دكتور شااااطر لمنع تساقط الشعر

[زين الوزان]

يسعد مسااااااااكم لكل السهرانين حبيباتي ابي دكتور جلديه شاطر بعلاج تساقط الشعر واذا في وحدة تعرف تقول تجربتها معاه وبشنو فادها وشكثر كانت مدة العلاج وهل فعلا استفادت لان شعري كان روعه وكثيف وقصيته قصه خربت منظر شعري وعقبها بغيته يطول ومابقى خلطه ماجربته وبالذات دهن هندي لونه احمر شريته من الرياض لونه احمر جفف فروة شعري وصار يتساقط بشكل موطبيعي والحين مابقى جرجير ماكليته ومابقى خلطه وماحطيتها:cxxxp: بس للاسف لا حياة لمن تنادي فبليز اللي تعرف دكتور او دكتورة تقولي ما ابي خلطات تعقدت وبانتظار ردودكم....

 

[أميرة الورد...M ...]

انا نفسج وايرد لله شعورنا مثل قبل وتول انشالله والبنات مايقصرون جربي الحنة

 

[rzaan77]

انا بعد قاعده ادور على دكتوره شاطره انشالله انحصل
مشكوووره

 

[حوراء الشرق]

راسليني على الخاص
حاضرين

 

[@ الحلوة @]

لو سمحتى اخت حوراء الشرق حطى اسم الدكتور علشان كلنا بنقرع وشعرنا يطيح

والجميع يستفيد....

ولج الاجر......

 

[سهر الكويت]

شوفي ممكن تحتاجين لإبر الميزوثيرابي فيتامين أو حبوب ريجن لنمو الشعر ولتقوية الشعر بعد وايد زينة بس يستحسن يشوفتج الدكتور وهوي يقرر شنو الانسب سمعت وايد ناس تاخذ هي الابر عند الدكتور عادل قطينه ولاقو نتايج سريعة بس المشكلة انه بس توقفي العلاج مو بالضرورة انه مايتساقط

 

[بنت نجد]

انا جربت الابر بالهادي بس زاد التساقط وبعدين قالي في ناس يناسببهم العلاج وناس يزيد الطين بله مثل ماصار فيني تحملت الالم وبالنهايه طاح اكثر من قبل بوااااااااااايد

 

[توت عنكبوت]

دلال التركيت

 

[ريمه الكويت]

ليش ماتسوين تحليل دم ساعات نقص الحديد تسبب التساقط او خلل هرموني جيكي قبل

 

[Q8stylle]

طلال العلي وايد شاطر
ويوقلج اذا مثلا الشعر بيطلع ولا لاء
او اذا بتشوفين فايدة من علاجه ولا لاء
هذا الحلو فيه انه صريح

 

[moooon]

ليش ماتسوين تحليل دم ساعات نقص الحديد تسبب التساقط او خلل هرموني جيكي قبل

والله صاجة

يابنات اي تساقط للشعر على طول سوو تحليل للدم ونسبة الحديد هو السبب الرئيسي للتساقط

وبعدها فكروا تعالجون من بره

لايقصون عليكم هالدكاترة بلاعين البيزة

وبعدين اي دكتور جلدية تروحين له عشان تساقط الشعر ومايقول لج سوي تحليل دم للحديد اعرفي انه نصاب ويبي يبلع فلوسج