دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

[Tulips]

السلام عليكم بنات :balo:



اشلوونكم وشخباركم ..

مثل ماهو مكتوب بالعنوان .. اكيد بيوم من الايام كان حق كل وحده فينا معتقد خطا عن العناية ابشرتها .. وهالشي اثر سلبا على بشرتها ..

مثلا ..


انا عن نفسي كان دايما عبالي انه الماي الحار اهو اللي ينظف البشره من الاوساخ والدهون .. بس الصج انه الماي الحار اهو اللي يهيج البشره ويطلع الحبوب فيها

وهم الفرك القوي بالصابون او السنفره .. انا عن نفسي صراحه كنت افرررررك وافرك جني افرك بجدر :050103nbh_prv: بس طلعت هالكرحه مو زينه على البشره و تتلفها


وبعد جمعتلكم من النت اشياء عن نفسي جم شغله منهم اول مره ادري عنها ...


1. بقع الحمل تظهر فقط عند الحوامل- غير صحيح! بقع الحمل قد تظهر ايضا عند استعمال حبوب منع الحمل.

2. سيصبح شعر الرجلين خشنا اذا قمت بحلاقته- غير صحيح! بعد الحلاقة سيكون الشعر مقصوص ولهذا تشعرين بانه خشن وكثيف. الحلاقة ليس لها أي تاثير على كثافة وخشونة الشعر.

3. يمكن ازالة جميع انواع الشعربالليزر- غير صحيح! فقط الشعر الغامق يتاثر من الاشعة وسيزول، ولكن لا يزول دائما من اعماقه، لذلك قد يعود لينمو.

4. الكريم الواقي( s.p.f.15 ) يحمي طوال النهار- غير صحيح! يجب تجديد وضع الكريم كل ساعتين ونصف. من الصحيح انه كلما ارتفع عدد الواقي كلما حصلنا على وقاية اعلى، ولكن ذلك لا يؤثر على مدة الوقاية. يعني مهما كانت درجة حمايتج قويه .. لازم تجددين الكريم كل ساعتين

5. يوجد انواع اغذية تؤثر سلبيا على حبوب الوجه- غير دقيق! لا يمكن القول ان بعض الاغذية تؤثر سلبا على حبوب الوجه. بشكل عام الامر متعلق بعدة معطيات، ولكن حالة التوتر مع تناول كميات كبيرة من المكسرات قد تؤثر سلبا بسبب دمج التوتر مع الزيوت والاملاح.

6. تغيير الكريم من فترة لاخرى امر جيد، لان البشرة تتعود عليه ويفقد تأثيره عليها- غير صحيح! البشرة لا تعتاد على الكريم. المواد الفعالة في الكريم تستمر في التاثير طوال الوقت. مع هذا يجب ملائمة الكريم للجيل وفصول السنة.

7. استعمال الديودرانت خطير بسبب املاح الالومنيوم- غير صحيح! تمنع املاح الالومنيوم التعرق، ولهذا يمكن مرور الصيف بسلام.

8. العلاج بواسطة زيوت عطرية يسبب بقع جلدية- صحيح! تنتج بعض الزيوت العطرية مع اشعة الشمس بقعا، لذلك يمنع التعرض للشمس اثناء استعمالها.

9. العناية الطبيعية بالبشرة صحية اكثر من العناية العادية بالبشرة- غير صحيح! في النباتات ايضا قد تتواجد مواد تثير الجلد والبشرة.

10. يكفي غسل الوجه بالماء- غير صحيح! المياه لا تنظف او تذوب المواد التي تفرزها البشرة. كذلك، المياه في البلاد قاسية وتترك كلس على الوجه. يجب غسل الوجه مع صابون خاص.




يالله بنات اتحفونا بمعتقداتكم الغلط اللي ضرتكم اكثر ماهي نفعتكم سواء بالبشره ولا بالشعر ولا بأي شي يتعلق بعنايتكم .. عشان البنات يستفيدون

المايك لكم :eh_s(7):

 

[al-musk]

عجبني الموضوع..شوفي قلبي أكبر غلط كنت أسويه ان لما نقشر الركب لازم الترطيب يكون قوي ومستمر عشان نحافظ على النتيجة وهالشي طبعا ماكنت اهتم فيه بعد كل تقشير ونرد لنفس الحالة ولاجني سويت شي

وعشان احافظ على بياض المنطقة الحساسة لازم التهوية يوميا لو ربع ساعه ومانخلي المنطقة مكتومة واهم شي تنشيفها بعد كل حمام من الماي ومايتم فيها رطوبة وطبعا شرب الماي شي اساسي وهو بعد الي يحافظ على تفتيح المنطقة وصحة البشرة بشكل عام..

