دعوة لتصحيح العقيدة ..قانون الجذب..علم الجذب .. Secret law of attraction

[ضحكتي هيبة بكاي]

اسمحيلي اخالفج الراي في هالموضوع

اولا .. اقول لكل شخص اشترا كتاب THe secret روحوو اخذووه واحرقوووه ولا قطووه بالزبالة لانه مافيه شي مفيد :lkmnkl:..

ثانيا .. القانون الصح والاساسي هو اللي تكلم عنه الدكتور صلاح الراشد في برنامجه رسالة من الكون وعنده اصدار عنه بأسم قانون الجذب

الدكتور صلاح قبل لا يكون كاتب او مفكر فهو داعية اسلامي وماعتقد ان شخص بمكانته راح يعرض فكره غربية ملحده على المسلمين

القانون يتكلم عن التفاؤل وحسن الظن بالله والراحة النفسية والتكيف مع الحياة

انا وحدة حياتي تغيرت بدرجة 80% من بعد ماتعرفت على هذا القانون :eh_s(9):

بتقولين لي شلون وانتي حاطه ببالج ان الطبيعه هي اللي تسير حياتج ؟؟ بقولج ان هالكلام هذا هو كلام الغرب اللي مالهم دين ولا عقيدة .. وانا اتحددددى اي حد يقول على لسان الدكتور صلاح هالكلام ..
هو وصل لنا القانون على انك تحسن الظن بربك فيعطيك ماتريد
طبعا هالشي له تفسير علمي على ان الحياة بها ذرات والذرات بها إلكترونات وتصير ذبذبات بين الطلب والاستجابة فهو صح وكلامه عدل 100%
هو يشرح لكم شلون هالشي في نفسيتكم وشلون يوصل لكم لكن ماقال الطبيعه هي المتحكم الرئيسي بالحياة

انا معاج في ان كتاب السر فيه كمية هاااااااائلة من المعتقدات الخاطئة والخطرة لضعاف الايمان

نصيحتي لكل شخص يبي يتعلم هالقانون رجااااااااءا تعلموه صح .. اخذو كتب صلاح الراشد واستفيدو منها
لحد ياخذ كتاب لكاتب غربي وغير مسلم يتكلم عن امور دينية لانه ممكن يغير معتقدات البعض وهذا شي خطأ

اتمنى اني وصلت لج وجهة نظري :wqedqw:
وسوري على الاطالة بس لاني حبيت ارد على البنات اللي طايرين بكتاب السررر ومايدرون شنو مصايبه

 

[موت وميلاد]

والله نفسج

اول ماشفت حلقة اوبرا وقريت الكتاب حدي شاده حيلي وادافع عنه بس بنفس الوقت كنت حاسه في شي غلط

وبعدها شفت جم حلقه حق دكتور صلاح الراشد وليلحين حاسه انه الموضوع فيه غلط !!!!!

 

[جبنة بيضة]

اكيد الكتاب في شي غلط انا شفت السيدي

احنا لازم ناخذ الشي الزين الي يتوافق مع عقيتنا مثلا

الصبح انتي قايمة متاخرة عن الدوام بسرعة شي ورا شي قاعد يصيرلج موزين لاحظي

اما لو قلتي قدر الله ما شاء فعل شنو يعني متاخرة ريلاكس صدقني الوضع يصير عادي

بعدين في السي دي قالو عن الامتنان و احنا مسلمين متمثل اذكار الصباح الحمدالله انه عندي عيون الحمدالله الحمدالله شوفي شلون نفسيتج تتغير

و بعدين الناس حولج هم نفسياتهم تتغير

القسم الثالث يقول انتي لازم يكون تفكيرج اجابي و المتمثل بحسن الظن بالله

بعدين انتي تبين مثلا خط ذهبي اتخيل انه عندي و اكثر استغفار و بس

فيديوات صلاح الراشد احسن توضح هالشي بطريقه احسن

و ترى في وايد ناس تسوي هالشي بدون ما تدري مثلا رفيجتي تسوي سلطة طبعا اهي ما تعرف عن هالقانون و الكل يقول سلطتج عجيبة معنها عاديه

