دعوة نحو الأكل الصحي ليكون من عادات أكلنا <<سر الصحة والشباب

[ملــحْ !]

جنج تدرين صآرلي يوومين ..

آبدآ اليووم بآكل صحي وآخربهآ ع الآخر

بس آن شآالله من اليووم الاثنيني بآديه وبقوووه

 

[ملــحْ !]

ثآنكس حبووبه

 

[زمزم @]

قو قو بنات

نبي بعد بنات صحيات تدور على الأكل الصحي

والله التشجيع هو الضمان الوحيد على الأستمرار اللي حوالينا مايشجعون أبدا << طايحين له في الدهون والسكريات والعيوش الله يزيد النعمة بس هم الصحة غالية يعني نحمد الله على النعمة بس لااسراف ولاتفريط وأكملها بعد هههه ولاإفراط

 

[۞ F A N T A S Y ۞]

زمزم

هههههههههههه اي و الله صاجة لو احنا التزمنا الي حوالينا ما يساعدون :eh_s(4):

اليوم شكله بكثر كلام بالموضوع

من امس كنت بكتب عن اهمية الرياضة و النوم

بالنسبة للرياضة مهمة للصحة و معروف هالشي عند الكل بس للأسف ما نطبق و كله قاعدين و حتى
لو كنا حابين نغير نظامنا عشان البشرة فهذا ما يعني ان نهتم بالغذاء و ننسى الحركة لان البشرة
الصحية تدل على جسم صحي من داخل بشكل عاام و الصحة تعني تغير عاداتنا بالاكل و النوم
و الرياضة مو بس الاكل و خلاص

لما كنت صغيرة كنت اموت على الرياضة و احب حصة الالعاب بالمدرسة و اذكر حتى كانت الابلة
تبيني ادش بفريق الجمباز لان جسمي مرن بس للأسف امي ما وافقت :eh_s(2): مع ان سمعت
من خالاتي انها كانت بالجمباز ايام المدرسة :eh_s(4):

المهم كان هذا بالإبتدائي و بداية المتوسط لكن بنص المتوسط تغيرت و صرت كسولة بمعنى الكلمة
ما تحرك و كله قاعدة << طبعا من عرفت النت و ادمنت عليه ببداية المتوسط >> و الى الحين ثاني
سنة لي بالجامعة و انا هذي حالتي كله قاعدة يا على الاب توب و لا اقرا و لا على التلفزيون بس
حركة او طلعة من البيت مستحيل حتى الطلعة من البيت ما لي خلق ،، و من قلة الحركة و الكسل
مرت علي فترات اذا رحت السوق مع امي و اختي امشي يمكن ساعة و جذي و خلاااص اتعب
و اروح اقعد و اخليهم يكملون و يشترون لي اغراضي :eh_s(1):

و غير اكلي الي ما كان صحي كلش كل هذا سبب تدهور كبير في صحتي و بشرتي و هذا السبب الي
خلاني هالايام احاول اغير نظامي الى نظام صحي لان اذا بستمر على هالحالة راح تجيني امراض اكثر
و البشرة و الصحة من دمار الى دمار :eh_s(1): بس الحمدلله هالايام تداركت نفسي و التغير واضح في
صحتي و بشرتي تحسنت << بالنسبة للعناية الخراجية من كريمات و ماسكات فانا من زماان بادية بس
العناية الداخلية بالاكل لا توني من شهر

هالشهر دخلت بنادي وكانت تجربة حلوة و مفيدة :rerrerek:
صج الرياضة حلوة و الي لاحظته زيادة بنشاط الجسم و حتى النفسية تتحسن
<< و الي ساعدني هو حبي للرياضة و اني استمتع فيها :ggdw:
بس باول اسبوع يمكن كنت اتعب و ارد البيت حدي تعبانة و هلكانة بس شوي شوي تعودت

