دمج جميع المواضيع (الاستفسارات عن ماليزيا)

[ro0o0oni]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

انا معاج روووني 100% ماليزيا قرف وديزل ومعاملتهم وصخة تحسفت اني قطيت عليها فلوس
اما الاكل حدث ولا حرج الله يزيد النعمة

حتى اختي راحت لها نفس الكلام
وفي وحدة كانت بتروح نصحناها تغير ما غيرت ولما رجعت قالت حسافة ما سمعت كلامكم

الحمد لله انه فيه بنااااات حسو بالي انا حسيته

ومثل ما قلت الي تتقرف من كل شي يعني معاها هوس نظافه ما انصحها تروح لانه بييلها انهيار عصبي

 

[miss-pink]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

بالعكس ماليزيا تهبل لما كنت فيها ماكان ودي ارد الكويت
ماشفت شي من اللي قلتيه

 

[أم دناش]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

يا بنات حيرتوني وحدة تمدح ووحدة تذم آنا حاجزة ويا عيالي وولدي عندة ربو أروح ولا لأ

 

[hmama]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

من صججج

انا رحتلها والله

بس اكلي كله من ماكدونالدز

 

[ريمه الكويت]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

انا توني راده وهم قعدن فيها اسبوعين مادري ماشفت وصاخه بالعكس نظيفه ووايد استانسنا فيها يمكن بالصدفه على حظج قابلتج مواقف موزينه ووصخه عاد خواتي بيرحون لها شهر 7 ووايد مدحتها لهم
انتي اي فندق قعدتي بالعاصمه ؟؟؟؟

 

[BabyStar]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

همممم
ياجماعه شوي شوي عالبنت
انا الصراحه رحت ماليزيا 2003
كانت حلوة واستانست والقروب الي معاي هم يونس ترى القروبات تسوي شغل
بس من عقبها سفراتي صارت اوروبا والصراحه الي يتبرد بأوروبا مايشتهي الجو الاستوائي
الديره ماكانت تلوع الجبد بالعكس حلوة وطبيعه بس انتقد جوها والي يروح لها عطلة الربيعب يكون الجو احلى

 

[حبي كويتي]

رد: ماليزيا

.. Up ..

 

[bombo]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

انا رحت ماليزيا مرتين اول مره مع قروب الثانيه شهر عسل و انا بعد اقول ويييييييييييييييييييع من قلب مو علشان انها وسخه بس كوالالمبور تلوع الجبد و الشعب حده خايس و اغلب مجمعاتهم جنج داش سوق الديره و بننج قمته عكس بوكيت شرحه جنتنج عجبتنا بس بشكل عام ماعجبتني لا انا ولا القروب كله من غيراستثناء و لا ريلي لما رحنا شهر العسل

 

[اخت الجبهه ~]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

غررييبه ,,


شوفي احنا كنا رايحين لها قبل تقريبا 5 سنين كانت تهببببببببببل

يمكن من كثرة السيآح الحين ><


الله يعوضكم بسفره ثانيه ان شاء الله

 

[بشاير^الورد]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

فعلا ماليزيا مقرفه انا اللي قرفني الفيران اللي كل واحد تقول كنه دب والحشرات اعزكم الله في المطاعم تقرف اكثر اقول للجرسون صراصير يقول رطوبه وش يعني والله هي بلد طبيعه وسوق حلو لكن وصخه ومطاعمها مو شي وعلى فكره تايلند رغم انها وصخه لكنها تجنن احبها حيل وان شاء الله ربي يوفقني هالسنه واروح لها ..

