دشووو بنااات نفسيتي تعبانه ومتوتره:(

[الزيـــــ^^ـــــن]

تسلمون بنات بعد عمري ...
انا حللت اليوم هرمووني


وطلعت النتيجه 0,1 مافي حمل والمشكله الدكتور مشى لما طلعت النتيجه
حتى ماسويت سونار ... بنطر بعد 10 ايام ان مانزلت بروح اسوي سونار
والله كريم ،،، شي موطبيعي بصراحه اول مره تصير فيني

 

[كويتية تكفي مية]

الزين ابارك والا شنو ؟ توقيعج حامل وردج اللي توه جنج مو متاكده بشرينا عنج الله يرزقج ويفرح قلبج
ويرزق كل بنت تبي الحمل يارب

 

[الزيـــــ^^ـــــن]

دنيا اسعد سعيد ... ياحلو نكج يذكرني بايام اول

لامافي حمل مومبين ليما اللحين ...وتوقيعي للتفااااااااؤل

ان شالله يبين وتزيييد النسبه يارب ...

 

[قمرية الفيس]

واووووو ياحلوج مبرووووك الحمال سبحانك يارب

 

[قمرية الفيس]

اها انا عبالي حامل يالله فال خير ان شالله

 

[متواضعة]

حبيبتي زيونه انا تاخرت على الدوره فترت اسبوعين اخر شي نزلت حللت بالبول كرمج الله ماكنت حامل

زيونه التفاؤل زين بس مو لي هالدرجة انج اتحطين الشريط

والدكاتره كانوا ايقولون حق صديقاتي لما تنامين مع ريلج لا تنامين وتفكرين بالحمل لا نامي استمتعي ولا تفكرين بهالشي وان شاءالله بيصير

سامحيني زيوون قلبي عليج انا ما ابيج تتفالين وتفالين وتنحبطين كل شهر اسم الله عليج هالشي مو زين توكلي على الله وادعي واقري سورت البقره مافي يدج غير هالشي اتسوينه

الله يرزقج يارب بالذرية الصالحه ويارب يارب يارب اتكونين حامل هالشهر

 

[الزيـــــ^^ـــــن]

متواضعه ... حبيبتي مشكووره ع ردج والحمدالله انا انسانه مؤمنه يعني عادي لي نزلت ماراح تتعب نفسيتي ولاشي.. وانا حطيت الشريييط للتفاااؤل مافيها شي كذا وحده بالمنتدى حاطه شريط الحمل ... وانا من وجهه نظري عادي احطه لاني الحمدالله لوشنو يصير مايصيير ماايأس من رحمه الله واملي فيه كبير .. بس انا اللحين شلت التوقيع تدرين ليش لان صار سوء فهم من بعض البنات ع بالهم حامل علشان جذي غيرته موعلشان اني مومقتنعه اني احطه 

بس انا اللي محيرني ان اول مره بحياتي تتاخر علي الدوره موكل شهر عرفتي ...
الحمدالله كانت منتظمه دورتي بس ماني عارفه شنو صاير ...

وانا الحمدالله داااااايم متفائله وراضيه بقضاء االله وقدره ياتصيب ياتخيب 
عادي ماراح يتغير شي بالدنيا والرزقه من الله :eh_s(17):
وان شالله ربي يرزقني ويرزق كل محروومه بالضنا الصالح

 

[أنشودة المطر]

حبيبتي الله يرزقج ويتمم فرحتج ان شاءالله

 

[الزيـــــ^^ـــــن]

انشوده المطر حبيبتي امين الله يسمع منج
وانا حاليا متاخره علي الدوره لها 15يوووم
ادعوولي ولو بقلوبكم

 

[بيت التوت]

الزين ياااااااااااااااارب طلعتي حامل
انا بكمل الموضوع لآخره وياااااارب يطلع اللي ابالي صح

 

[بيت التوت]

يااااااااااااااارب يااااااااااااااارب تطلعين حامل
وماتشوفين الدوره هالسنه

 

[أبكاني ذنبي]

ان شاء الله تبشرينا بحملج يااارب

 

[^الاسود يعبر^]

ان شالله يااااارب تطلعين حامل يارب وتبشرينا

والله يكتبلج الي فيه الخير

 

[أإلع ـشق دلع ـهـأإ]

ياارب تطلعين حاااامل قلوبناا معااج

ظلي ادعي وادعي وتصدقي بعد وكثري من الاستغفااااااار

 

[لبااابه]

الله يرزقج ويبشرج باالحمل
ويرزق الجميع يارب ياكريم

 

[ام ساره 4]

الله يرزقج إن شاء الله وتبشريننا

 

[عسل مرت قيمر]

ياااارب تطلعين حامل ياقلبي

 

[فديت سالم]

يااااااااارب حاااامل وانا مثل حالتج اعاالج ودورتي منتظمه واذا تخربطت تتقدم ماا تتأخر كلشششششش والحين متأخره سويت تحليل بول تكرمون ودم تكرموون وكله سلبي يااااااااااارب يرزقنااا وماتنزل الدوره انا تفااااءلت بكلااااام البناااات يااااااارب انا واياااچ يالزين وكل محرومه

 

[الزيـــــ^^ـــــن]

بناااااااااااااااااااااااات




ابصدمكم



نززززززلت علي الدووره شكلها تحبني وماتبب تفارقني

الحمدالله ع كل حااااااااال
وانا عرفت شنوو سبب تاخيرهااااااااا لاني الدوره اللي طافت كنت ماخذه ابره مسكن الالم كنت اتاام حيل
واول مره بحياتي اخذت الابره واهي اللي جمعت الدم واخرتهااااا تووووووبه بعد اخدها لواتقطع من الالم
اول مره واخر مره

ومشكووووورين حبايبي لكل من اهتمتلي ودعتلي وعسى ربي يسعدكم وويوفقككم ويعطيكم ع قد نياتكم
واسفه ازعجتكم معاااااي بس لاتلوومووني لان اول مره يصير معاي جذي
وعسئ ربي يرزقناا الذريه الصالحه المعاافاه

 

[أملي بعد الله]

الله يعوضج حبيبتي .. حاسة فيج .. ماعليه فديتج لا تضيقين خلقج عندج أمل كل شهر بإذن الله بيكون عندج تبويض فتفائلي

كل شهر يتجدد الأمل .. اهتمي بأكلج وشربي مرمية دافية من أول يوم لحد يوم 11 او 12

ممتازة حييييييل

بيي اليوم اللي بتشيلين ظناج بين إيدينج إن شا الله

كل شي خيرة ونزولها خيرة وتأخير حملج خيرة

قولي الحمدلله وجددي الأمل والثقة بالله سبحانه

وربي مارح يخيبج أبببببببببداً