دشي والشكر لله ثم لج

[// هيبة ملكه //]

السلام عليكم
خواتي تكفون افيدوني انا في بيت حمولتي واتفغن حمواتي علي عشا بيننا
وقالن كل وحده لها صنف وانا والله اعرف اطبخ واحلاطبخ ولله الحمدبس المشكله
قالن انتي عليج السلطااات:eh_s(14):ومشكلتي السلطه هي الي مااعرف الا الطماط والخيار والخس وهن طبعهن يشكلون سلطت بيدنجان وسلطات اخرا بنات حنا الفجر وبكره العشا تكفون ردو لان بكره الظهر ابي اروح الجامعيه اجيب المكونااااات والله يجزاكم خير افيدوني لااتفشل والله عيب وهن حييييييييييييييييييييييييييل حبوبات وودي اكشخ بأطباقي ولكم جزيييييير الشكر:eh_s(7):

 

[~حكايـة طمـوح~]

حبيبتي بقولج اللي اعرفه وان شاء الله افيدج

والله يعينج على الشرح اتمنى يكون واضح

1 - تبـولــه

المقادير
بقدونس
طماط
ليمون
زيت زيتون
ملح
برغل
خسه كبيره للتزيين

طبعا البقدونس عقب ماتغسلينه تقطعينه قطع صغيره حيييييييييل والطماط نفس الشي
والبرغل تنقعينه بماي لمدة ساعه او ساعتين وبعدين تعصرينه حيل من الماي

وتخلطينهم كلهم مع بعض وتعصرين ليمونه وشوية ملح وزيت زيتون
وطبعا الخسه تحطينه تحت بالطبق عشان تعطي شكل حلووو وتزينين التبوله بشرايح ليمون مدوره او شرايح طماط وبـس

وهذي صوره يمكن تفيدج


.....

2 - سلطه حلوه

المقادير
خس
طماط
خيار
زيتون دوائر <- اللي ينحط على البيتزا يفضل الاسود او الاخضر مو مشكله
جبن ابيض
زعتر
زيت زيتون
ملح
ليمون
خل

تقطعين الخس والطماط والخيار احجام كبييييييييره
يعني الخيار سوي دوائر كبيره وقصيها بالنص
وقطعي الجبن الابيض مربعات وحطي فوقه الزيتون والزعتر
وخلطي ليمونه مع شوية خل وملح وصبيه فوق السلطه

<<- هذي اهلي يحبونها

.....

3 - سلطه عجيبه :rerrerek:

المقادير

خس
فلفل بارد الوان ( احمر واصفر واخضر ) يعني 6 حبات مو اقل
خيار
بيذنجان
ذره
خبز
روب
ليمون
ملح
وممكن تضيفين ملعقة مايونيز اذا عندج

اول شي تقطعين الفلفل شرايح طويله
والبيذنجان مربعات
والخبز مربعات
وتقلينهم بالزيت اول شي تقلين الفلفل وبعدين البيذنجان واخر شي الخبز
تنشفينهم عدل من الزيت
وتقطعين الخيار والخس
وتخلطينهم كلهم الفلفل والبيذنجان والخبز والخيار والذره والخس

وبعدين تخلطين الروب مع نص ليمونه وملح خفيف جدا ومايونيز وتصبينه فوق السلطه


...........

4- بطاط رووووعه لازم تسوينه

جم حبة بطاطه تفوحينهم = تسلقينهم بماي فقط

وعقب ماتسلقينهم تقشرينهم وتقطعينهم مربعات صغيره

وتقطعين بقدونس او اشبنت <- براحتج
قطع صغيره وتحطينه مع البطاط
وتبشرين عليهم جزر

والخطوه الثانيه تجيبين ليمونه وخل وزيت زيتون وملح وتخلطينهم وتصبينهم على البطاط

وبــس بالعافيه

هذا اللي خطر على بالي الحين

وتقدرين تسوين سلطة مايونيز سهله وسريعه
خس ومايونيز وجزر مبشور

وسوي سلطة جرجير
قطعي ورقات الجرجير وقطعي طماط بشكل طوالي <<- كافي طمامه صغيره
وصبي عليها زيت زيتون وخل وملح فقط
وتقدرين تزينين بشرايح البيض المسلوق

