دزيتي مسج ووصل بالغلط لزوجج ؟؟؟؟ تعالو خل نفرفش شوي

[غلاتي غلا]

ههههههههههه العبوبه تحفه

مناير قويييييييييييييييييييييييييييييه خخخخخخخخ

انا تصير بس مسجات عاديه طلبات من خواتيى جذي الحمدالله ولا مره حشيت فيه عاد هو له حووووووبه هههههه

 

[دنيا غريبه]

للرفـــــــــــــــــــــــع

 

[روحي ابوي]

ذكرتوني وااااي سااالفتي ماتنرقع .. جاااني مسج من اختي نكته وصخه بمعنى الكلمه ..من الونااسه طرشتهاا حق زوجي وكنت بطرشها حق رفيجتي اسمها عفاف .. من لعيله كان اسم عمي (ابو زوجي)تحت اسمهااا وطرشتها لعمي وااااااي شصاااار فيني قمت اتنااافض من الفشله وادق ع ريلي وقوله لحق ترااني طرشت المسج حق ابوك!! اهوااااا@@ يخرب بيتج .. يمااااا توبت بعدهااا لازم اجيك عدل قبل طرش!!

 

[zqertya]

لووووووووووووووووول مواقفكم موتتني من الضحك

يسلمووووووووووووووو

 

[جوهره الجواهر]

لووووووووووووول

انا مرة كنت دازة لإختي الصغيرة ودزيتها له بالغلط :nocommint: بس الحمدلله كانت عادية مافيها شي

قام ودز (ان شالله) علي علبوان اختي اللي رادة وانا الله لايراويكم ويهي ههههههههه

قمت برقع سالفتي واقلبها رومنسية جان ادزله :tongue22:

"ارسل لغيرك والرسايل تجي فيك.. كن الرسايل حالفة ماتخونك"

عاد هو يعرف عيارتي جان يدق ويبطها ضحكة

هههههههههههه مشكورة ام مريوم ونستينا

:dddds::dddds::dddds:
شاطره واللله ماشاء الله عليج رقعتيها صح

 

[أم يزيد &سديم&]

أنا دزيت رسالة لأخوي بالغلط
كتبت جب صويا حلوة يا حلو
إلا وش وي أنتبه إني دازتها لأخوي
جان يدق علي يقوللي يالحلوة
قلت إيه
قال إنت حلوة ولا أنا الحلو عاد أنا استوعبت وقلت له معليش كنت بدزها لبو الشباب
وياتك

 

[كارلوفي فاري]

دايم تصير بس الحمدالله تعدي على خير

 

[DooLy88]

هاهاااااااااااي

صارت وايد

بس ماذكر

عاد الحبيب يستانس يقول اي لانج تفكرين فيني <<< :s

 

[الحلا^^مبتليني]

بنات مره صارلي موقف لايحسد عليه قاعده اسووولف مع رفيجتي بالمسنجر وكنت متهاوشه مع زوجي وسوالف انا وياها واسبه سبببببببببببب
والا تطلع المحادثه مخزنه في الجهاز وقراها
فشششششششششله رقعتها قلت والله عن العييين لازم اسبك عشان مايحسدوووونااا ويقووولي اي اي مصدقج فشششششششله
وطلع قبلها قاري محادثه لي مع بنت عمتي قاعده امدح فيها ممثل اجنبي ودازه صورته لبنت عمتي واقوووله شوووفي شزينه؟؟؟؟؟؟؟؟؟؟؟
مواقفي لايحسد عليها

 

[تفكوره]

ههههههههههههههههههههههههههه


اب اب

خووش موضوع

 

[سارووه الاموره]

ويييييييييييي ذكرتيني بالفشيله تخيلوو كان عندنا حفله ببيت اهل ريلي جان انا مزهبه ومخيطه هذاك النفنووف الكشخه وحركات وحده اناااقه

حتى خواتي ودهم ياخذوونه لي يومنا هاذا طبعا هالكلام 3 شهر مادري 4 شهر من زواج جان اسوي شعري واكشخ واروح واستانس

قبل لا اطلع ريلي قال يلا انا برا مشغل السياره تعالي قتله اوك (طبعا هاذا الحجي بعد الحفله لمن خلصنا )ولا تيي اخت ريلي معاها اختها لكبيرا وتقولي ساره ابي نفنوفج هاذا عندي حفله

لرفيجتي ابيه بلبسه و رديلي خبر بعد شوي اذا بتعطينياه ولا لا لان ابي ضروري وبقول لاخوي يقطه باجر صبح عندنا .. قتلها انزين اردلج خبر و انا عيوني جذي @@ اول مرا احد يطلب مني نفنوف حقي مقي والي يغث ويقهر اني توني ماحللته بس اهله شافووه وحده كشخه

مع انه والله مافي بينا مشاكل بس تعرفوون من القهر


قلت لاختي مسج يمكن الساعه 2 الفير وريلي قاعد بالصاله وانا بغرفه نوم ...

