قوه يا حلوين اشلونكم؟؟؟
انا حدددددددي لاهيه مع الجامعه وفروح حدها شيطانه
وبادين ننقل بارد بيتي واخيرا خخخخخخخخ قولولولولولولووووووووش
ويتني خدامه ايواااااااااا عاشوا عاشوا هلا خخخخخخخ من الفرحه ما صدقت
والحين الصيفي خايس ودكاترتي ماشاء الله يهبلووووووون >>>>طل بعيني
والحر فتاك وصايره سوده محترق ويهي من الشمس انسى احط سن بلوك والبس دسوس واحترقت
بنات ما تعرفون شئ يوخر الحبوب؟؟؟ انا بشرتي ماشاء الله حلوه بس صوب حنجي مع الحر والحجاب وايد طلعتلي حبوب اذتني حيل حتى ريلي علق علي
كل شئ سويت وانا نوعي اعتني بس مادري شيوخرهم
اخر حل بامسحهم بخل والله اذوني
سويت تنظيف بشره مرتين واستخدمت ماسكات وكل شئ ما راحوا
انزين عندي سؤال ثاني >>>يا كثر اسالتها خخخخخ
من وين اشتري كرسي سياره زين وقوي ابي حق فروح نوعيتها عسره وحرجه الخدامه ماتعبر عليها اخاف تعفر فيها وابي كرسي قوي وزين
ولو تعرفون السعر يليت تحطونه
ما شريتو شئ حق العيد؟؟ >>>مستعيله خخخخخ
لا صج انا يهمني العيد
ماني مسويه قرقيعان قطيعه حمولتي مطلعينه من خشمي استغفر الله
الصوبين ما يتوالمون مع بعض ويتحرشون ببعض بالعزيمه جنهم يهال وانا اتفشل جدام اهلي قلت بلاها اذا بيت خالتي بيسوون باشيل قشي واروحلهم
اما اللي يتوزع باسويه بالبيت من الحين ادور افكار شكلي باطلب من النت علب كرتون حلوه وبس فكه مالي خلق عباله
باروح ادرس وراي امتحان باجر صعب
اشوفكم على خير
يالله سي يو
