&& دمج جميـــع مواضيع اسواق ومجمعات دبي للفائده حياكم الله &&

[CrystalQ8]

مشكوووره عالرد مافي مكان ثاني .

 

[جكورة]

تروحين وتردين بالسلامه إن شاء الله ....توه رفيجتي جايه من دبي جايبه بضاعه تزوغ الجناط من السوق الصيني يهبلون ورخيصه والملافع الشوارفسكي والدبل فيس بمجمع أبو هيل .. وهي جايبه حق نفسها عبي مع ملافع من المجمع الإسلامي بالشارقـة.. والأساور الشوارفسكي من المجمع الصيني ... ولو تبين إكسسوارات تهبل بس غاليه شوي بمحل الوشيعه بسيتي سنتر...والله يوفقـــج..

 

[CrystalQ8]

الله يسلمج يالغاليه ماقصرتي...توصين علي شي أمانه لاتستحين

 

[تحكمنى قناعتي]

اشدعــــــــــــــــــــــــــــــــوه مافيه احد راضي يساعدني

العشم فيكم يابنات الكويت كبير 0000 لا تبخلون على اختكم

 

[زلابيا]

محل حناين موجود بالسيتي سنتر يبيع ملافه شوارفسكي ويبيع عبي ومادري وين بعد اذا عندهم افرع ثانيه

مجمع ابو الهيل

سوق عكاظ (سوق مرشد)

واذا في زياده ان شاءالله البنت يفيدونج اكثر مني

 

[تحكمنى قناعتي]

محل حناين موجود بالسيتي سنتر يبيع ملافه شوارفسكي ويبيع عبي ومادري وين بعد اذا عندهم افرع ثانيه

مجمع ابو الهيل

سوق عكاظ (سوق مرشد)

واذا في زياده ان شاءالله البنت يفيدونج اكثر مني

تسلمين اخت زلابيا ماتقصرين والله

 

[شهدQ]

مجمع ابو الهيل للشيل

عندج محل اسمه فزاع في برجمان بس غالي وحلو

عندج مول الامارات وابن بطوطه

وستي سنتر

الاسواق الشعبيه

عندج سوق نايف وسوق مرشد

وسوق الكرامه

وفي مجمع جديد اسمه السوق الصيني دراغون مول

 

[CrystalQ8]

يله بنااات وينكم معقوله مافي بس هذيل الأماكن.

 

[7lwa]

بلى في سوق الجملة
وفي أسواق الشارجة اضني الوصل هذيل ارخص من دبي

 

[شمع تحترق]

حبيبتي انا اشتري من سوق الشارجه القديم

و اذا التكسي ما عرف و لو انهم كلهم يعرفون قوليله مجمع سارع لان المحلات جنب المجمع و فتري بتشوفين اشكال وايد و الاسعار تختلف من محل لي ثاني


و ما اوصيج بالمكاسر

اما بدبي في مجمع اسمع عكاظ التكاسي ما يعرفونه عشان جذي قوليه ابي اجمل اللي بسوق نايف و هو يوديج له المجمع الزاويه اللي مجابله محل اجمل

كل الاشكال و الموديلات و اسعارهم رخيصه

اما اذا تبين محل بابو راسليني على الخاص و بدز لج رقم تلفونه لاني ما ادله عدل يا قلبي

 

[CrystalQ8]

الحلوة أسم السوووق شنوو(الوصل ) معلش مو واضح أسمه

 

[نوووسه]

حبيبتي عندج سوق كله بالجمله
اسمه سوق نايف وبعد سوق مرشد
وكل شي فيه
فيه بابو وكومار مال الملافع وفيه شنط بالجمله روووووووووعه اشويه عليها وابلاش اغلى وحده يمكن 5 دنانير
اتعرفين الشنط الصغار الي يبوعونها بكليرز واكتسورز الي فيه شك وترتل
تلقينا عندهم واشكالها فضيعه
والعطورات بالجمله
وكله اجانب بالهسوق
وانشاء اتروحين واتردين بالسلامه

 

[CrystalQ8]

مشكوووره نوسه أنا قبل رحت لسوق نايف فيه شغلات حلووه بس قلت أذا فيه اماكن ثانيه ...؟؟؟

 

[علويا الحلوة]

شيلات فيري ليدي وين تنباع بدبي ؟؟؟؟؟

هلا حبوبات الحلوييين


انا بدبي الحييين و بغيت اعرف شيلات فيري ليدي الدبل فيس وييين تنباع بأي مجمع ؟؟؟ بلييييييييييز ساعدوووني لأني دورتهم بكذا مجمع و ما لقيييتهم ​

 

[asoomaa]

محلهم في ابراج الامارات​

 

[كيكه]

ابراج الامارات

 

[علويا الحلوة]

ويييين صاير ابراج الإمارات ؟؟؟؟؟؟؟؟؟؟؟؟؟
أول مره اسمع فييييه انا كل سنه ارووح دبي بس اول مرة اسمع عن ابراج الإمارات

 

[Saroona86]

اتوقع عند باااااابو
بدبي

 

[ساره ستايل]

بروح انشالله دبي .. ولي جم استفسار مهم

سلام عليكم ورحمة الله وبركاته

كنت ناوية اروح ماليزيا مع ريلي.. بس الله ماكتب
انصعقنا من سعر التذكره (352دك) وماكو حجز الا عقب شهر وزوووود
و غلاء سعرها مثل ما قاللي ريلي راجع الي دورة آسيا لكرة القدم
اللي صارت في هالدول ماليزيا وتايلند واندونيسيا

أسئلتي للي توها راحت دبي :

1- شنو الاشياء اليديده اللي افتحت فيها (اسواق - اماكن سياحية ، ترفيهيه - رحلات)

2- ابي اعرف وين صايرة اسواقهم التراثيه نفس سوق الحريم عندنا والمباركيه
والمحلات اللي تبيع اشياء نفس بو 100 عندنا

3- شنو الاشياء الحلوة اللي تنصحوني إني ما اطوفها و اشتريها من هناك

* للعلم : انا اخر مرة رحت لها السنه اللي طافت شهر 7

ولكم جزيل الشكررررررررررررر :eh_s(9):

 

[*دبدوووبه*]

ساره ستايل
حبيبتي انا بقولج تجربه
وانتي حكمي
انا رحت سنه الي طالفت شهر 8 مادري 9 لوول
كان كل شي اوكي
وشريت وايد اشياء ماكو بالكويت

اختي توها راده
كانت حاجزه 10 ايام
قسما بالله
رابع يوم ؟ رجعت الكويت

تقول اول شي
الجو مايستحمل كلش كلش كلش
وكل شي غااااااااااااالي
ونفس هدوم الكويت
ماكو فرق
بس الفرق اغلى
تقول حتى المكياج والعطور اغلى من الكويت
وانا هالشي شفته بعيني سنه الي طافت
والحين عندهم مهرجانات الصيف
فكل شي مرتفع
وخصوصا دبي
تقول مافي وايد مواطنين
كلا اجانب
ونفس مجمعات كل مره
ماشافت وايد اشياء
وان شاءالله البنات يفيدونج اكثر ياقلبي