دليل اكلات كتبعي حميه د. دشتي

[cawcaw]

يعطيكم العافيه بنات .. خوش موضوع والله.. ريلي ماشي على رجيم دشتي وحدي متوهقه مادري شسويله.. والافكار حلوه وانشالله ببدي اطبق منهم..
انا العاده اسويله دياي بالكريمه واضيف مشروم وكريمة مشروم وجبن موزارولا وشيدر
وهم عندكم خوش طبق الدياي بالسفن اب .. الصراحه مو انا الي اسويه بس الطريقه موجوده هني بالمنتدى
ومره قال سوولي مجبوس دياي من غير عيش لوووووول يعني الخلطه والدياي وكل شي ماعدا العيش .. ماذقته انا بس اهو يقول حلو..
عندكم بعد دياي مشوي مع خضار بالفرن.. اهو ياكل الدياي وانا اكل الخضار..
في بعد صينية الدياي بالكريمه الي فوقها يصير بطاط مهروس مكور.. طبعا نسويه من غير البطاط ومن غير الذره.. هم لذيذه هذي وانشالله بس يطلعلي بشي يديد اييبه لكم..

 

[cawcaw]

انا توني باديه فيه بس مشكلتي الدوام شنو اكل الصبح ؟وانا ما استغني عن النسكافيه بس يقول الدكتور انه ممنوع

في قهوه تنباع بالجمعيات وفي منها بالفانيلا والكابوتشينو وكلها من غير سكر... وريلي سأل الدكتور وقاله عادي .. لان صج شتاكلون الصبح عذاااب..
وساعات لما يزهق ريلي يطلب بيض او ماعون حلوم.. والله يعينكم ويقوي ارادتكم عشان تضعفوون

 

[فيونكا فوشيهـ]

اب اب

انا امس اكلت

بيضتين اقليهم و اهما عالنار اقصص فوقهم فلفل احمر و اخضر و طماط + قفتشين جبن قلاص و الفهم روول
مع سفن داايت و بالعاافيه

و اليوم الصبح نفس الشي بس بدوون الفلفل بس طمااط مماااعجبنيي مع الفلفل احللىىىىىى و هم ممكن خضروات ثانيه بس ماكان لي خلق اقصص خخخخ

و هوت دوج فوقهم جبن سلاايز اوو همبرجر فوقه جبن سلايز لووول ايي شي يعني هذا تصبييره حق الاوقاات الحرجه ...


بناات بعد نبي افكااار انا ماسكه ورقتي يمي و اسجلل

 

[mnayeer]

اب اب ونبي بعد وصفات

 

[STYLISH STYLE]

يعطيج العافيه

 

[ياشايل الظبى]

روعه موضوعج

لايوقف

 

[@بنت السعودية@]

يعطيك العافية

 

[poneta]

يعطيكم العافية ونبي بعد وصفات الله لا يهينكم

 

[shayo5aa]

رجيم دشتي صج يشبع بس بسرعة تيوعين وبعدين انا جربته 10 ايام بقيت اموت يابلي الرقعة ليش ان مافيه سكريات بالمرة فاعتقد ان فيه نوع من الخطورة

 

[م فطومه]

شيوخة روحي فحصي السكر عندج لان الرقعه موزينة


انا صارلي اسبوعين ماشية عليه احس بارهاق شوي انا جربتة من سنتين ونزلت 30 كيلو تقريبا خلال 4 اشهر وماكملت لاني حملت

الحين راجعتلة وبقوة بس مرات باليوم اخورة شوي اكل تمرة ولا بسكوتة



اطباقي............................................

البيض : مقلي او مسلوق واحط فيه كل مرة شي مررة بصل وبقدونس - مشروم - اجبان -
اللحوم : انا ماحب اللحم الاحمر -- احب الرومي - التونة وهم اسوي منهم سلكات ولا حمسات او كفتة بالفرن - ستيكات
السلطات : بين كل وجبة اكل خيار ولا خس ولا جرجير
شوربات: شوبات الخضار ولا الربيان - الدياي بالخضار العدلة (بصل-ثوم-ملفوف)
واذا تبين شي قوليلي انا صرت فنانة بطبخ هالرجيييييييييييييييييييييييييييييييييييييييييييييييييييييييييمِ

 

[om_3alawy2008]

بنات رجيم دشتي نفسه مال الدكتور يوسف بو عباس؟؟؟

 

[om_3alawy2008]

بنتا فيي كاكوات صوب الرجيم عادي نستخدمهم؟
كاندريل او شي جذي؟

 

[ارو وكندر]

بليز بنات زوجي توه بادي رجيم ومااعرف شنو اطبخلة اللهم بس دياي شوي ولحم شوي وصدور دياي جاهزة بس اللهم اقليهم ولي يعافيكم ساعدوني ابي اسويله شئ حتى لايقول هاملتني بليز
فطومة نزلي طبخاتج بلللللللللللللللللللللللللللللليز

 

[ابلة غزالة]

تسلم ايدج

 

[م فطومه]

