دشي ومنتي خسرانه مع ام مشموش

[أم مشموش]

السلام عليكم اليوم يايبتلكم خوش طبق وينفع لفطور ولسحور والله ان طرشت حق الييران منه كل من دق يبي طريقته ان شاءالله يكون يديد عليكم انيي للمقادير:دجاج مفيوح ونتف مشيول منه الجلد والعظم+2جزر مبشور+كوب لهانه بيضه+كوب بصل+فصين ثوم مفرومين+فلفل بارد اذا بغيتي انا حطيت وحده مقصصه طوال وضعاف +كيس توست+كريمه حمرا+قيمر كي دي دي+جبن مازارولا0000000الطريقه:بعد ماتنتفين الدجاجه وتقصصين الخضره تحطينهم على جنب وتييبين التوست وترقينه تسوينه ضعيف حيل وعقبها تزهبين المقلاه وتحطين البصل والثوم وتحمسينهم وبعدها تحطين خضرتج كاها واذا بغيتي تحطين مشروم مافي مانع وتحمسين وآخر شي تحطين الدياي وتحمسين وتحطين الملح والماجي وشوي بهارات دجاج اذاعندج وتحمسين لين الخلطه تذبل وبعدها تييبين التوست وتحطين الحشوه باطول وتلفينها مثل السبرنج رول وتصفيفينها بالبايركس وجذي لين يخلص التوست وبعدها بماعون بروح تخلطين الكريمه والقيمر عدل عدل وتحطينهم فوق التوست طبعا اذا بغيتي يتشرب زيدي الكريمه وبعدها تحطين الجبن المازارولا على التوست كله يعني طبقه كامله جبن وتحطين البايركس بالفرن واهوا بالفرن تحمسين شوي بصل مقصصته طوال وصنوبر وبعد ماطلعينه من الفرن تحطين الصنوبر والبصل على الويه تزينينه ولي يعجبها تدعيلي اضعف والله يرزقني ياهل ثالث وبالعافيه

 

[جارة القمر]

تسلم هالأيادي

ماشاء الله


دائما أكلاتج


عجيييييييييييييييبه

 

[randomy]

بسويها باجر مبين لذيييييييييذه

يسلمو

 

[أم مشموش]

بعد عمري ماقصرتو عالمرور ان شاءالله لي تجربها تعجبها وهني وعافيه

 

[eldalla3]

شكلها لذيذ وجاري التنفيذ

 

[الريم***]

تسلمين وان شاء الله نضعف كلنا بصحه وعافيه والله يرزقج بالطفل الثالث والله يعافيج

 

[كويتيه مذهله 87]

يمي يمي عجيب وسهل

ان شالله تضعفين بصحه وعافيه ويرزقج البيبي الثاالث ويرزقني البيبي الأول *_^

 

[على وجهها سمة الأبرياء]

مشكووووورة

 

[أم مشموش]

مشكورين عالمرور وماقصرتو وان شاءالله يارب ما تخلص هالسنه الا الله مناول كل وحده مرادها قولو آمين بهالايام الفضيله يارب

 

[أم@الحلوين]

تسلم ايدج شكلها لذيذه

 

[زهرااا]

مشكوره حبوبه

 

[دلوعه خطيره]

اختي انا بسعوديه شلون القى الكريمه الحمرا وهل لها بديل بليز ردي

يعطيج الف عافيه

 

[دلوعه خطيره]

اختي يصير نبدل الدجاج بلحم تهقين يظبط

 

[جاكليت]

تسلم ايدج

 

[استايل الكويتية]

يعطيج العااااافية

 

[أم مشموش]

والله ماادري عن اللحم بس انا على طول دياي وتسلمين

 

[MaFaZ]

شكلها لذيذ بسويها

تسلم ايدج

 

[الام الحنونه]

جزاج الله خير شكلها لذيذ

 

[عيمية^والقلب^كندري]

مشكوورة حبيبتي بس في شي مافهمته..

شنو يعني كوب لهانه بيضه؟؟ ومشكوورة بسويها باجر

 

[@شواقه@]

يعطيج العافيه