فالرياضة الرياضة و الحركة يااابنات ،، سجلوا بنادي و اسمتعوا بوقتكم و تحركوا ترى هالشي في
اغلب الكوتيات تقريبا (الكسل و قلة الحركة ) و حتى تقريبا كل بيت فيه خدامتين او اقل شي خدامة
و كل شي متوفر عندنا و بايدينا فما في شي يساعد او يشجع على الحركة كلش حتى الرياضة
ماخذين فكرة انها للي اوزانهم كبيرة و يبون يضعفون بالنادي كل وحدة تشوفني تقول بفهم انتي
ليش داشة النادي << مو الاخت ضعيفة :eh_s(1): و حتى البنات الي بالنادي ما شاء الله تقريبا كلهم
من الاوزان الثقيلة ،، ما شفت وحدة رشيقة و تلعب رياضة الا المدربات يمكن لووول

فليش ماخذين هالفكرة ان الرياضة و المشي للي اوزانهم ثقيلة او كبار السن بس !! الحركة
و الرياضة حلوة للكل و كلنا نحتاج لها صغار و كبار ضعاف متان مرضى اصحاء كلنا لازم اذا ما نبي
نمارس الرياضة نمشي على الاقل ...

بقول موقف مرة في حصة من حصص اليوغا بالنادي << احب اليووغا :eh_s(7):

المهم كانت مدتها ساعة في اخر الحصة تقريبا حسيت بشي في رجلي ( خلف الركبة ) المهم بعد
ما خلصت الحصة رفعت طرف بنطلوني و شفتها امبييه حبة لونها اسود و كبيرة توها طالعة وكانت
تعورني المهم لما رحت البيت سويت سيرج عن اليوغا و فوايدها لقيت من فوايدها انها تخلص
الجسم من السموم و عرفت ليش طلعت هالحبة و معروف ان الحبوب الكبيرة و اللي لونها غامج
عبارة عن سموم كانت داخل الجسم ،، فرحت اقرا عن كل نوع من انواع الرياضة و فوائدها فعرفت
ان التنويع حتى بالرياضة حلو للجسم


فلا تقولون كافي نروح الممشي و نمشي لا سجلو بنادي افضل لكم جو رياضي و يساعد على
الرياضة و رياضات مختلفة تقدرون تمارسونها مع المدربات سباحة سويدي يوغا تمارين استرخاء
و شد عضلات و اثقال و حتى المشي تقدرون تمارسونه بالنادي


فيا بنات الرياضة الرياضة و الحركة بركة :eh_s(7):

و على فكرة ترى الرياضة ما تضعف << للرشيقات
الا اذا كنتوا بنفس الوقت ماشين على رجيم هني يمكن تضعفون
اما الاكل مع الرياضة يسمن و هذي انا وزني بصعوووبة يزيد بس
من دشيت النادي زدت جم كيلو *_^

بالنسبة للنوم بحاول اختصر بالكلام هههههه

حتى طريقة النوم تاثر على الصحة

كافي 6 و لا 7 ساعات باليوم لا قلة النوم او كثرته مو زينة معروف هالشي

ووقت النوم ترى النوم الصبح غير عن الليل حتى لو نفس عدد الساعات

سبحان الله جربوا تنامون من 9 بالليل او 10 الى 3 او قبل صلاة الفجر بس لا تطولون
الى ما بعد الفجر اصلا تلقائيا راح تقعدون و انتم حاسين بنشاط كبير و جنكم
ما نمتوا نفس هالنومة من قبل :krkrkr:

فافضل وقت للنوم هو من بعد صلاة العشاء الى قبل صلاة الفجر و بس 6 ساعات
او 7 بالكثير تكفي و لو طبقتوا هالشي لفترة تلاحظون التغير الكبير في صحتكم
<< هذا الشي الي ما اقدر اتحكم فيه نومي يااليت التزم بهالوقت كل يوم :eh_s(2):


و بس شكلي قرقت وايد اليوم سي يو قيررلز :hjy5jewf:

 

[زمزم @]