وبـس هذا اللي في بالي
وسوي بحث بالنت راح تلقين سلطات رووووووووووووووووووعــه

اذا لقيت شي راح يكون لي عودهـ

وبس اتمنى اكون افدتج ،، ولاتنسيني من دعائج ربي يفرج همي ويحقق لي امنياتي :eh_s(17):​

 

[ام دونه]

جزر مبشور
ملفوف مقطع صغار
فلفل بارد مقطه صغار
علبه ذره
وخس مقطع شرائح
تخلطينهم مع بعض بعدين تضيفين عليهم
الصلصه البيضاء وهي
ملعقه مايونيز
علبه روب
ملح
وتتخلطينهم مع بعض وتصبينها فوق السلطه
بعدين تزينين الوجه بخبز محمص

فته
بيذنجان مقطع مكعبات ومقلي
بطاط مقطع مكعبات ومقلي
خبز مقطع مربعات ومقلي
تحطينهم مع بعض في بايركس بدون الخبز
بعدين تحطين عليهم حمص معلبات
وبعدها تسوين خلطه وهي عباره عن
روب وطحينه ومايونيز وثوم وفلفل اسود وملح
وتصبينها على البطاط والباذنجان والحمص وتزينين الوجهه بقدونس مفروم وخبز محمص
سلطه الشمندر والذره
بقدونس مفروم حسب الكميه
ذره
شمندر معلب مقطع شرائح
تحلطينهم مع بعض
وتحطين عليهم ملح وليمون وشويه خلى وسماق



وبس هذا اللي يحضرني الحين

 

[ام الدرر]

حبوبة قسم المقبلات متروس سلطات ​

 

[// هيبة ملكه //]

رد : دشي والشكر لله ثم لج

مشكوووووووراااااات وجزاكم الله خييييييييييييييير والله افدتوني باشيا اشوفهم بس مااعرف طريقتهم والله يجزاكم خير ويوفق من فادتني يارب والحين الي طريق الجامعيه والخضره:eh_s(8):

 

[m!ss conan]

رد : دشي والشكر لله ثم لج


الحين نبدأ بـ المقادير :

صدور دجاج
خس شرايح - جزر مبشور - ذره -بصل اخضر شرايح - جبن بارمزان مبشور
ثوم شرايح - زيت زيتون - ملح - فلفل اسود - زعتر بري " Oregano "
زبادي وفي روايه روب




***




الطريقة (f) :

نغسل وننظف صدور الدجاج .. نييب صينية أو الصحن الموضح ونبطنها بالقصدير ..
نصف صدور الدجاج ونتبلها بالملح والفلفل والثوم ونرشها بزيت الزيتون من الجهتين وندخلهم الفرن
" يبيلهم نص ساعه تقريبا " حراره من تحت .

نجهز صوص السلطه وهو عباره عن :- زبادي & زيت زيتون & ملح وفلفل
نخلط ونذوق ألين ماتكون أوكي
نغطيه وندخله الثلاجة ..

لما يستوي الدجاج نطلعه ونقطعه chunks يعني قطع كبيره ..
ونتركه يدفى على جنب ..

في صحن التقديم نبدا نرتب الطبقات
خس - بصل اخضر - جزر - ذرة " ممكن تضيفون اللي تحبون ترانا سمحين " :tongue:

آخر شي نضيف الدجاج لما يكون دفى لاتحطونه وهو يطبخ تخرب السلطة ويسود الخس ..
و نصب عليها الصوص وشرايح البارمزان ورشة زعتر بري

ممكن نضيف عليها خبز محمص عند التقديم ..




إن شـآء الله افدتج ..

:eh_s(17):

 

[جارة القمر]

تفضلي طلبك::

http://www.q8yat.com/showthread.php?t=641461


http://www.q8yat.com/showthread.php?t=7581


http://www.q8yat.com/showthread.php?t=512



http://www.q8yat.com/showthread.php?t=512



http://www.q8yat.com/showthread.php?t=650293



http://www.q8yat.com/showthread.php?t=244941