دمااااااااااااار شامل محد منتبه له(مكاتب العمالة المنزلية)

[dob106]

الحمد لله استغنت عن وحده وعقبال الثانيه ما وراهم الا المغضه وعوار راس ونسقى كل شئ يصير مريح بس هالخدم شر لابد منه

 

[ScarletteO'Hara]

اي زيادة و الي يرحم والدينكم؟
ترى ما حاشت الكل عشان تقولون انهم ينطرون الزيادات الي تيينا عشان يزيدون اسعار الخدم
الاسعار قاعدة تفرق من اسبوع لي اسبوع
اذكر مرة جيكت كانت الفلبينية ب580
بعدها بفترة قصيره صارت ب600
و بعدها ب650
بعدين رفيجتي خذت لها وحدة ب800 تخيلوا!
شدعوة اسهم البورصة ما ترتفع كثر اسعار الخدم
و منو ماكلها غيرنا؟
و عاد من زين الشغل و لا السنع
المشكلة المكاتب ماكسننا من ايدنا الي تعورنا لانهم يدون ان الخدم شر لا بد منه
و لا انا بست سنين زواج ما كنت محتاج خدامة بس من حملت كان لاااااازم اييب لي وحده
ان شاء الله الحكومة تحل هذا الموضوع لانه جد زاد عن حده

 

[مريانا ام ماريا]

حبيبتي انا عابشه بره من سنين والله العضيم انتو بالكويت بعز بس محد يحمد النعمه انا هنيه ادفع 20 دينار بالساعه حق الهاوس كيبر ولا ما تنظف كل شي والاوتي ادفع شهريا ما لايقل عن 150 د.ك
غير البيبي ستر حق بنتي تي مرتين بالاسبوع لمده 3 ساعات معاشها 80 دينار باليوم ولو مو ضروف دراستي جان ما احتجت لهم الحمد لله والله يردني لاحلى ديره بالوجود وراح اعطي الخدامه 250 بالشهر لان والله حرام يتعبون وايد والحمد لله معاشاتنا بالكويت زينه تكفي فريج

 

[ماريا 2006]

يعني صج صارت الفلبينيه 800
شلون بنات نوقف بوجيهم بفهم

 

[a7la_frawla]

على قولتج بس ماباليد حيله
مجلس الامه لاهين ومعلقين على موضووع واحد ومايدروون عن الدنيا

 

[دولنغا]

اول شي اشكر الي ردو عقب ردي :aha: ​

بنااااااااااااااااااات هالموضوع موضوع مكاتب العماله المنزليه والعماله نفسها ​

يبيلها ريااايييل تتحرك فيها يبيلها قوى تتحرك فيها ​

والله العظيم لا فينا ولا بوناستنا بالزياده ​

ArEEj حلو حلو معاشها الثاني للمكتب ؟؟؟ مو ناقص الا يقولون إذا زعلت وديها فندق حجزي لها سويت تغير نفسيتها ​

ScarletteO'Hara لا حبوبه مع كل زياده يزيدون اول ما درو بقرار الزياده زادو 50 عقبها يوم اقرو زادو 50 وهلما جراااا ​

مريانا ام ماريا مالنا شغل بغيرنا كنا متعودين على شي وفجأة صار شيااااااات مو شي واحد​

ماريا 2006 في مكاتب 850 ​

تمردووووووووووو حييييييييييييل ​

ورااااااااح تشوفون أكثر وأكثر وأكثثثثثثثثثثثثثثثثثثثثثثرررررررررررر​

بنات ياليت تشوفون الموضوع من رؤيا مركزه على إنه المكاتب والعماله قاعدين يتمرودون علينا وينهبوووووون​

a7la_frawla ايه والله لاهين إن شاء الله ينتبهوه حق هالشي لانه مثل ما قلت دماااااااااااااار​

يااااااااااااااااااااارب :yaaaaaarb:هالموضوع ينحل عاجلا ليس آجلا ​

 

