد ماتلاقين دوده تطلع من الخشم واخذي الراس وشلوطيها عالنار لحد مايحترق الشعر الباقي بالراس وفوحيها بجدر بروح مرتين اول مره ببهارات وقطي الماي وردي حطي البهارات مره ثانيه ...اخذي الرقبه وقطعيها قطع وسوي عليها مرق قرع وكوسا وبطاط بجدر بروحه ... وغسلي القصبان ولفيهم كنهم ربطه وغسلي الكبد والقلب والكلاوي بعدين حطي جدرالماي بدون اي شي ولما الماي يفوح حطي الذبيحه وشيلي الرغوه كل شوي لحد ما يصير مافي رغوه كلش ...حطي بماي الذبيحه 2ملعقه كزبره حب - ملعقه فلفل اسود حب - ملعقه مسمار حب - ملعقه هيل حب - 3 اعواد دارسين - 10 اوراق غار - حبه فلفل اخضر حار - 3بصل مقطع مكعبات -2فص ثوم مقطه شرائح - 1ملعقه جنزبيل فريش مبشور - لوميه وحده وبعدساعه وربع شيلي جنوب الذبيحه وخلي باقيها يفوح نص ساعه...واذا خلصت واستوت تكونين خالطه من الاول : ملعقه صغيره زعفران - استكانه ماي ورد - ملعقه صغيره هيل ناعم - مكعب ماجي وامسحي الذبيحه فيهم ودخليها الفرن تتحمش خفيففففففف لا تخلينها تحمر .... اتمني اكون افدتك واذا تبين اي مساعده بالحشو والعيش دزيلي عالخاص اعطيك طريقه مظبوطه:rerrerek:​

 

[كيكه شوكولاته]

الهيل الحب يطير الزفره

 

[موس شوكليت]

رد : خواتي شلون اشيل زفره لحم الذبيحه؟؟؟

حلو ومنكم نستفيد:eh_s(15):

 

[طالبه]

فديتكم والله يا خواتي ما قصرتوا ادعوا لي ترا جنه امتحان ههههههههه

 

[شندوخه]

الخل عجيييييييييييب

 

[barbie_78]

انا اقولج وامرى لله
هذى اسرارى وما اعطيها غير للغاليات والله يعلم
شوفى غلاتي اول شى غسلي اللحم عدل مدل وديرى بالج اتخلين فيه نتفه شعر
لانه ساعات ايكون عالق فيها شعر من الفروة
عقب ماتغسلينها اتيبين الجفل مال الخروف
هذا الدهن الابيض ماله وتقصينه مكعبات
اوك
وتحطينه على النار بالجدر وتحركينه ليييييين يذوب وتطلع ريحته ولونه ايصير احمر
اهنى عاد تحطين اللهم عليه بس ديرى بالج وانتى تحطيه
وقلبيه اللحم عدل وتالى حطى عليه بهاراتج الناعمة وحطى (فلفل اسود وهيل ومسمار وهيل اسود وبهارات حلوة اللى تكون حبتها مدورة وبنيه وورق الغار
وان ما دعيتيلى عقيها ما اكون انا
تدرين شلون جربي كيلو بالاول قبل العزيمة طبعا وشوفى النكهة
وبعدين لى نضي اللحم رشى عليه شوية بهارات وكركم و حمرية في شواية الفرن
او اقليه فى شوية زيت
واى استفسارات انا حاضرة

 

[barbie_78]

نسيت اقولج بعد الزنجبيل اليابس تلقينه صوب البهارات قطع مجففه هم نكهتها عجيبة

 

[barbie_78]

والبصل لا تنسينه طبعا

 

[ديانا سبنسر]

:n2006107::n2006107:

 

[أم لورين]

أول شي سوي الكشنه حقت الي هي البصل والثوم و.... الخ أخره زيماتحبين وبعدين لي صارت المرقه تغلي شيلي الزفره حقتها كل ماطلعت وضيفي عليها ورق غار أذا مو عندك جيبي ليمون وقصيها بنص وخليها تطبخ وقبل تكبين الرز طلعيها