دكاترة كلية العلوم

[love life]

دكتور عبدالمناف اللي اعرفه هنه انه وااااااااااااااايد محترم
وبحطلج تقييمات الطلبة

التقييم ملاحظات الطلبة
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مدخل الى علم الحياة 0493111 التاريخ: 2010-06-11
الطالب: Am90kw رقم التقييم: 20625

انا مع اللي قيمو الدكتور قبلي بشي واحد بس
>> انه مايعرف ينكت ;p

اما من النواحي الثانية فهو خووووووش دكتور واحسن من غيره

100 درجة عالاختبارات
20 درجة × 3 ميدتيرمات = 60 درجة
40 درجة عالامتحان الفاينال

دكتور منظم شرحه واضح ومرتب مو نفس بعض الناس
يعطي بونسات شكثر

يستاهل نجمة عالشرح المفهوم
ونجمة عالامتحانات لانها سهلة نوعا ما
ونجمة عالملاغة ههههههههههه
و نجمتين على نفسيته الحلوه

يامال الجنة بس

يعطيك العافية دكتور مناف ;p


>> القريدات الاسبوع الجاي
اتوقع بين الـ b+ و الـ a ان شاء الله

النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: مدخل علم الاحياء والطبيعه التاريخ: 2006-08-25
الطالب: دلال رقم التقييم: 6728

دكتور حبوب بس حقاني بشكل موطبيعي مايزيد ربع درجه

الاف اي اسهل شي عنده والشعبه اللي كنت فيها اكثر من 7 نزلهم حرمان

واذا كان عندك ظرف ومضطر تغيب يقولك روح العميد استأذن!! يحاسب عالغياب لي اخر يوم دوام

بس حيل محترم وشرحه وايد حلو ويسهل الماده واذا غبت يوم واحد اعرف انك ضعت بالمنهج

امتحاناته موسهله موصعبه بس لازم فيها سؤال او سؤالين مو مفهومين

اللي بيلتزم ويداوم كل يوم بياخذ حقه واللي يغيب ويسرح بالمحاضره هم بياخذ حقه واحلى شي الغياب ماعليه درجات
و100درجه كلها اختبارات

- النجوم:
- المستوى: صعب
- الشرح: شرح جيد جدا
- حصلت على: B
لا ننصح به
المـادة: مدخل الى علم الحياة و الطبيعة التاريخ: 2006-03-30
الطالب: بو شهاب رقم التقييم: 2984

وايد حقاني و يحاسب بالملي ما يغيب ما يطوف شي ولكن
شرحه جيد جداً و ما يعرف انكت.

وبعد ما ينصحون فيه بس مو حاطين الصراحة سبب اكاديمي واضح

 

[غرور وايل]

اب
اب
اب

 

[كويتية طموحة]

بنات منو تعرف الدكتور عبد المجيد علي اكبر صفر منزل بيولوجي 103؟؟؟

 

[طهر الغيم]

لي بآآك قريب إن شاء الله

 

[ملاك حبي هلاك]

بنـــــــــــــات منو تعرف يعقوب مقدسي


قـــألوا لــي نحيس خذيت عنده ويدرس فيــزيا

 

[MiSS_RJ]

انا اذا بأقيم راح اقيم بذمة وضمير .. واذا قيمت بذمة وضمير اخاف الموضوع بكبره يتصكر .. عشان جذي افضل التزم الصمت
بس كنصيحة من بين الدكاترة اللي جربتهم بكليتي حبيبتي العلوم وانصحكم فيهم : د.ضيف المطيري احصاء ، د.مختار قنصوة احصاء ، د.هاني فران رياضيات ، د.نجيب السماوي رياضيات ، د.فاطمة الدوسري فيزيا ، استاذ سعد الصقعبي انجلش

 

[a7la bnoota]

رد : دكاترة كلية العلوم

قوه بنات
بغيت رايكم
انا ماخذه عند بثينه العثمان تمهيدي انجليزي
وعند بابا اومورو تمهيدي كالكلس
اشرايكم فيهم؟؟؟؟

 

[love life]

مس مس
شرايج تحطين شلون شرحهم وتعاملهم وطريقة امتحاناتهم وشلون الواحد ياخذ جريد عندهم

 

[نيوفه]

رد : رد: دكاترة كلية العلوم

بنـــــــــــــات منو تعرف يعقوب مقدسي


قـــألوا لــي نحيس خذيت عنده ويدرس فيــزيا

للأسف سيء سيء سيء
نصيحتي لج ..
من اول الكورس اخذي عند مدرس خصوصي ساعات محدده كل اسبوع
و خليه يدرسج اول بـ اول
و موفقه ان شاء الله​

