دعوة للي يلبسون الماركات الأصلية واللي يلبسون سوبر تقليد .. للنقاش فقط

[فرس بيضا]

و بضيف شغله
((( القناااعه)))
يعني انا شخصياً مستحرمه اني ادفع مبلغ وقدره علي جنطه بمل منها واحذفها والا علي شي بحطه برجلي
معني ولله الحمد اقدر ادفع بس قناعتي جذي
حدي بالجنطه ٢٠٠ بالكثييير ع الساعه اقط مو مشكله و الجوتي وانتو بكرامه فوق ال٣٠ ماا قط علييه

 

[Faru7a]

مع العلم ردي متاخر بس يا بنات بقولكم تجربتين من تجاربي بالماركات الاصلية
الاولي انا من اكثر من 14 سنه شريت لي ساعه اومغا بس من اعرق او يجي بيني وبينها ماي تبقع لون اسود علي رمادي
والتجربه الثايه قبل 3 سنين شريت جنطة الخريطة الفيرومارتيني والساعه بعد بس من اول سنه سودت ولونها يفشل غسلتها ما كو فايدة
الحين قطيتها حالها حال التقليد

 

[Faru7a]

الموضوع حلو نرجو التفاعل

 

[كويتيه فرنسيه]

انا احب اشتري الاصلي بس ماركات معقوله يعني اسعارها بمتناول اليد

اما الماركات الغاليه بصراحه ابعد عنها

 

[نبض الجود]

تبيني آقط 100 و 200 على تقليد شحقه !

في مآركآت رَوعه والكل هآب فيهآ وسعرهآ من 50 لي 200 تقريبآ ،

مثل

دكني , مآيكل كورس , قس ، تيد بيكر , كارن ميلر , الفيرو مآرتيني , بومبآ اند لولآ

وعندج من 50 وتحت

زارا , توب شوب , ريفر ايلآند , دبنهامز , h&m , نيولوك ,سنتر بوينت ، دوروثي , الدو
وآغلب محلآت الافنيوز ، >> وهذول كلهم مآركآت عآلميه مو بوطقه بس سعرهآ منآسب والكل يقدر يشتري منهآ ،

​

 

[اماراتيه!]

جوفي الاصلي اصلي تحسسينه غير مثلا نييي للجنطة يوم تكون ماركة تحسينها انها مرتبة و مابتنقطع لو شو صار و غييير الاصلي عن التقليد
و اللي ماعنده بيزات لا يلبس ماركات و اذا قدر يلبس في. ماركات مب غالية شرات اكسسوارات قس
و ثانكس عالموضوع و هاذي وجهة نظري

 

[Hand]

هيا اختلاف في وجهات النظر
بالنسبه لي احوب اخذ من الماركات العاديه زي نيولوك ودبنهامز وزارا ومانجو
اشوف الشي هذا افضل بالنسبه لي
مشكوره حبيبتي

 

[ام سمو]

السلام عليكم حبايبي كويتيات حبيت اسالكم عن بازار عندكم بالكويت اسمه معرض بازار كويتي بيسوونه بالموفنبيك عندكم اشلون المعرض هذا وشنو يبيعون فيه ياريت اتقولونلي عنه وهل في اقبال عليه

 

[ام الموج]

up up

 

[%دانة%]

جربت الثنين

 

[رامونه]

بصراحه انا راي كرهت الماركات من كثر ما نشوف البنات لابسين تقليد وكل ماركه مقلده
والشي الثاني ليش اشتري شنطه ماركه اصليه وسعرها فوق الخيال وبعدين كم مره بلبسها وموضتها تروح واملها وفي النهايه اخليها في الكبت وبعدين حتى لو شريت ماركه وشفت وحده ماخذه نفسي بس تقليد درجه اولى ما احس في فرق خصوصا من بعيد ما تبين بس اذا فتحتي الشنظه ممكن تلاحظي فرق يعني مقعوله كل وحده اشوفها اقولها فتحي شنطتك اشوف اذا ماركه او لا

 

[::العنود::]

طبعا الاصلي
ولو كان ماعندي ميزانية اخذ نفس ما قالوا البنات من المركات اللي اسعارها معقولة
وبعدين اكثر من رجل دين حرم الشراء من التقلييد لانها تعتبر سرقة حقوق فكريه
شكرا

 

[غير كل الناس]

كل شي يحتلف حتي الاحساس بالماركه غير

 

[hend6363]

شنو ويييه ما ويع و فشله
الحين انا داك اليوم شفت شنطه شانيل الي تجي ايييدها طويييلة دهبية تنلبس علي الكتف و قالي 2700 درهم مغربي و خاطري في المودييل ديمااحلم بيها
و بصراحة ما اقدر غالية بزااف علي
و في تقليييد بس ب 400 درهم
يعني انا صرت افشل و مو واثقة في نفسي بس عشان خاطري ف شي مو قادره اجيبه و لقيت البديل