وأكبر خطأ هو لما كنت امسح مكياج العيون بكلنكس مع الكريم وهالشي يجرح المنطقة حول العيون ولازم قطن..

وان المنطقة الحساسة لما نبي نشفها من الماي مانستخدم الكلينكس لأن كله مبيضات وكيماويات ومواد ضارة وهالشي هو الي يخلي الإلتهابات متكررة وبدون سبب ولازم نستخدم فوط صغار ونخليهم بس حق هالشي أنظف وأحسن ( هالكلام من دكتورة )

الزيت كل ماتم على الشعر كل ماصارت التغذية احسن( هذا اعتقادي) بس بعدين قريت ان حمام الزيت حده نص ساعة وكافي والشعر ياخذ فايدته منه وان الماي الفاتر هو أفضل شي لغسيل الشعر والحار يطلع قشرة وزيوت من الشعر..

 

[DaloOoLa Q8]

اكبر غلط كنت اسويه اني ماحط مرطب علبو ان بشرتي دهنية بعدين اكتشفت ان حتى البشرة الدهنية تحتاج ترطيب وقمت استخدم مرطب وصج فرقت علي بشرتي حيييييييل صارت كلها نضارة وراح الشحوب الي كان فيها .


يلااااا ننطر اغلاط البنات كل وحده تعترف _03ba:

 

[Tulips]

عاشوو بنات .. زين اعترفتو

الاعتراف بالحق فضيله لوووول

يالله ننطر الباجي

 

[violet*q8]

:eh_s(8):
انا قبل ايام المتوسطة كانت بشرتي جااافه وعلى بو انه برطبها اسوي قناااع من كريم نيفيا :dddds:
ومن بعدها طلع لي رؤووس سودة وهيج بشرتي :eh_s(14): صارت تحرقني من اول ماحطها وانا اقول يعني زين يعني قاعد يشتغل الكريم ولا بالاساس قاعده تحرق بشرتي
وبعدين بفترة قمت احط زيت زيتون بويهي كل يوم قبل النوم---صارت بشرتي دهنية وطلع لي زيوان صوب الذقن وبالانف
وليلحين اعاني منهم بس يخفون بالتقشير اليومي

لا لكريمات نيفيا
ولا لزيت الزيتون ع الويه :eh_s(8):

 

[FOZQ8]

رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

استخدام الصابون يضر جميع انواع البشره لان دايما يكون فيه كيماويات صلبه اكثر من السوائل
فبطلت صابون من زماااااان

 

[عبقرية]

تسلمي كثير

 

[LuLiTa]

اللي عرفته ::
انه فروة الرااس حالها حال اي بشرة عادية تعرق و تفرز دهوون ,,, بس تهوية فروة الراس اتكوون صعبة بسبب وجود الشعر ,, و لما اتحطين زيوت على شعرج ف انتي اتسدين مسااام الفروة ,, و يصير بفروة راسج حبووب دهنية كبيرة لانه افرازات الفروة انحكرت و ما عرفت تطلع ,,, ف لازم اذا حطينا زيت بشعرنا انحطه باعتدال او انحاول نتجنبه قدر الامكان ,,, هذي معلوومة عرفتها من دكتور الجراحة لانه كنت ناوية اشيل هالحبوب بتخدير موضعي بس خقيت باخر لحظااات (بصراحة خفت على شعري لانه لازم يقصون شوية منه)

كااان عبالي انه لما انسوي تقشير حق بشرتنا كذا مرة بالاسبوع ,,انه ممكن البشرة تنظف و تنتعش اول باول ,,, لكن اللي عرفته انه الزايد اخوو الناقص ,,, التقشير كثرته اتضر بالبشرة ,,,

كاان عبالي انه بشرتي مختلطة و على هالاساس كنت اختار مستحضرات العناية و تركيبة الميكب ,, لكن طلعت بشرتي من النوع العادي ,,,

الكونديشنر يسبب تساقط الشعر لانه مسااام الشعر اتكون مفتوحة و على قولتهم فونورابل يعتي سريع التأثرو ضعيفة,,,

 

[miss-zgrtiya]

رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

طبعا انا مو غلط وااحد اغلاط لووول
لما بمسح الشدو والكحل من عيووني كنت افرك عيوني حييل مسكينه راحت فيها ..
بس العين لا تسنعت
كنت استخدم تونيك حق بشرتي واخر شي اكتشفت اهو ال يطلعلي حبووب
والغلطة الكبرى اني استبح بماااي نااار
وهو الي يحت العشر حيييييل وهذا الغلط الوحيد الي ليلحين ما صلحته لول ادعولي الله يهديني واتسبح بماي باارد :d

 

[كوكه احلي بنوته]

رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

واااااااااااي
ذبحتنا الدفاشه انا مثلكم افرك بعيوني لما حتت الرموش
وبعد الله لايوريكم الفرك بالسنفره جلدي شكا علبوانه ابي الزين

يسلموووووووووووووووووووو ع النصايح


حيل استفدنا

 

[Tulips]

نورتووو بنات بمشاركاتكم واعترافاتكم لوول يعطيكم العافيه :eh_s(15):

اغلب البنات يسوون حمام مغربي اسبوعيا .. و اكتشفت انه كثرته مووو زيييينه كللش لانه جذي انتي قاعده تقشرين طبقات الجلد وتتلفين خلاياها .. و مره سمعت انه وحده كانت بالاسبوع الواحد تسوي حمام مغربي كذا مره وبعدين لما قامت تشيل شيره جلدها قام يروح مع الشيره فديرو بالكم بنات لا تكثرون من الحمام المغربي على بو نظافه هم الشي اذا زاد عن حده ينقلب ضده .. :0bee2e8d89:


وهم بالنسبه للي قالته مس زقرتيه عن الماي الحار مو بس يحت الشعر لا وبعد يرهل الجسم .. واحنا ما نتسبح الا بالماي الحار ومانطلع من الحمام الا متروووس بخار هم على بو انه ينظف ويطلع الوصاخه بس من ناحيه ثانيه قاعد يفتح مسامات الجلد ويرهل جسمنا .. ماتشوفون الاندونسيات والفلبينيات اجسامهم مشدوده لانهم يتسبحون بمااااي باااااااارد .. او يسوون مثل طريقه صدمه الجسم بماي بارد بعد الماي الحار على طوووول

 

[memechii]

اول شي تسلمين على الموضوع عجيب
اغلاط الي اسويها
اذا طلعتلي حبه العب فيها و بعدين لما تروح يبقى اثر
حده كنت اعاني من هل سالفه بس الحين صرت خوش وحده ما امسكهم و قاعده اعتني بشرتي قامت تتسنع

كنت ما امسح المسكرا و انام صارو مو شي

لوول كله تـان و هل سوالف لوني الحين برده نفس قبل مو راضي ,,كتشفت انه اذا سويته بالصالون احسن و يرد لوني بسرعه
بس بالشمس مادري شلون

امممـ شنو بعد انا مبدعه بعمري لما لما اتذكر شي اقوله بعد

 

[Tulips]

ميميجي تسلمين على المشاركه الحلوه .. وكلنا نتعبث بالحبوب لاااازم


يالله بنات وينكم .. ؟؟

 

[cuta.19]

انا غلطتي انه كل ما تطلعلي حبه العب فيها او استعمل كريم و اخربط وايد .. وايد كنت اتدلع واقول حق امي ابي اروح دكتور جلدية على اي حبه تطلع .. حدي دلوعه زيادة عن اللزوم .. معنه والله كان ويهي عادي مافيه شي جنه البخت بس من النفسيه مرات تطلع وحدة ولا ثنتين بس نهاية الدلع .. ويهي الحين زاد .. وحبوبي زادت ومادري شسوي !

 

[قمر مطيحه غتر]

رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

غلللللطت عمري وللحين ندماااااااااااانه عليها من كنت صف 2اعدادي وانا استخدم فيراند لفلي لين 3ثانوي اكتشفت ان بشرتي تدممممممرت
ماكانت عندي اخت اكبر عني ف كنت اشوف حريم عندهم فير اند لفلي وركضت للدكان ولقيته واشتريته <<حطووو 100 خط تحت الدكاااان

واللله جسمي من داخل ابييييييييييييييييض لدرجة ان عرووقي تباااان بس ويهي ×× والسبب هالفير اند لفلي ..

قبل كانووو فالحااارة ينااادوووني المصرية من زوود البياااض..

