دكتور اسنان للاطفال

[بطة الزلبطة]

اسم العيادة اسنان اللي يحطون دعايتهم على قناة الوطن ورقمهم 25736666 واسم الدكتور د.عبد العزيز اهو تخصص اطفال واللي تروح ياريت تقولي شلون لقت الدكتور اوكي والا لا

 

[nazek_q8]

اختي خذت موعد حق ولدها عند اسنان بس وايد زحمه عنده

 

[um_yoyo]

بنات على تجربتي بفراره على الاطبه دكتوره قماشه الجامع اذا سوووس وايد او عصب او ياهل وايد صغير لانها تربطهم
دكتور عدنان بعيادة اللؤلؤه ممتاز للاطفال من 3 سنوات و فوق و شغله سريع و حلو

دكتاره الصحه المدرسيه رووووووووعه ملوت عبدالله السالم

 

[**روان**]

شنو تربطهم وين قاعدين احنا ؟!
ما فيه اسلوب تفاهم ؟! اسلوب سلس , بالله هذا طبيب اسنان يمسك الطفل ويربطه :| خوش خرعه والله .

 

[um_yoyo]

تربطهم بطريقه لف الايد نفس المهاد نفس مستشفى الاميري و هذا الاسلوب الاحسن للاطفال الصغار الي يتحركون و ممكن يعورون نفسهم و طبعا ما يفهمون علشان تكلمهم ! و ليش معصبه لا تروحين لها لووووووول

 

[**روان**]

تربطهم بطريقه لف الايد نفس المهاد نفس مستشفى الاميري و هذا الاسلوب الاحسن للاطفال الصغار الي يتحركون و ممكن يعورون نفسهم و طبعا ما يفهمون علشان تكلمهم ! و ليش معصبه لا تروحين لها لووووووول

اها شيء جميل و الدليل الرائع هو ان لا يوجد دكتور اجنبي واحد يستعمل اداة التربيط و التغصيب بالعلاج مع الاطفال , و نعم اتحدى ان تريني نفس الطريقة التي تستعملها تلك الدكتوره و تبحثي باليوتيوب عن طرق علاج الاسنان مع الاطفال ,
غريب جدا ً قولك ان الطفل ما يفهم , كيف يعاني عقده نفسيه من طبيب الاسنان عندما يكبر ؟ بسبب انه متربط و يصرخ خايف , و ان تعور بتحسبونه دلع ! يعني المستشفيات الحكومية تربط الطفل ! و انا اسمع صراخ الاطفال كيف لين رحت ! والله مساكين مظلومين بدل اسلوب الترغيب يستعملون التغصيب حتى ان كبر الشخص يخترع و يصيبه فوبيا و اسنانه تنتهي من التسوس و السبب هالاسلوب المعقد , شوية عقل !

شكرا اختي .

 

[um_yoyo]

ياليت تراعين اسلوبج شنو شويه عقل !!! على فكره الدكتوره برفسوره اطفال يعني ماتحتاج تتعلم منج !! و اليوتيوب و النت عمره ماكان مصدر حقيقي للمعلومات ..

 

[Um Saud]

انا جربت قماشه الجامع حق ولدي ....بصراحه تعقد الولد .......... انا خابره الدكتور لازم يسولف مع المريض و يتعرف عليه و تالي يعالجه هذي لا ماعندها وقت خذوه فغلوه ربطوه و اشتغلت مسكين صار كأنها وحده تولد من الصراخ و البجي مالوم ولدي انا انغمت منها كانت اول وآخر مره عند هالدكتور وخير ياطير بروفسوره اهم شي المعامله
ان شاءالله نلاقي الدكتور الزين لعيالنا

 

[عمري الخالد]

حبيبتي نصيحه لوجه الله دكتووور فؤاد صادق بمستشفي هادي وديت بنتي له قبل خمس سنين كانت اسنانها تلفانه حدها واستحاله تروح طبيب اسنان وديتها عنده استشاره وبعدها اخذنا موعد ودخلها غرفة العمليات وحطلها كمام وكان عمرها 6 سنين وساعه وعالج اسنانها كلها وهي نايمه ما درت ولا حست بشي وعقبها طلعها والحمد الله والفضل له اسنانها اطلعت مره وحده وتبارك الرحمن صفه وحده كل من شاف اسنانها يسالوني وين معالجتها حتي بالمدرسه يتصلون علي اذا زارتهم عيادة الاسنان ويسالون عنها وسلالالالالالامتج واتمني اني فدتج حبيبتي :nbvppw:

 

[<<لمار>>]

يمدحون عيادة اسنان وقماشة الجامع

 

[**روان**]

ياليت تراعين اسلوبج شنو شويه عقل !!! على فكره الدكتوره برفسوره اطفال يعني ماتحتاج تتعلم منج !! و اليوتيوب و النت عمره ماكان مصدر حقيقي للمعلومات ..

