&& دمج جميـــع مواضيع اسواق ومجمعات دبي للفائده حياكم الله &&

[ساره ستايل]

مشكوره حبيبتي

صاجه اسواقها غاليه .. والكويت واااااااايد ارخص منها ابكل البضايع
بس التمشي بلمجمعات رووووعه ووناسه

والجو : حتى رفيج ريلي توا راد من دبي يقول لاعت جبده من الرطوبة

مشكورة دبدوبة .. وبانتظار باجي حبايبنا

 

[سلطـ زمانها ــانة]

حبيبتي انا الحين بدبي


صارلي فيها 4 ايام

من يوم الاربعاا اللي طاف وان شاء الله بنرجع يوم الجمعه

شووفي من نااحية الجوووو

صرااااااااحه لايطااااااق الكويت عندهااا بردد

بس ماتحسين فيه لانج تطلعين من باب الفندق للسيارة ومن السيارة الى المجمع

وبصرااااااااااحه اسعااااااااااااااار نااااااااااااار ناااااااااااااار ناااااااااار ناااااااااااار

غاااليه بشكل مو طبيعي


ونصيحه اسكني بالشارقه لاتسكنوون بدبي ازعاااج وفنادق غاليه

والشارقه فيهااا مجمعاات

عندج مجمع ساره اشكثر فييه محلاات عباياتت بس غااااليه حيييل

امي بغتلها عباية لف ساده اطلعت بالكويتي 20 دينار مااتسووي

وعندج مجمع صحاااري حلووو واناا سريت من سيد جنيد اللي فييه مرررطب صرااااحه حلوو وريحته حلووه بــ60 درهم يعني تقريبا 5 دنانير

وفييه السوق الاسلامي بس مو ذاك الزود
وفيه مجمه المنال حليووو وفيه سيتي سنتر بعد


اما دبي كل المجمعاات فيها والاسواق الشعبية فيها سوق عكااظ صراااحه انا رحتله على شان محل الملافع مال بابو وكوماار

عندها ملافع رخيصه وغاليه مو غاليه غاليه يعني بحدود العشر دنانير كويتي بس حلووين وذربين وارخاااص

وفييه سوق نايف وسوق المرشد وميغااا مووول حلوووووو

واذا كملناا بعد وتذكرت شب بقووولج

 

[ناني سيكرتس]

وي عاد انا حاجزه حق دبي شكلي بكنسل السفره.

 

[dalprincess]

حبيبتي انا السنه الي طافت رحت دبي مع زوجي ,,,, الصراااحه ماتسوى نااااااااااااااااااااااااااااااااااار يعني انا وريلي 3 ايام قطينا 2000 دينار .... الفندق ليلته كانت اب 90 وسوقهم ناااااااااااار وانا شريت وايد .... بس عقب ماردينا تحسفنا يعني لو كنا قاطين هالفلوس على دوله اوربيه او ماليزيا وايد احسن ,,,, وهالسنه ماليزيا اسبوعين تذاكر مع فندق مع طيران داخلي 1000 يعني فرررررررررق ووايد احسن ماليزيا
وانا حجزت عالاماراتيه اب 240 مو 352 ,,, يعني فرق 100 تقريبا والاماراتيه يمدحونها ,,, بس انا اقولج الصراحه دبي انا رحتها وتحسفت لانها غاليه وجوها يخليج تكرهين عمرج ,,, وانتي كيفج

 

[emynice]

نصيحة اختي لوجه الله

انا رحت شهر 2 ....وتبت ارووووح

ليش؟

انا اقولج ....

لاعت جبدي من التكاسي محد يوقف والله حرام الوقت كله يروح واحنا ننطر تاكسي

فالنصحية ... استأجروا سيارة مع سايقها

اوفر واحسن ... وين ماترحون تلقين سيارة ومتى ماطلعتي تلقين سيارة ومايروح عليج اليوم وانتوا تدورون سيارة ...

