درس معالجة صور الـــ raw

[هدوء العالم]

السلام عليكم ورحمة الله وبركاته


شلووووونكم خواتي الغاليات إن شاءالله تكونون تمام

اليوم جبتلكم درس سبق إني حطيته في موضوع دوانية هواة التصوير

والدرس هو التصوير بصيغة الــ RAW وفتحها وعلاجها

والصور ماتنفتح إلى من خلال برنامج المرفق بالقرص إلي يجي مع الكاميرا أو برامج أصلية نشتريها

والحين مع الصور أخليكم مع تثبيت برامج كانون المجانية والحلوة

نضغط على

وهذي البرامج المراد تحميلها

وهذا البرنامج المقصود لمعالجة صور الــ RAW

و حلو هالبرنامج بعد ZoomBrowser EX يطلع إعدادات الصورة + تصفح الصور سريع + تصغير الصور ووضع توقيع ومعالجة الصور بس بسيط وطباعة الصور وما أستخدمه إلا لمعرفة أعدادات الصورة وتصفح الصور

وهذي البرامج بعد التحميل

عند أنتهاء تحميل البرامج

وعفب ماتتحمل البرامج ويطفئ اللابتوب ويشتغل تلقائي ويتثبت البرامج

ونفتح البرنامج Digital Photo Professioal
وتطلع لنا الصور المصورة بصيغة الــ RAW وتنفتح معاها بعد باقي الصور المصورة بعد بصيغة JPG
وهنيه نعالج صور الــ RAW

نختار صورة المراد تعديلها

​

والأرقام الموجودة أعلاه

1. فيها 3 مربعات الأول مثل الصورة لمعالجة صور الملتقطة بصيغة RAW والمربع الثاني لمعالجة الصور الملتقطة بصيغتي الــ RAW & JPG​
2. لسطوع وتغميج الصورة​
3. ضبط التوازن الأبيض​
4. ضبط طراز ستايل الصورة من لاندسكيب و بوتريه وأحادي وغيرهم​
5. بعد طراز الصورة بس نحمل كذا ستايل من موقع Canon نحفظها في ملف ودائما تطلع لنا http://web.canon.jp/imaging/picturestyle/file/download.html​
6. تباين الصورة ويعطي الغيوم كثافة وأبخرة إذا كانت الصورة مليئة بالغيوم​
7. تفتيح الصورة وأزالة الظلال​
8. تشبع ودرجة اللون​
9. الحدة​
10. أفضل نخليها مثل ماهي ومانغيرها لأنه لو وديناها يمين الصورة أفتقرت الحدة و اليسار تزيد الحدة بس تسبب التحبب ( النويز )​
11. أعادة الصورة كما كانت​

وهذي الصورة لمعالجة الصور الملتقطة بصيغتي الــ RAW & JPG

​

والأرقام

1. مثل ماذكرنا سابقا ضبط صور الملتقطة بصيغتي JPG وتشاركها RAW​
2. ضبط مستوى اللون ( اللون الطبيعي للصورة ،، الأحمر ،، الأخضر ،، الأزرق )​
3. والخطوط الخمس هي لضبط الألوان والحدة​

وبعد معالجة الصورة وحفظ الصورة من صيغة الــ RAW إلى صيغة JPG

File _ Convert and Save

والطريقة الثانية لو كان حابين تصغرون الصورة وتحطون لها إيطار وتوقيع

ننطر البرنامج يحول الصورة مباشرة إلى الفوتوشوب العادي لين تنفتح الصورة وعقب العمل
نحول نحفظ الصورة بالفتوشوب العادي
File _ Save for web

إن شاءالله الشرح سهل وأي أستفسار عند الخدمة

بالتوفيق​

 

[janirek]

تسلم ايدك على الشرح الكافي والوافي...الصراحة أنا ولا مرة جربت أصور بهالصيغة بس أحب التعديل على الصور

 

[عواار قلب]

وعليكم السلام ورحمه الله وبركاته ...

.~
مبدعه ي هدوء العالم ماشاءالله شرح وافي جدا وواضح

بما ان قسم الدورس مهضوم حقه ومحد يمر عليه
بنخلي هالموضوع الموهم بقسم التصوير اسبوع وبعده اثبته بقسم الدروس ان شاء الله


قواج الله وتسلم اناملج على هالدرس الحلو ..