 

[MiSS_RJ]

مس مس
شرايج تحطين شلون شرحهم وتعاملهم وطريقة امتحاناتهم وشلون الواحد ياخذ جريد عندهم

من عيوني

دكتور ضيف يحب الطالب اللي يهتم ويدرس اول باول مو تنطرين حزة الامتحان و تروحين تسالينه لا اول باول درسي واي شي مو فاهمته روحي ساليه .. حبوب و نفسيته حلوة وتكانة وكل شي فيه حلو .. مدتيرماته ماي سهلة والفاينل صعوبته بانه طويل ويبيله تركيز وفي سؤال او سؤالين مو مارين يبيلهم ذكاء عشان ينحلون بس اذا عندج مجموع طول الكوس الفاينل ماراح يطيحج حيل

دكتور مختار حبوب وخلوق واعتبره ابو حنون وايد ويحب الطالب الذكي والفاهم .. يشرح بذمة وظمير وامتحاناته المدتيرمات كلها من النوت اما الفاينل كان موحد يعني مو اهو اللي حاطه ويعطيج حقج مايظلم واذا شافج شادة حيلج طول الكورس واحتجتي درجة ولا درجتين عشان ترتفعين من قريد لي قريد مايقصر معاج

دكتور هاني فران هذا عبقري و خلوق ومحترم ولو امدح فيه مني لي باجر ما اوفيه حقه عسى الله يطول بعمره ويوفقه دنيا و اخره تاسست صح على ايدينه فباجي المواد اجاوب على شغلات الكل يسالني منو علمج اقول دكتور هاني
امتحاناته مدتيرمات وفاينل سهلة بس تبي واحد يدرس بتركيز ومايطوف ولا محاظرة ويفهم كل شي ويسال اول باول باللي مو فاهمة

دكتور نجيب على انه عصبي بس احبه صورته صورة الابو اللي يعاقبج ويبجيج عشان مصلحتج نوعيته لا تسالينه اي سؤال لانه بالامتحان مايحط شي الا اللي شرحه يعني لا تفتحين عيونه على اساله ثانية وافكار الاسئلة اللي بامتحاناته كلها من افكار الاسئلة اللي بالنوت والفاينل حيل سهل اسهل من المدتيرمات
انا اتكلم عن مواد التخصص مو المواد العامة الموحدة .. المواد الموحدة الدكتور مايسوي الامتحان بروحه يعني توقعوا اي سؤال يمر عليكم عادي

دكتورة فاطمة حبوبة وعسل مع الناس الزينة .. اما المنافقين والخبثا غير ما تعطيهم ويه ونفسيتها خايسة معاهم وما تنلام الصراحة .. بس تعطيهم حقهم ماتظلمهم
شرحها حلو واضح ومفهوم ويغطي المادة كلها بس انا شخصيا ماحب الفيزيا ولا اعرف ادرس له بس حبيت دكتورة فاطمة وبخصوص الامتحانات كلكم عارفين الفيزيا شنو بالظبط فما له داعي اقيم امتحاناتهم

استاذ سعد يحب اللي تتكلم انجليزي بطلاقة ويركز عليها وايد بالكلاس وطريقته بالشرح يعطيج الزبدة مايدوخج بالاشياء اللي مالها داعي انصح فيه و بشددددددددددددة

واتمنى اكون فدتكم :tek:

 

[love life]

يا بعد قلبي
خووش تقييم
وناطرينج بتجاربج

 

[мịsƨ . 9ǝԃ]

رد : دكاترة كلية العلوم

-​

اممم ​

أول كورس خذيت :
161 عند تهآني بوعلي بصرآحه خوش دكتورة , نظامهآ آطلعج من آلمقرر و آنتي فآهمه ش تسوين
الحضور شي مهم عندهآ أحيأن تفاجآج بسؤآل ليش كنتي غآيبه ؟
التآخير ينرفزهآ بشكل مو طبيعي ... آنا اذآ تأخرت مآ آحضر < هيبتهآ تخوف
الكويزآت كل اسبوع , كل نهآية جآبتر تعطي كويز و عليهم 10 درجآت
صج كآن يضآيقني هآلشي .. بس بآلفاينل مرتآحه لأن كل شي دآرسته ( آلله يعطيهآ العافيه على هآلحركه )
تعطي of قبل المدتيرم و بعد المدتيرم​

مع آللعب و الغيآب طلعت ب B-
و آللي أثر علي آلفاينل كآن دسسم شوي خصوصآ ان المآده مو بذيج آلسهوله ( للضعيفه انقلش )
يقولون انهآ ترفع قريد آذا حاجيتوهآ بس آنا ماآرحت لها .. ما تتعآمل بالكلآم العربي ابدا ً
ف اللي تشوف نفسهآ مبلتعه إنقلش تروح تحآجيها لأن نفسسيتها حلوه مو من آلنوع الصعب ..​