ورحلة سعيدة

 

[ساره ستايل]

مااااااااقصرتوا بنات عالردود

عاد كنت اتمنى وحده تدش وتمدح

الكل يذمها

بانتظار وحده تدش وتمدح

لأن انا ودي اسافر بس لمجرد تغيير الجو
مو اقصد اني اطلع من الحر واروح ديرة ابرد
لأ بس ودي اركب الطياره واقعد بفندق عدل واتمشى واروح سينماتهم

لأن سوقنا ماشالله بلكويت كل شي فيه

 

[أم ضارى]

روحى واستانسى

يكفى انج غيرتى جو ... صراحه صج دبى بهاوقت جوها حار ورطوبه بس الحلو فيها ان اغلب اماكنها كله مجمعات ومكيفه
وبالنسبه للسياره شوفى احنا كله نأجر سياره هم اوفرلنا ونفتك من قثا التكاسى وهم تكون سياره تحت ايدج متى مابغيتى

لان اكلنا وايد قبل تروحين مكان ومايعجبج تردين تاخذين تكسى وتروحين مكان ثانى ولحسابه بتحسب!!

بعدين للامانه صج الحمدلله كلشى متوفر بالكويت بس الفرق بين سوقنا وسوقهم وهذا عن تجربه ان الشغله بالكويت اذا بغيتيها تروحين المحل تلاقين الاوادم خامين ابضاعه كلها انما بالماات تحصلين اللى تبين

انا مره طار قلبى على بوت فى ناين وست وعيزت من فرع لى فرع ادوره مالقيته قلتلهم للى يصير اى لون مالقيته تخيلى عقبها سافرت الامارات لقيت كللل الالوان حتى احترت اى واحد اشترى

ونفس الشى بالنسبه لمحلات h & m فتح قبل بالامارات وكنت اشترى منه جان يقولى العامل ترا بنفتح بالكويت ييت ارد الاغراض جان يقولى ريلى من صجج !! اصلا لما يفتح بالكويت اشدعوه بتحصلين شى جان اقوم واشتريهم وفعلا كلامه الناس ماخلو شى بالمحل اللى بالكويت وكل اللى شريته من الامارات مالقيته !!

ادرى هذرت وايد بس بالمختصر حتى لو مورايحه تشترين رايحه تغيرين جو انتى ونصيحه لاتقطين فلوسج على الفندق حرام لان الفندق للنوم بس خلى فلوسج حق الطلعات والمطاعم

 

[ساره ستايل]

ام ضاري : بعد قلبي مشكووووووووووووووووووورة عالرد ياقلبي

اول وحده تدش وتنصحني ابدبي اهي انتي

وكلامج بالنسبه للفندق نفس كلام ابو العيال .. يقول مو شرط نقعد ابفندق 5 نجوم .. المهم فندق نظيف ومريح ..
ونخش الفلوس حق الوناسه احسن
بس مو معنى هلكلام ان نقعد بأوتيل 3 أو نجمتين :eh_s(3):

والله ليلحين عاد ما حجزنا
مايندرى ربي بيكتبها لنا ولا لأ

بالنسبة للبضايع اللي تلقينها اهناك وما تحصلينها بلكويت
اتصدقين حتى ابماليزيا .. رحت محلات دكني ادور جناطهم
ما حصلت موديلات وايد
والموديلات الموجوده حدها لوعه والاحجام يا اما اصغار او بلايا حق ازوارة

ولما رحت عقبها ابسنة دبي .. حصلت كل الاحجام والانواع وكل الموديلات

مشكورة للمره الثانيه

 

[زلابيا]

انا رايي من راي ام ضاري روحي غيري جو واستانسي يعني مو شرط تتسوقين ..

عندهم اماكن حلوه غير المجمعات وانا الحين احاول القالج الموضوع ..

وفي عندهم محلات تشبهه بو 100 على كلام رفيجتي ان في محلين او 3 صايرين وره مجمع الغرير .. وعندج بعد السوق الصيني خرابيطه وااايد

عندج بعد قرية البوم يمدحونها .. وانا مره من شقتنا شفت مثل التلفريك صاير جبال السيتي سنتر على البحر او بحيره ومادري شسالفته .. سألوا عنه يمكن وناسه ..