[حالة حنان]

احنا بس خمسه بالبيت وماعندنا اطفال واذا يتنا خدامه تقعدعندنا 10 سنين وحده بعد خمس وحده سبعه بس
ولها غرفه نوم خاصه وداخلها ثلاجه وتلفزيون وقنوات هنديه واحلى مكان وكل يمعه اجازه بس صارلنا سنتين نييب خدامه ومثل ماتقولون
بعد ثلاث شهور اقعد الصبح ما القاها منحاشه ليش ماني عارف خمسه انحاشو ا وبعدها القاها بالسفاره اخر وحده شهر اثنين بعد
والله افلوس وايد راحت حسبي الله عليهم وانا مره تناجرة مع المخفر اخر سنة 2010 بعد مانحاشت اجبروني ادفع تذكرت الطياره علشان ترد ديرتها ليش والله هذا القانون وبعدها ماقدرت اييب فلست والحين سايقنا ابن حلال قاعد عندنا سبع سنوات يابلنا زوجته علشان تشتغل عندنا والحمد الله
مسلمين ويخافون الله بس ياليت يلقولنا حل حق المشكله ارفعو ضغطي والله حسبي الله عليهم يعني يايا تشتغلين ليش تنحاشين​

 

[ام خالد 78]

الله يكون بالعون

 

[ياحُبِي لِلكويت]

على فكره الخدم بكل مكان زايد سعرهم بس عندنا بالكويت خطه من المكتب 3 شهور واقلبي عليهم عاد شوفي الوجه الثاني للخدامه ولارحتي المكتب ولقيتي خدامه مسترجعه قلتي شنو عذرها قالو لج مايعطونها معاش او معازيبيها ردة خدامتهم القديمه معروفه اعذارهم طبعا محفظين الخدامه العذر ^-^ والخدم شر لابد منه الله يعينه ماوراهم الاالمشاكل وعوار الراس وبعد هم الواحد يخاف يظلمهم او ماايحسن معاملتهم

 

[زهووور الريف]

الله ياخذ لنا حقنا منهم والقهر إذا إنحاشت وشبعت فرفرة قالوا يلا سفروها على حسابكم وفي الدرجه الأولى بعد

 

[تعبتوني]

اضم صوتي لكم
نبي حل لمكاتب العمالة والمصيبة اصحابها هالسيلانيات والفلبينيات اللي شايخين فينا
يرفعون الاسعار بكيفهم وينهبون ومحد يقولهم ثلث الثلاثة كم
نبي حل

 

[هجووورة]

ازيدكم من الشعر بيت وياليت اللي تعرف احد يشتغل في هالمجال يفيدنا
الكويتي يفتح مكتب خدم تجيه وحده من هالصاعيات المنحاشات تقوله ابي ااجر طاوله يتفق معاها على انه تسلمه الشهر مثلا 400 دينار ويجيه واحد من اياهم يقول ابي ااجر طاوله هم يأجره وثالث ليما يكتمل المكتب
طبعا من وين يدفعون اجاراتهم ال من تطفيش الخدم علشان يستفيدون منهم وقت الكفاله ويشغلونهم بصفة مؤقته

 

[دولنغا]

أشكركم بناااااااااات كلكم على الرد :aha: جزاكم الله خير وياليت يتم التفاعل من الكل :nbvppw:
ياحُبِي لِلكويت إيه والله يبتيها صح مثل ما قلت 3 شهور ويقلبون وهذا الي يخوف ​

زهور الريف ما اقولج تمردو ​

تعبتوني حيااااااااااااج الله وحيا الله كل من بيوقف ضد مآساة وتمرد مكاتب العماله المنزليه والعماله نفسها وصح كلامج زين بعد الي بالمكتب هالسيلانيات والفلبن ما يفصخون النعال تكرمون ويطقونا اصلن قامو ما يهابون حتى الريال الي يدخل عليهم ​

