داري مسكني وراحتي(باللوك الجديد)الكلاسيكي

[*الهنوف*]

مرحباااااااا:eh_s(7):

غريت ديكورات داري وحبيت اشارككم معاي واسمع اراءكم

ماراح اطول بالحجي

هذي داري قبل

يالله نكمل

*
داري قبل كانت الوانها فاقعه وما انصح اي احد يسوي غرفة النوم باي لون فاقع او اسود لان بسرعه يمل من اللون الحاد
تغيير غرفتي تري ماطول بس انا طولت بالتصوير ومانزلت الموضوع بسرعه
يعني يمكن بس قعدت ٧شهور وغيرتها

هذا رابط موضوع الغرفه القديمه وفي صور اكثر

http://www.q8yat.com/t890811.html

*******

الحين ببدي بالعده المستخدمه

خذيت ورق جدران وعدته من ابيات

وصبغت الخطوط البرتقاليه باللون الرمادي
بعدها لزقت ورق الجدران(اعتمدت عاليوتيوب بطريقة لصق ورق الجدران،،شفت جم فيديو وتعلمت)

الباجي سهل بس تغيير فرش

الشكل العام
بإضاءة الشمس الشموسه

وهني بإضاءة الابجورات (جوري الليلي:eh_s(22):

الابجوًات خذيتهم من ايكيا
وكوشيات ماحصلت للحين شي يدش مزاجي فخليتهم بدون تلبيسه
كفري والستاير طقم من سنتر هوم*
اما الستاره الداخليه الشيفون من ايكيا
الغنفه ملبستها كفر عشان لاتتوصخ*

ازمتي الابديه تواليتي(التسريحه)
للحين موقاده اضبطها ودي اشيل كل شي من علي التواليت مليت من التنظيف والغبار..بس اذا الشي مو جدام عيني مستحيل استخدمه وانساه

مكياجي بالدروج الملونه

غيرة التلفزيون واخيرا:eh_s(9)::eh_s(9)::eh_s(9):

واي استفسارات تفضلوا وقولي لي رايكم ونقدكم *البنااااااااااااااء:eh_s(7):

 

[*الهنوف*]

تعديل

 

[KOKO_284I]

حلوه

بس هم رديتي للغوامج احس ولا التصوير ظالم الغرفه

وورق الجدران وايد حلو

 

[*الهنوف*]

حلوه

بس هم رديتي للغوامج احس ولا التصوير ظالم الغرفه

وورق الجدران وايد حلو

حلت دنياج
لا بالعكس مافيه غوامج الرمادي جدا فاتح
شوفي الغرفه باليتات مو باضاءة الشمس

 

[*الهنوف*]

واي بدلياتي عجيبه بالموضوع
طوفوها

 

[أم بتول*]

حلوة ومرتبة ما شاء الله تتهني فيها
بس بدي منك مساعدة بخصوص لصق ورق الجدران انا بدي الصق ورق جدران بغرفة بناتي ويا ريت تكتبيلي طريقتك لو سمحتي أنتظر ردك

 

[LaMaR al q8]

عجيبه

اتهنين

 

[نبض الجود]

حلوه
بس آحسس قبل آحلى في آلوان منعشه ..
آلحين آحسسهآ بآهته ..
دخلي لون ثآني بالاكسسوآررآت .. وكوشيآت الغنفه يصير آحلى ..

​

 

[كـويتية]

غرفتج تووب بس انصحج نصيحة الغرفة لا تحطينها كلها لون واااحد

اكسري اللون يعني انا غرفتي بين البني والبيج وقلت بيتنا كله لون الممرات والصالات تقريبا نفس درجة غرفتي رحت كسرت اللون بلون اخضر فاتح طلع ينن حطيت القنفة والمخدة اخضر والبردة طقم الكفر بلون اخضر وبني

بس حبيبتي واللي يعافيج بجم ورق جدران من ابيات وبجم البردة والكفر او البردة بروحه

انطر ردج

 

[HaAaDoOol]

اي صح حطي الوان فرررش هع

مو حلو تكون الالوان باهته

بس تبين الصراحه غرفتج حلوه

بس لو تدخلين شويةة الوان مو لون واحد الله يهداج

تتهنين فيهاااا

 

[منوووووله]

زيدي لون وردي او فوشي ينعنش الغرفه ماشاءالله مساحتها حلووه وتقدرين اتبدعين كثر ماتبين

 

[موزة ام فارس]

غرفتج حلوة تتهنين فيها ان شاء الله

 

[اميره1980]

عليج بالعافية
بس رايي الشخصي غرفتج اول احلا بوايد الحين احس ما فيها حياة
مع اني ما احب اللون البرتقالي بس غرفتج اول احلا

 

[الأميرة جوري]

حلوووووه

 

[.]

