دخلت العاشر ،، ابي رايكم لو سمحتوا

[آيه من الغابرين]

السلام عليكم
بنات انا خلصت شهري ولما رحت المستشفى قال الدكتور لازم اسوي تخطيط كل يوم ، ليوم 11-9 اللي هو باجر
اذا ما ولدت خلال هالفترة بيدخلوني المستشفى
وطلب يفحصني لكني رفضت
مادري شرايكم بنات ادخل المستشفى ؟
لاني تعبت والثقل ذابحني مو قادره اتحرك ، واللي مخوفني مادري شنو بيسوون لي اذا دخلت
هل يعطوني طلق صناعي ولا قيصريه ؟!
وشلون صاير الطلق الصناعي وشنو طريقته ؟!
لاني بجريه ومادري شسالفه
آسفه طولت عليكم

 

[جـــواهر]

خلاص بعد شمقعدج
وليش ماخليتيه يفحصج
الله يعينج ع الثقل
حبيتي للتحاتين انتي بجريه اغلب البجريات يعوشرون
ويولدون بصناعي

ولاتحاتين الصناعي انا جذي كل عيالي اعوشر واخذ صناعي
تحميله وحده تسوي انقباضات بالرحم وطلوق لين توصلين 3 سانتي
الي 4 ينزلونج الوضع تحطين كمام وبسس حطي كمامج ولااااتوخرينه
ولاتتحمسين واجد هدي اعصابج انتي بجريه احتمال طولين ريحي عمرج
وشفطي ع راااحتج خلي الشد اخر شي لمن يطلع الراااس وبس لاتحاااتين
اول واخر شي السهاله من الله

والله يسهل عليج يااارب

 

[مناوووي]

الله يسهل عليج

بجريه وماعندي خبر

 

[كتالونيه]

حبيبتي دام كل شي سليم
نطري لاتستعجلين
والبجر عادي تعوشر
نصيحه لاتروحين الا اذا فيج طلق
والله يسهل عليج
وتبشرينا بولادتج

 

[قلب راشد]

اي والله عادي لا تروحين ولا شي نطري وان شاء الله تولدين طبيعي

 

[ام يوسف السعد]

حبيبتي مو زين الياهل يخرج داخلج ويتسمم وانتى بعد روووحي وربج يسهل عليج وتبرينا بولادنج

 

[q8helwa]

عادي البجر تعوشر

انا خلصت التاسع ودشيت العاشر

عسالله يهون عليج

 

[ناتشوو]

اهم شي التزمي بعمل التخطيط
مو تنطشين ناطرة الطلق
علشان تروحين
وعادي
يعطونج طلق صناعي اذا ماصار طبيعي
واذا استعسرت السالفه
يسوون قيصرية
الله ييسر امورج
ويقدر لج الخيرة من امرج
ولادتي الثالثة صارت نفس ظروفج
والحمدلله الله لطف

 

[نفيش بالعسل]

نفس حالتي بالضبط ً ً ولدت قبل ٤ شهور دخلتني الدكتوره وخذيت طلق صناعي صج طولت ولدت ثاني يوم بس احسن من المحاتاة ووصلت لمرحلة من للثقل لا تطاق نفس راي الاخت جواهر توكلي ع الله واخذي صناعي انتي بالنهاية والده والده

 

[توفـــا]

الله يسهل عليج يارب

 

[شوكلاتة سويسرية]

حبيبتي ذكرتيني فيني
شوفي نصيحة وبتدعين لي
شربي ينسون 3 ايام ورى بعض كوب الصبح وكوب المسا والافضل يكون حار وثالث يوم بجيك الطلق بحول واحد احد.

 

[المشاعر تحبك]

نفس حالتي أنا اليوم داشه العاشر .. الله يسهل علينا يا رب ويرزقنا بالأطفال السليمين المعافين