&& دمج جميـــع مواضيع اسواق ومجمعات دبي للفائده حياكم الله &&

[النبيطة]

رد: البحرين .؟.الرياض.؟.الإمارات؟؟

اذا في الرياض انصحك باسواق طيبه تقريبا كل المحلات ومرتبه

 

[Nonita-q8]

رد: اللي عندهـــــا خبرة بدبــــــي تساعدني الله يجزاها خيـــــر....

يعطيكم العافيه على الاماكن
ان شاء الله راح اروح لها بس حسافه ارد 21\6 مع بدايه المهرجان

وين محلات يبيعون تحف اشياء تونس قديمه

 

[الغزااال]

فيدوني الله يفيدكم(اسواق دبي)

قوة يابنات ياكويتيات وخليجيات وعربيات شلووووونكم؟؟

حبايبي عسانى ما أنحرم منكم ومن معلوماتكم ...
الله يخليكم فيدوني ..انا بسافر دبي شهر 9 وبصراحة ماأعرف شى هناك لا أسواق ولا مجمعات .. اكثر من 10 سنيين مورايحة.
واشوف البنات عندهم الشغلات الحلوة والزينة وكل ماأسألهم يقولون من دبي..

لوسمحتوا وماعليكم امر ابى معلومات عن دبي :
1. المجمعات الراقية والحلوة والكشخة والجديدة
2.الاسواق الشعبية
3.اماكن يبيعون العطورات والبخور الاصلى الزين اللى خابرينة .. وتكون اسعاره زينة
4.اماكن يبيعون العبى والملافق الكشخة والحلوة وبعد اسعارهم زينة (وشنو احسن خامة ونوعية؟؟)
5.ابى جواتى وجناط وكسسوارات حلوة وبدل سنعة وكشخة
6.يقولون الساعات الماركات هناك ارخص صج؟؟ وين اماكنهم ووين احصلهم؟؟
7.اقترحوا على جم احط ميزانية حق التسوق والمشترى .. وشنو الاشياء اللى ماعندنا اياها بالكويت وتستاهل الواحد يشتريها؟؟

الله لو تجاوبونى بكل شى حتى الاشياء اللى ماسألتها (مع انى ماخليت شى وماسألته).

حبايبى الله يرضى عليكم جاوبونى بكل شى .. ترى انا على ويه زواج ودي اشترى الاشياء المميزة زالحلوة اللى موموجودة عندنا..
ومشكوررررررررررين وهذى وردة لكم :eh_s(17):

 

[توت عنكبوت]

رد: فيدوني الله يفيدكم(اسواق دبي)

المجمعات بدبي :
مول الامارات
ابن بطوطة والوافي ولامسي وسيتي سنتر حمر عين ومركاتو برجمان هذيل رووووووووووووعه وكشخة وشي

الاسواق الشعبية ( نايف ومرشد)

الملافع والعبي ( مجمع ابو الهيل)

دبي روعه بس حلاتها بالشتاء مو الحين

القرية العالمية روووووووعه كلها بضايع تهبل لا يطوفج السوق اللبناني

 

[toooota2404]

رد: فيدوني الله يفيدكم(اسواق دبي)

تبين جناط ماركات و بدل كشخة روحي برجمااااان

 

[كندريه حلوه]

رد: فيدوني الله يفيدكم(اسواق دبي)

مول الامارات-بن بطوطه-برجمان-وافي-ستي سنتر-الغرير(سويت ليدي وفرست ليدي للشيلات اشياء عجيبه وقصات حلوه)-ماركاتو-صحارى بالشارقه ويهبلمو بعيد وايد عن دبي
الاسواق الشعبيه نايف ومرشد والقبايل
بالشارقه قبال عجمان مصانع الملابس والملافع باسعار حلوه وارخص من دبي
للملافه بو الهيل ملافع عمليه يوميه وفي بعد محل عطور بالمجمع نفسه ماركات اصليه وارخص من باريس جاليري بوايد
طبعا كل الماركات بمجمع برجمان وفي بمدينه وافي بعد
وانشالله راح تستانسين لانها ديره تونس كلها سوق واذا بغيتي اي شي انا حاضره ولا تنسين السوق الصيني بسوق مرشد رخيييييييص ويهبل وفي بعد سوق صيني ثاني اسمه التنين هم حلو

 

[أذكري الله]

رد: فيدوني الله يفيدكم(اسواق دبي)

آنا بصراحة أنصح اللي بتروح الامارات تروح لها بالشتا الجو عجييييب و بالذات شارع السيف و الجولة البحرية فيه روعة جنج رايح دول برة
و بالنسبة للأسواق برجمان كله ماركات روووعة بس أسعارهم شوية أغلى من الكويت شريت جنطة ديور موجودة بالكويت 255 و عندهم 300 بس اللي شريتها مو موجود لونها بالكويت .
بن بطوطة يونسسسسس فيه سينما تلاثية الأبعاد و بصراحة المجمع تحفة معمارية حلو تصورين فيه
بو هيل فيه لفات و عبي تطير العقل و أسعاره مناسبة
مطعم قيصر هناك لا تطوفينه قعدته تينن و أحلى من الكويت بألف مرة ( على امتداد فندق البستان ريزيدنس ) :eh_s(15):
و أخيرا خلي ميزانية شوية حق السوق الحرة بالمطار وقت الردة راح تطير بوهتج بالساعات

 

[ام جميلات]

تكفون يا بنات الكويت والامارات!!!!