۞ f a n t a s y ۞

ماشاء الله عليج ياااقلبي صرااحة حدج عجبتيني << ممكن الرقم ههههههه

ترى صحيح الريااااضة مو بس للسمينات
لكل الأعمار والأوزان يعني الحين اللهم ياكافي منتشرة السمنة بين الأطفال يادافع البلا

المفروض من الأهل توعيتهم وتشجيعهم على الرياضة
نجي للمراهق حيل مفيدة له لأنه ينشغل عن الغرائز السيئة وعن التفكير الخطأ وتحد من حسياسيته لأنها تبني في داخله القوة والثقة
نجي للشباب تخفف الضغط عليهم من العمل أو تعب النفسية أو الأرهاااااااق

نجي للمسنين <<<اللي طايحة ضروسهم ههههه والنعم فيهم وعلى رأسي امزح ترى مفيدة كذلك لهم تعرفون في هذا السن كثيرا من هالفئة الله يشفيهم ويطول بأعمارهم اللي مصاب بداء السكري أو الضغط أو القلب أو المفاصل << ضريبة تقدم السن لويمارسون الريااااضة فهي كفيلة بالحد من أرتفاع مالديهم وقد أثبتت دراسات ممكن تلاشي هذه الأمراض بعد...

أنا كنت ملتزمة بالرياضة بس من أحد يدري عني أني اسووويها ضرب ليزر العيون علي <<ماأدري أمارسها في الليل كأني جنية وله خفاش ع العموم الحمدلله قاعدة اتحرك واشتغل بالبيت لأن خدامتنا راااحت هذا اللي مهون علي ......

 

[• JoJo •]

خوووش موضوع

الماااااء اهم شي

بعده فواكه وخضروات

ملاحظة مهمه : الفواكه لازم ناكلها على معده فارغه يعني نتحنب ناكلها بعد الاكل مباشرة لانها تسبب خمج بالمعده

عصيرات طازجه

نبعد عن المقالي والحلويات والفاست فود

 

[زمزم @]

توني رادة من السوبر ماركت
ورحت شريت لي أغراض صحية عشان أكون أمام الأمر الواقع ولاتروح ايدي على أكل الخرابيط وقت اليوع
شريت لي أظرف من نسكافية اشربها وقت السناك وزبادي سادة وبالفواكة ماأحب الزبادي بس راح أحاول
وتوست بالألياف ضرورررررررررررررري جدا عندي
وكليت اليوم تفاحة ورقي
وباجر بسوووي لي سلطة ومفكرة اكل لي تبولة بشكل مستمر لأن البقدونس يسمونه ملك الخضروات يعني مفيد حيل

 

[۞ F A N T A S Y ۞]

زمزم ههههههههههه زين اذا تتحركين بالبيت شي حلو


انا اليوم خربتها شوي و كثرت حلو بس يبيله اروح الجمعية الصبح
و انوع بالاكل الصحي تقريبا الفواكة خلصت الحين عشان جذي خربتها هههههه

 

[شواشا]

يعطيكم العافيه موضوع يشجع انا اكلي كله مو صحي كله ككاوات وشبس ومشروبات غازيه وبعد ماقريت موضوعج شفت تشجيع كبير والحين بنزل المطبخ بسوي عصير برتقال وبسوي سلطه وكل شي ومشكورين وااااااااااااايد بحفظ الموضوع عندي بالفيفرت وكل يوم بشوف

 

[batooly]

موضوعج حلوو

انا هالايام قمنت اكل حبوب زيت السمك
و اشرب لي حليب + عسل + حلبة لذيييذ

بس الماااي ما الدري ليش ما اقدر اشرب وايد

مشكوووورة خيتوو ~

 

[!! Ba6a 7lwa !!]

