داري مسكني وراحتي(باللوك الجديد)الكلاسيكي

[RN ALJRS]

بالعكس صارت تهبل بس عندج تركوازي واخضر وفوشي وبصلي حلوين تتهنين فيها يارب

 

[*الهنوف*]

بالعكس صارت تهبل بس عندج تركوازي واخضر وفوشي وبصلي حلوين تتهنين فيها يارب

والله محتاره مرات اقول فوشي ومرات ليمونيً وشوي اقول بنفسجي

 

[سندس 90]

غرفة ماشالله كبييييره
ممممم الغرفه لو تغيرينها " اقصد السرير والتواليت والكمدينو " اشتري أثاث أمريكي يطللع راااقي على غرفتج
وحطي لونه ابيض وخلي يحط شكثثر مقسمات وادراج لج
والفررش " السجاده " روووعه ماشالله لا تغيرينها
عموماً بشكل عااام حلوه قبل والحين
تهننين فيها ان شالله

 

[حضرت الموقف]

عليج بالعافيه حبيبتي

الاثنين ماشاءالله حلوين وذوقج يهبل

 

[السليلة]

بالعافيه حبوووبه

 

[Maybe_87]

تتهنين فيها يا رب
وحلوة الألوان الهوادي
أتوقع مع الليموني تطلع الغرفة واااااو

 

[أم زنوبة]

يعطيج العافية

بس عندي تعليق
1-طريقة الصبغ ما تغيرت يعني القديمة كان فيها خطوط انتي رديتي الخطوط الي زدتيه الورق جدران بين الخطوط
كان المفروض تغير بالصبغ وطريقة الورق جدران

2-اللون يحتاج تدخلين عليه لون يكسر البرود الي صاير بالغرفة

3-خام الستارة حيل واقف وموحلو تجطين لون الكفر نفس الستارة خصوصا انهم يم بعض

4- التغير مالاحظتة بديكور الغرفة كل شي ضال مكانة لازم تغيرين مكان التسريحة والسرير والقنفة عشان يصير لها لوك يديد

وتقبلي تعليقاتي

 

[Huda alotaibi]

حلووو بس الغنفه ليه مغطتها والطاوله ماله داعي والكفر والبرده اختاري لون ابيض او رمادي

 

[*قمر 2005*]

بصراااااحة غرفتج صارت 
وانت بعد 
باسم الله عليج باين عليج سنعه ترتيب ونظافه

 

[استبـــرق**]

حلوة ماشاء الله
بس لو مغيرة ثريات الغرفه

 

[استبـــرق**]

بغيت اسالج من وين اخذتي ادراج المكياج الملونه ؟؟

 

[مملكه الرشاقه]

عليج بالعافيه عالشغلات اليديده بس يبي لها تغير لو حاطه الكبت مكان التسريحه افضل والتسريحه مكان الكبت مع الشفنيره ودخلي الوان ثانيه معاها

 

[*الهنوف*]

ثانكيو عالملاحظات

يعطيج العافية

بس عندي تعليق
1-طريقة الصبغ ما تغيرت يعني القديمة كان فيها خطوط انتي رديتي الخطوط الي زدتيه الورق جدران بين الخطوط
كان المفروض تغير بالصبغ وطريقة الورق جدران

@اي مو حبيبتي انا سويت بيدي فماقدر اسوي الا اغطي اللون القديم
وانا مفلسه ماقدر علي فلوس التركيب الورق ولا الصباغ

2-اللون يحتاج تدخلين عليه لون يكسر البرود الي صاير بالغرفة

@صح وهذا راي كل البنات وراح ادخل


3-خام الستارة حيل واقف وموحلو تجطين لون الكفر نفس الستارة خصوصا انهم يم بعض

@صح انا بعد ماحبيت خامتهم

4- التغير مالاحظتة بديكور الغرفة كل شي ضال مكانة لازم تغيرين مكان التسريحة والسرير والقنفة عشان يصير لها لوك يديد

وتقبلي تعليقاتي

@مااااااااقدر اغير اااااااخ الاثاث ثقيل لدرجة ماكو تحتهم زل بس بالخطه الخمسيه الجايه باخذ اثاث من ايكيا ناعم وخفيف

 

[كنوشه كنش]

جميله

تتهنين فيها يــاآ جميله

 

[×كبرياء ملوكـ×]

مشالله
عليج ب العافيه حبيبتي
ادراج المكياج روعه
من وين أخذتيها ؟

 

[حلآ الدنيآ]

حلوه .. تتهنّيين فيهآ حبيبتي 3>

 

[كرآميل]

كسـري الـوون عشـان تتوازن الوان الغرفه
وبالبـركه الغرفه اليديده

 

[نقش حنه]

ماشاء الله مرتبة وحلوة تتهنين فيها

 

[{نور الليالي}]

حلووووة صااارت


عجبتني لانه الوانها هادئة تصير واايد حلووة

 

[خفايا الروح93]

الله يبارك لك فيها ،، فعلا تتاج لون فرايحي
ماشاء الله تبارك الله مساحة غرفتك حلوة ،، تعمريها بالطاعات يارب