&& دمج جميـــع مواضيع اسواق ومجمعات دبي للفائده حياكم الله &&

[HERMITAGE]

رد: ألي حابة تتسوق فالامارات,,تحدر((تحدر يعني تتفضل تدخل))

الله يعطيج العافيه
فديت الامارات واهلها ياحبي لكم

 

[dla3_princess]

رد: ألي حابة تتسوق فالامارات,,تحدر((تحدر يعني تتفضل تدخل))

حبيبتي يالغاليه متابعين موضووعج وناطرين ردودج عشان نستفيد \

وين شقق فندقيه او فندق مناسب لعوايل و سعره مناسب و بشارع الشيخ زايد نبي قريييب من السوق

 

[شيهانة مطيــر]

رد: ألي حابة تتسوق فالامارات,,تحدر((تحدر يعني تتفضل تدخل))

يعطيـــــــــــــــــــج العافيـــــــــــــــــــــــــه اختــــــــــــــــــى على هالمعلومـــــــــــــات

 

[أحلام ورديه 2]

رد: ألي حابة تتسوق فالامارات,,تحدر((تحدر يعني تتفضل تدخل))

حبيبتي يعطيج العافية على الموضوع
احنا ان شاءالله بنروح عشر ايام والشباب الصغار معانا ......... وين تنصحينا نروح .....
ابي اماكن ترفيهيه يعني مو بس تسوق .......... وواااااااايد يمدحون الفجيرا بيتش ... شنو في بالضبط

دبي مول يمدحونه ....

وشهر فبراير في مهرجان ولا لأ ...........


وسووووووري على الازعاج[/

size]​

​

:33_1185028183:​

 

[مناوي]

رد: ألي حابة تتسوق فالامارات,,تحدر((تحدر يعني تتفضل تدخل))

الموضوع جا بوقته

انا مثل دهن العود مدحوا لنا سوق مرشد رحت له العام قلت بلقى فيه شي طلع لوووووووووووعه تكسرت رجولنا واحنا نمشي ماكو شي حلو بس اللي اكتشفناه اماكن العطور والبخور والزعفران هو اللي طلعنا منه بشي بس ياربي البنات يشترون منه اشياء واجد وين ماشفت شي يا ليت يا بنات تقولون لنا وين نلقى ملافع بابو وكشخه وجناط حلوه .... لا واللي يبط الجبد بالسوق هذا مااااااااكو تكاسي تموتين يالله تشوفين تكسي

 

[نعومة زوجها]

رد: ألي حابة تتسوق فالامارات,,تحدر((تحدر يعني تتفضل تدخل))

للرفع المضوع حلو ومفيد ويستاهل الرفع

 

[مسك الزهور]

رد: ألي حابة تتسوق فالامارات,,تحدر((تحدر يعني تتفضل تدخل))

الموضوع يستاهل الرفع
الله ذكرتوني بدبي وايامها السراحه لايعلاعليها
ياحبي لها
فديت دبي وسوقتها ههههههههههههه

 

[n000n]

رد: ألي حابة تتسوق فالامارات,,تحدر((تحدر يعني تتفضل تدخل))

لو سمحتي اخي وين مكان سوق مرشد بالضبط ..انا اعرف موقع سوق نايف والمنال...وينه منهم بالضبط ؟ ومشكوووووورة يا قمر

 

[Ms. hypnotic]

رد: ألي حابة تتسوق فالامارات,,تحدر((تحدر يعني تتفضل تدخل))

السلام عليكم مشكوره اختي على الموضوع الرائع
بس حبيت استفسر من جم شغله
وين مكان السفاري ؟؟ الي يقولون تركبين جبال ومغامرات ؟؟؟؟
ووين صاير الاكويريوم الي بدبي ؟؟؟
اتمنى تفيديني بأسرع وقت لاني رايحه دبي اسبوع الياي
ومشكوره ياقلبي

 

[LUXURY]

رد: ألي حابة تتسوق فالامارات,,تحدر((تحدر يعني تتفضل تدخل))

ابرار متى بتروحين؟؟
انا ان شاء الله الاحد باطير الساعه 8 الصبح وبارجع الخميس بليل
the address فندقنا
رديت عليج بموضوعج عن السفاري بس توني سالت ريلي عن طريقة الحجز قاللي ان تكلمون الفندق واهم يحجزونلكم وتييكم سيارة الرحله لباب الفندق تطلعون مبجر وتتمشون ومغامرات وتهيصون بعدين يودونكم المخيم وشوي وعشا وبعدين يحطونلكم رقاصه شرقيه خخخخخخ عاد ربطي عيون ريلج والا عودوا ادراجكم هههه

 

[Ms. hypnotic]

رد: ألي حابة تتسوق فالامارات,,تحدر((تحدر يعني تتفضل تدخل))