خذيت
كآلكلس 1 عند أحمد قره بلي ... ( يمممآه )
بس آشوفه بالممرات آنجعم .. صج صج صج دكتور قوي و دكتور ماعنده يمين يسار
لا كله سيده
شرح أقوى مآ يكون ( بالنسبه لخبرتي بالكالكس )
بس النفسيه أي شي , محد بعينه بس اهو الذكي و آهو العبقرينو
الشرح منظم حيل و احلى مافيه سبورته مرتبه ’ يكتب نقطه نقطه و يفصلها
و يآويلها آللي تسأله و اهو يشرح يفشلهآ يفشلهآ يفشلهآ و احتمآل يطردهآ < مآيغشمر كلش
الغيآب مآ يهمه كلش يقول آلي بيحضر يحضر لنفسو
عآد البنآت ما ينعطون وجه مآيصدقون على آلله دكتور ما يآخذ غيآب ف يقزرونهآ
و اذآ شاف البنآت مقزرينهآ بيوم و الكلآس في شوي يآخذ الغيآب و يدبله ...
نظآمي بالحضور , تلقينه قبل المحاضره ب دقايق بالكلاس و يكتب النظريه
تبين تتفشلين حآولي تتأخرين نص دقيقه و تدخلين بعده يترك الشرح و يهزأج
و انسسسسو شي اسمه of
بالتصحيح دعله , مآ عنده وقت يشوف لج المسأله كلهآ
بدآيتج خطأ اذا نهآيتج خطأ
أول مدتيرم طلعت ب 5 من 25
طبعآ سقطت عنده .. بعد صدمة المدتيرم الأول قمت مآ احضر ( كنت مقررات ومآدري عن شنو يتكلم الدكتور )​

F و بجدآره​

و خذيت
تمهيدي كيمياء عند سعد مقصيد
هآلدكتور حببني بآلكورس كله .. فكرت آتخصص كيمياء بسبته
حده عجييب و جنتل , مهم عنده الغيآب و شرحه مو مطوّل
يشرح بالبآوربوينت و اسألة الامتحان منه
كآن طآلب علينا نوت حيآة معرفي < نسخ لصق منهآ الامتحآن
و طلعت Pass
خذو و خلو من ال ofat ​

ثآني كورس خذيت
كيمياء 101 عند أمل العآزمي
دكتوره قمه , اهم شي مو النوعية المعقدة مرحه ة نفسيتها عسسل
ماكو بونص ولا كيرف , حقج بتآخذينه
المقرر اصلا سهل ( للي مآخذه تمهيدي )
الامتحان موضوعي ف مآ بإيدهآ ولا درجه
ما تتأخر ولا دقيقه عن المحاضره ولا تحب التأخير
وولآ مره حصل و عطتنا of​

كآلكس 1 من جديد عند محمد شعبآن ( منتدب من التكنولوجيا )
ما اقول الا مآلت على حظي الي يطحني على جذي دكاتره
هذا و بآي فورس و من 8 الصبح آنا اهناك و آخر شي دكتور جذي !
دكتور مآيدري وين الله قآطه
والا كالكلس ينشرح ب بروجكتر ؟؟
كنا 11 بنت و المحآضره متأخر .. بنتين B- و 6 بنات D و البآجي C-
بآختصار دكتور مآ انصح فيه كلش​

طلعت ب F ( بنت الحلال آبي آحول الهندسه لآزم فوق ال C )
ينزل آلدرجه بالسستم بدون أي مناقشه - مآ اظن كان له مكتب عندنآ اصلا​

ثالث كورس خذيت
كآلكس 1 عند هآني الفران
حسيت صج فهمت شنو المآده تبي بالضبط
اهي مآده دعــــــله و غثيييييثه بس هآني بسسطهآ كثير
اهم شي الي تآخذ عنده تحل هوموركآته أول ب أول
صج ماعليها درجات بس حيل حيل تفيد
ممتع بالشرح مو نظام مادة رياضيات يعني تعقدو
بالعكس يحببج بالكالكلس ,
الغياب عنده مآ يفرق . مرتين بس خذى الغياب
تصحيحه ازوين , اذا بديتي خطأ يتبع معاج يمكن يشوف شي مني مناك صح
يزيد بالميدتيرمات درجآت يعني بالكثير درجتين
يحب البنت المصحصحه معاه الي نظام " انا اهني يادكتور "
اهم شي خل يعرف اسسمج و روحي له المكتب بين فتره وفتره
بعد الفاينل لا يشوف رقعة وجهج لآن استحاله يزيد ربع درجه .. الدرجات مراقبه بقسم الرياضيات فما يقدر
ولو رحتي ب يتعذر بطريقة ذربه​

