دفترج التحضير

[tuuta q8tia]

رد : دفترج التحضير

شونــــــــــــــــــــــــــــــــا ما شاء الله كيووووووووووت دفاترج
مبدعه انتي يامبدعه
اموفقه يارب

 

[زيـטּ عَبْس]

شونا

ماشاء الله دفاترج ذوق وكشخه

شجعتيني اسويهم

بس شلون الصقهم
بصمغ باتكس ولا حديد ولا شمع ؟


========

وعن نفسي انا جربت بوكيه الهدايا وووو جربت الطباعه
والطباعه عندي افضل من ناحية ان مايتنتف من البنات

 

[العسل كلة]

في مرا تبيع ماشاالله والله شغلها يهبل ومرتب

 

[^ حـلـــــوى و رهـــــش ^]

شونـا دفاتج رووووووووووووعه ما شاء الله

>> فاشله بـ الشغلات اليدويـة :d



انا بصراحـه نفسج ..

أشتري من السنافر .. لانه مرتـب .. ومقسم ..
وأغلفـه عند محلات التغليـــــــــف .. يطلع حلووو ومرتب ..
وبس ..

 

[درة أهل الطولات]

رد : دفترج التحضير

دفتر عادي وما اغلف ولا شي

 

[وحيدة المشاعر]

رد : دفترج التحضير

مرحباااا
بصراااحة انا كنت ميداني الكورس اللي طاف ورحت اشوف دفاتر التحضير والفايلات عند السنافر وغيرها والله ماتسوى وتلاقين اللي بالقسم نفس شغلج تغليف عادي ووردة على الجنب ولابعد غاااالي ومايجي اخر الكورس اللي خربان..
فقلت انا ميداني ولازم اتميز سويت عند مره شغلها رووووووعه تسوي دفاتر وفايلات والله العظيم ان مافي مدرسة لابالقسم ولابالاقسام الثانية تسألني عنه لان الدفتر مو بس تغليف خارجي لا حتى من داخل طريقتها حلوة تحط ايات وادعية تحث على العلم ..
واقسم بالله ان حتى الموجهه والموجه صوروه ..
وان شاءالله ابتعين هالكورس ودقيت عليها ابطلب قالت انا مسويه عرض اذا حبيتي اسوي دفتر والا فايل مع صندوق وزبالة وانتم بكرامه نفس الشغل يعني طقم ....
لحقوا والله ان تدعولي ومافي احد مايسألكم عن دفاتركم...
حبيت افيدكم لا أكثر​

 

[tuuta q8tia]

رد : دفترج التحضير

وحيده المشاعر عندج صور لدفترج
وين مكانها اللي تسوي هالدفاتر فديني اكثر حبيبتي
وربي يوفقج ان شاء الله

 

[حرم يوسف بيك]

رد : دفترج التحضير

وحيده المشاعر جم تغليف الدفتر عند المره

 

[وحيدة المشاعر]

رد : دفترج التحضير

وحيده المشاعر عندج صور لدفترج
وين مكانها اللي تسوي هالدفاتر فديني اكثر حبيبتي
وربي يوفقج ان شاء الله

عندي بس ماني عارفه شلون انزلهم وعلى فكرة انا سويت منها دفترين واحد لمادة قرآن وواحد اسلامية وإذا تبين رقمها انا حاضر تستفيدون يا ابلات بس ابي دعواتكم ان الله يسهل ولادتي ولادة كل حامل​

 

[وحيدة المشاعر]

رد : دفترج التحضير

وحيده المشاعر جم تغليف الدفتر عند المره

هلا

انا سويت عندها الكورس اللي طاف الدفتر ب12 ودقيت عليها ابطلب للكورس الجاي قالت انها عندها عرض دفاتر وفايلات واطقم مكتب وخصومات بمناسبة رمضان
وهذا رقمها للي حابه تطلب وتكلمها اكثر
97133441​

 

[suger_spice99]

شونا ما شاء الله عليج مبدعة

 

[$نادره بزماني$]

للرفع

 

[gazaaaal2]

بصراحة انا عندي دفتر التحضير اهم شي لانه عنوان لشخصيتي

ولازم اكشخه واخليه احلى واحسن شي يكفي هموم وتعب التدريس واوامر الادارة والتوجيه

لازم يكون شي يفتح نفسي

وكل ما شلت دفتري حسيت براحه ودخلت الحصة مرتاحة

واهم شي يكون شغل ايدي على شان احس بقيمة نفسي


والنت مليان وعمي قوقل ما يقصر

وسبق وحطيت موضوع من قبل عن صفي ودفتر تحضيري

وتسلم الايادي على دفاتر التحضير الاكثر من رائعه

 

[QT]

رد : دفترج التحضير

صح غزالة



يكفي هيبته لما تشوفه الموجهه


هالسنة بغيررر بغير

 

[بناتي زينة حياتي]

انا اشتري من ورق تغليف السنافر وورد وحركات للغلاف واغلفه بنفسي ,,,ومو عملي بصراحه ,, افضل شيء جاهز وناعم ,, اهم شيء المضمون

 

[tmtmt]

اول سنه كان عادي من المكتبه ولا تغليف ولا شي
ضايعه بالطوشه ومادري شسالفه

السنه الي طافت سويت عند وحده معانا اهني بالمنتدى
تسويه من الجوخ بس ما شاءالله تبارك الرحمن يهبلوووووون
وتسويلك على حسب مادتج روعه الكل سالني عنه

نكها : toffy

بس داومت اول شهر او اقل وخذيت اجازه
بخليه نفسه ماراح اغيره اذا قدرت اشق اوراقي
واذا ما قدرت اتوقع راح اطلب منها

بس نصيحه جلديه جلاد شفاف عشان لا يتوصخ

 

[كلمات عابره]

رد : دفترج التحضير

والله من وجهة نظري الدفتر مو مقياس للشخصيه مثل ماقالوا بعض الاخوات
ياما نشوف بعض المدرسات الدفتر كشخه بس بالحصه ماتعطي المطلوب سواء من ناحية توصيل المعلومه او هيبتها بالحصه وإدارتها للصف
انا من وجهة نظري الدفتر عادي ولا اغلفه ولاشي يجي مغلف وجاهز والمهم هو طريقة المعلمه واسلوبها بتوصيل المعلومه لطالباتها بطريقه سلسله وحلوه وتحببهم بالماده

 

[(كويتيه عسل)]

شــــكووووووووو تغلفوووووونهم ولا بعد من محلات تغليف هدايا

<<انتو تحبون المخاسير وتقطط الفلوس :080402ask_prv:

خل يولوووووووووووووووون زيــــــــن مـــــــــــــوكفووووووو:23_asmilies-com:

وخل يحمدون ربهم بعد اني شاريه دفتر على حسابي وهذا غير بعد اقلام اللوح والمساحه والهدايا والاستيكرز والوسايل واغراض المكتب والاقلام والخرابيط على حسابي بعد مااااااااااااااالت عليهم :23_asmilies-com:

 

[(كويتيه عسل)]

رد: رد : دفترج التحضير

صح غزالة



يكفي هيبته لما تشوفه الموجهه


هالسنة بغيررر بغير

لوووووووووووول :krkrkr: شـ هيبته هههههههه حشى ريل مودفتر :dddds:

اذا الناظرة او رئيسة القسم موراضين عليج والله لو تغلفين الدفتر ذهب ماراح تشوفين تقرير سنع

واذا تبينهم يرضون عنج نافقي.. صيري جاسوسه.. تحيلقي يبيلهم هدايا بالمناسبات ..

تنقصيلهم طبق حلو وهدايا يكشخون فيه في مكاتبهم .. سويلهم واسطات ومشي معاملاتلهم..

سوي استقبال قصدي ورش ودروس نموذجيه وخرابيط ولو تغيبين فوق 15 مرضيه

ولا تشتغلين وتحطين ريل على ريل ولا تسوين وسائل وكلا متاخره وحصصج فاشله راح يعطونج تقرير سنع