جان ادز لاختي هالحجي بالظبط ..

امبيه امبيه قووويه تخيلي اليوم الكل يخز نفنوفي ولااا بعد كنت بطيح من عيون الهيلقيه فلانه لانها لمن طلعت قالت تبي تاخذ نفنوفي ياحلاتها علشان حفله وضرووري بعد طراره وتتشرط تقول ضروري.. انا افصل وادفع وتقول ابي نفنوفج ضروري تبي تكشخ ع حسابي والله قهر شسوي الحين بتكلم اخوها وتقوله وانا مابي اعطيها شنو شسوي قوليلي مستحيل اعطيها شنو ارد عليها شقوولها ........

جان الغبيه الي اهي انا احط send وراح المسج جم جزء طول ع ما رااح جان اسمع مسج بفون ريلي بنفس الوقت تقرير وصلني يقولون تم تسليمه ل حبيبي وانا اهني اصدق ولا ما اصدق :bbbiu:

قلبي طاح صارلي يمكن 10 دقايق متنحه ع الرسائل المرسله اشوف ولا دازته لريلي وتفشلت جان اروحله وانا ويهي جنه اشاره مرور وافهمه الساالفه جان يقول سوالف الحريم مااحبها ومالي شغل فيها يعلكم تتكافخون انا لاتدخلوني معاكم لوووول واشوا ماصار شي لانه كان مندمج مع فيلم ..

وياريت ينسا هالموضوع :lololoe:...

 

[اخصائيه]

وااااااي بنات انتو اهون مني ,, في موبايل ريلي رقم مو كاتب اسمه عليه ويدق وايد وريلي ياخذ تلفونه ويروح بعيد يكلم اهنيه الشيطان بدا يوزني اكيد رقم بنية واكيد واكيد واكيد .. اقوم اسيف الرقم عندي باسم علامتين استفهام ؟؟ واطلب من رفيجتي تدق علي الرقم وتشوف صوت مرة او ريال المهم تاخرت ما ردت علي اقوم اكتب لها مسج ( شنو صار ؟ شنو طلع؟ ) وادز المسج ل...............؟؟ علامات الاستفهام
واااي بغيت اموت قام صاحب الرقم يدق علي يومين كاملين مو راضي يوقف وانا ما ارد اخر شي خفت ان يوصل لريلي خبر خليت مرة كبيرة بالدوام ترد عليه وتقوله طرشت المسج لولدها وبالغلط وصله اهني بس وقف
الحمدلله ريلي ما عنده خبر ولا جان ذبحني شكو مسيفه رقم رفيجه وشكو مكلمته ولاااا شاكه فيه بعد
من يومها لازم اشيك مليون مرة قبل لا اطرش

 

[سـمـو الآمـجـاد]

خخخخخخ

مواقف لا تحدون عليها

بعد ملجتنا بشهر كان عيد ميـلاده وطبعا كل وحده تبي تكشخ بأول هدية لريلها خخخ

قبل عيد ميلاده بشهر وأنا احوس بالاسوقة أدورله هدية تناسب مقامي هههههه

لاا وكله ماركات كاب وساعة ومحفظة وجوتشي و عطر ووديتها احسن مكان للتغليف

المهم عاد انا احب اهدي الناس هدايا حلوة عشان اهما بعد يهدوني هدايا حلوة هههههههه

وعيدميلادي كان بعد 3 شهور من عيدميلاده وأهو كله يسألني وش تبين اجيبلك

عاد انا اسوي روحي ذربة قلتله اي شي ع ذووقك ابي اشوف ذوقك

تخيوا شجابلي ! عطر المحبة من الرصاصي و ساعة مانجو ما ادري شلون صايرة و اللي موتني ضحك

جيبلي وردة وحدة بس مو بوكيه خخخخخ

انا ما بغيت افشله بس ما توقعت ذوقه لهل درجة رايح فيها

جان ارسل مسج حق بنت خالتي صورت لها الهدية وما اذكر وش كتبت بالضبط ، انه طالعي عديم الذوق شجايب