طلعت ب c < و لله الحمد ​

الحين دور آلمآده الأروع في حياتي الجامعيه
فيزكس 1
خذيتها عند هآله الجسسار .. دكتورة هاديه هدوء بشكل ينوّم
ما تشرح شي الا و مدخلته بالمخ , شرح ولا أروع
بس تصحيحها دقيق , عادي عندها تحط لج كروس على المسأله من الأول ل آلأخر حتى لو حآطه القوانين
سبورتها احيان مرتبه و احيان لأ ’ اذا سرحتي بالعسر تلقين وين تكملت المسأله​

المدتيرم الأول ماعطت درجات ع القانون بس
اما ب السيكوند عطت درجتين ع القانون
المآده مآدري شلوون صآيره
بالكويزات اطلع ب 10 من 10 و اقل كويز جبت فيه 6 وما كنت دارسه​

بس المدتيرمات شي خيآلي
و الفاينل ( لآ تعلييييييق )​

طلعت ب F طبعآ​

* حآبه اكتب عن المعيدين و المعيدات بس ان شاء الله في وقتٍ لآحق ​

 

[love life]

مس صاد
الصراحة خووش تقييم
شوقتيني وانا اقرا
منورة يا قلبي

 

[روح عاشقها]

الله يعينكم كلية العلوم مشكلة
الداخل مفقووووووود
والخارج مولووووووووووووووود

 

[د.بشورهـ]

أهليــــن حبوبه
انا طالبه علوم اخذت مادة بيلوجي عند سعآد المزروعـي عجيــــبه تهبل من ناحيه الشرح تشرح وتراعي البنات الي مو حيل بالانجليزي يعني تترجم بعض المصطلحات وبعد كل جابتر تنزل تلخيص له بالبلاك بورد عجييب وتلخص كل المنهج وتعطي بعد كل اسبوعين كويزات بالي درستوهم :> انا حبيتهآآ حيل وشرحهآ عجيــب
اخذت فيزياء 121 عند سيفآكوتآ صراحه لاآآ تعليـــــــــــــــق هالماده تعقدت منها يعني لازم تاخذين دورات والافضل بعد دكاتره خصوصيين انا كنت اموت بالفيزيا من اخذتها عنده كرهتهآ :< شنو شرحه مو شي وتصحيحه للامتحانات هم بعد مو شي شلون ما ياخذ على الخطوات على الناتج بس اذا الناتج خطا كل الي حليته خطا وتروح عليج الدرجه كلها حرآآم يعني ما يشوف خطواتج اذا صح او لا ما يصير :<
اخذت ثقافه اسلاميـه عند دهام الفضلـــــــــي الله يجزاه خير عجييب يهبل والشعبه كلها خذت عنده a بس شنو لازم تلتزمين بالحضور لان يهتم بالحضور حيل وما يحب الي تغيب بس حبوب :> طريقه امتحاناته عجيب شلون فيرست ميترم يعطيج 10 اسأله تحفظينهم كلهم والي بالامتحان يجيج منهم 5 بس ما عنده سكند متيرم وتقدمين له تقرير واحد بس عن الحجاب الشرعي والفاينل شنو يعطيج 15 سؤال يجيج منهم 10 بس واسألته سهلـه حيل

وبالتوفيق حبيبـــــــي اتمنى استفدتي من الي قلتـه والسموحه على القصور
والبنات ما رآح يقصرون معآج :>

 

[غلا دنيتي جابر]

واااي الصراحه مشكوريين بنااات ما تقصرون تريحون الوااحد ..

بس بغيت أسألكم عن طلال العازمي كيميا 101؟
شرايكم فيه؟

 

[مزن الكويت]

بنات شرايكم بالدكتوووور علي أبو خميرة

أبي أخذ عنده أن شاء الله كيميا 110 ؟؟؟؟؟؟؟؟

 

[بنت علمي انا]

انا بعد بسألكم عن علي ابو خميره
انا مستجده واخذت عنده كيميا

 

[Queen_Angel]

من احسن دكاترة العلوم اللي اخذت عندهم:

1- بدر الشمري
2-عثمان الفليج
3-طارق الرفاعي
4-غاده الجناعي

يعطيهم العافية,,

 

[الباربيه لولو]

بنات بسالكم عن الدكتوره مريم عبدالله اخذت عندها تمهيدي كيميا زينه ولا لا الي كانت ماخذه عندها او سامعه فيها تقولي بلييز