مشكوووووره ياقلبي على الرد ولله ساعدتيني الله يوفقج انشالله
انا انشالله بروح على اخر اسبوع الياي وبنسكن بالشارجه بس تسوقنا وتمشينا بيكون بدبي
وانشالله بسويلكم تقرير عن سفرتي

 

[LUXURY]

رد: ألي حابة تتسوق فالامارات,,تحدر((تحدر يعني تتفضل تدخل))

بنات اللي تكلمزا عن سوق مرشد هذا نفس طقة سوق المباركيه عندنا وصح ما تحصلون تاكسي كلللللللللللش
بس يونس حق تشري الطيب والعطور والبخور
اما العبي والدراريع اللي عنده من النوع الرخيص لان الغاليين بالمحلات الكبيره
تلقون فيه سوق الذهب بعد
واللي تبي زعفران من الزين تلقاه بقصر الزعفران وتلقون معمول وبخور عند انفر وبوراشد (بس الله يعينكم على نفسية اللي يبيع ببو راشد لا تعطونه ويه)
وانا رحتله بعباة وعزكم الله جوتي رياضه
هالمره باروح اخذ بخور وزعفران حقي ينباع بسعر الجمله والعبي باروح ابو الهيل اخذهم

 

[LUXURY]

رد: ألي حابة تتسوق فالامارات,,تحدر((تحدر يعني تتفضل تدخل))

ان شاء الله حبيبتي
الله يوفقج ويسهل امرج وان شاء الله تستانسين
اذا تحبين السوق اغراض الصين الرخيصه عندج السوق الصيني dragon mall
اذا تبين وناسه ولعب عندج ski dubai بالامارات مول عالم ثلجي وزحلاقيات وتيليفريك وتصوين ونااااسه
واذا تبين مكان حلو روحي بن بطوطه يمدحونه انا بعد باروحله عشان فيه سوالف من طقة علاء الدين
وللحين هذا اللي اذكره

 

[amoon]

رد: ألي حابة تتسوق فالامارات,,تحدر((تحدر يعني تتفضل تدخل))

ممكن الياس وين مكانه وضروري ضروري ابي اعرف اكيد مكان انفاسك دخون قالولي بستي سنتر بس مو محل لا كوشك صغير وعييييزت وانا ادور علية** ضروري* ضروري

انفاسك دخون سمعت انه شي محله في السيتي سنتر وشفت الكشك في ميركاتواما ياس والله مادري في اي مول موجود قي بوظبي اعرف

 

[شباصه ريش]

رد: ألي حابة تتسوق فالامارات,,تحدر((تحدر يعني تتفضل تدخل))

يعطيج العافيه حبيبتي عالمعلومات وكل البنات الصراحه ماقصرتوا

 

[@ ميمي@]

رد: ألي حابة تتسوق فالامارات,,تحدر((تحدر يعني تتفضل تدخل))

يالله بنات بعد منو تعرف بدبي تفيدنا يلا بنات الامارات لا تقصرون معانا

 

[شواره فسكيه]

رد: ألي حابة تتسوق فالامارات,,تحدر((تحدر يعني تتفضل تدخل))

هلا حبيبتي انا بروح الامارات 29-1 يعني مابقي شي وكل شي قريته عن موضوعج الي يهبل ماخليتي شي ماشرحتي عنه كفيتي ووفيتي ويعطيج الف الف عافيه وانشاءلله بروح الاماكن والمجمعات الي قلتي عنهم



بس بقيت اسألج حبيبتي ابي مكان عطور بلامارات اصليه يبيعونهم يعني taster لان شفت بنات اعرفهم عندهم عطور يايبينهم من الامارات نفس عطوري بس اقوي وارخص ماخذينها مني وقويه مركزه مركزه يعني ماتروح الا فوق 6 ساعات وانا من سوالف دبنهامز وفافافوم مو بقوتهم ولله ياريت تفيديناا يقولون مجمع بو هيل في محل يبيع عطور taster وقويه ممكن اذا تعرفين اسمه تقولين لي اياه ؟؟؟ وشاكرتلج ناطره ردج حبووبه

 

[وردة دبي]

رد: ألي حابة تتسوق فالامارات,,تحدر((تحدر يعني تتفضل تدخل))

ما شاء الله اختي ما قصرت ووفت عن دبي ,,,, واللي يبي يسال حياه الله على الخاااص وبدليكم وبرد على اسئلتكم

 

[! نونه المزيونه !]

رد: ألي حابة تتسوق فالامارات,,تحدر((تحدر يعني تتفضل تدخل))

فديت عيونج يا الغالية مشكوووووووووووووووووووووووووووووووره

 

[rawona]

رد: ألي حابة تتسوق فالامارات,,تحدر((تحدر يعني تتفضل تدخل))

ياحلوكم يااهل الامارات .. يعطيج الف عافيه :eh_s(7):​