دايسو دايسو حبيب الشعب دايسو

[أحلى الجياكر]

تسلمين كوين على الموضوع الحلو
إن شاء الله أحط جم شغلة

 

[مسك 3]

حلوين وايد شكرا كوكو

 

[رمانه كويتيه]

مافيش صور يا حبيتشييي


المشكله كل اللي مكتوب عالاغراض بالياباني واللي يشتغلون احسهم يخورووونهمايعرفون هذا لشنووذاك لشنو ..:\

انا نفسج تضايقت من هالشيى قتله انا ماعرف اخذ شيى لانه ما ادرى شنو استعماله كل باليبانى مكتوبه


تدرين اشرد عليى قالى خلال 3 شهور راح يكون كل شيى مترجم راح نكتب على السلع كل شيى بالعربى

 

[.]

مشكوره كوين..

اند رفرف..

عليكم بالعافيه..

انا بس رحت له مره اللي بستي سنتر السالميه ماعجبني شي وطلعت ب10 ك .د

 

[MY_HART]

وااااي رووعه والله ما عمري رحت ولااعرفه

بس بنات وين صاير ؟؟؟؟


ومشكووره حياتي كوين ورفرف على الصور

 

[missq8_6]

خوووش شغلات يبيله دايسو

بس المشكله لما اروح هناك افج حلجي

مشكووره اللي حطيتلنا عن هالشغلات الحلوه واهم شي الحركه مالت الريل وايد حلوه

 

[ضحكة الدنيا]

خوش موضوع تسلمين حبوبه

 

[النويرة]

للأخت :my_hart واللي ما تعرف مكانه فيه منه فروع
فيه بالسالمية بستي سنتر
وفيه منه بالشويخ بس ما أتذكر بالضبط مكانه لأني كنت رايحة العام اشتري أشياء للبيت وتفاجأت بوجوده
وفيه بعد بالفروانية قريب من الجمعية والعربيد .. على نفس الشارع اللي فيه العربيد كملي وبتشوفين لوحة كبيرة مكتوب عليها بالألوان دايسو

 

[لعيـــ ترخص أرقاب ـــوني]

والله يبيلـــه علاق الشيــل ,,

انا خبـــره بدايســو ,, بس كله تلقيني عنــد التحف والأشياء الخشبيه

تشكرااااااااااااااااااااات دانسنق

 

[ام مضاوي]

بنات انا بعد ماعرفه بس مار علي اسمه

الي بشويخ؟؟ويييييين بالضبط

ياريت توصفون مكانه

 

[نطوووعه]

خوش خوخه مشكوره عالمعلومه

تلقونه بشويخ يم homes r us بضبببببببط

 

[نونو ام كشة]

اشياء عجيبة هاليابانيين ما خلو شي

 

[شكليطه]

واااااااااااااااااااااااي حسافه كنت كاتبه رد شطوووووووله

واخرتها طفا الكمبيتور



المهم احب اقولكم جم شغله استفدت منها من داااااااايسو


طبعا احلى واحد مال الشويخ



#شريت منهم مثل جياس صغار حق الجاي..........يهبلون
اول كان عندهم واحد نوعيته مثل الورق او شي جذي مادري شسمها بس لونه بيج غامج

بس قطعوه......الحين ماعندهم الا نوع واحد لونه ابيض وخامته مثل الشاش
او مثل التي باق العاديين لبتون وربعه

تنفع حق الاعشاب اللي تشترينهم من المطحنه
بدال لايخربون المطاره ويطلعون لج بالكوب......هذا الجيس ينفع


وبعد عندي استخدام ثاني لهالجيس من اختراعي

قمت احط قطن وكمفورت وماي واي عطر ابيه.....وعقب ما اخلطهم احطهم بهالجيس واعلقهم بالكبت

وناااسه.........يصير عندج معطر احلى من الجمعيات


# الشغله الثانيه اللي عجبتني.......عندهم جهه الغسيل وهالسوالف
مثل شبكه او جنطه صغيره......يسمونها بالانقليزي لاوندري نت

يعني شبكه الغسيل

المهم في منها احجام........تقدرين تحطين فيها اللانجري او اي ملابس رقيقه وناعمه عندج وخايفه لاتغسلينها بالغساله

