دمج جميع المواضيع (استفسارات الصين )

[شواقه المطيري]

اللي تبي فندق 5 نجوم الا 100 نجمه بعد وبتدعيلي

فندق ذا قاردن بكوانزو خيالي حجزنا فيه سويت وخدماتهم مو طبيعيه روووووعه

والسبا مجانا للي بالسويت وحمام بخار وسونا وغيره كل يوم عقب الشوبنق اروح اخذلي حمام سونا واتفرك واتلمع وانزل ..

وزوجي كان يروح النادي يستخدم اجهزه الرياضه على ما اخلص

وتحتج كله ماركات وشوبنق وستاربكس كنت كل يووم اشبك على المنتدى عن طريق ستاربكس وناسه يا زين الصين وبس

والله يعود هالسفره ان شاء الله


بالنسبه للطيران الدايركت
انا رحت الكويت هونج كونج بعدين بقطار رحت كوانزو

هونج كونج ماكو مجال للمقارنه بينها وبين شعب الصين شعب مترف و مرفه والشوبنق غاااااااااااااااالي

بس رحنا عشان نحضر دزني لاند

اي استفسار انا بالشوفه

 

[0ام الحلا0]

شارع بكين خوش شارع عباره عن مجمعات تسوق ويهبل بس والله يبعون مفرد بس اسعارهم صايره غليه بس عن قريب راح انزل صور انشالله وكوانزو فيها العرب واجد وبكل مكان يعطونج كروت تعلمج عن الاسواق والمجمعاااااااااات والصين كلهااااااااااا سهاااااااالات بس فيهاااااا الامان ميه بالميه

 

[سيده نفسي]

بنات اشلون يكون الجوي في شهر 12 و1 بليز فودوني

 

[ام هيووونه]

حتى انا نفس الاستفسار شلون الجو اخر 12 واول 1 لاني بسافر باذن الله

وبالتسبه للسوق بيكون الملابس والبضايع شتويه ول القى صيفي؟؟ ول بيخشون بضاعاتهم الزينه لعطلة الربيع لان بيكون عطله عندهم وعندنا ؟؟

 

[danona]

يعطيكم العافيه بنااات

انا ابي اروح مع ريلي وعيالي بنتي 6 سنوات ولدي سنتين ابي اماكن يستانسووون فيها وابي اماااكن تسوووووق

ابي اشتري كل شي لهم مابي بنتي تقووول ابي واقولها غالي نفس لندن وفرنسا طلعت روحي فييييهم

وخصوووصا ابي ساعات شوبارد تقليييد درجه اولى حق خواتي وييين احصلهم ووشلووون جوهم اذا في رطوووبه ما اتحمله لانه فيني ربو انا وولدي

ويارييييت تفيدوني عالخااااص

 

[غيوم الصمت]

انا بنات خالتي راحوا الصين وطبعا هناك لقوا اشياء عجيبه غربيه
كل شي موجود ومتوفر وفناتك على كيف كيفج والله يابوا شغلات وايد حلوه
واعرف وحده اتيب شغلات حق الصالون من استشوارات وشعر طبيعي الاسود والملون صناعي
وشغلات وايد عجيبه غريبه وطبعا هالاشغلات ما يابوها بيدهم لا على شركة اهني بالكويت تعاملوا معاهم اهم
شحنوها وخذوا عمولتهم بس شغلهم مضمون

حبيبتي ممكن رقم الشركه

 

[بنات حواء2]

واي شوقتوني لها
بس انا حدي غشيمه فيها <<<<<<<<<< معذوره اول مره بروحلها
ههههههههههههه
بنات و الله محتاره الكل يمدح كوانزو بس ماني عارفه يستاهل امر هونج كونج قبل و لا لا
لانه على حسب الي قريته وشفته انه هونج كونج غاليه و مافيها الي الديزني لاند
و انا بصراحه السياحه عندي تسوق و انا وريلي فينه جنون تسوق يعني 100 % وزن اصلن كل سفره نرد منها وزن فما بالك الصين هههههه
بس متخوفه من وايد شغلات
و ابيكم تفيدوني فيها
بصراحه انا وريلي ناوين نروح الصين شهر خمسه او 6 اشلون الجو في هذي الفتره و هل يصير زحمه و تزيد الاسعار مثل مصر و لا عادي