و مو شرط الواحد يستغل هالشي الدنيا مثلا اتخيا انه عندي وقت عشان احفظ القران و اروح الحج و تصير باذن الله

و مو شرط اي شي ابي يصير ان ما صار اقول قدر الله ما شاء فعل

 

[AnGel GirL]

ان رايي نفس رايج
نختار من هالعلم اللي يفيدنا واللي يتطابق مع شريعتنا
وسبحانه قال ان الله لا يغير ما بقوم حتى يغيروا ما بأنفسهم
واللي لاحظته بهالقانون الثقه الجباره ان اذا بغيت شي راح يوصلج بقوة الطبيعه
وهالشي ما يدش العقل ولا يرضى فيه ربنا
المفروض ان التفاؤل وحسن الظن بالله اهو اللي راح يتحقق ماتمنيتيه بمشيئة الله مو من الطبيعه

 

[kuwaitya_zoGaa]

يزاج الله كل خير ...

انا برايي ان هالنوعيه من العلوم واكتب مو اى احد يقراها
يعنى اللى يقراها شخص عارف ربه عدل ...

بقول لج بشنو استفدت من هالعلم ...
هالعلم غير نظرتي التشائميه ... وخلانى دايما متفائله
خلانى اعرف ادعى ربي وزاد يقينى بان الخير من الله ... مثال ...

قانون الجذب اهم نقطه عنده انه الانسان يتمنى ... يتخيل ... يعيش الدور بأنه ملك هالشى ...

بالنسبه لى كمسلمه ... تمنيت الشغله بقلبى ... رفعت ايدى ودعيت ربي .... ايقنت وعشت حياتى انه ربي استجاب لدعائى .

يعنى عرفت اليقين بالله . وحده ... وان اى نعمه يت لى من الله سبحانه ... ومن دعائي .

لانه غلط ادعى ربى واتشائم واقول لمفسي مستحيل تكون لى الشغله الفلانيه لانه اعتبر شاكه باستجابه دعائى .

 

[كجب]

اسمحولي اضيف رايي بنات
اولا : العلم الحين قاعد يتطور وسبحان الله اكثر الاكتشافات الي موجودة الحين كانت مذكورة بالقرآن من عمر, قبل اكتشاف العلم , وفي ناس تقول عن هالعلم الي يسمونه السر انه بدعه وانه كفر ... الخ , لكن بنفس الوقت الله سبحانه وتعالى شجعنا على العلم والتأمل وشجعنا ايضا على قراءة كتب اليهود عشان منها نعرف عظمة الدين الاسلامي, وبنفس الوقت الله تعالى قال : "ولا يحيطون بشيء من علمه الا بما شاء"
يعني اي علم نكتشفه انا بالنسبة لي اعتبره هبة من الله تعالى, وانا اشوف ان اكتشاف هالعلم هو تأكيد لمبادئنا كمسلمن مثل : حسن الظن بالله - التفاؤل - الدعاء ( هالعلم بحد ذاته يقول ان في ثلاث خطوات تجلب لنا ما نبي . 1) السؤال: طلب الشيء ( واحنا عندنا الي يعبر عن هذا الي اهو بإختصار "الدعاء" حيث ان الله قال: ادعوني استجب لكم" ) 2) الايمان والتفاؤل: ابهالعلم يمكن قصدهم الايمان بالحصول على الشي المطلوب بمعنى التفاؤل واحنا الحمدلله ديننا قال فيما معناه ان الله عند ظن عبده به سواء كان هذا الظن حسن او غيره وكذلك " تفائلوا بالخير تجدوه ) 3) الاستلام لما هو مطلوب والرضاء به : اذا طبقنا الدعاء والتفاؤل الله بيستجيب لنا ان شاء مثل ما قال: " ادعوني استجب لكم "
هذا العلم انا اعتبره هدية من الله سبحانه وتعالى يورينا فيه الدلائل على كلامه وكلام رسوله صلى الله عليه واله وسلم , وبعدين هذا بمثابة علم يبحث فيه الانسان والعلم مو حرام مثل ما قلت مساع " ولا يحيطون بشيء من علمه الا بما شاء" وهذا احنا مو يايبينه من الغيب