دكتوري يتحرش ...

[:: Diva ::]

عانيت هالسالفه مع 3 دكاتره
و كلهم من الخمسين و طالع

واحد صكت بيني و بينه و غبت قلت ابي انحرم من الماده
مع انه كورس تخرج و لا اجابله او احتك فيه
اكتشفت انه عطاني ان كومبليت و امتحنت اخر السنه
بس الدرجه الي عطاني اياها ظلم ما بعده ظلم حرمني من الماجستير
حسبي الله و نعم الوكيل



الثاني
يتحرش مع اني حيل ستركت ولا اتكلم و لا ابتسم !
و ارد بوقاحه جني بتهاوش وياه
قمت و قعدت بنص القاعه ما اخلي اي منفذ يوصل لي فيه
مل مني و صرف النظر



الثالث
غبت و وصل لي قال حضري بس لا تمتحنين وا انا اعطيج امتياز بس اشوفج
فكنت اخلص محاضراتي بهالمنطقه و انحاش المنطقه الثانيه لا اصادفه
و اكتشفت انه ما حرمني من الماده !!!
عطاني سي بلس ما اقدر اعيد الماده و مو هذا مستواي لاني ممتازه
و حرمني من الماجستير







اهم شي صيري ثقيله
تكانه
وخري عنه لا تتضحكين مع رفيجاتج جدامه
و لا تفتحين مجال سوالف وياه

قطعي الاحتكاك فيه تماماً
يادوب تمتحنين و خلااااااص

 

[رحيق الحياة]

انتي ويـــــــــــــــــــــــــــــــــــــــــــــــن شخصيتج اشــــــــــــــــــــــــلون تخلينه يتجرأ عليج ,,, ديريبالج تسمحييين اي واحد يتجرأ عليج ,,, ماعندكم إداره تشتكين عليه ,,, وخير ياطير عنده ظهر وسند,, الله فوقه ,,, يكفي انج مشتكيه عليه
دام عارفه الدكتور انه اخلاقه منحرفه لا تصيرين انتي معاه بروحكم,,, اذا عندج سؤال بالماده سئليه بالمحاضره ,, واذا سئلتيه طبعا من غير ابتسامه وخليج جديه يعني من غير تعابير بالوجه عرفتي

موفقه

 

[درة أهل الطولات]

اشتكي عليه
واذا ما تقدرين لا تروحين له
وتجنبي الكلام معااااااااااه​

 

[عيش و مرق]

لاتسولفون معاه وتاخذون وتعطون خل يولى ولى كلمتوه كلمو بقوه مو بنعومه ولا تصيرون بروحكم حاولو يصير فى ناس وايد ولا تروحون له مكتبه

 

[ســتارز]

شوفي حبيبتي هذا بيشوف طبعج تماشينه والا لا

انتي دخلي المحاضرة مع البنات واذا طلعتي هم طلعي بين البنات واذا ناداج حطي نفسج مو سامعته

تحاشيه الله يهديه

 

[هيبة ملك]

عطيه طااااااااف عمى بعينه

 

[blue lady]

خلج رسمية معاه ولا تروحين له المكتب بروحج

 

[قوتشي بنت LV]

حبيبتي سكوتج عنه
هو اللي خلاه يتمادى
يعني المفروض من اول او ثاني مره
قام يسوي هالحركات
تقولين حق الاداره
او احد يتصرف معاه
هذا شكله مريض نفسيآ

 

[انا خطر]

عليج بالطاف

داومي و ردي عادي لا تكلمينه لوو شنو
حتي لو عندج سؤال سالى الكل بس لا تسالينه و قزري الكورس على خير انتي على ويهه تخرج ما تسواا عليج خليه يولى

 

[كراميلا مرة]

هذا احسه قلبيل ادب ابتعدي عنه واذا مافهمتي شيء حاولي تفهمينه من صديقاتم ولا تسألينه

 

[منورة الكويتية]

امبيه هذا شلون صار دكتور ؟! صج مايستحي
تجنبيه ولا تاخذين وتعطين وياه عطيه جواب علا قد السؤال ولاتروحين له المكتب لو شنو

 

[ام ريتاج.]

والله مايستحي نصيحه تجنبي الكلام معاه

 

[مارياq8]

اعوذ بالله

 

[ام عفاف الكويت]

صادفت هالنمونه بالجامعه اول
وايييي كنت كثر ماقدر اتجنب هالاشكال
شوفي ان ناداج اخذي معاج رفيجتج
وان قال وين رايحه قولي انتهت محاضرتك بروح
ولاتعطين ويهه واي ادري مو بيدج ياقلبي
هالاشكال مو لاقيه لها رادع والا جان من زمان مفنشينه

 

[بدورة القمورة]

عطيه طااااااااف صج مايستحي

 

[dore~]

.. ما له داعي تروحين لمكتبة ..
انا ولا مرة رحت لمكتب الدكتور اذا بروح لازم اخذ احد معاي من صديقاتي ..
وعطيه طاف اذا شفتيه ..
والله معاج حبيبتي ..

 

[كتكات احمر]

عارفة الحل انتي شحقه تكتبين الموضوع شحاطة مثلا ؟؟

سمعي كلام امج وطنشيه

 

[~ FOOSY ~]

حقريه ولا تعطينا ويه كللش

 

[ترانيم القصيم]

بسم الله الرحمن الرحيم

السلام عليكم و رحمة الله و بركاته ,

أهلين حبيبة قلبي ,,

إذا كان الكلام آللي قلتيه صحيح مئة بالمئة خالي من المبالغات

والله المفروض ما تسكتون له تشتكون عليه و تمرمطونه حتى يكون رادع لأمثاله ممن لم يبادر إلى الإنحطاط حتى الآن و في قلبه مرض

متى يستوعبون هالأشكال المريضة إن رسالتهم تربويّة قبل أن تكون تعليمية ,,

لكن هذي تبعات الإختلاط أحبتي في الله ,

الله يهدي الكل و الجميع يا رب ,

احترامي و تقديري

ترانيم القصيم

 

[فجر الجنوب]

با النعال تكرمووون على راسه بلى في شكله خبل ما يخاف ربه
الله يستر عليك ويبعد عنك اولااد الحرام