السلام عليكم بنات شخباركم
بنصحكم نصيحه لوجه الله
بنات قبل العرس ماله داعي الحريم اللي يجون للاستقبال اللي قبل العرس " العانيه "
يشوفون شقة المعاريس الناس ما تعطي خير
بقولكم سالفة خالتي من عقبها حرمت توري احد شقق عيالها*
بس عقب شنو ..*
سالفتها ولدها قرب عرسه وقبل العرس سوت استقبال عقب الحريم توريهم الشقه*
المهم ولدها تزوج وما ارتاح بزواجه من يدخلون الشقه يتهاوشون ويتناجرون ما يقدرون يقعدون فيها*
المهم قالت خالتي سافرو غيرو جو سافرو وهناك مثل سمنه على عسل*
وان ردو تناجرو لين الولد قال لامه الشقه فيها شي نفس او شي*
تخيلو ما قدرو يصبرون وتطلقو بعيد عنكم*
مع انهم يحبون بعض بس ما يقدرون يتمون مع بعض*
حسبي الله ونعم الوكيل*
وعقب شنو خسرو على العرس والمهر والشقه وتعرفون المخاسير*
كل من عيون الناس*
وبالبنات انتو ادرى بمخاسير العرس حرام اخر شي تروح وما يتم*
نصيحه نصيحه لوجه الله*
الاستقبال اللي قبل العرس لا تورون احد شقة المعاريس هذي شقتهم خاصه لهم*
واذا احد صر انه يشوف الشقه تحججو انها للحين ما خلصت والا المفتاح ضايع*
هذي نصيحه مني لكم من تجربه خالتي و ولدها*
وغير انهم يفزون يمكن وحده تكون عدوه وتقط شي سحر او شي
وانا سمعت سالفه انه وحده حسبي الله عليها قطت سحرها عشان تشوفها مفعوله قوي والا لا
اذا قوي بتكته لوحده تعرفها حسبي الله ونعم الوكيل
قال الرسول صلى الله عليه وسلم " ذنبان لا يغفران الشرك بالله والاضراربالناس "
ارجوكم بنات اذا تقدرون تنشرون هالموضوع للفايده انشرو الله يجزاكم خيرا..
بالواتس اب بالبي بي بتويتر بجميع مواقع التواصل الاجتماعي
عشان اللكل يتحرص