ودنه نغير ملينه من الدول العربيه الي كلها نصب عينك عينك و مافيها شي يديد
و طقت في بالنه الصين
احس اني راح احبها اكثر من غيرها
لاحظت انه وايد يمدحون كوانزو بنسبه للرخص و الاسواق الحلوه بس ما تنصحيني اطب اول في هونج كونج ومنها الى كوانزو وشنو وسيلتي للانتقال
شنو الاماكن السياحيه الي تعرفينها في هونج كونج او كوانزو
بنسبه للغه راح اتعب فيها وايد احتاج الي مترجم و لا ما احتاج له
بنسبه حق اكلهم في مطاعم عربيه اسلاميه منتشره و لا بشكل محدود
تعامل الصينين مع العرب و البنات المتحجبات زين و لا شين
اي فندق تنصحيني اقعد فيه من ناحية الراحه و النظافه و بنفس الوقت يكون بنص السوق
بنسبه حق التكاسي و التنقل من مكان لي الثاني متورفه التكاسي و لا لا و اشلون اتفاهم معاهم للمكان الي ابي اروحله
و ياريت لو تفيديني برقم تاكسي يكون معانه على طول و يكون يعرف عربي
بشكل عام تسوى اروحلها و لا ما تسوى
و بشكل عام كذلك تعتبر رخيصه و لا مو رخيصه
ما عندكم فكره عن سعر التذكره الي كوانزو و اذا متوفر دايرلك و لا لازم ترانزيت

 

[جزيلة العطا]

انا بالسنه اروح وارد للصين مرتين او ثلاث لاني ما اشبع منها ومن سوقها وعلى كثر ما اشتري احس اول ما ارد اني ما شريت شي والوم نفسي ليش ما كثرت
عموما انا سنة 2009 رحت مرتين مع ريلي وبنتي...رحت شهر 5 وشهر 9..وكان المفروض نروح شهر 12 او 1 بس الله كتب لي الحمل تاجلت السفره الى ما بعد الاربعين...وحافظه الديره هذي صم...ولي رفيجات صينيات...وريلي له ربع هناك متغربين اللي تبي تسال عن اي شي انا حاضره انا حافظه كل دواحيسها...حتى اعرف اشياء غريبه ما تنباع بالكويت...وللامانه على كثر روحاتي ورداتي ما اشتغل بالتجاره لا انا ولا ريلي...ولا افكر...لاننا نروح سياحه وشوبينغ وبس...واللي تبي اي شي انا حاضره

 

[ام لجووونه]

حبيبتي جزيلة العطا ما عليج أمر عطينا أسماء المجمعات الحلوه اللي تكون بضايعها غريبه وحلوه أسعارها حلوه لاني بسافر أول مره وودي ابدي بتجارة ياليت على الخاص ..

 

[البدر_66]

لو ممكن بس المجمعات او محلات ملابس الأطفال

 

[om yousefany]

حبيبتي ودي انا بعد اساعدج بس في اشياء مو بالجملة عليج بالعافية وتردين بالسلامة وادا تبين بالتفصيل دخلي النت والله مايقصرون كل شي مكتوب

 

[حروف من ذهب*]

السلام عليكم
من كثر ما سولفتو عن الصين قررت اني اروحلها وان شألله اذا الله اراد بقولكم عن السفره وحط تقريري

 

[جزيلة العطا]

سوري بنات انا ما عرفت ارجع للموضوع عموما وصلتني رسايل وايد على الخاص ورديت عليكم بكل شي يخص الفنادق والمطاعم العربيه والاسلاميه والاسواق والاماكن السياحيه وحتى الصالونات....ورديت على اسالوني عن كوانزوا وعن بكين وهونغ كونغ
هذي اكثر ثلاث يسالون عنهم...عموما انا الرسائل الخاصه عندي صارت فول وقررت اللي يبي يسال عن شي بجاوب هنيه عشان البنات يستيفيدون وعشان الصندوق عندي ما يصير فل...وشكرا

 

[جزيلة العطا]

لو ممكن بس المجمعات او محلات ملابس الأطفال

حبيبتي البدر ما حددتي وين ؟؟.. اي منطقه...كوانزوا والا بكين والا هونغ كونغ؟؟؟

 

[جزيلة العطا]

حبيبتي جزيلة العطا ما عليج أمر عطينا أسماء المجمعات الحلوه اللي تكون بضايعها غريبه وحلوه أسعارها حلوه لاني بسافر أول مره وودي ابدي بتجارة ياليت على الخاص ..

نفس الكلام لج حبيبتي ما حددتي وين؟؟

 

[البدر_66]

حبيبتي البدر ما حددتي وين ؟؟.. اي منطقه...كوانزوا والا بكين والا هونغ كونغ؟؟؟

كوانزوا و هونج كونج ضروري ملابس أطفال

 

[مدرسة طفشانة]

حبايبي بغيت اسألكم عن الجو شهر 7 ؟
اشلونه حار ؟؟؟ مرطب؟؟؟ براد خفيف؟؟؟

 

[دنياالوله]

انا الحين موجوده بالصين
وجوهم رطب ممطر
بس جد عجيبه نطروا تقريري لما ارد بالسلامه
بمشيئة الله

 

[ام لجووونه]

جزيلة العطا ما عليج امر ابي المجمعات الي فيها فناتق وشغلات غريبه في كوانزوا

 

[mayayem]

انا عندي سؤال حق الي يابو بضايع الجمارك هني بالكويت سوولهم شي ولا لأ