 

[SILVER ROSE]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

ايه الله ايهنيهم ..انا قاعده اقول وجه نظري والي شفته من قرررررف



لا عيوني رايحه ماليزيا ..اشقالو لج مدمغه؟؟

انا رايحتها قبل 6 سنوات وكانت اتهببببببببببببببببببببل اطير العقل عشان جذيه حبيت اروحها مره ثانيه وانا الي شجعت ريلي انه انروحها ..ويوم رحتها لقيت كل شي تغيرررررررررررررررررر



صاجه..اغلب مطاعمهم صينيه(مو حلال)والمطاعم العربيه لووووووووووعه وصاخه وقرافه ..عاد كله ولا مطاعم بنينج الوزغ تمشي على الارض وعلى الجدران ..والوصاخه باينه من اصحااااااب المطعم

والناس اذوااااق مثل ما قلتي ..فيه ناس تعجبهم هذي البيئه



مو على شي واحد انا قاعده اتحجا ..اهما ما عندهم لا نظافه ولااااااااااا جوووووووووو ولا اكل والبلده صايره غاااااااليه من صج غاليه على خرطي ..يعني مثل هالدول المفروض ما تصير اسعارها جذيه

كل الي عندهم انه البلده مافيها بقعه ماهي خضرا ..وين ما نمشي نشوف اخضر ..بس صج خياااااااس..الجو خايس..في اليوم على الاقل على الاقل اتسبح 4 مرات..شنوووو هذاااا

تخيلو ..شعر رطب وحجاب 24 ساعه ..مايمديه شعري ينشف لاني كل شوي اتسبح من لخياس الي هناك

وترا صج صج الي عندهم يهال (اقل من 3 سنين )راح يتعبون ..لانه المنطقه كلها مشي وحاره وتنقل من منطقه لمنطقه غير الرحلات ..والله انا حسيت اني ضلمت بنتي




حمد الله على سلامتج..والناس اذواق مثل ماقالو البنات

كنت بكتب رايي بس وقفت عند هالتعليق ... انتي معترضة على ماليزيا اللي رحتي لها وانتي تدرين انها استوائية والا اعتراضج على اللي خلق هالجو؟؟
وتقولون ليش الله غاضب علينا؟ استغفر الله

 

[غــــلا]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

غريـبه


عاد احنا رحنالها الصيف اللي طاف


ورربي روووووووووعه وجنتنق اروووووع


مادري والله وربي استغربت لأنها ماعجبتكم

 

[*^*يا^عمري^أنا*^*]

رد: ماليزيا

انصحج بسينغ وينق و لوت تن و ماينز


و اكثر شي ماينز كل شي فيه

 

[طير الحب]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

بالعكس ماليزيا اتينن

 

[البارونات]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

واااااااااااااااااااي يا حلاة ماليزيا .. تهببببببببببل خاصة جنتنغ

 

[a7la_3emya]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

والله لاول مره في التاريخ وحده اتقول عن ماليزيا جذي ,,,, بس حده غريبه ماليزيا انا رحتلها عكس تماما من الكام اللي قلتيه ..

بس كلشئ جايز ..

 

[dalprincess]

رد: ماليزيا

سونغ وونق اكثر شي فيييه متروس محلات تقليد

 

[شباصه ريش]

رد: ماليزيا

up
up

 

[ro0o0oni]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

كنت بكتب رايي بس وقفت عند هالتعليق ... انتي معترضة على ماليزيا اللي رحتي لها وانتي تدرين انها استوائية والا اعتراضج على اللي خلق هالجو؟؟
وتقولون ليش الله غاضب علينا؟ استغفر الله

حبيبتي لا تفتحين باب انا مايبت طاريه ولا يا ع بالي انه احد بيفكر نفس الي انتي فكرتيه

شنو اعترض على الي خلق الجو ؟؟شنو الجمله الي كتبتها خلتج تقولين مثل هالاكلام

استغفر الله ياربي

عمرج ما قلتي عن جو لكويت حررررررررررر قمتتتتتتتتتتتته اييب المرررررررررض؟؟

عيل كل واحد بيقول عن الجو مو حلو صار معترض على ربه !!!

وترا فيه بنات ردو على نفس الموضوع وقالو نفس كلامي وترا الناس اذواق

 

[غلا الكوويت]

رد: مــــــــــــاليزيــــــــــا قـــــــــــــــــــرف ..ماانصح احد ايروووحها

اختي العزيزة

انا رحت ماليزيا وسكنت في فندق ميكاسا كولا

و في بيننج كراوان بلازا

و كل شي فيها حلو
وبالنسبة للاكل

في مطاعم عالمية وايد و منتشرة بكل ماليزيا

والعموم الناس اذواق

وشكرا