دكاترة كلية العلوم

[al39laa]

اي مكان اروح علشان قسم الرياضيات
تنصحيني اي يوم اروح يومي ولا اخر يوم

قسم الرياضيات بمبنى 1 تاخذين منهم ورقه وتروحين حق صالة الباي فورس

انا اقول روحي اول يوم عشان لا يخلصون عليج المقاعد واذا ما سجلوج روحي اخر يوم

واخذي لسته بالدكاتره الزينين اخاف ما يسجلونج بدر

 

[smo7-94]

بنآت انآ مآخذه كالكس a عند علي كانسو ؟
وتمهيدي انقلش عند امينه الدريسسس .. ؟

بليييز فيييدوني شرآيكم فيهم ؟

 

[Ms.MrMr]

سموحه : امينه الدريس عجييييييييييييبة تطمني وايد وايد تساعد بكل شي
اما دكتور علي كانسو مادري ؟


بنات فيدوني خذيت دكتور ناصر سليمان دمير ( فيزيا 1 )

فيدوني ولي يعافيكم ضروري

 

[ShakeelaKaryouk]

ناصر زوين ما فيه شي , بالنسبة لي ما كنت افهم من شرحه كلش
تصليحه زوين يعني يعطيج حقج و يطلع لج درجات مو بعض الدكاتره الله يهداهم الناتج غلط يعطيج صفر على المسأله لو كل الخطوات صح
و حتى بالاختياري لو الاجابه غلط و حلج صح يعطي نص على الحل
و معاملته زين و اهو كله متدوده و كويزاته في اللي سهل و في نص و نص
يعني يمشي حاله
و بالتوووفيييق

 

[ShakeelaKaryouk]

و على فكرة مو مهم الشرح بالفيزيا اهم شي التصليح ,, اخذي خصوصي عند سامي و فالج القريد الطيب

 

[ShakeelaKaryouk]

انزين بنات شرايكم بسعد الصقعبي 162 ؟؟
و شلون المنهج اليديد اسهل من القديم ؟؟
و مشكورين

 

[حبــايبي]

اشرايكم

بالدكتورة حصه المطيري لحسبان1
والدكتورة فوزيه محمد الرويح للجيولوجيا عامه 1
والدكتور طلال العازمي لمختبر الكيمياء

وشكرا

 

[وردة القعدة]

بنات انا بسجل ماده احصاء والعلوم الانسانية
وقالولي تسجلينهااا بكليه العلوم وين بالظبط ارووح ماني عاااارفه لان انا من كليه التربيه
فبليز قولولي الحين لان باااااجر موعدي

 

[love life]

بنات لو سمحتو
اهني بس للتقييم
اللي تعرف دكتور تقيمه
اما الاستفسارات بالتجمع

 

[love life]

اليوم بتكلم عن
دكتورة فاطمة الدوسري فيزيا

الدكتورة خوش وحدة
صج ما كنت افهم منها بس كانت تعطي من قلب
وما ترد احد
تحترم الطلبة
ماتحب التاخير ولا الموبايل وهذا من حقها
كوزاتها كانت اون لاين وكانت حيل صعبة
وبعدين صارو اوراق
وصارو للي دارس سهل
انا مابي اظلم الدكتورة بس المادة جدا صعبة
والامتحانات موحدة وتعجيزية
عديتها بطلعة الروح
اهية احسن من غيرها

 

[lferj]

بنات شرايكم جنفر بارن انكليزى شلون شرحة حلو

والجازى حمود مطلق الشمرى حسبان تمهيدى ؟

 

[Rawonah]

بنات شرايكم جنفر بارن انكليزى شلون شرحة حلو

والجازى حمود مطلق الشمرى حسبان تمهيدى ؟

لما قلت حق وحده من رفيجاتي عن الجازي حمود قالتلي ديري بالج تاخذين عندها مو زينه!
ف مادري اذا صج اللي قالته او لا
اتمنى احد يعرف عنها شي لان ابي اعيد هالماده بالصيفي ومتوهقه
ابي اعرف اهيه زينه ولا لا !!!!؟

 

[Miss Basma ..}]

أخذت كالكلس اي عند ألبرت
دكتور ما يعصب و شرحه زين
يحط مسائل عالسبورة و ينطرنا نحل ، هالشي يساعد عالفهم
و تصليحه حيل زين ، ما يحاسب وايد عالأغلاط الحسابية