دشوا فديتكم بسألكم صج هالكلام؟

[granted]

ما ادري والله انا عادي اشرب بارد واسوي كلشي ان شاء الله البنات يفيدونج

مشكورة حبيبتي الله يوفقج يارب

انا عن نفسي كل شي عاادي بس لم اشرب بارد احس الدم يتجمد وماينزل وهم لما امشي حافية على السيراميك واذا بردت يعورني ظهري وتوقف الدورة جم يوم وبعدين ترد يعني اهم شي الدفااا

أي صج انا تتعبني وايد لمن استبرد مشكوره ياقلبي

أنا والله عادي بس لمن اشرب بارد احس بطني يعورني بس اتسبح عادي واستعمل غسول مرة وحدة باليوم وكل كل شي​

اي نفسج انا اتعب من البارد مشكوره فديتج

كلام الطبيبه صح
ملوش دعوةة

لكن البرد بعرف يأثر حاولى تدفى نفسك

كمان انتى بنت متستعمليش كل دا
لان كثرة الكيماويات تقتل البكتريا النافعه كمان
حاولى تستخدمى ال مامتك قالت لك عليه + المناديل الطبيه المعطرة

مشكوره رانا حبيبتي مو امي وقت الدوره كله واقفه على راسي فديتها لووول

لا بالدورة امتنع عن المشروبات الغازية
والبس بنطلون وساعات دلاغات انسى وامشي عالسيراميك
وأكل لهوم وحسو
وبما أني متزوجة اخر الايام احط تحاميل بيتادين تطهر وتنشف
بس سالفه العلج اول مرة اسمع فيها
والغسول ما استخدمه الا اخر يوم ماله داعي ايام الدورة واتوقع صح كلام امج
والاكل اللزج وجذي امتنع عنه بس مادري اذا الكلام صحيح اولا
بس والله اشوف أني اكون وايد أوكي بعد الدورة لأني متزوجة واعرف
انا اقول سمعي الكلام احسن كلها اسبوع ويمر
اذا ما نفعج مايضرج

صاجه كلها جم يوم مشكوره على المعلومات يالغاليه

انا بالنسبة لي كلشي عادي

مشكوره حبيبتي

انا عادي تقريبا بس ما اشرب قهوه عربيه لان تسويلي بلاوي وتخربط الدورة وما انظف بسرعه
وما اقدر امشي على ارض بارده عشان ظهري وريولي

غريبه والله القهوة تتعبج واي مااستغني عنها الله يعينج حبيبتي ومشكوره على الافاده

لا حبيبتي لاتشربين شي بارد وصح الشغلات الحامضه واللزجه موزينه أما الرياضه عادي المشي بس تنطين وتركضين لا موزين خليج على المشي
أما اغسول خليج على كيرفري وصابونة ديتول هم حلوه بس موكل مادخلتي للحمام وأنتي بكرامه يعني مرتين باليوم ولا تخافين ماراح تطلع فيج ريحه إذا إنتي تغيرين الكوتكس بإستمرار ودفي نفسج بوقت الدوره وبس ماحس إنه شي يتعبج أتمنى إني جاوبت على كل أسألتج

​

وموفقه ياقلبي

اي يعني رياضه بس بركاده
مشكوره والله انج فدتيني
الله يوفقج يالغاليه

بالنسبه للبارد صح و بتلاحظين انها توقف
لكن الاشيا الثانيه الله اعلم
تحملي كلها اسبوع و سويها لووووول
بس الرياضه عادي بس يخف العوار منج و مب شرط تكون رياضه قويه
وصدق الرياضه زينه و تساعد انها تنزل لان تنشط الدوره الدمويه
والاكل الحار عاااادي
بالعكس ترا الفلفل الاسود و الزنجبيل هاي اشيا حاره و لكن تستخدم ومن الاشيا اللي ينصحون فيها

أي صج والله مع المشي يسكن العوار وايد وعلى قولتج كلها جم يوم
مشكورة الله يوفقج ويسعدج حبيبتي

ليش كل مرة تدشين الحمام تغسلين بكل المنظفات ...احسها مبالغة الافضل خليها مرة باليوم

لا ستارز فديتج مو كلهم مره وحده كلهم على مدار اليوم عرفتي


اهم شي بالدورة الدفا وشرب السوائل الدافية والنظافة وتغيير الفوطة كل مرة والتجفيف بعد الحمام مهم جدا

