دكتوره ناهد العلي شرايكم فيها

[عجايب2009]

لاوالله اتهبل وروعه كانها امج تقرا قران وارتاح لما اشوفها انا والده عندها بناتي ثنتين واختي بعد بنتها ولدها وانا ناويه اولد للمره الثالثه وخياطها روووعه

 

[أم يوسف وأمونة]

حبوبه أنا بجر وولدت عندها وطبيعي بس طلعت ديني بالولادة وحركت العزيزو عندي 3 شهور بعد الولادة وانا امشي بوضعيه الركوع

وما ظل دكتور ما رحلته لعلاج ظهري وبعد الولادة انسي اتمرج وبس أتقول لليسستر خليها أتي يني بعد أسبوعين عشان أشيل الخيوط مع ان المعروف ان الخيط يطيح بروحه والله وكيلج الخيط اللي شالته مني طوله سانتي وخذت عليه 15 دينار


أختي ولدت بعدي عندها وأختي مصوره ولادتها فيديو والله السسترات ولدوا أختي جان ادش أهي وتمسك ألياهل يعني أنا ولدتج

يوم يت تدفع أختي الحساب الأخت مأخذه دبل أختي أتقولها شكو أتقول لان يبت جهاز الشفط وشفطت ولدج

أختي قالت لها انتي اصلا ما ييتي الا بعد ما أنا ولدت وولدي مؤ مشفوط بس ما منها فايده


ناهده قبل يضرب فيها المثل بس الحين صارت ماديه وبس

والقرار لج أختي وهذا اللي صار معاي ومع اختي

اختي اسمحيلي واااااااايد بالغتي وايد اولان الدكتوره الوحيده اللي مو ماديه ناهده العلي
حبوبه روحي شوفي غيرها كل شهر تحاليل فوق ال100 بعدين عطيني دكتوره او دكتور
المراجعه عنده او عندها مع السونارر 20 ماكو الا دكتوره ناهده حرام عليج لي قلتي ماديه صج حرام
وسالفه الخياط تعتبر مراجعه عادي واهيا خذت حقها ما خذت زياده لا غريبه الصراحه كلامج مو واقعي ابد

واع سالفه انت يت حزت الولاده تكفا عطيني دكتوره تجابلج طول الوقت يا معوده تكلمي بمنطق حبوبه
اهيا دكتوره ولاده واكيد مشغوله عياده وروحه ويايا ولادات وقصص لو بتقعد تجابل كل وحده ما تخلص صحيح انتي مرضيتها بس اهيا ادرا بحالتج وتعابع اكيد معاهم
سامحيني اختي بس كلامج ما كان منطقي ابدا

 

[أم يوسف وأمونة]

اختي صاحبه الموضوع حاليا الدكتوره مسافر باجازه لكن تقدرين تجيكين اذا ردت ولا لا
وانا عن نفسي انصحج وبدون تردد
بعدين ع فكره معلون انها تولد كله قيصري غللللللللط
اهيا اصلن تعطيج فوق شهرج اقصي شي اسبوع
والله يسهل عليج ويقومج بالسلامه

 

[مذهــلــه]

والله وايد اسمع ان سوقها طاح وانها مو مثل قبل

بس الشهاده لله انا ماجربتها بشكل مباشر بس كنت نايمه بالمستشفى الهادي قبل الاجهاض راحلها ريلي يعرض عليها حالتي ماقصرت كلمتني بالتليفون وقالتلي اذا الهادي ماسوولج شي مني لثلاث ايام روحي الصباح وقالتلي انتي المره لازم ربط لان توسع عندي عنق الرحم بالخامس

هذي تجربتي معاها ماحسيتها ماديه ابداا واساسا الزحمه عندها مو طبيعيه هذا اكبر دليل انها زينه والله المسهل بالاول والاخير