داشني هوا و حيل تعبانة

[دلوعة روحي]

شلونكم بنات

صارلي اكثر من 10 ايام احس بعوار بمنطة الظهر و البطن

كانوا شاكين فيني حصوة بالمرارة و سوولي سونار و كل شي طبيعي

امس و انا اتغدا بالافنيوز حاشتني دوخة و عوار مو طبيعي

و طيراان عالمستشفا و حطولي ابرة بسكوبان مع الدريب

بس بشكل عام حاسة ان جسمي مكسر و مع كل نفس احس بعوار

امي تقولي هذا هوا داشج

يا ريت احد يساعدني بعلاج شعبي

لان ادوية المستشفا الحكومة و الخاص ماقاموا يحلون لي المشكلة :eh_s(16):

 

[قاهره عذالي]

رد : داشني هوا و حيل تعبانة

يمكن ارهاق

اشربي اعشاب

بردقوش نعناع زنجبيل بحليب دارسين

يمكن ترتاحين

 

[zaina alotibi]

رد : داشني هوا و حيل تعبانة

اذكر الوالدة كانت تقول اذا شي عورج وانتي تاخذين نفس يكون معناته داشج هوا , سوي تحليل دم شامل واقري على نفسج والله يشافيج ويعافيج ( اسال الله العظيم ان يشفيج )

 

[دلوعة روحي]

قاهرة عذالي

تسلمين يا قلبي ما قصرتي









زينة

سويت تحاليل و كلها طبيعية

و تسلمين على الدعاء ما قصرتي

 

[قطوة@@]

سلامات دلوعه روحي ما تشوفين شرر

 

[دلوعة روحي]

الله يسلمج من كل شر يا قلبي ما قصرتي

 

[زلابيا]

ما تشوفين شر حبيبتي دلوعه ..

انا مثلج من يومين احس اب دوخه فجأه وراسي يعورني وابي انام واتعب حيل

قالولي داشج هواا

جربي اتسوين كاسات هوا وان شاءالله ترتاحين

 

[دانة بعين بحاري]

ماتشوفين شر
نفس حالتي

 

[أنوار العشق]

رد : داشني هوا و حيل تعبانة

أشتري بخور الهوا عند العطارين وأحسن عطار أبوسعيد اللي بالفردوس قطعه 3 قوليله أبي بخور الهوا وتبخري من تحت وبعدين تلحفي عدل وبخري أذونج بعد ولفي ملفع ونامي .. وتقومين الصبح مافيج ألا العافيه إن شاءالله
وإذا هوا بعد البخور مباشره أول ماتنامين راح تحسين جسمج ينمل هذه هوا ..

وإذا الفردوس بعيده أنتي سوي بالبيت .. بخور الهوا ( قشر البصل + حب قهوه + حبة مره + أوراق الحناء ) وبس

 

[دلوعة روحي]

استغفر الله وقت البرد ماصار فينا شي و يوم دفا الجو شوي طلعت الامراض



زوزو

الشر ما اييج

ما تشوفين شر

تعرفين مكان مضمون ؟

يعور ؟؟









دانة

الشر ما اييج و ما تشوفين شر









انوار

فديتج ما قصرتي

و الله لاني قاعدة احاتي الدوام

مادري شللون بداوم و انا 24 ساعة بالفراش ماني قادرة اقوم

 

[دلوعة روحي]

مكرر

 

[نـ(المطيري)ـازكـ]

شوفي اذا داشج هوا .. تلقين في المستوصف او الصيدلية حبة اسمها حبة الفحم جنة !! لانها لونها اسود .. يمدحونها للهوا ..

وماتشوفين شر

 

[ماتطيق الصبرا]

ماتشوفين شر

عليك بالفلفل الحار الاسود مع الحليب يمدحونه

 

[۩۩ الجـــــود ۩۩]

هوا

تبخرى وبيروح ان شاء الله

انا صارلى وتبخرت وراح العوار

 

[دلوعة روحي]

تسلمون بنات

ما قصرتوا

سويت تحاليل و مشخصيني روماتيزم