اي النظافه افا عليج وسواسي لووول
مشكوره فديتج

اي اوكي الملوخيه وخلافه ممنوعه مع الخضرة اللزجه بس ضروري تكثرين شرب ماي لان ينظم الهرمونات ويمنع تتكون اكياس حول المبيض وطبعا الرياضه ممتازة وتخفف العوار والالم

الماي امبي وقتها بطني ينترس بسرعه لان احسه ينتفخ جنه:eh_s(10):
مشكوره الله يوفقج حبيبتي

 

[granted]

والله حبيبتي انا لما كنت بنت كل شي أسوي وقت الدورة رياضة و أكل و سباحة و وغسول,,عادي..
و تزوجت و ما فيني إلا العافية لا ارتخاء و لا هوا ولا توسعات ولاهم يحزنون..
بس لاحظت لما أشرب غازات وقت الدورة بطني يتلوى زيادة و يعورني..​

ماشاء الله عليج الله يوفقج يارب بس تعرفين كلام الوالدة تأثيره طويل الأجل
والغازيات مااشربهم كلش
مشكوره الله يسعدج يارب

الرياضة مو زينة للحائض
إلا الخفيفة مثل المشي
و معروف الهرمونات و الجسم يتغير بالدورة
و كلنا نلاحظ هالشي
و لا تغسلين بالمواد الكيماوية بالدورة
الماي الدافي كافي
و السباحة لازم بس طبعا المكان يكون دافي و الدش سريع
و تلبسين بسرعه
العلج و الموالح و المنبهات
كلها مو زينة وقت الدورة
و هالكلام علمي
و دشي ع المواقع العلمية
و شوفي التغذية الخاصة بالمرأة وقت الدورة الشهرية



بالتوفيق

الموالح امبي والله اول مره اسمع بها الشي والعلج يعني صج يضر:eh_s(1):
والله وايد أستفدت منج اختي الله يوفقج ويرزقج يارب

انا طريقتي

امتنع عن البارد لا ارادي لان احس يعورني بطني اذا شربتهم

ومرات اسوي حليب بالقرفه او قرفه بروحها كمشروب ساخن

ومن ناحيه الاكل عادي بصراحه مادقق ع اللزج وكذا

ومن ناحيه الريحه

باستمرار احاول اغير الحفاظ واغسل المكان بصابون برضو مو كل مره يعني مره باليوم او مرتين

واخر شي عندي العطر من بودي شوب حق الجسم اللي لونه بنفسجي معروف

ريحته قويه وتطوول ارش من بعيد جهه الفخوذ
فهمتي يعني اكون لابسه الملابس الداخليه

دايم ارشرش

في شي ثاني عندج صابونه اسمها صابونه المسك تلاقينها عن الحواجين تجنن ريحتها بمعنى الكلمه

حطيها في زي الكيس تشبه الخيشه تكون مخرمه وحاولي تكسرينها قليل يعني وهي داخل الكيسه

وخلي الكيسسه بالدولاب يم ملابسك الداخليه تجنن ريتحها تصير تلصق فيها

الرياضه اذكر المدربه قالت لي اول 4 ايام وقفي لان الرحم يكون متحرك وبعدها تقدرين تستخدمين المشي

:rerrerek: وايد عجبتني طريقج مشكوره وان شاء الله بسوي نفس طريقتج
مشكوره ياقلبي على الافاده الله يوفقج يالغاليه

امبيييه انتي مو متزوجه و جذي تعابلين بعمرج ,, وخري عنج سوالف الغسول و الصابون كلش موزينه


ما لقيتي غير الاجانب تسألينهم ,, اللي ما يفهمون بهالامور و شي طبيعي بتقولج خرافات ,, يقولج اسال مجرب و لا تسأل طبيب ,, و هالشي هذا متدارج عندنا من اول و مافي احد نكر هالشي بالعكس اللي تهتم بهالامور تشوفينها مرتاحه بالزواج


بالنسبه للرياضه ,, اللي اعرفه ان الرياضه باول ثلاث ايام خصوصا الجري و الركوب الدراجه ,, تسبب نزول اكثر للدم ,, فالبنت لازم تتدفى و ترتاح باول ثلاث ايام ,, و بالايام الاخيره ,, لعبي رياضه بس مو بكثره