شلونكم بنات
انا بالامارات حاليا وفي ناس قالولي عن جناط تقليد ماركات بالامارات بدبي وااايد حلوين بس ماني عارفة المكان

فاللي تعرف تقولي عسى الله يوفقها لاني صج ابي وحدي محتاجته تكفون لاتخلوني لان ماعندي وقت وبرد الديرة بعد جم يوم

 

[TLG]

رد: تكفون يا بنات الكويت والامارات!!!!

والله ما اعرف

يا ريت البنات يساعدونج

 

[ضحكة الدنيا]

رد: تكفون يا بنات الكويت والامارات!!!!

انا بعد ودى اعرف لانى بسافر دبى وودى اشوفهم
ان شاء الله البنات يفيدونا

 

[فتون علف]

رد: تكفون يا بنات الكويت والامارات!!!!

للاسف مادري وين
بس تقدرين تدشين منتديات اماراتية وتسألين فيهم اكيد بيفيدونج
عندج موقع عروس ممكن تستفيدين منهم

 

[أحلى عيون]

رد: تكفون يا بنات الكويت والامارات!!!!

اعتقد بالمراكز مثل حمر عين ومثل الامارات مول ومثل سيتي سنتر هذا الي اعرفه

 

[الريماس]

رد: تكفون يا بنات الكويت والامارات!!!!

جناط تقليد الماركه بتلاقينها بالقريه الصينيه اللي بدبي اذا دخلتي هالقريه بتشوفين جناط وشحاطات وشغلاتهم كلها تهبل ورخييييييييييييييييصه مقارنه بالكويت طبعا!!!

 

[روحـ روحه]

بنات أبي وين ينباع هالتلفون بدبي ؟

مرحبا بنات

اللي تعرف وين ينباع تلفون vk2020

بدبي

تقوولي وين لانه صج بخاطري وقالوا تحصلينه بالامارات :eh_s(15):

بروح نهايه الاسبوع لدبي فاللي تعرف ياليت تساعدني

تحياتي لكم

 

[كندريه حلوه]

اتوقع تلقينه بمجمع قرقاش خاص للتلفونات وفي بعد شارع الكورنيش كله محلات تلفوناتقبال مجمه حياة رجنسي بجانب سوق مرشد بس صوب البحر يمكن تحصلين

 

[تحكمنى قناعتي]

اللي سافرت لدبي

ياليت حبيباتي تساعدوني 0000

اختي تبي تسافر الامارات يوم الجمعة 00 وما تعرف شئ بالامارات من اسواق طبعا:d

ياليت تفيدوني باهم الاماكن اللي تبيع ملافع حلوه وفيها شوارفسكى وتناسب الدوام والملافع الناعمة بعد
ا
وابي الاماكن اللي تبيع المواعين الحلوه والمطاطير والاستكانات الكشخة طبعا ابيها حق رمضان

وابي بعد الاماكن اللي فيها الكلف النادرة والكشخة اللي مو موجودة بالكويت

ياليت تساعدوني وتردون عليه بسرعة قبل لا تسافر اختي

 

[التوت البري]

حبيبتي في مراكز وايد في دبي مثل أبراج الإمارات و إبن بطوطه و ميركاتو و برجمان و وايد أسامي ماني ذاكرتهم ألحين بس على العموم إهي لما توصل الفندق خل تاخذ البروشور من اللوبي راح يفيدها وايد.

 

[CrystalQ8]

الخبيره بدبي ..تدخل

السلام عليكم...:eh_s(7):


بنات أنا بروح دبي لمدة 3 أيام بغيت أعرف الأماكن اللي يبيعون فيها ملافع حلوه وأكسسوارات شعر للبنات والجنط لأني بأخذ بالجمله بضاعه يعني اللي يعطوني بالدرزن 12 حبه وطالع تكفون بنااات دلوني . وجبل علي دايما أسمع عنه شنو فيه؟؟:eh_s(10):
من زمان مارحت الأمارااات:eh_s(2):

 

[تحكمنى قناعتي]

شكرا لك اختي العزيزه على ردج

بس حبيت اعرف اسماء الاماكن المخصصة لهذه الاشياء

 

[@ دهن العود @]

حبيبتى بالنسبه للجناط والملافع اللى بالجمله واسعارهم حلوه مالج الا سوق نايف

تونى امس راده من دبى