واذا ما اجرتوا سياره نصيحه لا تسكنون بالشارجه .. لأن اذا تبون ترجعون من دبي لي الشارجه ولا تاكسي بيوصلكم وصارت فينا هالحركه حسبي الله عليهم

 

[زلابيا]

لقيتلج الموضوع حق mrs-sugar

وانشاءالله تستفيدين منه لأنها حاطه عن بعض الحدايق والمتحف

http://www.q8yat.net/showthread.php?t=56010

 

[أم ضارى]

ام ضاري : بعد قلبي مشكووووووووووووووووووورة عالرد ياقلبي

اول وحده تدش وتنصحني ابدبي اهي انتي

وكلامج بالنسبه للفندق نفس كلام ابو العيال .. يقول مو شرط نقعد ابفندق 5 نجوم .. المهم فندق نظيف ومريح ..
ونخش الفلوس حق الوناسه احسن
بس مو معنى هلكلام ان نقعد بأوتيل 3 أو نجمتين :eh_s(3):

والله ليلحين عاد ما حجزنا
مايندرى ربي بيكتبها لنا ولا لأ

بالنسبة للبضايع اللي تلقينها اهناك وما تحصلينها بلكويت
اتصدقين حتى ابماليزيا .. رحت محلات دكني ادور جناطهم
ما حصلت موديلات وايد
والموديلات الموجوده حدها لوعه والاحجام يا اما اصغار او بلايا حق ازوارة

ولما رحت عقبها ابسنة دبي .. حصلت كل الاحجام والانواع وكل الموديلات

مشكورة للمره الثانيه

شوفى انا قبل كله اسكن بفنادق خمس نجوم وميزانيتنا الله بالخير آخر مره زفتنى امى قالتلى انا عندى بيت اهناك ليش ماتروحين تسكنين فيه ... يعنى الكشخه ماتصير الا لما تسكنين بفندق !!
بينى وبينج اول شى ماهانت على نفسى قلت لالا الا فندق بعدها قلت اشخسرانه خل اجرب اووووووووف شنو فرقت معانا شى عجيب لدرجة ان شريت لين قلت بسى هذا غير اكلنا كله بمطاعم الفنادق

تعيبين على فنادق نجمتين وثلاث تصدقين عاد انا مره زايره وحده اعرفها لقيت فندقهم احلى من الفندق اللى كنا ساكنين فيه مع انه خمس نجوم ليش ان فندقنا عليه وايد دايس والفندق اللى ساكنين فيه جديد وماعليه دوس ترا موشرط ساره

وبعدين ترا الحفريات تاارسه دبى يعنى اذا بتروحين مكان بدل لاياخذ منج ساعه راح تصير ساعتين يعنى صدقينى فعلا يومج كله بره الفندق

والحمدلله كل المجمعات حماماتها وانتى بكرامه نظيفه وفيها مصلى

يعنى زى الورد يومج كله بره الفندق

ادرى هذرت وايد بس بينى وبينج قاعده افكر انا بعد آخذ اليهال واسافر الامارات

 

[ساره ستايل]

زلابيا مشكوووووووورة ياقلبي عالرابط.. فتحته وبعد شوي بشوفه
وسالفة التلفريك حلوة والله .. اول مره اسمع ان دبي فيها
وبو 100 لازم انمر عليه .. سواء بلكويت ولا برا

ام ضاري : انا مادري ليش على بالي ان فندق بونجمتين او 3 طايح حظه ؟
وماااااقصرتي والله يلغاليه عالرد للمره الثانيه
الله يجزاج الجنه ويبلغج بعيالج يارب
وان رحتي دبي انشالله.. قوليلنا اخر اخبارج فيها

 

[أم ضارى]

الله يبلغنى وياج ان شاء الله يارب
وصدقينى مو كل فنادق 4-3-2 نجوم رايحه فيها .. فيه وفيه
انتى حاولى مثلا تختارين شى مو بالسوق او توه ماصارله مده فاتح بتلاقينه نظيف ... والله يعافى الانترنت الحين تشوفين صور للفنادق وغرفها وانتى بمحلج

وان شاء الله تستانسين بسفرتج
شوفى نصيحه روحى منتدى العرب المسافرون وحوسى فيه على راحتج وايد يونس وبتلاقين كل المعلومات اللى تبينها عن الامارات فيه