ابتعدي نهااائيا عن هالشي ,, و صح مثل ما تقول امج الماي مضر بايام الدوره ,, لان يا حبيبتي يسبب بروده بمنطقة الرحم ,, و الحين ما راح تحسين بعدين بعد الزواج ,,
عيل و اللي يقولج ان حتى الصغيره لا تغسلينها بالماي ,, يختي اذا اهو كله دم بدم
و نياسه , شفرقت على الماي ,,
تدرين ان اعرف وحده صار عندها تليف بالرحم و ما تقدر تحمل ,, بس مو بدايه زواجها ,, بعد سنين , فالدكتوره قالتلها , انتي تتسبحين اول ايام الدوره ؟؟؟ قالتلها اي ,, فردت عليها الدكتوره من هالسبب ,, من جذي اقولج .,, التسبح و الماي مضر ,, الدوره تبي دفا ,
انا من كنت بنت بيت اهلي , وقت الدوره اتلفلف و البس شورت تحت البجامه و ما امشي عالسيراميك , و اتغطى بالبطانيه , و هذا الصح



خلي عنج الوسوسه و تحملي ,, هذا رحم ,, مو لعبه




ماي و ملح بس باخير يومين




بالنسبه لهالشي ,, اول مره اسمع فيه ,, فمادري اذا صج او لا

ابتعدي عن المشروبات الغازيه و البارد ,, و الـلــــــبن ( وااايد مو زين ) و التفاح الحامض ,, و اي شي حامض

و موفقه يااااا رب ,, طولت عليج بس لان ابي مصلحتج و هالشي مهم

الله يوفقج ويرزقج يارب بالعكس ماطولتي كلامج مقنع بس الغسول امبي بنات ما اقدر أستغني عنه:eh_s(2):
مشكوره ويزاج الله خير

من بنت لي بنت يفرق لان كل جسم غير عن الثاني
عندج اختي يحوشها عوار قوي وماتشرب بيبسي
ولا تاكل حامض ولا سبايسي وتلبس طويل وتتغطى
وتاخذ بروفين والحاله حاله .. اما انا تييني الدوره
وتخلص ولا احس بنغزه واكل واشرب اللي اشتهيه
والبس اللي ابيه على حسب المزاج


واذا على الغسيل ما انصحج بالصابون والغسول
تشطفي بماي وملح .. واللي احسن منه (الــمـــرّه)

أي صج أختي نفسج أتيها الدوره وتروح ومحد يدري أنا لازم حالة طورئ بالبيت حتى من الأكل أنفضح
أمبي فشله
ومشكوره فديتج بس ديري بالج انا جني سمعت ان المره مايصير تستخدمه البنت لان تشد دري بالج حبيبتي

؟؟؟؟؟؟؟؟؟؟؟؟؟؟؟؟؟؟

الله يرفع قدرج

أنا كل شي عندي عادي ما كو ممنوعات

وناسة نفس اختي:eh_s(7):

انزين بنااااات انااا عندى غسوول كير فرى بس ماا اعرف استخداااامة
اشلوون استخدمة ومتى

عندج طريقة أختيpusy cat
والطريقه الثاني تتشطفين فيه وياماي

شوفي حبيبتي مادامج بنت مايضرج شي حتي لوماتغسلين بالغسول الا مره وحدة بس عشان يعقم المنطقه بعد الدوره ولا توسوسين وسوي رياضه المشي فقط وبتعدي عن الباقي احسن اهم شئ المشئ بالرياضه وستانسي بحياتج ولا توسوسين

الله يسعدج يارب ردج يونس فديتج:eh_s(7):
وان شاء الله بوقتها بترك الرياضه على جنب وأستمر على المشي

لووووووووووول العلج شكو

شفتي شلون يدشش هوا بالرحم:eh_s(1):

واااااااااااايد تبالغوون حشى ..
انا من يوومي عايشه حياتي طبيعيه ، ما اهوجس و لا ازيد اهتماام
نعم بناات !!! دورة طبيعي
ليش كل هالإهتماام
ترى تخربوون أعماركم بأفكار حريم قبل
الله يهدييكم



الحمدلله الحمدلله ..

