دشووو بنااات نفسيتي تعبانه ومتوتره:(

[الزيـــــ^^ـــــن]

مسسآء الخير
شلوونكم
شخباركم

بنات والله نفسيتي تعبااااانه والسبه الزفت الدوره اليوم لها سابع يوم تأخير واول مره تتأخر علي جذي
امس حللت دم والتحليل سلبي وظهري الم مووت واحسها بتزل كل شوي اطل مافي شي ... ماني عارفه شنو سبب تأخيرها

مامرت عليكم حالات وحده حامل وتحليلها سلبي عقبها بفتره يبين ايجابي ،،؟
عفيه ادعوولي بالحمل تعبت

 

[أبله هنوف]

حبيبتي انا والله تأخرت وسويت تحيل وانتي بكرامه بول مرتين ودم ومرتين
وتحليل هرموني عند المركز الالماني بالجابريه
وكله ماكوا حمل
ورحت حق دكتورة المستوصف شافت التحاليل وعطتني حبوب اتنزل
الدوره و امي ماقصرت بالزعتر والدارسين
وهم مانزلت ورحت الشاليه ومشيت وايد على رمل البحر وماكو فايده
وآخر شي رحت حق الدكتوره دلال السالم وقلت لها السالفه وانها موراضيه تنزل
چان اتقول لي فضي المثانه بسويلج سونار داخلي
ويوم رحت الحمام ولا اشوف دم احمر نازل علي
وقلت حق الدكتوره چان اتقول ما يخالف خل انچيك ليش تأخرت كل هالمده
آخر دوره كانت ٦/٤ ورحت حق الدكتوره تاريخ ٨/١٢
ويوم سوت السونار الداخلي
چان اتقول مبرووووك حبيبتي انتي حامل ٨ اسابيع
وهذا كله عقب اجهاضين وربي لك الحمد ثبته وقرت عيني بشوفته
وسوري على الطواله
ويمكن ما يبين اذ كنتي حامل يمكن متأخر موعد التبويض وصار حمل متأخر
ويارب اتكونين مثلي وتفرحين فيه

 

[ام الحلوااات]

اللـــه يــــرزقـــــج و يــكــتـــــب لـــــج الـــحــمــــل
يــــــااااااارب

 

[عروسه حلوه]

والله مادري بس لا تستعيلين صبري شوي

 

[الزيـــــ^^ـــــن]

ابله هنوووووووف حبيبتي مشكوووووووره ع طرح تجربج والله ريحتيييييني وعطيتيني تفاؤل اكثر
الله يخليج ضناج ويثبت مافي رحمج ... ويعطيييج العافيه يالغلا 

ام الحلوين تسلميييين فديييتج

 

[يارب احفظ عيالي]

يمكن الحين نسبة الحمل ماتبين اذا في حمل او لا


بس انشالله تكونين حامل والله يفرح قلبج بشوفة ضناج حبيبتي



وامانه بشرينا اذا حامل باذن الله

 

[sosowaty]

عسالله يرزقج و لا يحرمج

 

[الجوهرا]

اختي جذي وشهر كامل طافتها سوت كل انواع التحاليل سلبي حتى الهرموني طلع سلبي واخرتها طلعت حامل

 

[الزيـــــ^^ـــــن]

مشكووورين بناااات بعد عمري ماقصرتووو
ريحتوووني والله
وان شالله يارب ابشركم

 

[عاشقة لندن]

ان شاءالله حامل

روحي سوي سونار داخلي تاكدي اذا في حمل او لا وشيكي على المبايض

 

[••غـلآًهْـم••]

الله يرزقج يارب وان شاءالله يارب حمل متأخر

ودج تتقدم ولاتتأخر بس ان شاءالله يارب ياكريم حاامل بذن الله

 

[خوووخه w]

اللللللللللللللله يرزقج بالحمال ياحييياتي وان شاءالله تطلعييييييين حامل يارب

 

[A-b-c-]

اي حبيبتي انا جذي والله مابين ليما شهرين كل التحاليل سويتها والهرموني طلع صفر وسويت سونار وهم مابين وتخيلي يتني النساه وكله طايحة وما ادري اني حامل وطبعا مابين فاهملت نفسي واجهضت ..
انتي ديري بالج واكلي فولك اسد لانه يقي الجنين من التشوهات حتى لو مو حامل مايضرج ..

 

[أميره بلا قصور]

نطررري لاتستعجلين دام في تجارب بنات جذي واكلي فولك اسد صاجين زين حق الحامل وغيرها

الله يرزقج يالزين كل يوم ندعيلج عسا ربي يفرح قلبج انتي الي مأسسه تجمعنا فدييييتج

 

['Basma']

ان شالله تبشرينا بحملج يااارب

 

[الزيـــــ^^ـــــن]

تسلموووولي يابعد قلبي ،،، واسفه شاابكه من ايفوون ماقدر ارد ع وحده وحده يزاكم الله كل خير
امييييره بلاقصوور حبيبتي الله يتقبل دعائكم ياااارب فديتج

بنطر جم يووم وبسوي هرمومي واذا مافي حمل بسوي سونار داخلي
والله كريييم

 

[ورده عنابيه]

ان شاءالله حامل دائما رددي هالدعاء رب لاتذرني فردا وانت خير الوارثين سواء في حمل او لا الله كررررررررررررررررررررررررررررررررررررررررررررررررريم فوق ماتتصورين

 

[● عـِـِـِزۈة آخ‘ـَـۈاْنـهـآ «-~]

ان شاءالله يااااارب تكونين حامل
بس نصيحه اصبري ولا تسوين سونار داخلي
موووو زين تراا


والله يفرح قلبج بالحمل السليم الثابت

 

[زمردة مشعة]

الله يرزقج يا رب .

 

[دلال و غلا]

حيااااتي الله يرزقج الحمل السليم
عااااجل غير اااجل و تجين تبشريناااا يا قلبي