دراستي ... وظيفتي ...هل اخترتهما...؟؟؟؟

[نور بوبيان]

السلام عليكم ورحمة الله وبركاته :

عند تخرجك من الثانوية العامة هل فعلا دخلتي التخصص إللي إنتي ودج تدشينه وكنتي تحلمين فيه .. أو إن نسبتج والظروف

المحيطه فيج إهيا إللي اختارت تخصصج أو إنج انصدمتي في التخصص إللي اخترتيه لاينسجم مع ميولج...

ليش هالسؤال ...نبي نعرف إنج تروحين للدوام وإنتي فرحانه وتبين تدرسين وتبدعين وتنطرين اليوم الثاني علشان تداومين...

إللي نشوفه إن معظمكن ماكان عندها هدف قبل التخرج ولما دخلت الجامعه أو الكلية بدأت تتنقل من تخصص إلى آخر

وتحويل من الجامعه إلى الكليه وبعد سنين طويله تتخرج ...

هل كل من درس الطب أو الهندسه أو الحقوق أو غيرهم أبدع فيهم ...نلاحظ متخرج من تخصص ما عندما تخرج لم يعجبه تخصصه ففتح مكتب ديكورات وابدع فيه وأصبح دخله مرتفع لأنه أحب مهنته هذه ....

أو محامية تخرجت ولم تستسيغ وظيفتها لسبب ما فاصبحت مصممة أزياء لها شهرتها ...

أو ... أو... الخ

وأكثر الموظفات لم تتوظف على حسب اختصاصها أو توظفت همها الراتب واهني تيي الطامه الكبرى... ليش ....لأنها ماراح تشتغل بإخلاص..... والعمل أمانه سوف تسأل عنه يوم القيامه ...

ليش نشوف البطاله المقنعه ..تكدس بالموظفات وماكو شغل ....

لأنها لم توضع في المكان المناسب لتبدع ...

ومنو يبدع إذا فيه مسؤولين يقتلون إلإبداع.... وكم موظفه تركت مكان تخصصها بسبب اضطهاد المسؤولين لها وعدم إنصافها.....

لانريد أن نجعل الوظيفه كالسجن نذهب لها ونحن مغصوبون لأجل حفنة دنانير ...لأن النفسيات تؤثر على الإنتاجية...

ولكن نريد أن نسعد بوظيفتنا لأنها جزء من حياتنا ... فلا نجعلها وسيلة للراتب فقط ولكن لنستمتع فيها ...

ليكون لنا الخيار ولنتخذ القرار الصحيح .

 

[بيتي بوب بس كويتيه]

انا تخصصي أسواق ماله وكنت انا ابيه هالتخصص

بس وظفوني بوزاره الصحه >> شياب وزاره الصحه للماليه
انا كنت ابي البورصه أو دار الاستثمار
وعينوني سكرتيره يعني كلشمو تخصصي
بتقولون ليش ما غيرتي أو رفضتي >> أقول لانه تعبت من النطره
وابي المعاش وخاصه اني متزوجه وعندي ياهل وضغوط الحيات صعبه

 

[katko0ota]

صباح الخير

موضوووعج حلوو عزيزتي

بالنسبه لي الحمدلله مجال تخصصي الي بالثانويه و الجامعه كان من طموحي و طنت ادرس شي انا احبه (الثانويه تخصص اداب انجليزي و الجامعه تاريخ اللغه الفرنسيه) و مشيييت الحمدلله في مجال الدراسه و بعد التخرج اشتغلت في مجالات يمكن لها علاقه غير مباشره بمجال دراستي موو للأني مليت من النطره و لكن للآني اؤمن ان مجال الدراسه ماله شغل بالعمل و الدليل اني الحمدلله ناجحه في مجال شغلي ( يعني اذا انتي حابه الشي حتى لو موو دارسته راح تبدعييين فيه )


و تبقى وجهه نظر

تقبلي مروري

 

[Dancing^Queen]

مع اني بالثانويه كان تخصصي علمي
وكنت ابي ادرس بكليه علميه


بس لما تخرجت من الثانوي قعدت افكر وافكر وينا بي ادرس هل ادرس شي احبه كماده او شي يفتحلي ابواب العمل ومستوي وظيفي زين

امشي علي الخطه اللي كنت حاطتها براسي (وايد كنت حاطه خطط) او اختار بالعقل


بالنهايه اخترت بعقلي
دخلت علوم اداريه
درست محاسبه
وكنت مخططه اتخرج بثلاث سنين ونص وكنت ماشيه بيرفكت علي خطتي لين العميد الله يسماحه عنتر علي بماده مارضا يعدل وقتها (مع اني خذيت موافقه الدكاتره)
واستسلمت
وتخرجت باربع سنين

