[.دعوة لكل بنت دخلت حملة معاي أو مع غيري أو تعرف شي مجربته بالامانه تفيدنا تتفضل^_^

[رُۈحَ ۈ رْيحَآن]

بسم الله الرحمن الرحيم






،،


السلام عليكم ورحمه الله وبركاته

،،


هالموضوع باذن الله راح يكون مرجع لكل شي لوحده تدور
[خلطات - شي يسمن او يضعف - حبوب للشعر او للوجه - كريمات للوجه والجسم ...الخ ]
تفيد بنت تحب تهتم بنفسها - عروس - حآمل - نفآس - بنت تحب تهتم بنفسهآ - أو أي وحده بتغير من نفسهآ وتهتم
،وتكون نتآيجها مضمونه ،، وأختصار للوقت بعيد عن التجربه وتضيع الوقت وأخر شي مآتستفيد ،،
نبي كل وحده تكتب لنا اللي فادها بصدق وأمانه عشان تخلي اللي تستخدم الخلطات والشغلات اللي تقولها لنا ندعي لها بظهر الغيب ،،

1- الخلطه إللي فآدتج أو كريم ..الخ
2- حق شنو أستخدمتيهآ
3- المده جم كآنت ؟
4- النتيجه



وقوآآكم الله خواتي
:eh_s(7):

​

 

[دنيا جديدة]

هلا روح وريحان
يسلمو ع الموضوع الرائع

خلطة حيل نظفتني وبيضتني خلالالال اسبوع
وهي صابونة دوف بيضا وحدة وعلبة حليب سائل وكريم جلوسليد الا حمر واحد
لي رجعة بعد الحماس

 

[رُۈحَ ۈ رْيحَآن]

هلا روح وريحان
يسلمو ع الموضوع الرائع

خلطة حيل نظفتني وبيضتني خلالالال اسبوع
وهي صابونة دوف بيضا وحدة وعلبة حليب سائل وكريم جلوسليد الا حمر واحد
لي رجعة بعد الحماس

هلا فيج دندون حبيبتي
،،
الله يسلمج ي قلبي انتي الرووعه :eh_s(7):

اي مكان اكثر شي حسيتي فيه بالبياض ؟؟
ايدينج - رجولج - ركبج - بين الفخوذ-المنطقه الحساسه - الموخره -
الظهر - الرقبه ؟
ممكن تقولين لنا اي واحد فيهم صورته ؟
وجم مكتوب ع الكريم بال مل ؟؟
ونبي المقادير الخلطه بالضبط جلوسليد الاحمر

وصوره دووف هذي تقصدين والاغيرها؟؟

​

 

[فدوووو]

استخدمت صابونه الغار وشالت الحبوب بجسمي

واستخدمت السدر وملح الليمون كسنفرة

واستخدمت الفازلين لرموشي

استخدمت خلطه داهيه مطير لتبييض الجسم

استخدمت فيسودين لازاله الحبوب بخمس ايام

استخدمت لوشن البابايا مع علبه وحدة من كريم كيلي لترطيب اليدين والارجل

 

[جولينار]

رور حاليا شابكة من الفون


بس افضى راح اكتب كل شي


وعساك ع القوة

 

[دنيا جديدة]

هلا روح وريحان

اممم
هذا الجوليسيد

الملي 250
بالظبط الصابونة اللي حطيتيها البيضاء ابشريها زين وبعدين حطيها بالخلاط مع حليب السعودية سائل علبة وحدة وزيادة ربع

كانت زنودي مليانة حبوب وخررتها البياض بكل جسمي فتحتة والا حلى نظافة من قلب
حطيها ليلة كاملة لازم تتشرب

 

[نظآره سودآ]

ملعقة شآي صغيره فآزلين+ملعقه شآي صغيرة زيت زيتون+ملعقة شاي صغيرة دابر آملآ

للرموش حححدهـآ تينننن بتشوفين رموشج لي حوآجبج

ماشاء الله تبارك الرحمن

النتجة تبين من أول أسبوع والأستمرار بيغيرهم

 

[سالم الروح]

وعليكم السلام والرحمـه​

اناجربت وآآيد اشياء بحملتج الحلـوه ابي اذكر جزءمنها وجزء بعدين​

اول شي انصدمت من منتج شجرة الشاي من بودي شوب لان طلعتلي حبوب فجأه واهوا وخرهم لي بفترة اسبوع واستخدامي له كان يومي مرتين الى 3 مرات باليوم