وانا اللي اعرفه الرجال لو ما يفهم بالسوالف يسأل اخته او بنت عمه او اي احد لو كنت اهمه بس الظاهر انا ما اهمه <خخ ومن هل قبيل

وبالغلط رسلته له ! والله من الفشلة سكرت فوووني وقطيت روحي فوق السرير وتغطيت

وريلي ايام الملجة كان دايم يقولي قبل لا تطلعين اي مكان ان شاء الله تقعدين فالحوش قوليلي

وانا نسيت اقوله واصلا كنت بروح الجمعية ويا امي واختي وابوي وارد يعني مالها داعي

ودق علي وانا بالجمعية انتي وين قلتله بالجمعية وقالي شلون تطلعين بدون ما تقولي قلتله نسييت وما ادري شنو

المهم هاوشني ، وآخر شي قالي ديري بالج ماما وسكر

وانا من قهري كتبت مسج حق اختي سبيييته وطلعت كل حرتي وآخر شي كتبت لا والاهبل يقولي ديري بالج ماما شنو فاكرني أمه !

ودزييته له ! ما انتبهت

وحطيت الفون فالشنطة وتعرفون زحمة وجذي ما سمعت والا يوم ركبنا السيارة اشوف 7 مسجات و 20 مسد كول !

وااي انا قلت شصاير فالدنيا الا واشوفها كلها منه واااي من الخوف شهقت شهقة كل السيارة تم يطالعني

ههههههه

ومرة كنت بيت أهله ، وانا مو متعدوة آكل اي اكل يعني في اكل معين وكمية معينة متعودة عليها بيت اهلي

واهو اكيد متعود ع اكلهم وطباخ امه ، وطول ما احنا قاعدين يمدح فالاكل

واحنا قاعدين فالصالة مع اهله دزيت مسج حق اختي ، اكل اهله يلوع الجبد ! لا والبطيني يببلع ويمدح ما ادري ع شنو

اشتريلي عشا ووديه البيت ، اخاف اقوله ويقول اهلي واهلي وانا مالي خلقه ! ودزيته

وهو قاعد فالكرسي اللي مقابلي ويفرعص عيونه ويقولي هيين ..< وانا مستغربة شفيه ! اثاري رسلتله بالغلط

وطول الطريق يهاوشني خخخخخ وانا اخرتها زعلت ولا تعشيت =(


ويووومهـآ تووووووبة خلاااص ارسل ما بحذر

 

[(m & m)]

سمو الامجاد انا قريت درود كل البنات بس بصراحه نفسج مافييييييييييييي بدعتيييييييييي كان الموضوع كاتبينه خاص لج انتي لووووووووووول

 

[^^المهره^^]

واي في مواقف لا لا غشتني من الضحك

 

[ام هديل 87]

لوووووووووووووووووول
صج مواقف الله لايعودها

 

[نغم الخلود]

هههههههههههههههههههههه:krkrkr: مواقفكم تحفة بس انا موقفي مع حماي طرشت مسج المفروض لزوجي لانة ماخذ خط زوجي الثاني وانا من اللاقفة ماشيكت علي الخط بس كان مسج عادي استائذن اني اخذ فلوس من الدرج حق وجبة مطعم لي ولبنت حماي الحين يشك يقول هذا دايما مدعي الفقر وفلوسه حاطة بالدرج بس اشوة اني كنت فية رسمية لاني دايما اقول بالمسجات اقول يالبطة ماعرف بالرومانسية:eh_s(6):

 

[( المـلاك )]

لووول


انا صارت فيني وااايد
من كثر ما انا متعوده اطرش مسجات
فايدي على طول تحط رقمه

شكثر بغيت اطرش لامي و لا رفيجاتي
و يوصله بالغلط

اول الايام كان يموت ضحك
بعدين صار يضحك بس
بعدين قام يقولي و بعدين وياج
وبعدين صار يقول ما تيوزين عن سوالفج
بس الحين خلااااااااااااااص
قام يحقر المسج
وانا ارز ويهي لما يرد البيت
اقوله سوري دزيته بالغلط
يقولي ادري والله ادري


لوووووووووول


بس اقوى شي لما اكون احش فيه
و يوصله
يبووووووووي

لووول

 

[Something wooow]

واااااااااااااااااي حدددددددددددكم تحفة غشيت من الضحك

واااااااااااااي حد الفشلة

عسى الله لا يطيحنا اب هالمواقف

 

[صبر جميل والله]

اشكثر بس ناسيه