وطبعا خلال سنين دراستي وايد حبيت اللي ادرسه وسبشلي Gas and oil accounting
وايد حبيت مجال الطاقه والنفط المحاسبي
(عكس محاسبه ضريبيه وزكاه كرهتتتتتتتتتتها)

ولما ييت اختار وظيفه سيدا قلت ابي البتروووول ابي اشتغل بشي حبيته
واشتغلت بالبترول عقب ماتخرجت بجم شهر(احنا اول دفعه تتعين عن طريق الديوان <<<مغبره وماكان في بطاله لهالدرجه ولاتحسبوني كبيره انا مسبقه بالدراسه سنه لاحد يقول كبيره ترا اطقكم)

ومسماي الوظيفي كان المفروض محاسبي
انصدمت ان شغلي شبيه بالسكرتاريا مع احترامي لهالوظيفه وتقديري لجهودها المضنيه
يعني كتبي محاضر اجتماعات وفيلي وزهبي اوراق ورتبي اجتماعات (كنت ضابط مشتريات)
عقبها يتني الصدمه وماقدرت ابلعها لاني ابي محاسبه

غيرت مجالي بكببببببببببببببره طلقت المحاسبه ب الثلاث
واشتغلت بمجال ثاني
كان علي بالي اني اكرهه وظفيتي
اكتشفت اني احب شغلي واستمتع فيه لما حاولت اطلع من البترول واروح التطبيقي
لما رحت المقابله وقعدت مع الاداره اللي مفروض اتوظف فيها انصعقت ! اولا لاقسم كله مافيه الا كمبيوترين ودور عليه
المكان ........
الروتين علي ودنو
شغلي اللي ماكان عاجبني واشوف اني اقدر اسوي اكثر منه واني مظلومه فيه
اكتشفت ان نفس هالشغله قاعدين يسونها اداره فيها 50 موظف يعني انسيييييييييييي شي اسمه شغلللللللللللللللللل انسي انسي

عقبها قدرت شغلي حيييييييييييييييييييييل
وجابلته
وصممت اني انجح فيه
وتعلمت المجال اليديد وتقبلت التغيير
والحمدالله وماشاءالله لا اله الا الله علي <<<<اقعد
اقدر اقول اني تمكنت بمجالي وان وظيفتي علي قوله مديري Unique <<<<<لاتغترون تراني مو مديره ولا فقع طالع بروحه بالارض ولاحد مثلي يسوي وظيفتي
بس بشركتي
مو وايد بهالاختصاص
والله يوفقني ان شاءالله ويوفقكم

 

[ذكراك تكفيني]

انا والله من اول ايام الثانويه كان ودي افتك من الدراسه
عاد كان همي اني اشتغل بسرعه
عاد تخرجت ودخلت كليه وتخصص صار بنوك
وقلت ماني حوله لاني احب الرياضيات
بس اكره الانقلش وتخرجت واشتغلت بقطاع الخاص
بعيد عن تخصصي نهائيا بس مرتاحه وايد ومستانسه من الشغل

 

[يابختي]

موضوع حلو... ويثير ذكرياتي من تخرج الثانوية الي الحين...

انا كنت علمي ومااحب الاحياء...احب الرياضيات والفيزياء والكيمياء نوص نوص...
بعد الثانوية نسبتي كانت عالية بس مو واااو..وكنت ابي بعثة..باسافر ابي ادرس تخصص ماكان موجود بالكويت حزتها...وخيرة ارفضوني البعثات..واخذو وحدة مارضت بتخصصي وهونت..عرفتها بعدين بالجامعة...

دخلت هندسة ميكانيك وانا ما ابيها..ابي كيميائية عشان مجال العمل...حزتها تفكير عوي...
وظليت ..بيوم التحويل..هونت عن الكيميائية وحطيت مدني...شوفو القدر شلون...ولا تسألوني ليش..شي من غير تفكير...طبعا انزفيت عليها بس قدر..وبيوم نتايج التحويل دزيت رفيجتي الله يذكرها بالخير تشوف اقبلوني مدي ولا لا..وكنت مابي مدني بس تنحت... واذكر السكرتارية لما شافوني ضايق خلقي استغربوا...ودرست مدني وحبيته...
بعدها اشتغلت ...ومو حابة الشغل لكني احاول ...ومستمرة...

الحلقة اليااية اقولكم عن شغلي...

