دردشة الامهات

[love love]

ماخذيت امومه لان ماحب قعدت البيت انا ماصدقت بداوم وتوني الحين مداومه ماقدر اخذ اجازه طويله في قبلي حددو اجازاتهم وانا على اخر الشهر باخذ بس اسبوع حق الشاليه

مادري والله كيفج انا قلتلج رايي

 

[nazek_q8]

كل محلات الذهب عندهم شوفي حوش السالميه شفت ذهب ابيض على 70 بس من زماااان مادير عن سعر الذهب الحين

 

[nazek_q8]

[/url][/IMG]

تقريبا نفس هذا وفي منهم ايي خاتمين وفي 3 مع بعض وفي بروحه

 

[nazek_q8]

واذا تبين شي رخيص بس شغل تقولين عنه الماس ونظيف في محل بالفروانيه العربيد بلازا بالسرداب يبيع فضيات ومطليه ذهب والفص زريكون بحدود 20-30

والله اني شفت دبلتي عنده طبق الاصل وتبرق برق وعنده تشكيله انتي تركبين خاتمين او 3 مع بعض وعليها كفاله سنه ويقول اذا طاحت فصه اركبها لج

 

[love love]

ماابي حقي ابي حق ريلي

 

[nazek_q8]

مادري لان اول مره اعرف في دبله رجاليه بوفصه

 

[love love]

اها

 

[AlZeenah]

عالم
اخذيلة دبلة شوبارد

بردانة قصدج سوليتير؟ كان في محل بحولي مسوي تنزيلات علي السوليتير التوينز والواحد بروحة
خذيت اللي بروحة ب230 وكل مااصغر حجم الالماسة طلع ارخص

 

[AlZeenah]

بردانة احد يعااااااااااااف الراحة وقعدة البيت

اي كل الوزارات جذي لازم الوضع والامومة متصلين ببعض بدون فجة انا خذيت 4 شهوور

 

[froha83]

ماشالله متيمعين
شلونكم جميعا

 

[love love]

اي قلت بشوف شوباارد

 

[LUXURY]

قووووووووه

واي سلمت البحث الصبح حسيت صج ماكو نوم تعبت نايمه امس 5 ونص الفير واااااااااااي مت على ما وديته ودي ارفس البوكس مال الدكتوره من كثر ما انا حاقده عليها خخخخخخخ

والحين بابلش احل واجبات متاخره عندي حق دكتور بس هذا خوش واحد حتى لو يزفني عادي اتقبل خخخخخخ حده محتررررم مو هذيج النسره حسبي الله عليها

انتوا اشلونكم؟؟؟

عالم
اشلون صاير الخاتم؟؟ ما سمعت فيه
بس تره انا ديناصور منقرض 24ساعه بالبيت يمكن عشان جذي ما شفته
بس اذا قصدج الخاتم يصير مسطح مافيه حركات (ناعم) والفصه داخله فيه مو بارزه جني شايفته
ما ودج تييبيله ساعه؟؟؟


بردانه
ماعندج سالفه
من صجج هديتي العطله وداومتي؟؟؟ ليش من زين الدوام؟؟؟ انتي بروحج مو ناقصه مطالعينج وانتي حامل الحين تروحين تداومين
اخذي اجازه من رصيدج والا بدون راتب الحين اكثر المراحل تعب وااااااااي الله يعينج
انا فروح توها باديه تتعدل نومتها
مو وايد بس شوي
بدال لا تنام 2 و3 قامت تنام 12 و1 خخخخخخخ خوش تعديل
بس الله كريم
الله يعينج



زيونه اشلونج؟؟؟ واشلون الصغار؟؟؟


امهات البنات ابي اشتري حق بنتي هدوم تكون حلوه وتشوق صيفيه من وين؟؟؟
بروي مو حلو
مذركير اركب منه عنده شغلات تشوق
سنتربوينت مافيه
اختي دلتني على محلين بالرايه بس غالين حق عملي
مره شريت من زارا بالشتا جم نفنوف حلوين ومرتبين وكدو
بس مادري عنهم الحين
بنتي مسكينه بعد عقب ماقرعتها تكسر خاطري اشوه طلع الشعر وسويتلها شبابيص وتيجان واشياء حلوه (طبعا ما يتمون عالراس 5 دقايق) بس ابي شوي هدوم تكون حلوه

وماتدرون لغز الاطفال ولحظه من فضلك متى يسوون تنزيلات؟؟؟ ابي اخذ للعيد

 

[LUXURY]

عالم
اذا شفتي شوبارد الله لا يهينج شوفي عندهم خواتم ناعمه نسائي سعرها زين؟؟

 

[LUXURY]

اقول بردانه جنج كنتي تبين تمتنين
دشي على هالموقع فتحوا فرع بالافنيوز احلى كوكيز اينن وااااااااااااي اشق هدومي وانا اكله
http://choowygoowy.com/
ريلي قبل يقول غالي بس لمن ذاقه قال حلال عليهم كل فلس
والبراونيز يووووووووووووووووووووووووي

 

[نوره في وسط صوره]

السلام عليكم
منو طهرت ولدها قريب

باي مستشفى وبجم ؟

 

[love love]

نوره للاسف ماعندي ولد بس ولد اختي طهرته بدار شفا تقول موووشي

جنه مواساة احسن ولا حكووومه


__________________
لاكجري اي صح هذي طريقه الدبله ماادري يمكن افكر بسااعه

وعلى ملابس بنتج انا اي مكان ادشه ولقيت شي حلو اخذه بس اخر مره لقيت لها شغله اتش اند ام وبزارا وركبت

 

[نوره في وسط صوره]

رحت الفروانيه عطوني موعد شهر ونص من الولاده ورحت وقالولي مانطهره الحين ذكره صغير وعطوني موعد عقب 3 شهور
مدري بس احس مالهم خلق

 

[love love]

ماتبين خاص او الصباح؟؟

 

[nazek_q8]

نوره شلونج

طهري ولدج بالاميري شغلهم حلوو واذا قالج الدكتور بعد شهر ونص نطري عالموعد اهو يعرف شغله

واذا تبين خاص اختي راحت الهادي وشغلهم مرتب وكلفها بس 50

 

[nazek_q8]

دوامي صار قصير اداوم 6ونص واطلع 12ونص لان تغير الشغل عندنا

ادري النومه حلوه ومحد يعافي الراحه بس تربت اموري ويبت خدامة امي تساعدني



لاكجري

لا يبا هونت عوووووووع مابي امتن قاعده اسوي رجيم!!! على ضعفي بس شسوي الكرشه ملوعه جبدي يا انا يا اهي