دمج مجموعة تبيض الاسنان واستفساراتهااااا@@

[lolly]

والله ما اعرف .. لكني مره سويتهم ليزر وفتحوا صارو شحلوهم بس يردون وضروسي مو صفر بالطبيعه بيض لكن نبي نفس الاعلانات ونبيهم يلقون بدون فلاتر تصفية الصورة ههههه((نفس اللي بالدعايه )) ..وترا الضروس تختلف يعني يمكن طبيعة ضروسج مو بيض فمهما يبيض فيهم ما راح يصيرون ثلج .. وانا اتكلم مو عن خبره .. لكن عن معلومات

 

[adool70]

بنات الاول ابيكم تعرفون ان التبييض بالليزر نتايجه مؤقته و تكراره يزيد من حساسيه الاسنان

والنتائج تختلف من شخص لشخص و كلش ما انصح فيه

وثاني شي اغلب الشخصيات المشهوره يستخدمون تقنيه البورسيلين بمعنى انهم

يحطون شرائح رقيقه على الاسنان يتم لصقها بماده معينه بعدما يتم كحت جزء من السن

فتبيين اسنانهم بيضه واهي بالاصل تكسيه خارجيه من البورسلين مو اكثر

اما انغام فأسنانها الاماميه كلها مو طبيعيه - تركيب- لكن دكتورها شاطر

 

[شهد_الكويت]

يعطيكم العافيه بنات بس ولا وحده مسويه ضروسها بيض نفس المطربات او احد من اهلهاا

 

[شهد_الكويت]

وينكممممممممممممممممممممممممممممممممممممممممممم

 

[كويتيات]

انا سامعه انهم قبل التصوير يحطون مثل صبغه للاسنان

بس شوفي في ناس انا اعرف ضروسهم اي شي صفره تلوع الجبد وجم مره استضافوهم بالتلفزيون ضروسهم تصير بيييييضه وتلق لق طلع من الفلاش والاضائه والفلاتر صدقيني هاذا السبب

 

[جوكليت بار]

يمدحون دكتور بطيبه كلينك
وحده اعرفها كانت اسنانها فوق بعض مثل انغام
راحت له وقالت ابي اسناني مثل حليمه بولند
طبعآ نحت اسنانها وسوالها تلبيس
للأمانه البنت هذي ماشفتها عقب ماسوت اسنانها
بس بنات خالي يانييييين على اسنانها يقولون شي ثاني وبياض ولمعه
وصارلها سنتين ماتغيرت ماشالله

 

[شهد_الكويت]

مشكوووووووووووورين علي مرووور

شسم الدكتوره جوكليت بار

 

[elwafa]

رفيجتي سوت اسنانها بيض عند الدكتورة انسيسة حدها عجيييبة ماشا الله اسنانها ايننون وانا ان شاالله بروح اسويهم عندها

 

[مركب الأمل]

رفيجتي سوت اسنانها بيض عند الدكتورة انسيسة حدها عجيييبة ماشا الله اسنانها ايننون وانا ان شاالله بروح اسويهم عندها




وين مكانها هالدكتورة

 

[عهود الحب]

انا رفيجتي مسويه اسنانها عند جورج الي بعيادة الثريا وحلوين للحين بيض

بس انا مااثق بعيادة الثريا مادري ليش


انا كنت حاطه موعد عشان اسوي عند الميدان


اختي اهم موزينين ؟؟؟؟

 

[ArEEj]

الميدان مسوين خصم على تبييض الاسنان
صارت ب 50 دينار
بس انا مو واثقه فيهم ما ادرى ليش
احس اى شي

اما اسنان الممثلات فمعروف انها تقنيه البورسلان ما ادرى السيراميك
وهى تكسيه الاسنان الخارجيه وتلبيسها بطبقه رقيقه
ويسونها بالكويت بسعر فوق الالف دينار

 

[كيوت_25]