 

[ELNA63A]

اول شي مشكووووووووووووووورة على الموضوع حبوبه والله ييعطيج الصحه و اتيبين لنا مثل هالمواضيع الحلوه ... انا يالثانويه تخصصت علمي كوني احب مواد العلمي و مشيت فيه الحمدالله لمه تخرجت دشيت الكليه و تخصصت تخصص ما ابيه بس الكل امدحالي التخصص وانه وااايد زين لمه تتخرجين و تخصصته و تخرجت ... والحين الله يسلمكم ندمانه على التخصص الخايس لان لين الحين انا ما توظفت

 

[توت عنكبوت]

بعد الثانوية دخلت كلية وتخصص جدا زفت لي اليوم هذا أعاني منه (( الله يسامح اللي سجلت لي لأن كان عندي ظروف وما سجلت بالكلية ))

تخرجت وتوظفت وشغلي ما احبه بس تفوقت فيه وحبيته عقب ولي انجازات كل المدراء اللي تعاملت معهم يمدحون شغلي

بس من كم سنة نقلت لمكان الدوام فيه على كيفي وصرت ما اداوم الآ كم يوم

وسلامتكم ,,

 

[سوسو82]

aaaaaaaaaaaaah ya galby
almwtho3 y3wer galby:S

 

[طمــوح]

الحمد لله تخصصي بالثانويه كان باختياري

و الكلية اللي دخلتها ايظا باختياري


و الدوام و لله الحمد باختياري



الحمد لله هذا من فضل ربي


ال

 

[نور بوبيان]

انا تخصصي أسواق ماله وكنت انا ابيه هالتخصص

بس وظفوني بوزاره الصحه >> شياب وزاره الصحه للماليه
انا كنت ابي البورصه أو دار الاستثمار
وعينوني سكرتيره يعني كلشمو تخصصي
بتقولون ليش ما غيرتي أو رفضتي >> أقول لانه تعبت من النطره
وابي المعاش وخاصه اني متزوجه وعندي ياهل وضغوط الحيات صعبه

-------------
الله يعينج وهذي صدمه بحد ذاتها ... شلون بتحبين وظيفتج ... شوفي التخبط ...

بس حاولي إذا تحسنت الظروف إنج تغيرينها والله يوفقج

 

[نور بوبيان]

صباح الخير

موضوووعج حلوو عزيزتي

بالنسبه لي الحمدلله مجال تخصصي الي بالثانويه و الجامعه كان من طموحي و طنت ادرس شي انا احبه (الثانويه تخصص اداب انجليزي و الجامعه تاريخ اللغه الفرنسيه) و مشيييت الحمدلله في مجال الدراسه و بعد التخرج اشتغلت في مجالات يمكن لها علاقه غير مباشره بمجال دراستي موو للأني مليت من النطره و لكن للآني اؤمن ان مجال الدراسه ماله شغل بالعمل و الدليل اني الحمدلله ناجحه في مجال شغلي ( يعني اذا انتي حابه الشي حتى لو موو دارسته راح تبدعييين فيه )


و تبقى وجهه نظر

تقبلي مروري

---------------
حياج الله بالعكس نفس إللي آنا تكلمت عنه ... موشرط المهندس يبدع في عمله يمكن ميوله شي ثاني ويبدع فيه أكثر

ويسعد بوظيفته مع إنها مونفس تخصصه ...

وهذا إللي نبيه تبدعين في مجالج وتسعدين في وظيفتج وترتاحين فيها ....

الله يوفقج ....

 

[نور بوبيان]

حياج الله أختي (( دانسنج كوين ))والله أقرا واضحك يحلاتج ...ويحلات سوالفج...أبدعتي بالرد

وعسى الله يوفقج بوظيفتج ... وإذا حبيتيها سعدتي...

الله يعطيج العافيه ...

 

[نور بوبيان]

هلا والله بأختي (( ذكراك تكفيني ))

المهم إنج مرتاحه بوظيفتج وتبدعين وتسعدين فيها ...

ربي يوفقج ...

 

[نور بوبيان]

هلا بأختي (( يابختي ))

شفتي من تخصص إلى تخصص وليلحين منتي مرتاحه منه ...

ناطرين التكمله ... حياج

 

[نور بوبيان]

هلا بأختي (( الناطعه))

شنو الغلط إنج مااتخذتي القرار الصحيح باختيارج التخصص ...

الإنسان لازم يفشل بس هذا الفشل يكون له دافع للنجاح .. مدامج ماتوظفتي حاولي تدخلين دورات عن تنمية الذات أو دورات تميلين له

لأن الإنتظار قاتل ...

إن شاالله عن قريب نسمع إنج توظفتي وسعيده بوظيفتج ...

 

[نور بوبيان]

حياج الله أختي (( توت عنكبوت ))

مدامج أبدعتي فهذا هو المطلوب ..
...الله يوفقج ...

 

[طوق البنفسج]

الحمد الله دراستي وشغلي كله على هواي

ربي لك الحمد و الشكر الله لا يغير علي

 

[نور بوبيان]

aaaaaaaaaaaaah ya galby
almwtho3 y3wer galby:s

اسم الله على قلبج ...

 

[نور بوبيان]

الحمدلله أختي (( طموح ))

وإلى الأمام ...