عوافي للكل

واهم شي المااي وانا ان شربت ماي وايد سيده تقلب معدتي
والفواكه والخضروات وحولي كثر ماتقدرين اكلج يكون مشوي

وحاولي ميخلص يومج الا وانتي ماكله فواكه وخضرا وماتخربطين كثر ماتقدرين وبدلي الككاوا والحلويات بالفواكه

والله يابنات عمتي كبيره والله شكلها صغير والسر انها والله قبل ماتنام تاكل فواكه برتقال كله والله يحطولها سله تاكلها كلها ماشاءالله وبشرتها ولا أروع وربي يابنات

 

[a7la shay]

الله يعطيك العافيه موضوع رائع
​

 

[Q8Buying]

خوش موضوع .. بارك الله فيج ..

نسجل تعقيب .. عشان نتابع الموضوع .. وإن شاء الله تكون لنا مشاركات فيه ..

 

[Sara Dashti]

حلو موضوعج حبيبتي

شوفي انا مشكلتي خارجه عن المألوف

طبعي ما آكل واايد يعني شوية حيل آكل ومرات يمر يوم كامل وانا بس اشرب عصير وصمونه جبن وطماط ومرات تلقيني كل يوم ابلع ابلع شكثر طول اليوم بالطبمخ ولما ايي بناام اقعدلج آي وآي بطني ذابحني ههه مافي مكان حتى اني اشرب ماي !!!

بس هالشي مرات يصير .. والاغلب بحياتي اليوميه

انا اولى ما اصحى قلاص ماي لازم .. ما اتريق بعدها لأني ما احب آكل شي ع الصبح
والغدى آكل اللي جدامي وموجود احطلي شوية بس الحمدلله انا معدتي صغيره وبسرعه اشبع لوول !!
اما العشا فأخربط بطاط وككاو وحلاو وهالسوالف

مشروبات غازيه قطعتها بس بالعروس صايره آشرب .. وبس هذي حياتي تقريبا

يعطيج العافيه حبيبتي

 

[زمزم @]

كل بنت مرت على الموضع وشاركت أو بس قرأت واستفدت اشكرها من كل قلبي

صراااحة حيل مستانسة أنا فيه مجموعة بنات لابأس فيها قامت تتوعى للأكل الصحي وتطبقه

تدرون فيه كثير صادفتهم حيل أكلهم سيء تصوروا تقول لي وحدةانا أحب البفك الربيان عرفتوه ومن زود حبي له أقعد طوال الليل على الجيس كله مو الجيس الصغير اللي فيه تقريبا 12 أو 24 حبة عاااد هذي بالله عليكم اشلون تفهمينها أن هذا يسبب فقردم وبلاوي تطلع مع السنين القادمة ووحدة تصوروا وجباتها في اليوم اندومي وبيبسي

والحلى اللي كله مواد صناعية يقولون للأهل لاتأكلونه عيالكم يسبب سرطانات الله يكفي الشر ولاحياة لمن تنادي

على العموم فيه موضوع توهم جايبينه على أبوظبي نسيت اسمه فيه موضوع حيل عجبني يتكلمون عن الأطعمة التي تقاوم الشيخوخة يعني المحافظة تجعل عمر البشرة والصحة طويلا
ومن ضمن هذه الأطعمة الكيوي الذي يحتوي على نسبة عالية بمرتين أو ثلاث من فتيامين سي يعني أكثر من البرتقال
والموز لاحتوائه على البوتاسيوم
والمكسرات خصوصا اللوز صحيح يعتبر من فئة الدهنيات لكنها الزيوت المفيدة لاحتوائها على الأحماض الأمينية
وزيت الزيتون والشاهي الأخضر يحتويان على نسبة كبيرة من مضادات الأكسدة التي تجعل من البشرة صحية ومشدودة وتحافظ على أنسجتها من التلف
وصح فيه فايدة للشاهي الأخضر انه له قدرة هائلة على تكسير الكتل الشحمية بالجسم

 

[سميرة الحلوة2]

انا الحمدالله قررت اسوي رجيم وراح ابتعد عن كل وجبة فيها دهووووون

 

[سميرة الحلوة2]

مشكووووووووورة يا زمزم