​

الشي الثاني اللي استفدت منه حق الحبوب واثارها اللي بالظهر
صابونة الحرمل
ماكنت استخدمها بانتظام بس نتايجها عجيبه وتبين يعني اللي تستمر اسبوع بتلاحظ تحسن كبيـر
http://www.q8yat.com/t867735.html​

الشي الثالث:
الريول ضروري ترطبيها مع لبس دلاق وجربت منتجين وآآيد انفعوني
كريم جرجنز

كريم كراك

بس كريم كرآك مفعوله قـوي اما جرجنز كجرد ترطيب ونعومه
http://www.q8yat.com/t976192.html​

الصابونيـه اللي وحدت لوني تقريبا وفتحتني وايد ...

صابونيه الألماسـه حيـــــل عجبتنـي لدرجه الحين مااقدر استغنى عنها حتى لواستخدمت صابونيه ثانيه
والاهم ريحتها حلوه وفيها سنفره يعني مايحتاي اسنفره بعد
http://www.q8yat.com/t875806.html​

ومشكــوره عالموضوع الحلو لي مشآركات بعد بس وقتي ضيق الحين
​

 

[Eillan2]

موضوعك رهيييب ومفيييد للكل ربي يسعدك

جربت مويا الورد والمُره لوجهي
خلت وجهي صافي ونظره مرررا دي الطريقه رهييبه

طبعا تجيبي علبه بخاخ فاضيه تعبيها مويا ورد
وتضيفي في العلبه نفسها خمس حبات او سته حبات مُره
تخليها شويه لين ماتتفتفت المُره وترجيها تمام التمام

وبس استخدميها يوميا ثلاث او اربع مرات
وعن تجررربه
وبالتوفيق لكم*

 

[Kirsten storms]

عليكم بالعافيه

مشكورره على هالموضوع فكرره حلوه
عشان يستفيدون البنات :*​

 

[توتا حمرا]

موضوع حلو
أنا كل مرة اجرب شي بس الحين سويت لي جدول واستمر على اشياء معينة
منقوع البابونج يعطي نضارة للويه
احسن مرطب للبشرة الجليسوليد احطه قبل النوم على ايديني ورجليني
صابونية مزيونه وشقره اتهببببل
وللرجلين بما ان الحين شتاء يتعرضون للجفاف بنسبة اكبر والحل فازلين قبل النوم ومع دلاغات احسن ينعم ويلين
اممممم هذا اللي عندي الحين واذا تذكرت شي بقوله*

 

[• JoJo •]

انا بالحملة اللي كنت فيها بديت استخدم حبوب زيت كبد سمك القد 7 seas

حق بشرتي حييييييييييل تغيرت الحمدلله حتى الحبوب القديمة ماطلعت ماشاءالله وصار لي عليها شهرين تقريباً

ماشاءالله انبسطت من نتيجتها حق البشرة والاظافر .. لكن حق الشعر ماحسيت بتغيير

 

[&موناليزا&]

موضوع حلووووووو ومفيد

صابونة الطاووس باللوز

سنفرة ستيفز

 

[Dr.rooz]

الموضووع روعه مثل رااعيته يسلمووو


استخدمت لوشن فازلين بزبده الكاكاو عطااني نعوومه مو طبيعيه وتفتيح بسيط واستخدمه يوميا لي تقريبا شهر ونص
مكعبات الجاي الاخضر نضااره عجييببه من اول اسبوع تبين النتيجه

كريم مرطب الوجه مال المستوصف خلطت معاه ماي ورد عطااني تفتيح لاحظته بشهرين

ولي باك ان شاء الله

 

[فـــرح...]