مشكوره حبيبتي الله يوفقج مشكلتي الحرص الزايد

الاجانب حتى نفاس ماعندهم

ماعليج منها ماعندها سالفه

يقولج اسأل مجرب ولا تسأل طبيب

يعني لي شربتي بارد بوقت الدوره صح ما تنزل عدل

خلاص خلج على كلام الاولين

اي الظاهر ماكو الا جذي أضمن مشكوره الغاليه فديتج

 

[granted]

والله أنا سمعت من الدكتورة أنو الاكل هاد يلي بتحكي عنو عادي الوحدة تاكله لأنو الأكل بيكون في المعدة مو بالرحم وشو دخل الأكل بالرحم وحتى الاستحمام واستخدام الماي عادي ولازم الوحدة تتحم بماي دافي هالشي بيخفف الألم وقت الدورة هاد كلام الدكتورة وقالت لو كان هالشي صح كنا درسناه بالجامعة
وأنا سمعت بنات بيقولو أنو ما بيستخدمو الماي وقت الدورة انا حسيت هالشي مقرف كتير شلون دورة وبيمسحو بمحارم معطرة بدون ماي هالشي بحسو وساخة ومو كل شي بينسمع من الكبار بيكون صح مع احترامي للكل

أي صج سالفة الماي ما اقدرستغني عنه
مشكور حبيبتي فديتج الله يوفقج

 

[granted]

الرياضه اذكر امي قبل سنة قالت سوي رياضة هالفترة عشان بدت تطلع لك كروشه



قلت لها بعد الدورة , قالت بالعكس مع الدورة بعد احسن


بس ماسويت اللي قالته خفت



الموانع انا والله ماكثر بالدورة من سوالف الحريم


بس البارد لا

واللزج لا


والفلفل ايه


والشور خفيف ودافي وبعدة اتدهن واتبخر


وبث

أي والله شكثر ممنوع مع ان الدايت هم ممنوع شلون يعني:bbbiu:
عيل بس امي الي تمنعني عن الفلفل بروايها ردودكم
مشكوره أختي الله يرزقج ويسعدج

الرياضة زينة وقت الدورة .. امي تقول قبل بالمدرسة كانت اذا وحدة تعبانة ابلة البدنية تجبرها تلعب

لان الحركة تساعد ان ينزل منج كل شي

اما الاكل .. انا امتنع عن الحوامض لانها ترفعها.. و البقوليات لانها تسوي غازات
و اتعمد اتحرك وايد

ترفعها:eh_s(10): يعني ماتنزل !
مشكوره فديتج والرياضه بوقتها بداوم على المشي وبس الله يوفقج

السلام عليكم
اختي عسوله قمر
خذيتي ذنب كل وحده تدخل هالمكان القذر
اللي يتكلم عن الجنس وممكن والاكيد يسحب البنات للممارسات خطا
ونفس الشي هذا زنا بالنظر
والبنت واضحه في كلامها انها مو متزوجه
وحتى لوكانت متزوجه
شفتي هالموقع وشنو فيه
لاحول الله ولا قوه الا بالله*

أي انا كاتبه بالموضوع طموشه بس شتقولين يزاج الله خير أختي

والله حبيبتي شدعوووووة كل هذا انتي للحين بنية ما يصير لهوم وو و و انا اقول اهم شي تدفين بالملابس وتشربين الاشياء الساخنة مثل يانسون ودارسين وشعرررررررررررررررررررررررج اهم شي او وثاني يوم مو زين تسبحينة تحملي علشان لا تندمين لانه الهرمونات ولخبطتها تاثر عليه مع الماي ويتساقط وماي وملح بماانج بنية للحين عقبال ما تتزوجين قررررررررررررريب بريال صالح افضل شي لج بس بعد مو وايييد الملح و الماي بس صج مو وايد تتغسلين الماي للبنية تقطع الدم ويضل داخل واهو فاسد اصلا لازم ينزل

أييييي سالفة لاتغسلين شعرج غر يبه هالسالفه وايد يقولون جذي
الله يوفقج ويسعدج يارب مشكوره فديتج

صرااحة ماشيه حياتي عادي
على فكرة في احاديث عن النبي صلى الله عليه وآله وسلم...عن بعض الاطعمه في فترة بداية الزواج مثل اللبن والليمون والبعض ياخذها حتى في الدورة والصراحة مااجزم لج بشيء ...

اول مره ادري ان في احاديث عن هالشي مشكوره الله يرزقج يارب

اا ب
للــــفـــايــــده​

الله يرفع قدرج ويفرحج بالحلوات

واااااااااااااااااااااااااااااي طعي منووو يتحجىى بسسسس استغفرالله
اكثر الناس عندهم خراب رحم الاجانب
والله انا شايفه ذا كتورز وحده سألت الدكتوزره ليزآ قالت بعد ولدي صار يطلع مني هوا واصوات مااتحكم فيها وافرازات ..!! شنو الحل ؟. تخيلو قالت لهااآ عادي فتره وتعدي واغلب الحريم يمرون فيهاا @@
وغير جذي قالت لوحده احسن فتره للحمل اهيا اثناء الحيـض @@ وييييييععع !!