 

[Mrs Al-Nasser]

قواج الله حبي موضوع وابد مفيد وتعبانه عليه يعطيج العافيه

 

[هدوء العالم]

تسلم ايدك على الشرح الكافي والوافي...الصراحة أنا ولا مرة جربت أصور بهالصيغة بس أحب التعديل على الصور

تسلمين حبيبتي janirek على مرورج الأروووع
والحمدالله على الرجوع للمنتدى من زمان فاقدينج من موضوع دوانيةهواة التصوير
والتصوير بصيغة raw روووعة لأنه أعدادات الكاميرا قبل التصوير بهالبرنامج نقدر نسويه بعد التصوير ولا نحتاج الفوتوشوب العادي إلا للتصغير و التوقيع

وعليكم السلام ورحمه الله وبركاته ...

.~
مبدعه ي هدوء العالم ماشاءالله شرح وافي جدا وواضح

بما ان قسم الدورس مهضوم حقه ومحد يمر عليه
بنخلي هالموضوع الموهم بقسم التصوير اسبوع وبعده اثبته بقسم الدروس ان شاء الله


قواج الله وتسلم اناملج على هالدرس الحلو ..

تسلمين حبيبتي مشرفتنا عواار قلب على مرورج الأروووع
وتستاااهلون ولو نرد نوع من الجميع

قواج الله حبي موضوع وابد مفيد وتعبانه عليه يعطيج العافيه

تسلمين حبيبتي مشرفتنا Mrs Al-Nasser
على مرورج الروووعة
ولا فيه تعب تستاااهلون

 

[get over it]

ماقصرتي هدووء درس وافي وكافي
اتمنى من الجميع يمر على الدرس ممتاز جدا ,
يعطيج العافيه :*

 

[هدوء العالم]

ماقصرتي هدووء درس وافي وكافي
اتمنى من الجميع يمر على الدرس ممتاز جدا ,
يعطيج العافيه :*

مشكووووورة حياتي وتسلميين على التثبيت
وإن شاءالله يفيد البنات التصوير بصيغة raw حلووووة ولا تخلينا نحتاج نعدل بالفوتوشوب

 

[Nikonya]

افضل دايما ان الصور تكون بطابعها الخاص من الادت النورمل والطبيعي
لكن مايمنع الادت يكون للالوان فقط او تحويلها للـ hdr

قواج الله على الدرس

 

[سارونة عسولة]

واااو يعطيج العافية

 

[انغام المطر]

موضوعك روووعه...انا حااايسه بالصور صورت صور بكام نيكون D3100بس مي راضيه تفتح معي باللابتوب,,ويطلعnefعلى الصور العاديه مو الفيديو....وحملت البرنامج اللي جاي مع السي دي وعيا الله يسعدكم اللي تعرف تقول لي

 

[هدوء العالم]

تسلمووون خواتي على مروركم الروووعة

وأختي أنغام المطر للأسف أنا كانونية وإن شاءالله إلي بتفيدج أختنا سميرة العوضي لأنها نيكونية

إن شاءالله تلاقين الإجابة والإفادة

 

[fatma-aa]

مشكوووره ويعطيج العاااافيه

 

[نبض الجود]

درس رَوعه ،

بس انآ مبتدئه بالكآم (canon D600) بغيت اسئلج شنو التصوير بالـ Raw شفآيدته وشلون اخلي الصيغه Raw

:$



​

 

[om rayane]

جزاكى الله خيرا

 

[هدوء العالم]

مشكوووورات حبايبي على مروركم الأرووووع
تستاااهلووون​

وحبيبتي نبض الجود
شلوون تخلين صيغة التصوير Raw في طريقتين
الأولى وسريعة من خلال عند التصوير بشاشة العرض
بس أنتبهي حطي بس Raw مو Raw + L
علشان المساحة بالمومري ​

​

والطريقة الثانية من خلال المنيو​

​

وفايدته عند التصوير السريع ولا في وقت لأعدادات نقوم نصور بصيغة الــ RAW وبعد التصوير وتحميل الصور​

نقول مثلا كنتي مصورة بستايل لاندسكيب ( طبيعة ومباني Landscape ) وألوانها ساطعة وصورت عقب بنفس الستايل لاندسكيب أختج تبينها ستايل بوتريه ( صور شخصية Portrait ) وتطلع الألوان قوية على البشرة عاد صور الــ Raw وتعدلج وتغيرين من لاندسكيب إلى بوتريه والعكس ​

