دخلو ضروري بليززز

[كلي انوثه]

السلام عليكم

اشلونكم احلا بنوتات




بنات قطوي فجاه صار يرجع مكرم السامع ومو راضي ياكل شي حتى ما يشرب وعيونه تدمع

فجاه والله من غير ولا شي

اول امس وداه خالي للبيطري وعطاه ابر وقال يمكن ما يستحمل الابر وساله خالي من شنو قال فيروس

ومن امس احسه حار بنات والله قلبي يتقطع بس اييني على طرف سرير ويسدح

احس عيونه تذبح والله بنات اكتب لكم وعيني تدمع من الخوف عليه

المهم اللحين شنو اسوي اوديه عياده مره ثانيه ولا شنو

وشنو فيروس لللقطاوه من شنو

:0bee2e8d89:

 

[rosemary777]

انا قطوتي مره صار فيها جذيه وعطاها ابرتين + دوا +قطره للعيون\


قالي الابر يوميا احسن بس انا قلت ابي دوا عشان مو كل يوم ايبها للعياده

سالفة الترجيع مشكله بالقطاوه انا قطوتي فقيره تلحس شعرها وتاكله ينترس بطنها وبعدين عقب يوم يومين ترجع الاكل وشعر شالحل؟؟

 

[كلي انوثه]

انتي نفس حالتي تقريبا


انا قهرني ان يعطيه الابر وعقب ما خلص يقول لخالوو يمكن ما يستحمل الابر لان صغير

 

[ملاك زوجي]

اذا كان الترجيع سببه الشعر مشطي شعرها مرتين باليوم وراح تصير اوك

اما اذا كان مرض انا بصراحه امس تينا كانت وايد تنفض واهي نايمه احسها تعصر على بطنها حييييل وتنفض بشكل مو طبيعي

قمت على طول قومتها ووكلتها حبه عندي ياها مالت البطن مالت القطاوه اذا في شي ببطنها يطلع والحمدلله من وكلتها وقامت تركض وتلعب مع ميمي
ومن ناحي الاسهال وانتي بكرامه انا قبل لا اشتري ميمي طلع فيها اسهال وانتي بكرامه بس كان خااااطري فيها ابيها خذيتها وعطاني البيطري دوى لها
مضاااد حيوي قالي استخدميه 3 ايام والحمددلله خذيتها كلا نايمه الحين مأذيتني مشاااء الله عليها خخخ

مادري ماني عارفه اقولج شتسوين لانه مو جدامي ولا فاهمه اهو شنو يشكي من شعره او من عوار بالبطن؟؟؟؟؟؟

 

[rosemary777]

مادري انا قمت اسبحها كل اسبوع عشان يطيح شعرها

التمشيط ماجربت بشوف ولو ان القطوه تحب تلحس شعرها مشكلتها تلحسه وتاكله ؟ العاده القطاوه يلحسونه ويقطونه بالارض !

 

[ملاك زوجي]

لاااrosemary777

مايقطونه وهذول قطاوتي نفس الحاله والله وانا اكتشفت هالشي لاني قاعده امشط وحده وهديت المشط شوي علشان انظف عيونها وفي وحده وراي ولا الاخت تلحس الشعر الي بالمشط وتاكل والله لاشعوريا لا تسألوني شلون ماخفت بطلت حلجها وطلعتها هع
لان كان وايد ضايق خلقي عليها وعبالي فيها شي وبيصير فيها شي لاسمح الله

المهم من يومها كنت امشط لهم مرتين باليوم والحمددلله مافي ترجيع وانتي بكرامه

 

[مدمنة ككاو]

حبيبتي
شوفي اذا فايروس المفروض يعطونه ابر بس اذا صغير يعطونه حبوب ما يخلونه جذي
واذا ترجيع واسهال قوي لازم ينام بالمستشفى

واذا على الشعر سوي هالطريقه
الشيرازي ما يحتاج سباحه كل اسبوع حرام شعره يطيح ويخف وايد خليها مرتين بالشهر ولازم يا عمري تهتمين بتمشيط الشعر يوميا لا تهملين شعر القطو اول شي عشان لا يبلعه وثاني شي عشان ما يطيح الشعر بالبيت بكل مكان وثالث شي عشان لا يتعقد الشعر

ويفضل على كل سنه على دخلة الصيف تقرعين الشعر عشان يتجدد بس مو صفر قولي حق الدكتور على 2 او3 وراح تشوفين الفرق

 

[كلي انوثه]

مو من الشعر ما اتوقع انا امشطه وشعره مو وايط يطيح
والدكتور عطاه ابر لان وايد تعبان وعطاه دوا لونه برتقاله بالقطاره بس ما نفقع احس تعب اكثر


واللحين دقايق بحاول اريقه بنات وارد

 

[ملاك زوجي]

امممم شوفي اول شي اهتمي بأكله ثاااني شي يمكن حايشه هوى خليه بمكاان حاااار ولو تقدرين تقعدين معاه بالحوش لمدة 3ساعات قعدي لان اذا حايشه هوى بارد يحتاج للدفى

بعدين اي مستشفى راح خالج شنو الدكتور يستعبط بيعطيه دوى ويقول راح يموت والله شكله حمالي مو دكتور وقاص على الناس

انا عندي حبه للبطن حق القطاوه لو في شي ببطنهم يطلع وامس عطيت وحده لتينا والحمدلله كاهي قاعده تحوس جدامي

وميمي كان فيها اسهال كنت اعطيها مضاد مشاااااء الله 3 ايااام وصارت صحتها احسن مني هع

ومن ناحي انه الحين تعبانه شي طبيعي من الابره تلاقينه دايخ ونايم بس اهم شي دفيه ووكليه عدل

وطمنينا عنه ولا تحاتين انه الحين دايخ ونايم ترى من الابره

 

[كلي انوثه]

اللي بالوفر الدولي عرفتيه
واهو قال لخالي ان القطو ما يستحمل الابر بس اهو الحل الوحيد الله يستر وانا اصلا من امس حاطه التكيف على اقل شي والله مت حر بس ابيه يدفا
ومن ناحيه الاكل ما اخربط له بالعكس اهو بعد ياكل عدل اسم الله عليه

 

[كلي انوثه]

تخيلي ملوك باقي قعد بس بطل عينه ورد نااااااااااااااام


بوديه اليوم وبروح مع خالي

 

[ملاك زوجي]

لا انا رحت الي يم سوق الحمام الدهماااء بصرحه الدوى الي عطاني ياه 100%

 

[كلي انوثه]

الله ستر عيل بروح لجوزيف انا ارتاح له خوووش واحد

 

[ملاك زوجي]

ماا اعرفه هذا جوزيف ؟؟؟؟

المهم لو تبين رقم دكتور بيطري عندي

 

[كلي انوثه]

طرشي لي الرقم بليز

 

[ملاك زوجي]

اوك

دكتور سعــــــــــــــــــــيد

94415343

ان شاء الله يفيدج

 

[كلي انوثه]

ميرسي يا قلبي

 

[ملاك زوجي]

ولوووو العفوووو