​

هجوره وياااااااا مااالج راح تشوفين أكثر وأكثر إذا للحين ساكتين ​

نبي وزارة الشئون ووزارة الداخليه والي لهم علاقة بالموضوع هذا خل يتحركون ​

بلييييييييييييييييييييييييييييييييييييييييييييييييييييييييييز :eh_s(4)::eh_s(17):​

شالفااااااااااايده يا بنات نستانس بزيادة 100 والا 50 دينار و800 وإلا 650 وإلا 500 دينار يرحون بغضمة عين ​

إنتو متخيلين الوضع 800 و600 دينار يعني زيادة مالت 6 شهور و8 شهور تروح عليج بيوم​

نـــــــــــريــــد حــــــــــــــــلا​

 

[pinkigigi]

الحل انج تاخذين مسترجعه تخلينها 10 ايام
و ترجعينها

و تحاسبين المكتب باليوميه


ههههههه


يعني حدج 10 ايام ب 20 دينار

لين تلقين وحده زينه

و مسترجعه

تساومين المكتب عليها

و قبل الثلاث اشهر

ترجعينها المكتب

و تاخذين بدالها

و تالي ترجعين تاخذين اللي رجعتيها

يعني تلعبين عالمكتب

بس يبيلها مقاااااااقه


عشان تادبين المكتب

و ما يتعرضون لخدامتج هههههههه

 

[دولنغا]

pinkigigi اولا مافي مكتب يعطي 10 ايام حدج 5 أيام <=== هذا اقصى حد

وبعدين مستحيل ناخذ مسترجعه على قولة المثل لو فيه خير ما عافه الطير بس ما يمنع إنه في مسترجعات زينين بس نادر

والله يا بنت الحلال المكاتب تلعب علينا هم والخدم مو إحنا

والله العظيم مره رايحه لمجمع كله مكاتب خدم والله والله يكلمون الريال مو الحرمه بكل قلة أدب كأنها تكلم هندي مثلها وإلا من طقتها​

 

[طالبه مصدومه]

اذا تبون نصيحتي السواق لاتجيبون ال الي جنسيته نيباليه اول شي تدفعين بس 70لمكتب الخدم ورواتبهم منخفضه ولايتذمروون رواتبهم بين 50الي60 ولاعندهم خباثه نصيحه من مجربه انحاشووووو عن السواق الهنووود والسيلانيه بس تطقين لهم اقامه وياخذ ليسن يكبر راسهم///وبالنسبه الخدامات نفس الشي انحاشووووو من العماله الهنديه والسيلانيه أنصحكم بالنيباليه او الاثيوبيه تحسهم يشتغلون بذمه ولاهم حق مشاكل

 

[طالبه مصدومه]

من قال عشر ايام ب٢٠ أمي جابت خدامه مؤقته بالشهر الوااحد تعطي للمكتب١٨٠دينار يعني راتب ثلاث خدامات

 

[طالبه مصدومه]

بنات تري في مكاتب تجيب خدامات اثيوبيا ب260ومسلمات انتم بس شوفو مكاتب وتلقون

 

[دولنغا]

اذا تبون نصيحتي السواق لاتجيبون ال الي جنسيته نيباليه اول شي تدفعين بس 70لمكتب الخدم ورواتبهم منخفضه ولايتذمروون رواتبهم بين 50الي60 ولاعندهم خباثه نصيحه من مجربه

​

واااايد مفيده نصيحتج جزاج الله خير :eh_s(7)::eh_s(7)::eh_s(7):​

وأكثر شي عجبني هالمقطع حشى إغنيه ​

ولايتذمروون رواتبهم بين 50الي60 ولاعندهم خباثه ​

180باجر يصير 200 وقريبا تشاركج معاشج فيفتي فيفتي :krkrkr:

 

[بـاسي قــوي]

السااالفه ملطشه و بعدييين مع هالمكااااااااتب و هالبوووق حشى اراضي مو خدمم