الميدان مسوين خصم على تبييض الاسنان
صارت ب 50 دينار
بس انا مو واثقه فيهم ما ادرى ليش
احس اى شي

اما اسنان الممثلات فمعروف انها تقنيه البورسلان ما ادرى السيراميك
وهى تكسيه الاسنان الخارجيه وتلبيسها بطبقه رقيقه
ويسونها بالكويت بسعر فوق الالف دينار

حتى انا سمعت عن عرضهم و خذيت موعد بس متخوفه لانه اسناني حساسه الله يستر


بنات منو جربت لزقات كرست لتبييض الاسنان ؟!؟!؟!

​

 

[Maltesers]

انه جربت لزقات كرست .. مافي نتيجه وهم التبييض بالعيادات ما منه فايده انه وريلي سوينا تبييض بالليزر .. قولي انه اسناني الحمدلله بيضة ما فرق وايد بس ريلي ليش ان يدخن فرق معاه بس بعد فتره بسيطه حتى ردوا مثل قبل

 

[NoWay2know]

عمليات تبييض الأسنان تستخدم نفس المحلول (هيدروجين بيروكسايد), ولكن الاختلاف هو في استخدام المادة المنشطة لهذه العملية التي غالباً ما تكون نوعاً من أنواع الضوء, وتبييض الأسنان بضوء البلازما أو بالأضواء الأخرى فعّال ومفيد, ولكن يجب القيام بعملية التبييض لدى طبيب أسنان متخصص.
وعلى الطبيب أن يقوم بفحص الأسنان قبل التبييض والتأكد من خلوها من الشروخ أو الكسور أو انسحال اللثة وتعري الجذور, لأن القيام بالتبييض بوجود هذه الأشياء يؤدي إلى حساسية شديدة في الأسنان, وفيما يخص لون التركيبات فإذا كان اللون مغايراًَ لِلون الأسنان الطبيعية فيمكن تغييرها واختيار اللون بما يتناسب مع لون الأسنان الطبيعية الموجودة في الفم.

 

[أمانيQ8]

سويتهم بمصر واطلعوا روووووووووووعه بس اتبوسم والله عقب 3شهور ردوا قطع ولما وحده يزاها الله الف خير دلتني على معجون اسنان استخدمه مرتين بالاسبوع والايام العاديه معجوني العادي والله ايهبل جنه امسويه ليزر وانا اذا مستعيله عندي مناسبه استخدمه واقعد فيه 3دقايق واغسله يهبل والله اسمه ديبوردنت
ومع المداومه اسنانج اتلق لق

 

[eastfem]

سويتهم بمصر واطلعوا روووووووووووعه بس اتبوسم والله عقب 3شهور ردوا قطع ولما وحده يزاها الله الف خير دلتني على معجون اسنان استخدمه مرتين بالاسبوع والايام العاديه معجوني العادي والله ايهبل جنه امسويه ليزر وانا اذا مستعيله عندي مناسبه استخدمه واقعد فيه 3دقايق واغسله يهبل والله اسمه ديبوردنت
ومع المداومه اسنانج اتلق لق

حبوبه وين اقدر احصله ؟

 

[منوله كويتيه]

شوفي حبيبتي زوجة حماي يابت معجون اسنان مخصوص للتبييض وفي منه كذا تركيز للماده المبيضه بس كل اللي عليج انج تروحين لمكانه وتسألين عن اسمه لاني للأأأأأأأأأسف ضيعت اسمه وتالي تروحين لدكتور الأسنان بالمستوصف او اي دكتور تعرفينه يكتبلج فيه وصفه لأن حسب ماعرفت انه ينصرف بوصفه طبيه

اسنانها ماشالله روعه

وبالصدفه حماي الثاني سولف عنه مره جدامي على اساس رفيجه ضروسه صففففففر من التدخين واستخدمه صار كأنه من هالفنانين

مكانه بمركز تالا بالسالميه اللي يم ليلى جاليري والمحل يصير حسب وصف حماي عالشارع بره اسمه شركة التكنولوجيا المتقدمه ، اواسم فيه تكنولوجيا ، والمحل يبيع منتجات طبيه وهالمنتج على مااظن سعره 20 دينار

على يوم اذا فاضيه مري هناك وتأكدي بنفسج وانشالله اكون قدرت أفيدج وأفيد البنات

تراني ممكن أضيع الموضوع وماادخل مره ثانيه فالسموحه لو وحده سألت وماجاوبتها

عالعموم انا كتبت كل اللي اعرفه

 

[AnGel GirL]

اللي اعرفه انه اغلب الممثلات يلبسون اسنانهم بالسيراميك وتكون بيضه ولها لمعه اما التبييض جربت بمركز الحكمه الليزر وكلفني 200 يمكن وشوي تفتحت اسناني وبعدين عادي ردت نفس قبل

وفيه بعضهم يستخدمون نفس القوالب وفيها جل وهذي تبيض الاسنان الطبيعيه بس مادري موجوده بالكويت والا لاء

 

[احلى كويتيه]

اذا لقيتي علميني لون اسناني يفشل بصراحه

 

[مناوووي]

**//// علاج اصفرار الاسنان..!!! **////

كما يختلف الناس في لون بشرتهم وشعرهم ولون عيونهم فإنهم يختلفون في لون أسنانهم كذلك, فتكون بعض الأسنان أكثربياضا وبعضهاتشتد صفرته عن غيره ،منا من تظل اسنانه بيضاء حتى مع التقدم في السن ومنا كلما تقدم كلما تغيرت اسنانه.
ولتغير لون السن عدة اسباب و تنقسم الى قسمين:

القسم الاول (السطحي):

وهو ناتج عن:
************
1-شرب القهوة او الشاي
2-استخدام السجائر لما تحوية من مادة التبغ
3-بعض الاطعمة التي تعمل على صبغ وتلوين الاسنان
4- تجمع الكالسيوم حول السن بما يعرف التكلسات.

القسم الثاني(الداخلي):

وهو ناتج عن:
*************
1-الاصابات
2-استخدام بعض المضادات الحيوية في سن مبكرة كالتتراسيكلين.
3-الامراض
4-التقدم في السن
5-الاستخدام الزائد لمادة الفلورايد

الـعــلاج:

1- استخدام السواك.

2-تنظيف الأسنان بمعجون أسنان جيد ينصح بهعلى الاقل مرتين يوميا صباحاََ و مساءََ .

3- الإكثار من تناول عصير الفراولة فهو يساعد على تبييض الأسنان.

4- تدعك الاسنان بعصير الليمون على قطعه قطن .. و يكرر ذلك يومياََ حتى يختفي الاصفرار.

5ـ تدعك الأسنان المصفرة بمادة بيكربوونات الصوديوم (يتم شراؤها من الصيدلية) .مع عدم الإفراط في استخدامها لأن ذلك يؤثر على سلامه اللثة و الأسنان .

6- تؤخذ قطعة توست أو بقسماط و تحرق تماماََ على النار ، و تطحن جيداََ حتى تتحول إلى رماد ثم يخلط هذا الرماد بنصف ملعقة عسل ، و يدعك بالأسنان تكرر العملية و ستلاحظ نتيجة باهرة .

7-استخدام مسحوق الفحم،وذلك بطحن الفحم جيدا ثم يدعك به السن وقديما كانت تستخدم هذه الطريقة لتنضيف الاسنان ولتبييضها.لاتنسوا تغسلوا اسنانكم جيدا بعد استخدام الفحم لازالة ترسباته.

ملاحظة:

العسل مفيد لبياض الاسنان ومع ذلك يجب استخدام معجون الاسنان بعد العسل لانه يسبب التسوس.






م
ن
ق
و
ل