انا احط ملافعي.....واحط بلايزي الحراير والشيفونات

واقطها بالغساله
والله شحلوووووها......سوت شغل

#ومدامنا بجهه الغسيل.......راح تشوفون عندهم كرات ملونه....خضرا وورديه وبيضه

هذي سألتهم شنو استخدامها........قالوا تقطينها بالغساله وتصير مثل المفراكه تفرك الملابس


عجييييييييبه

جربتها اول شي على دلاقات اخواني عزكم الله
وانتوا تعرفون شلون صعب يتنظفون خصوصا اذا كانوا وصخين

والله حطيت هالكور.............عقب 3 فرات بالغساله.......والا الدلاقات تلللللللللللللللق بيضه تينن




=====يتبع

 

[شكليطه]

======نكمل

# عندهم بعد مواعين الكيك عجيييييييييييييبه......خصوصا اللي لونها بني
جنها جاهزه. اللي على كرتون....في منها مدور(3 مع بعض) ومستطيل....ومدور وبالنص مفتوح (نفس قوالب الكيك العاديه).......حلو تسوين فيها الكيك وتطرشينه.......وتفتكين لا تحاتين ردوا الماعون والا ما ردوه

او تسوين الكيك وتخلينه يبرد وبعدين تفرزنينه


# واخذ بعد من دايسو العلب البلاستك الفاضيه ......فيها اشكال والوان

البخاخات تلقين نفسهم بسوق بو اميه.........لكن في انواع لا والله ما شفتها عندهم

بعضهم احط فيه خلطه كريم اساس......وبعضهم كريم لوشن.,..,وبعضهم بودره تلك........واحطهم بالجنطه.........صغار ولاياخذون مكان

واكو نوع معين منهم......وحده تصير لي تاخذه وتحط فيه خلطه زعفران وماي ورد والا ماي لقاح.....حق ريلها بالدوام

# عندج بعد من دايسو جهه ادوات المكتبه والكمبيوتر........شغله تحطين فيها الوايرات اذا كانوا طوال وايد ومخربين شكل الديكور عندج


(ادري الوصف صعب بس شسوي ما يشتغل البلوتوث والا جان حطيت الصور)




----------هذا الللي اتذكره الحين.......واذا تذكرت شي بعد اقولكم

 

[أسمى حب]

يعطيج العافيه شكليطة


يبيلة دايسو

 

[Pink GirL]

انا اليوم رحت دايسو وخذيت 3 شغلات واسم الله عليه ولد اختي خذا جم لعبة بس مالحقت اصور الا اغراضي

مشط للشعر المبلل
علاق كيتي حق اختي
مناديل تتثبت على المشط علشان لما تمشطين سهل عليج تشيلين الشعر اللي طاح

 

[jolie_q8]

انا مره وحده رحت ...بس ما تآلفت بسرعه وياه !! مادري ليش

بس خذيت العاب حق اليهال وخذيت مناديل حق الاطفال (حق الحراااراه -كمادات)

وبس

بنك : حلوه فكره الكلنكس مالت المشط


متابعينكم

 

[آسيااا]

يبيلنا دايسو
صراحه شي عالدايسو وانا احب هالشغلات
يعطيج العافيه ماقصرتي

 

[أم روعة]

انا دخلته اكثر من مرة اللي بالسالميه بس ما عرفت شاخد عشان شغلهم كله بالياباني.. بس الحين بروح مرة ثانيه في شغلات واايد اعجبتني بالموضوع بروح اخذها
اي اذكر اني خذيت صينيه صغيره ذربه تكفي قلاس واحد او فنجان قهوة تركيه حلو شكلها احسن من انج تحطين صينيه عوده على قلاص واحد
طبعا حق استعمالكم مو للضيوف ..

 

[miss-Kuwaiteya]

انا عجبني العلاق مشكوره كوين عالموضووع