 

[الاسطورية]

انا بعد بروح واول مره حبطتوني عالجووووووو

واي ماحب الخنقه

ابي اعرف شلون ناخذ سياره اجار؟

 

[bambena]

شوفي ساره انا توني راده الثلاثا رحت اسبوع حجزنا على العربيه لي الشارجه ب 55 دك وحجزنا كورال بارك هوتيل ابارتمنتس شقه غرفتين نوم وصاله وحمامين ومطبخ ب 55 الليله

اول شي الجو لا يطاق من باب الفندق لي السياره تحسين يبيلج شاور تدبقين ويع ويع ويع

اجرنا سياره لانسر من مطار الشارجه ب 90 درهم اليوم

ثاني شي كله تكسر وبنيان لووووووووعه

ثالث شي كل شي موجود عندنا

انا اقولج المهم

اول شي روحي مول الامارات يبيله يومين كل المحلات والمطاعم فيه وفيه كافيه ارماني وسكي دبي

روحي بن بطوطه وايد كبير وحلو

اذا رحتي هالاثنين تعتبرين شطبتي السوق لان باجي المجمعات نفس المحلات

اذا معاج يهال وديهم مدينه مدهش

عندج لازم تروحين دبي فستفال ستي مول كبير ودار مداره قنال ماي وجندول ومطاعم حلو

سوق مرشد يبيله وقت بس اذا عندج سياره خليها وروحيله بتكسي لان وايد تعبنا على مالقينا مسفط واخر شي سفطنا بعيييييد وردينا لي سيارتنا بتاكسي من الخر ماقدرنا هذا كله ملافع ودراريع وعطور عربيه

خلي عنج اللامسي وبرجمان والغرير وحمرعين وستي سنتر الا محلات معينه اعطيج اساميها اذا تبين


ابوظبي اتينن شرحه وهاديه رحنالها الصبح مارينا مول وابوظبي مول وصحارى مول ورحنا فندق القصر وردينا بالليل

مرسى دبي

دبي مارين

مدينه الجميرا



بانزل صور بموضوع يديد نطريه

واي تفاصيل واسامي المحلات او مطاعم دزيلي عالخاص


بس تظل دبي مع الحر واللويه ونيسه واهلها الشهاده لله قمه بالاخلاق فشلونا بالمطار من طيب اخلاقهم الصراحه


بس لو ادري الوضع جذي مارحت لان الجو مو معقول ماتقدرين تستحملينه مع العلم ان كل مكان مكيف بس ولو موت موت

اذا عزمتي قوليلي ادزلج التفاصيل بالضبط وحتى الفنادق هناك مريت ودشيتها الغالي والرخيص عشان اعرف لا بغيت اروح مره ثانيه

 

[bambena]

الاسطوريه السيارات اتوقعتها اغلى من جذي احنا خذيناها من المطار مال الشارجه ب 90 اليوم مع تامين كامل وبره المطار ارخص بس مالنا خلق تكاسي خذيناها من المطار

واعتقد بدبي اغلى الاجار من الشارجه بس اذا بتشوفين وايد اسهلج من التكسي حتى لو معاج اجياس وشقله قطيهم بالسياره وخلصنا

 

[bambena]

ترى من الشارجه وصلنا دبي باقل من نص ساعه حيل قريبه

وانسي التلفريك الحين حر موت ماكو شي حتى البوم موقفين الغدا بس عشا لانه حر موت ورطوبه 100 با 100

السينمات لوعه من قلب كله افلام هنديه او افلام نازله عندنا من العام حيل عانيت انا لان السينمات وايد مهمه عندي

 

[ساره ستايل]

بامبينا
مااااااااااااااااااااااااقصرتي والله
رايتج بيضه يلغاليه
شوقتيني عى سوق مرشد

وان عزمنا وحجزنا
طرشتلج عالخاص حبيبتي
مشكووووووووووووووووووورة
وبانتظار موضوع رحلتج

 

[الاسطورية]

90 باليوم !!!!!!!!!!!!

صدمه

 

[الاسطورية]

امبيه وايد ضاق خلقي من الجو احس ماراح استانس انا رايحه منتجع النخله الجزيره