اعذريني صاحبة الموضوع قاعدة ارد على بعض البنات


خذيت راحتييييي ( لاني مجربة هالريجججججججيم حبيت افيدكم)
ام علاوي مافيه ككاو بالمرحلة الاولى ولا السكريات حتى الفواكة بس سكر الكاندريل مسموع بحدود المعقول وبعض الحالات ماينصح فيه
ام شوق من عيوني بحطلج بعض الاكلات

الغدا او العشا
*دياية وفوحيها وحمسيها مع بصل وثوم وشوية بهارات وحطيها بالفرن وغديها بجن شيدر ومرات احط كريمة مع 3حبات كيري وقفشة جبن قلاص وخليها بالفرن ربع ساعه او اقل
*سلطة عادية وتفنني بالسلطات يونانية او سيزر او سلطة الجرجير
*حمسة رومي مع جبن حلوم .. وممكن تخلينها سلطة وتزيدين عليها خس وشوية ميونيز
*حمسة لحم بالبصل والكركم
*شوربة خضار-فطر-دجاج-قباقب


الريوق

* سلطات بانواعها
*اعشاب او جاي من غير سكر او بسكر كاندريل
*كل انواع الاجباان
*نقانق- مرتديلا


وبين الوجبات
خس - خيار- اجبان - لحوم باردة


هذا كلة بالمرحلة الاولى يعني ال4 اسابيع الاولى
وكثري من الماااااي

 

[Judy abbott]

خوش وصفه بجربهاااااااااااا

بس معجون الطماط ممنوع ؟؟

 

[Japanese]

بنات انا كل يوم اجيك ع السايت مال الدكتور

ومكتوب بآن بالمرحله الاولى .. المسموح من الخضروات بس الخضروات الورقيه !! انتو شلون تاكلون فلفل بارد وبصل والخ !

انا اليوم اول يوم اسويه ،، فطوري كان << لاتتخرعون لوول بس جد كنت يوعانه 4 بيضات + شريحتين جبن 50 غرام

ماسويت البيض عدل للآسف =( .. جفت مره بسايت طباخه تحط ماي مع البيض ع قولتها يصير فلافي

وقومي ياجابنيز وحطي ماي مثلها و زيدت الفلفل الاسود .. طلع لاباس بس صراحه ماكان لذيذ كلش

مره ثانيه بحترم نفسي وبسوي بيض مثل الناس خخخخ

وهاي كان غداي <<

غسلت الدياي ،، بهرته اشوي بقبشه تقريبا من بهارات دياي ماخذتها من الجمعيه ،، مافيها كارب ،، تقريبا اقل من غرام

المهم + ملح + تقريبا كوب او كوبين ونص ( سبانخ + خضار ورقيه مشكله ) واالسلطه كانت ،، 3 حبات خس + 7 زيتونات

50 غرام جبن + قبشه كبيره مايونيز ،، الاكل ماكان حلو وايد =( ماشفيني خرتها صراحه واااااءءءء

تعليقي : همم مره ثانيه ماراح اخلط الا السبانخ بالدياي ،، لآن الجرجير والخضار الثانيه المشكله ( الورقيه ) ماطلعت حلوه

واصلا ماحسيت بطعمها مع الدياي ،،، اما السبانخ له طعم قوي مع الآكل :/ !!

وو مره ثانيه يتروالي بخلي الدياي يتخمر زياده عشان يشترب طعم البهارات < ذي ماعرف شلون اسويها ،، قولولي شلون ؟؟

وناويه اخذ لي نقانق ومرتديلا قريب وووو لو كارب جيلو ،،

وودي بعد اخذ كريمه ،،، بدور عليها بالجمعيات هني <<< لآن ماقد شريت هالسوالف من هني :/ آآآووخخخ

وسلامتكم

 

[سموورة]

هاي بنات الصراحة خوش موضوع انا مجربته من قبل عجيب يفش الجسم بشي مو طبيعي مع الحمال زدت بشكل مو طبيعي وانشاالله ببدي فيه من باجر معاكم وبما اني مسافرة فدشتي يصلح حق السفر والبفيهات


والله يضعفني معاكم بالعافية وبنات خوش رجيم حق الي فيهم غدة خموول

 

[Judy abbott]

عندكم كله جوانح الدياي حلووه من غير بقصمات وتقدرون تسوون كوسا بس بدال العيش لحم مفروم حلووه

وفي اكله لاي تكون كور دياي وتحتها ديي وكريما وجنه شبنت ما ادري شو اهيا الخضره انا اكلها من غير البطاط الي فوق هم حلوه

اكلات تصبوره مثلا مدخن دخله شاورما لحم مع خست ومايونيز وجبن سلايت والله يونس

خبز وجبن وطماط حق الي يحب ودقوس بو ديج
ويصير قهوه من غير كافيين مع قفشتين او 3 كريمه

 

[classic2004]

هلا
انا توني باديه الرجيم صار لي يومين ..
امس سويت لي تونة ..حمست بصل وحطيت عليه خضرة مقطعة ماعدا البطاطس
وعقب حطيت التونة والبهارات
وسويت خلطة القشطة والجبن السايل
وفوق مازوريلا وتشدر وبالفرن
وكلته مع الخس
_03ba: