دكتور باطنيه ( مهم وضروري )

[al_3needa]

السلام عليكم

خواتي الله يرضى عليكم

منو احسن دكتور باطنيه وفي اي مستشفى

ابي خاص مالي خلق النطره والمواعيد

بسرررررررررررررررررررعه

 

[ii DareeN ii]

جهاز هظمي ولا قلب ؟؟؟؟؟؟؟؟

 

[نووووونا]

الف سلامه

عندج الدكتور كامل الرشيد البدر عيادته بالجابريه يم الهارديز

دكتور باطنيه وامراض كلى واهوااا بروفيسور ما شاءالله عليه

ورئيس قسم بالاميرى ,, وما تشوفين شر@@

 

[al_3needa]

هلا اختي دارين

الغاليه جهاز هضمي

تعبانه حيل من معدتي

وخايفه من كذا شغله

انتظر افادتج

الله يجزاج خير

 

[al_3needa]

هلا فيج نجد

الشر ما يجيج ان شاء الله

وتسلمين يا الغاليه

الله يجزاج عني كل خير

 

[ii DareeN ii]

شوفي حبيبتي انا عندي وحدة كانت عند العصفور مارتاحت حيل ارتاحت عند لخزام او المخيزيم دورت لج رقمة الحين بدليل الاطبة ماحصلتة باجر اتصل واخذ لج الرقم وابلغج ماتشوفين شر حبيبتي

 

[ii DareeN ii]

5358852

د خالد المخيزيم خوش ريال ومايدفعج اكثر من لعلاج

 

[al_3needa]

الله يجزاكن كل خير

تسلمون وما قصرتوا والله

 

[katko0ota]

عندج د.كريشنا بمستشفى ثنيان الغانم لأمراض الجهاز الهضمي سنيييين و انا اعالج عنده نفسيته حلوه مع المرضى

 

[al_3needa]

تسلمين اختي وما قصرتي

بس منو في الهادي او دار الشفا

دكتور باطنيه وزين؟

 

[WaChoCha]

دكتور رياض النفيسي المركز الاستشاري الطبي بميدان حولي
دكتور محمد عايش الشمالي يم ماكدونالد الجابرية

ممتازين بصراحة

 

[شندوخه]

انا خبره بالجهاز الهضمي
روحي لخالد المخيزيم او محمد الشمالي
ولا روحي لمركز ثنيان الغانم بالاميري في دكتوره مصريه اسمها هبه هذي خبره اكثر من انها شهادات
وفي دكتوره بعد زينه بس الحين باجازه وضع ترد شهر تسعه اسمها معصومه العلي

 

[sKyLiTeGirL]

د.فؤاد العلي بدون منازع

بس للاسف سكر عيادته الخاصه

لانه عنده عقد مع القوات الامريكيه

بس اللي اعرفه ايداوم بمستشفى مبارك كل ثلاثاء

 

[ناني سيكرتس]

عندج دكتور رياض النفيسي, وعندج بعد دكتور محمد عايش الشمالي دكتور ممتاز وعيادة بالجابريه فوق ماكدونالز..