دراستي ... وظيفتي ...هل اخترتهما...؟؟؟؟

[نور بوبيان]

الحمد الله دراستي وشغلي كله على هواي

ربي لك الحمد و الشكر الله لا يغير علي

آمين .... فبالشكر تدوم النعم

 

[NoWay2know]

انا شغلي بالاستثمار وهذا تخصصي بكل المراحل ... وبعد سنة بتخرج وأصير دكتورة .. بس دوامي طبعا مومحتاج اني اصير دكتورة

الله يعلم مستقبلي الياي وين بيكون !!!


مشكورة على الموضوع

 

[نور بوبيان]

انا شغلي بالاستثمار وهذا تخصصي بكل المراحل ... وبعد سنة بتخرج وأصير دكتورة .. بس دوامي طبعا مومحتاج اني اصير دكتورة

الله يعلم مستقبلي الياي وين بيكون !!!


مشكورة على الموضوع

ماشاء الله تبارك الرحمن ... عسى الله يوفقج وانشوفج دكتوره ...

 

[سنا الفضه]

اول ماخلصت الثانويه كنت علمي وكنت من الاوائل على الدفعه وامتياز مع مرتبه الشرف يالله من فضلك

كنت اعلى معدل اتييبه بنت بالعايله فوووق ال90% واول وحده هم في بيتنا اتييبه وبجداره والحمدلله<== بس خذوا مني هالشرف من جم سنه اسمله عليهم

بس قعدت مع نفسي وين اروح وووووووين اطسسسس وين وييين يااسنسن اين نذهب هذا المسااااء

امي الله يطول لي بعمرها كانت تبيني ياطب اسنان ياصيدله <= =ماخذ في بنتها مقلبب انا وين والبالطو الابيض وين ..؟؟

بس كنت بوقتها موفاتحين الا صيدله اول سنه طب اسنان الدفعه الي ورانا

رحت وقابلوني ووافقوا علي بس بوقتها كنت مقرره بيني وبين نفسي اني بدخل كليه بعدها صدمه للكل

كنت ابي ثانيه ادبيه

لمن دقوا علي سكرتارية كليه الصيدله كانت امي نايمه اذكر تسحبت بالتلفوون ويااطووووووووول واااايرنا زين ماتكرفست فيه على ابو اتسحب وقلت لهم معدلي بالمقلووووووووووب لووووووووووووووووووووول جان تقولي مايصير عيل شلوون اكيد في غلط بالاوراق وهم يبونها من الله المتقدمين وايد ويبوون يغربلونا يبون بس شويه

وبالفعل دخلت الكليه الي ابيها واستمتعت فيها جدااااا لدرجه اني ماكنت ابي اتخرج منها من كثر ماحبيت الاجواء الرائعه الي فيها والحمدلله ايضا واصلت مسيرتي بالتفووق واخذت الماجستير ولله الحمد والمنه وبطريجي اكمل مسيرتي بحيل الله

وبالنسبه للوظيفه للاسف ماقدرت اتوظف لاني زوجه رجل مهم لووووووووووووووووووول

لاوالله لانه هو بعد مو مستقر بالكويت فلازم أآزره واوقف معاه بالحل والترحال ورافقتني واياكم السلامه بالحل والترحال<= =شكوو

==> توني سامعتها بالاخبار وخاطري استعملها ههههههههههههههههههه

بس جدددد حيل خاطري اتوظف وانكرررف بس وين ومتى الله اعلم

 

[مزونة]

انا صراحه ماكنت أحب الدراسه بس الحين تندمت صح النوم!:ch12:تخرجت بنسبه أتمشي الحال بس ماسجلت تخصص الي أنا أبيه كان خاطري بلبنوك طلع سكرتاريه طبيه قلت ماشي أهو وظيفه وسلام بلبدايه الدراسة كانت صعبه وأنا كنت حدي مطنشه:O_SHH_: يعني أحضر المحاضرات متي مكان لي خاطر بس بعدين حبيت التخصص.
رفايجي توظفوا قبلي عاد شفت الكرف الي هم فيه وبس قاعدين وشغلتهم يمين يسار للمرضي وأزعاج مو طبيعي حلفت ماتوظف بمستشفي لو شيصير!
وهذا الي صار توظفت بدائرة حكوميه بس الحمدلله حدي مرتاحة :eh_s(20):
وكل ما ابي أكمل دراستي أبي أصير مدرسة روضه أموت بلجهال أحس بتحطيم من مسئولنا :eh_s(14):شكله يبي يكدني أقول اقعد أبرك بدوام​

 

[نور بوبيان]

خوش قصة قصتج يا (( سنا الفضه))

يعني من علمي إلى أدبي ...حلو ...

ماشاء الله عليج خذيتي الماستر وعقبال الدكتوراه ...

مدام زوجج ابن بطوطه فلازم تصيرين بنت بطوطه ... ترى موضروري تدرسين علشان تتوظفين ...

خليج لزوجج عون ولااتخلينه ابروحه ...ربي يوفقج ويسعدج .

 

[نور بوبيان]

ماعليه ((مزونه )) عيدي الثانويه ومالج شغل بالمسؤول المحبط

سوي إللي في بالج ودشي المكان إللي تحبينه وتبدعين فيه ....

تدرين وايد ناس تحسفوا لأنهم مايابوا نسبه ولكن الأمل موجود....نقدر ..ليش مانقدر ... اشوي اشوي وننال إللي نبيه بفضل الله ومن ثم

بإرادتنا ...

 

[الصابرة المحتسبة]

ذكرتيني بأول أيام التخرج من الثانوية الحمدلله حصلت على نسبة حلوة أدبي أقدر أختار الجامعة أو الكليات طبعا من صغري وآنا أحب تدريس الأطفال واخترت رياض أطفال وانقبلت بس ما كملت التسجيل يعني انسحبت ليش كل هذا ما أدري؟؟؟ بس تدرين عاد عزيزتي إني لي لحين عندي طموح وودي أكمل دراستي حتى لو بالجامعات الخاصة >>>>> عقب ماشاب ودوه الكتاب بس والله أحب الدراسة وماتدرون يمكن يوم من الأيام آخذ الشهادة ومن جد وجد ولا لا,,,
وسلامتكم.

 

[نور بوبيان]

إختي (( الصابره المحتسبه))

بالعكس هذا الطموح وإلا بلاش ....حاولي يمكن يقبلونج مدام نسبتج عاليه ومع شم واسطه

لأني أعرف وحده شهادتها قديمه واقبلوها ... حاولي ... لاتيئسين ...

ووحده إدخلت الجامعه مع بنتها .....

موفقه إن شالله

 

[NoWay2know]

ماشاء الله تبارك الرحمن ... عسى الله يوفقج وانشوفج دكتوره ...

الله يسلمج .. مشكورة حبيبتي
أجمعين يارب:q8:

 

[نور بوبيان]

حياج الله أختي .... ومن جد وجد ...