 

[بنت العقربيه]

في الفترة الاخيرة صرت اتحسف احط فلوسي على تقليد لانها بعد فترة من الاستخدام تبين انها مقلدة تروح لمعتها وتطلع منها خيوط فقررت اني مااشتري مقلد دام فية شنط وشوزات نوعية وخامة ممتازة بسعر المقلد
مثل زارا وقس ودكني ودوموند وكوتش ودون وغيرها كثير

بس مايمنع اني اشتري مقلد اذا كان عاجبني لكن بالسعودية كثير ماركات عالمية مو موجودة عندنا لحد الان عشان كذا اضطر اشتري مقلد
مثل شوزات كريستيان لوبيتان

اتمنى يفتحون محل لملابس اميليو بوتشي وجوتشي وديور وبالماين وايلي صعب وكثير غيرها مو موجود عندنا للاسف

 

[يحبنى الله *]

للرفع

 

[Mjnont '3lay]

رد: رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

انا اساسا كرهت الماركة والسبة التقليد

تبين هالمرة البس التقليد

انا صراحة لو ااموووت ما البس التقليد

وحتى الماركات اللي تتقلد

لاتتقولوين لي كبر وغرور وفخفخة

ترا مستواي المادي عادي يعني مو بطرة

بس ماحب التقليد

احس اني مصخرة

شي مو قادرة تلبسينه ليش تلعبين على نفسك وع الناس

بالعكس انا اشوف ان الهوس بتقليد الماركة نقص صراحة


شي مو قادرة عليه ليش ابين للناس ان عندي

مع انه للاسف التقليد يفشل ويبين



يعني مو قادرة على الماركة في محلات تهبل تبيع شنط باسعار حلوة وذووق

مثل كارين ملن و زارا وريفر ايلاند وتشارلز اند كيث ومحلااااات كثير شنطها تهببببببببل واسعارها حلووووووه


وفعلا في بنات مو عاجبتها الشنطة بس لانها بالسعر الفلاني ومن المكان الفلاني شرتها


وصراحة في شي هو فعلا اللي مستغربة منه

شلون اشتري شنطة تقليد ب100 ولا 200 دينار

صراحة هالشي منصدمة منه حيييييييل

لا وتتفشخر تقول درجة اولى

والله التقليد يبقى تقليد سواء درجة اولى ولا عاشرة

واللي ب 200 مثلها مثل اللي ب8 دنانير عند الهنود

كلها تقليد


ادري اغلبكم بيعارضني بس هذي وجهة نظر

واشوف انها منطقية

ولا تقولين لي يعني الفقيرة مايحق لها تلبس ماركات

الحمدلله محد فقير في الكويت

بس بعد مو حلوة الوحده تبين للناس ان عندها نقص وان كل همها تقلد اللي عندهم ماركات

الحمدالله و الشكر شكو النقص بالجنط
السموحه يعني نرزفني ردج
يعني انا احب لويس فيتون وخاااطري فيها بس استحرم اقط ذاك السعر على جنطه
هل معناته اخليها في خاطري والله عشاان كلام الناس ؟؟؟
والله ماااهموووني الناس وولا لقيت لهم بال الزم ماعلي ادلع نفسي على قد فليساتي وعلى قد قناعتي
واذا انتي ذابحج الاسراف شي راجع لج انا مو داعيه ولا ملتزمه حيل ولا مشدده ولا مطوعه لكن اؤمن بانه النعمه زواله والله ما امرنا بالاسراف شنو انا اتعب شهر كاامل اكرف عشان اقط تعبي و شقاي على جنطه هذااا النقص بحد ذاته
مو النقص اني البس درجه اولى و ما ابذر النقص اني اقط تعبي وشقاي على شي تافهه بس عشان كلام الناس الحمدالله و الشكر
روحي شوفي الدول الفقيره يعورون القلب كسرة الخبزه مو لاقين ياكلونها وانتي تتفشخرين بالماركات دام عندج هالمبلغ قطيه على صدقات جاريه تفيدج بالاخره ابرك لج من جنطه خيرتها مرتزه بالكبت و بعدين لو سمحتي لا تتكلمين عن شي ماشافته عينج منو قال انه محد فقير بالكويت اعرف ناس والله يمر عليهم ايام ماعندهم كسرة خبزه على الله وعلى الصدقات اللي تجيهم من فتره لي فتره من عيال الحلال وموكلين امرهم لله ترى محد عالم بحال العباد الا رب العباد

 

[قروب وناسه]

