دعوه لحضور حفل ملجه

[ام سعودمنبطحه بين القشع]

حـب وعشـق وهيـام...

وبـعدها..

تلبية دعـوه لحضور حفـله ملجه

وهنــاك...

حدثت الصـدمه ..

/

\

/



صحيح انك بتتزوج!... وعرسك في مسـا الاثنيـن ...
بتاخذ وحدتن غيـري... وتتركنـي مـع أحزانـي


خواتك جابـو الشبكـه ..وقالـوا ياهـلا وأهليـن ...
بريـح المسـك ندعيكـم لعـرس أعـز الاخوانـي


وعروسك مِثْنيه راسه ... ببسمـه شقـت الخديـن ...
وفرحـه مـن نواظرهـا لهيبـن وسـط شريانـي


وأمـك ترقـص قبالـه وتِصفّـق بأحمـر الكفيـن ...
تغنـي حسهـا كنـه خنـاجـر حـبـي الفـانـي


وأنا مدري وش القصه؟ ومدري من متى ؟؟ ومنين ...
ومِنْـه اللـي تبـي تاخـذ حياتـي وكـل الامانـي


حبست الآه فـي جوفـي ودمعـي حايـرن بالعيـن ...
عذاب القلـب وجنونـه وحالـي حيـل مرضانـي


صدمت بوقتهـا أرجـي إلآهـي خالـق الجنسيـن ...
يصبرني علـى فرقـا ضنينـي ..نصفـي الثانـي


رجعت لغرفتـي أرمـي هدايـا من(ثـلاث سنيـن) ...
رسايـل خطهـا حبـرك تترجـم حـب خـوانـي


كرهت البيت والشـارع بـلا روحـن مـع الحيّيـن ...
همومي في وسط صـدري تعـادل جيـش ميدانـي


حرقت القلب يا خاين وعـودك وَصّلتنـي لويـن ...؟؟
عطيتـك قلـب مـا تلقـى مثيلـه بيـن الازمانـي


عشقتك عشق من مبطـي معـاي وباقيـن للحيـن ...
وأحبـك حـب لـو ليلـى درت عنّـه تنصّـانـي


يا (....) صرتي أنتي له هنيّـك بأسـود الحجيـن ...
هنيّـك فـي حضـن منهـو يعـادل كـل خلانـي


ورحت أبارك لعرسـك وعِـدّي مـا بكتلـي عيـن ...
سوات اللي طعن قلبه بصمت وقال.. وش جانـي ؟


فمان الله ...معك حبك توفـى فـي مسـا الاثنيـن ...
وأمانـه لا تراسلنـي وأبيـك اليـوم ..تنسـانـي [/

 

[حمام شاقني فنه]

لاهنتي ع النقل :aha:

 

[جنون العاطفه]

يسلموا يا الغلا

 

[لقيت عمري]

أقف عاجزة امام هذه الكلمات القوية

والمشاعر الصادقة

ولا استطيع الا ان اعبر عن مدى اعجابى بتلك الكلمات

مشكووووووووووره اختى ام سعود على هذا الابداع

دمتي في تقدم

تقبلي مرورى المتواضع

ولك تقدير واحترام

اختك>>>>>>>>>& لقيت عمري&

 

[^همآليل^]

ورحت أبارك لعرسـك وعِـدّي مـا بكتلـي عيـن ...
سوات اللي طعن قلبه بصمت وقال.. وش جانـي ؟


صح السااانج