وهذي ستايل الصورة ( نمط الصورة )
تلقائي Auto
( A )
سيتم ضبط درجة اللون لتناسب المشهد. وستبدو الألوان زاهية، وبخاصةً للسماء الزرقاء والنباتات
الخضراء ومناظر غروب الشمس في الطبيعة والأماكن الخارجية ومشاهد غروب الشمس.
قياسي Standard
( s )
تبدو الصورة زاهية ودقيقة وواضحة. يعتبر أحد أنماط الصور ذات الأغراض العامة والملائمة
لمعظم المشاهد.
صور شخصية Portrait
( p )
للحصول على درجات لون لطيفة للبشرة. تبدو الصورة أكثر نعومة وتجانسًا. جيد للصور
الشخصية القريبة.
درجة اللون) (صفحة ١١٣ )، يمكنك ضبط درجة لون البشرة. ) [Color tone] عن طريق تغيير
منظر طبيعي Landscape
( L )
للصور ذات الألوان الخضراء والزرقاء الزاهية وكذلك للصور شديدة الوضوح. مناسب للمناظر
الطبيعية المبهرة.
معتدل Neutral
( N )
نمط الصورة هذا خاص بالمستخدمين الذين يفضلون معالجة الصور باستخدام الكمبيوتر. للصور
اللطيفة والألوان الطبيعية.
منظر حقيقي Faithful
( F )
نمط الصورة هذا خاص بالمستخدمين الذين يفضلون معالجة الصور باستخدام الكمبيوتر. عند
تصوير الهدف تحت درجة حرار لون تبلغ ٥٢٠٠ كلفن، يتم ضبط اللون وفقًا للقياس اللوني
بحيث يتوافق مع لون الهدف. تبدو الصورة باهتة ولطيفة.
لون أحادي Monochrome
( M )
للحصول على صور باللونين الأبيض والأسود.
محدد من قبل المستخدم 3 أنماط تحدين الحدة ودرجة اللون و التشبع اللوني والتباين User Def
وملاحظة شفتي الصورة الأولى فيها بعد تغير نمط الصورة صفحة 81
والطريقة الثانية بالمنيو بس الأولى أسهل​

وأخيرا بعد تعديل والموجود بالصورة الأولى وشرحه صفحة 117
توافق مصدر الضوء​

يعني إذا نسينا نضبط الصيغة المناسبة للصورة ولا ماعندنا وقت نضبطها نضبطها بعد التصوير بشرط جودة الصورة Raw​

وهذا لعيونج
كاتلوج canon d600 بالعربي
http://www.gulfup.com/Xk9e9xe7o7hf​

وأي شئ تحتاجينله أنا عند خدمتج

جربي على صور بسيطة لو جازلج الوضع كملي عليه
ولو صعب ومتعب أرجعي للتصوير العادي وضبطي الأعدادات قبل التصوير
وأعدادات التصوير ماتقصد فتحة العدسة Av + سرعة الشتر Tv​

 

[نبض الجود]

مشكوره حبيبتي ،

حلوه هالصيغه بتفيدني حيل ،

بس لو صورت الصوره بصيغه raw اقدر اشوفها بالكام صح ؟​

 

[هدوء العالم]

لا شكر على واجب حبيبتي

والصيغة هذي لو جربتيها مرة وعجبتج خلاص تكونين دائما مصورة بهالصيغة raw

ونعم تقدرين تشوفينها بالكاميرا

بالتوفيق​

 

[نبض الجود]

لا شكر على واجب حبيبتي​

والصيغة هذي لو جربتيها مرة وعجبتج خلاص تكونين دائما مصورة بهالصيغة raw​

ونعم تقدرين تشوفينها بالكاميرا ​

بالتوفيق​

يعطيج الف عآفيه حبيبتي
:eh_s(22):​

 

[Samurai]

أفضل التصوير بالرو raw
أوكل تصويري الحين بهالصيغه
وتقدرين تشوفينها بعد بالأيباد
أهم شي عندي الوايت البلانس .. بالتصوير أخليه أوتو .. وبعدها بالايت روم أختار المناسب
لأن فعلا وقت التصوير ما أقدر أضبط الوايت بالانس