<<<فضفضضضضت وارتحت والله اني حااااااقدة على فير اند لفلي ابي بشرتي ترد لي اهئ اهئ

 

[Tulips]

رد: رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

غلللللطت عمري وللحين ندماااااااااااانه عليها من كنت صف 2اعدادي وانا استخدم فيراند لفلي لين 3ثانوي اكتشفت ان بشرتي تدممممممرت
ماكانت عندي اخت اكبر عني ف كنت اشوف حريم عندهم فير اند لفلي وركضت للدكان ولقيته واشتريته <<حطووو 100 خط تحت الدكاااان

واللله جسمي من داخل ابييييييييييييييييض لدرجة ان عرووقي تباااان بس ويهي ×× والسبب هالفير اند لفلي ..

قبل كانووو فالحااارة ينااادوووني المصرية من زوود البياااض..

<<<فضفضضضضت وارتحت والله اني حااااااقدة على فير اند لفلي ابي بشرتي ترد لي اهئ اهئ

اتصدقين دايما اسمع انه فير اند لافلي مو زين

انا ما كنت استمر عليه وما احب ملمسه بعد ماتحطينه يخششششن ومايرطب مادري اشفيهم الحريم مستخفين عليه

والله يعينج حبيبتي ابدي عالجي بشرتج عن دكتور يمكن ترجع نفس اول

 

[Tulips]

يالله يا بنات وينكم

 

[Saudi-Angel]

رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

هـــــآآآآآي مس :eh_s(7):tulips

بصراحـه ماحبيت ادخل موضوعك الحلو وما ارد عليه
بس بقولك وبقول للبنوتاااات الحلوات عشان ينتبهوا منه

الليــــــــــــــــــــــــمـــــــــــــون
{بصراحه بيني وبينه قصة عداوه}
ههههههههههههههههههههههههههههههههههههه
بس من جد لااحظت انه يضر بشرتي حيييييييل ويتعبها
وانا ياحياتي ماكنت ادري .... مع كل خلطه كنت احطه 3oba
بعديــــن اكتشفت ان اهوا اللي احرق بشرتي وسمرني وطلع لي وايد حبوب <<<هاذا بالنسبه لي ما ادري عن غيري يمكن ناسبهم
:bbbiu:
وبث

والله يعطيك العافيه حبيبتي على هيك موضوع​

:eh_s(8):​

 

[Tulips]

رد: رد : دايما يكون عندنا عادات غلط بالعنايه ابشرتنا .. شنو كانت عادتج الغلط ؟؟

هـــــآآآآآي مس :eh_s(7):tulips

بصراحـه ماحبيت ادخل موضوعك الحلو وما ارد عليه
بس بقولك وبقول للبنوتاااات الحلوات عشان ينتبهوا منه:d

الليــــــــــــــــــــــــمـــــــــــــون
{بصراحه بيني وبينه قصة عداوه}
ههههههههههههههههههههههههههههههههههههه
بس من جد لااحظت انه يضر بشرتي حيييييييل ويتعبها
وانا ياحياتي ماكنت ادري .... مع كل خلطه كنت احطه 3oba
بعديــــن اكتشفت ان اهوا اللي احرق بشرتي وسمرني وطلع لي وايد حبوب <<<هاذا بالنسبه لي ما ادري عن غيري يمكن ناسبهم
:bbbiu:
وبث

والله يعطيك العافيه حبيبتي على هيك موضوع​

:eh_s(8):​

هلا فيج حبيبتي

عاد مادري انا اللي اعرفه الليمون حيل مفيد للبشره
بس يمكن كثرته مو زينه

يعطيج العافيه حبيبتي

ناطره باجي البنات

 

[العنود البلوي]

>>يعني ااشلو نفضح حالنا هههههههههههههههه

بس انا غلطااتي ماتنعد من كثرها ههههههههههه
اهو بجسمي ولا بوجهي
بس رااح احترم نفسي وااقول بس عن بشرتي
زمان ماكنت ااهتم بس ماا احب تطلع فيني حبه وه مااخليها على طول اللعب فيها
وللقافه حقتي طبعأ زي كل مره اافتح النت وااخذ من النت معلوماات وع طول اسويها مااتاكد منها >>بكل فخر ااعترف هههههه

المهم طلعت فيني حبه وفتحت الا اقراء انو الليمون منااسب واحط ليمون
وليتني ماحطيتو احترقت بشرتي
ودحينا رجعت احط زبادي وعسل ونشاء عشان اعالجها بس الحمدالله بدأ يخف