يعني اخر ناس اخذ كلامهم الاجانب وصخين حدددهم لانظافه ولاهم يحزنوون
وانتي بعد ماتزوجين بتعرفين ان عنايتج وقت دورتج صحيييحه ميه بالميه لاني وحده كان كل شي عادي واكلت تبن من الم وعوار وتاخر حممل وافرازات وهوا وريحه .. ادري لوعت جبدج بسس لاني ماكنت البس الدلاغ حتى واكل ثلج وكل الي بخاطري فيه ...


وعن الرياضه بالعكسس تدرين ان بنت خالتي ماترقص شرقي الا وقت الدوره عشان ينحت خصرهآآ
وبالفعل تشوفيها متينه بس خصصر موطبيعي ماشاء الله ,, يعني حلوه وقت الدوره

ادري قرقت واييد بس والله ماعليج من الاجانب خيولون بسسس

ويع صج اي شي احسن وقت للحمال وقت الحيض ويييييييييع :rgewrg:
اي والله ماعندهم سالفه
مشكوره فديتج عادي حبيبتي مالوعتي جبدي شدعوه
الله يوفقج يارب ويسهل ولاتج ويرزقج بالضنا الصالح

انا يوم ولدت ببنتي كنت باستراليا بالمستشفى عطوني ماي مثلج يقولون زين شربيه

أمبي لو أنا بمكانج بعطيهم دروس عن هالسوالف لوووووووول أخلي الاستراليات يتنفسون نفسنا
نورتيني الغاليه الله يخليلج بنتج

لاتوسوسين ترى الموضوع هين
يبيلج تدفين وتشربين سوائل دافيه واعشاب تخفف الالام بالنسبه لي احسن شي الدارسين
النظافه ومثل ماقالت وحده من الخوات التنشيف عقب الباثروم مهممممممممم جدااااااااااا لان الرطوبه تطلع ريحه حتى لووووو انتي نظيفه
انا امارس حياتي الطبيعيه عادي

أي صاجه التجفيف مهم والله لو اتشطفين بدهن عود لازم التجفيف
مشكوره فديتج الله يسعدج

معاهااا:eh_s(15):
الاجانب قبل لا ينصحون خل يغسلون روحهم من عقب الحمام اول شي

ما بقى الا اكله الخنازير يعلمونا بصحتنا من صجج انتي

بس يا اختي الرقص والحركة مو زين بالدورة عشان خصر الرحم ينزل ترى
الدورة مثل النفاس والرقص يتعب الرحم فوق تعبه
المفروض تحلف ومطارة ماي حار علي بطنها وااايد زييينة للدورة بنات

بس حجي من اجانب خلهم يولون اضاهر اعناد يبوج يخربونا وخاصة قيرل استراليا
شنو ينتقمون منج اساسا الماي مو زين بالنفاس الا شوي بعد ثلج الله واكبر

أي والله لووووووووووول فديتج
خل أسمع كلامكم وكلام الوالده وخل يولون هذا الي باجي عيل أحسن وقت للحمال وقت الدوره أمبيه:eh_s(2):
مصدومه
بس غريبه الماي موزين
مشكوره اختي الله يسعدج يارب

مشكورين بنات كلكم وايد أستفدت منكم الله يوفقكم يارب ويفتحها بيوهكم كلللللكم يارب ويرزقم من واسع فضله

 

[granted]

كلام حريم الاولييين كله صح وكانوا اصح منا وما عندهم مشاكل الانجاب كثرنا

بس انا شسوي بالعادة يزيد عندي جنون الكولا:eshrab: :eh_s(16):

والفربتشينو ما تصدقون لو اقولكم اشرب يوميا يعدل مزاجي :eshrab:
ما تصدقون لو اقولكم ادمان
لازم بين مشاويري اشتري
واذا ما طلعت اخلي ريلي ايبلي

بس عقبها يعني بكحلها اروح اكل شي حار بطاط بو فلفل
يعني عشان لا يأثر الي قبله :s141:

أي والله احنا كله مشاكل الهرمونات والغدد وترى حتن الاكل (الفاست فود) هم يلخبط الهرمونات
أمبيييييي الفرباتشينو غرامي :rerrerek:
الله يرزقج ويسعدج يارب