شيقولون للغرفه اليديده ؟ غرفه مباركه

اهي زينه بس نفس ماقالوا البنات دخلي لون احمر او فوشي او وردي اذا تبين شي هادي كسري فيه لون والجمود اللي صار بالدار ..

وعليج بالعافيه ..

 

[ŦSЩД3УФИУ]

تتهنين ان شالله عليج بالعآفيــةة

بس مثل ما قالوا البنات دخلي لوون مفرفش شوي
بس على اساس يصير بالغرفـة شوي حيـآاة



..

 

[al-musk]

صراحه برافو عليج اذا كل هذا مسويته بنفسج ماشاء الله

وكسري لون القنفه بلون هادي وحلو ولايق

 

[يـاسمينا]

عليج بالعافيه حياتي ,
شوفي بعطيج رايي وفكري فيه لوول ..


حطي التسريحه مكان الكبت والكبت مكان التسريحه ,
راح يعطيج مساحه حلوه ومنظر احلى ,


لان شكل الكبت مجابل السرير كلش مو حلو ..


وفوق التلفزيون حطي ساعه شكلها ذرب يناسب الوان الغرفه ,
وفوق السرير حطي لوحه ناعمه او منظر حلو ,
لان غرفتج ناقصها لوحات وتسير بيرفكت ..

 

[*الهنوف*]

اشكركم جميعا علي ذوقكم بالرد
ونصايحكم الحلوه
وفعلا انا ودي ادخل اللون اليموني بالكوشيات والكفر

غرفتج تووب بس انصحج نصيحة الغرفة لا تحطينها كلها لون واااحد

اكسري اللون يعني انا غرفتي بين البني والبيج وقلت بيتنا كله لون الممرات والصالات تقريبا نفس درجة غرفتي رحت كسرت اللون بلون اخضر فاتح طلع ينن حطيت القنفة والمخدة اخضر والبردة طقم الكفر بلون اخضر وبني

بس حبيبتي واللي يعافيج بجم ورق جدران من ابيات وبجم البردة والكفر او البردة بروحه

انطر ردج

ورق الجدران الرول ب 18 والبرده علي 11 والكفر علي شي و30

 

[*الهنوف*]

حلوة ومرتبة ما شاء الله تتهني فيها
بس بدي منك مساعدة بخصوص لصق ورق الجدران انا بدي الصق ورق جدران بغرفة بناتي ويا ريت تكتبيلي طريقتك لو سمحتي أنتظر ردك

طريقة سهله جدا بس دوري باليوتبوب تعليم لصق الورق
وانا لما خذيته من ابيات قلت للبايع علمني الطريقه

عليج بالعافيه حياتي ,
شوفي بعطيج رايي وفكري فيه لوول ..


حطي التسريحه مكان الكبت والكبت مكان التسريحه ,
راح يعطيج مساحه حلوه ومنظر احلى ,


لان شكل الكبت مجابل السرير كلش مو حلو ..


وفوق التلفزيون حطي ساعه شكلها ذرب يناسب الوان الغرفه ,
وفوق السرير حطي لوحه ناعمه او منظر حلو ,
لان غرفتج ناقصها لوحات وتسير بيرفكت ..

صح كلامج يبي لها لوحات
بس اني انقل الكبت مستحيل
لانه ماينشال تدرين ان تحته ماكو موكيت قاصين حوالينه :d
والتواليت بعد بليه لما نقلته من مكانه طاحت المنظره وانكسر بروازها وعواميدها الحين تري مثبتتها عالطوفه
وهم قاصه الموكيت من حوله