خووش موضوع

ومشكوره ماقصرتي

 

[شمووووخ المدينة]

مادخلت حمله بس المووضووع عجيييب
امم بس حبيت انوووة انتبهوا من حبوب سمك القد يقولوا كثرتة مو زينة هع
والاشياء اللي جربتها وجابت نتيجة
رشي شوي مااي على ايدك وحطي بعدها جلسوليد حييل ينعم
وامم ماي الورد يعطي نظارة
وصابونة الكركم لشيل النمش حلوة وبثثث
بس بسئلكم بنات الدوكلين واليوكوم وتن اية يقولون مضرة من جربها وجابت معه نتيجة واسفه صاحبة المووضوع كتبت استفسار هنا

 

[انثى عاشقة]

اهين ياعسسسسل
لي فترة طويلة مو شابكة ع المنتدى
ودخلت اليوم اشوف رسالتج الحلوة

قلبون الاشياء الي استفدت منها
طريقة بنت السلطان للوجه
كريم الدوكين فورت + اليكوم + الرتن ايه
تخلي الوجه صافي ويلق
يعطيها الف عافية سلطونة:eh_s(22):

خلطة زيوت تبييض الجسم ع طريقة وردة سلفر
اضيف لها شوي ماي ورد وحليب باودر
وبعد صابونية انجل كات البابايا حلوة
والخيااااااااااااااااااااال الليفة السحرية الايطالية
ريحتني من تعب الحمام المغربي وحوسته لووووول
تجننننننننننننننننننننننننن
كل يومين اتفرك فيها يختي تطلع بلاليط
في حياتي ما شفت مثلها :eh_s(11):

الشعر جربت اسيح قطعة زبدة مع اي زيت استخدمه
حيل تنعم الشعر
وبعد حمام الكريم بوناويل المشمش
وسيروم للشعر من بالمرز

الهالات السودة مبشور خيار + مبشور بطاطس
نتيجة مرضية نوعا ما

وطبعا عندي اغراض مثل سنفرة مريومة للشفايف والمرطب
للحين ما كملت الاستخدام
حاشتني ظرووف تركت كل شي الاكيد اني راح اكمل
عليها واكتب تجربتي بعد :eh_s(7):

اذا تذكرت اكثر برد اكتب لان الحين هذي الاشياء الي تحضرني

اتمنى اكون افدتكم لو بالقليل:eh_s(17):​

 

[فراولة فسفوريه]

هلا وغلا فديتج موضوعج حلوووووو والحين بكتب الاشيااء اللي صارلي عليها من جم سنه ولاغييرته


للوجه

صابونه بيزلين هذي لو شنو مااستغني عنها فتحت بشرتي عطتني نظاره ووردت خدودوي >>اشتريها من سعوديه

زيت جنين القمح روووووووعه احطه قبل لاانام راحت الهالات الي تحت عيوني والبقع والتصبغات اللي بالويه وحتي ملمس الويه يصير ناعم وتحسين نفسج بيبي فيس

ماسگ البطاط بعد مستمره عليه من زمان اهو لتنظيف البشره والله من اول استعمااااال احس بشرتي صافيه ومفتحه جربوها

١/بطاط
١/ملعقه حليب بودر
١/ملعقه نشا

البطاط تحطينه ع النار بماي لين يخلص وحطي بالخلاطه مع الباجي ونطري لين يبرد شوي وحطيه نص ساعه

راح يكون نفس العجينه واذا حبيتي زيدي ماي شوي شوي شوي>>فهمتوا صح لوووول


وان شاء الله لي عووودهـ

 

[جولينار]

تفتيح الوجه


فيه ثلاث اشياء اثبتت جدارتها


صابونة البابايا 4 في 1

كريم الدوكين

صابونة الكبريت

نضارة ونعومة الوجه


تونيك انول فيتامين سي +موية ورد

قوالب منقوع البقدونس المثلجة

ماسك الطحينة والنشاا وأغلب الماساكات الطبيعية




هذا اللي يحضرني حاليا

 

[m!ss craze]

مراححب رووورووو كييفك مشتاقين لحملتك ع انو اهملللت نفسي اخرها بس كانت مشجعة لي وبميزان حسناتك ياقلبو

نجي للمهم

الي افادني
1- خلطة عابرة سبيل للجسم
رز + نشا + موية ورد
مفعولها
تفتيح المنطقة الخاصة + سواد مابين الفخذين تغيير جذري + الرررررركب تغيرت بنسبة 60%

2- ماسك موية الورد + حليب نيدو للوجه
مفعوله
نضارة وتفتيح وتوحيد لون بس وقتي يعني لازم كل فترة تسوييينه


3- زيت جنين القمح للهالات
مفعوله
تفتيح من اول استعمال


4- طريقة وردة سلفر لليدين
مفعولها
نعوومة + تفتيح


5- فازلين + فكس للرجلين
مفعوله
سويته مرة وحدة حسيت بنعوومة + التائم الشطوب <<اهم شي