موب كل بروفيسور عنده عقل , فيه بروفيسورات المفروض نرجعهم اولى ابتدائي يدرسون من جديد , و فعلا ً شوية عقل للمرة الثانيه فيه مقارنة بين اسلوب سلس و ذكي بطريقة التعامل مع عناد الاطفال مع اسلوب خذوه فاطرحوه فاربطوه ! و تبا ً له ليبكي حتى انتهي فأنا بروفيسوره هاها ! هه فليس لي وقت حتى اتعامل مع حركات الاطفال المزعجة .

 

[د.أطفال]

سلاااام للجميع بصراحة هاي أول مشاركة لي فهالمنتدى شد انتباهي هالموضوع فحبيت اشارك و أوضح شوية أمور كوني قاعدة اعمل ماجستير طب أسنان أطفال..
أول شي فكرة تربيط الأطفال مو اختراع واحد عربي طبعا.. الاسم الاجنبي هو papoose board
http://en.wikipedia.org/wiki/Papoose_board

http://www.google.com.kw/search?q=p...v&sa=X&ei=VbQVTsiVJ47IrQeF0u3VDw&ved=0CDUQsAQ

وهو مو اسلوب عقاب ابدا يستعمل عند بعض انماط الأطفال ليحميهم.. أنا عني اقول للولد أو البنت اني رح احوله لجراندايزر أو بات مان والبنت لفراشة صغيرة وأشغلهم فيديو لنفس الشخصية واثبتهم وبينتهي العلاج بسرعة وسعادة للطفل ولي ولأهله.. حتى انهم يطلبو طلب انهم يتثبتو في الزيارة الثانية ههههه .. في الحالات الاسعافية منثبت الطفل وخلال دقيقتين منعالج ومنزيل الألم وبالزيارة الثانية منكون كسبنا ثقة الولد لأن زال عنه الألم وبيتحسن سلوكه ومافي لزوم للتثبيت.. النتيجة افضل من ان يرجع الطفل ما ينام الليل من الوجع أو ندخل طفل تخدير عام بسبب سن واحد

اها شيء جميل و الدليل الرائع هو ان لا يوجد دكتور اجنبي واحد يستعمل اداة التربيط و التغصيب بالعلاج مع الاطفال , و نعم اتحدى ان تريني نفس الطريقة التي تستعملها تلك الدكتوره و تبحثي باليوتيوب عن طرق علاج الاسنان مع الاطفال ,
غريب جدا ً قولك ان الطفل ما يفهم , كيف يعاني عقده نفسيه من طبيب الاسنان عندما يكبر ؟ بسبب انه متربط و يصرخ خايف , و ان تعور بتحسبونه دلع ! يعني المستشفيات الحكومية تربط الطفل ! و انا اسمع صراخ الاطفال كيف لين رحت ! والله مساكين مظلومين بدل اسلوب الترغيب يستعملون التغصيب حتى ان كبر الشخص يخترع و يصيبه فوبيا و اسنانه تنتهي من التسوس و السبب هالاسلوب المعقد , شوية عقل !

شكرا اختي .

 

[um_yoyo]

شكرا اختي >

 

[pinK-_-perry]

ادري الموضوع قديم بس دورت بقوقل عن دكتور فؤاد صادق
بشوفه وين راح
لان اهوا طلع من الهادي
وراح مستشفى السيف
وانا كنت عنده من وانا صغيره من يوم عمري 6 سنوات مادري5 سنوات ليلحين عمري 15

ما احب اروح حق اي دكتور غيره مع انه مال اطفال بس خلاص تعودت عليه لووووووووول
والله ايده خفيفه و اساسا كلش ما احس بعوار ولا بعد يشغلي توم اند جيري
واذا شلع لي سن يحطه لي بصندوق صغير حيل على شكل فار لووووول
والله ايده خفيفه ومايخلي المريض يحس بالعوار كلش
ولا بعد ماتلقين عنده مواعيد من الا من وين لي وين لان يكون عنده زحمه حييييل
ومشكوووره :*

 

[جلكسيه اس 3]

اوم يويو حبيبتي

مواعيد الحومه منو قال اطواله ؟
انا رحت مستوصف منطقتنا و طبعا ماعندهم عياده حق الاطفال
عطوني تحويل و رحت على العدان التخصصي
الحمدلله اني مارحت خاص
طبعا اول ما رحت كنت رايحه العصر و الدكتور عطاني كرت عشان مو كل مره اروح المستوصف
المهم انا اقولج طريقتهم للامانه ماعندهم عصر على حد علمي و ثاني شي لازم اروح مبجر عشان الارقام ماتخلص انا تقريبا وصلت الساعه 8
و بصراحه لغيت فكرة اني افتح ملف بالخاص
الدكتور كان يونس و يبي يسولف مع بنتي -ماكو غير رسمه على الطوفه و الطوفه الثانيه حاطين جم صوره

انا رحت لان امدحولي المركز و هم معاشي لي الحين ما نزل ما بي بنتي اتعاني

 

[روعة خيال]

ماكو على دكتور وليد الديولي

اصلا عيادته ودج تنامين فيها من حلاتها و اسعاره روووووعه شال عصب بنتي و سوا تجميلي ب٣٠ بس!

و يشغلها دورا و توم اند جيري و يعطونها العاب تينن كشخه

 

[سكر مكرر]

الله يشفيه