بنااات خلاص
خخخخ اسوي جو بس
تقليد وماركه وماركة وتقليد
بوجه نظري انا مالبس ماركه الا عاديه زرا برادا الخ
مانكر ان ودي اللبس قوتشي وشانيل الخ من العجز مسويه اختصارات
اول شي ماعندنا بالسعوديه هالمحلات اتوقع بس بالرياض وجده كانه مادري الموهم انا من الشرقيه
طيب وكثير بنات يلبسون تقليد في الدوام والكولج والجامعه وعادي
واقولك شغله تضحكين عليها اعرف كم بنت جخ وبنت جخ جخ افهموها يعني وتسافر كل شهر را اوربا روما كل سنه مكان حتى و يومين وترجع ماعمري شفتها اللبست اصلي كله تقليد وبما اني امون عليها قالت صح ربي منعم علينا وكل شهر بدوله قلت شمعنى اسفر قلت السفر سياحه وتغيير جو بس اتري الاصلي اذا تزوجت قطعتين ولاثلاث بس استغربت
قالت بدل اماقط على شنطه قيمه وفي تقليد اشتري خمس ست شنط نفس التقليد وهي موضه وتروح


عن نفسي مادري بس اذا تزوجت راح اشتري
اما اللحين لا
واممم شنو واذا بشتري اصلي باخذه ملاسك علشان موديله مايقدم مثلا شنطه ساعه اساور
بس ملابس وجزم لا بصراحه لاني من النوع اللي اقط ملابس كل ثلاث شهور واشتري جديد
فعشان كذا ماشتري غاليه وانا من النوع اللي احب اجدد

مثال جاتني ساعه من الحميضي هديه كرفتها وكديتها كد سنه كامله لووول والصدمه شفت وحده من خوياتي نفس الساعه قلت لها بكم قالت ١٠٠ انا انصدمت والله والله نفسها ماتفرقين ابد
ابد انا ٢٨٠٠ وهي بميه صدمه وماتحسفت لانها هديه لوووول
حدي بساعات ٥٠٠

وطبعي اشتري غالي بس كلاسك والوانهرمحايده علشان يظل معي ويعيش
يعني يعيش معي سنتين ثلاث واكرفه كرف

قبل الملابس الماركه كل الماركات مو مشهوره فاللحين اشتهرت عندي سلسال قبل حرب الكويت من سان لوران ذهب توني ماجيت بس مال ماما وتم سرقته لووول
تخيلو اللحين في نفسه ودبل دبلات مضاعفه باللي شريته قبل شرته ماما ب٨٠ واللحين هيهات هيهات بكم ٣٠٠٠ وشوي


اادري طولت موضوع مو راي بس اهم شي الذوق والبساطه مو مهم ماركه او تقليد اهم شي يكون الذوق راقي وكشخه


وعندي قصه عن زارا ومانقو وبرشيكا والخ من الماركات العاديه وبتنصدمون بعد

 

[قروب وناسه]

بالمختصر علشان ماتملون في محل حق خال صديقتي المهم ناسيه المحل وناسيه البنت يعني تزوجت وسافرت برا وانقطعت الاخبار الموهم
هو جاب بضاعه من برا وفتح محل قال تعالو بفتح المحل وكذا راحت البنت شافت بلوزه قالت خالي بكم قال هديه قالت لا والله قالت حالي حال اللي يشترون
قال والله رخيصه انزين معلبه بكم قال ٦٠ انصدمت قالت نعم قال ان شاريها بخمسين بس باخذ فايده بعسره وتقوم البنت وتشتريها لاختها قالت مابي بلوزتك عقب مالبستيها قالت والله جديده وتقوم وتغسل البلوزه اللي من زرا ٢٠٠ او اقل ماذكر المهم وتكويها والله نفس اللون والقماش وكل شي



على فكره هي مو صديقتي انا صديقه بنت بنت خالتي بس المشكله هي ناسيه المحل وين يا في الدمام او الاحساء اللي يعرفه يذكرنا لوووول

 

[Patcholli]

لو اموت ما اقط فلوسي على شي تقليد
والحين التقليد مو هين بعد صاير ينباع على 90 و100 ..!!
ماكو شغل اقط هالمبلغ على تقليد ؟؟
10 دنانير اتحسف اقطها على تقليد هالمره 100 ؟ وبالاخير تطلع بلاستيك ؟؟
في وايد بدائل اشتري فيها جنطه اصليه بسعر التقليد
اما اني اخذ ماركه رخيصه طقت جوسي او توري بورش او مايكل كورس او كوتش هذيل رخاص وعالاقل اصليه
او اني اطلب من النت من المواقع الامريكيه اسعارهم تفرق عن اسعارنا بالكويت
او اني انطر سفرة الصيف واخش مبلغ معتبر ايب فيه جم جنطه اكدهم طول السنه واللي يخلي الاوت ليتات اخذلي احلى جنطه اصليه ا 100 او 150 دينار
يعني المسأله مسألة عقل
اذا اقدر اخذ اصلي بسعر تقليد ليش اقط فلوسي عالتقليد ؟؟