دمج مواضيع ( استفسارات الجزر )

[pineapple]

خواتي حبيباتي :ggdw:

بشهر يوليو 7 بسافر المالديف وكم دولة لكن الي حددته المالديف والباقي سهل

طبعا الي اعرفه عن هالديرة البحر والطبيعة والاكل البحري والسباحة والغوص ويقولون المنطقة جماااااااال في خياااااااااااااال بس هذي معلوماتي

لكن ما اعرف شنو احسن مكان اروح له في المالديف منطقة ميل جنوبها او شمالها شرقها او غربها

اسكن على الشاطئ او في الجزر

شنو الاماكن الي اقدر اروح لها في المالديف

شنو الفندق الي بقعد فيه

وشنو الافضل احجز عن طريق النت او المكاتب السياحية

منو المكاتب الي تطلع رحلات للمالديف

وشنو احسن مكتب سفريات اتعامل معاه

وشنو الديرة الي اقدر اطلع لها بعد المالديف وتكون قريبة وحلوة

اسالتي كلها شنو

لا تخلوني اختكم متوهقة ومابقى شي على الشهر يدخل وتدرون لازم الواحد يحجز من الحين

وانا :0bee2e8d89: مو عارفة شسوي محتااااااارة

ادري طلباتي كثيرة لكن ياحلاة بنات كويتيات ما يقصرون وياي بعد جبدي

 

[A. style]

رد: بسافر المالديف ومتوهقة !!!!!!

شوفي حبيبتي انا بديت ادرو وافتر على المواقع من اول ابريل وطحت على موقع Atoll paradise وهو يتعامل مع افخم المنتجعات في المالديف وكان طلبنا اي نوع من الغرف بشرط بكون فيه حمام سباحة خاص تدرين متحجبة وباخذ راحتي مع زوجي خصوصا ان المناسبة عيد زواجنا ..عموما ردو علينا وعطونا جم اختيار وفي بعض الفنادق تسوي عروض يعني تحجزين 4 ليالي تاخيذين ليلةوهكذا .. حلوة هكذا .. اخترنا فندق Island hideaway ومن اسمه يدل على الخصوصية وفيه 5 انواع من الغرف او الشاليهات بس اللي فيها حوض 2 المهم اخترنا فلل حدايق الياسمين طبعا مترجم .. بس شي خيال دشي على الفندق وبتشوفينه وكان عندهم عرض تحجزون 5 ليالي يعطونكم 2 مجانا .. وخذينا العرض بس على فكرة العروض انتهت 30 ابريل .. وطلعت الغرفة تقريبا 300 بالليلة .. طبعا بدون اي وجبه .. ويمكن تقولين غالي بس بصراحة انا موكل مرة بسافر المالديف يا اني اقعد عدل والا ما اروح هذا منطقي .. وانتي براحنج طبعا .. لكن تحصلين بالفندق نفسه انواع غرف ارخص بدون حوض .. وبما ان الجزيرة مالها رحلات الا من شهر 11 الى 3 فكان ارخص طيران السيريلانكية وطبعا اسعارهم حسب class .واذا حابة تسألين عن اي شي حياج على الخاص .. على فكرة انا بعد 3 ايام مسافرة ورادة بعد اسبوع ادعولي استانس وما اموت من الحر..:cxxxp:

 

[سمبوسة]

رد: بسافر المالديف ومتوهقة !!!!!!

حبيبتي المالديف ما فيها شي غير المنتجع اللي انت فيه يعني ما فيها سوق أو مدن تروحين لها لأ بسسسسس المنتجع وكل منتجع بالمالديف على جزيرة خاصة يعني ماكو فندقين بنفس الجزيرة مستحييل وتقدرين تطلعين رحلات للغوص والحداق وتردين المنتجع مالكم وماكو سوق كللللش غير محل الهدايا مال الفندق وحتى ما تقدرين تروحين منتجع ثاني مثلا تتغدين أو شي لأن الرحلة بين المنتجعات بالمركب تكلف 600 دولار بس مواصلات يعني جريب 200 دينار علشان بس تزورين مكان ثاني وهي تصلح يا قلبي حق كبلز شهر عسل أو عيد زواج ما تصلح لعايلة لأن مالج غير فندقج وبالليل ماكو شي ومجبورة تاكلين بمطاعم الفندق ماكو مكان ثاني واذا تبين أحسن الفنادق عندج the one and only وااايد حلو انا سكنت فيه الليلة 300 دينار كوخ وحمام سباحة خاص وعندج فندق four seasons بعد وااايد حلو وفيه فنادق أرخص يعني الليلة على 100 دينار سووي سيرج بالياهو ترافيل

وبعد حبيت أنبهج الفترة هذي من شهر 5 لما 9 كلها مونسون يعني عواصف موسمية الجو دايم مطر علشان جذي تنزل أسعار الفنادق وماكو رحلات على طيران الجزيرة بهالوقت وبالنسبة للفنادق حجزي من النت أحسن واي سؤال انا حاضرة

 

[بسمة خجلِِ]

رد: بسافر المالديف ومتوهقة !!!!!!

حبيتي شوفي الموضوع المثبت الي كاتبته ام مهودي راح تستفيدين منه ويجاوب على كل اسئلتج

 

[شباصه ريش]

رد: بسافر المالديف ومتوهقة !!!!!!

حبيبتي دشي منتدى العرب المسافرون راح يعلمج كل شي عن المالديف
والله ييسر امرج

 

[ام مهودي]

رد: بسافر المالديف ومتوهقة !!!!!!

شوفي موضوعي انشالله يفييدج واي سؤال انا حاضره ومكاتب ما راح ينعوونج وغالين
واكييد راح تقعدييين في جزييره ماكو الا الجزر واذا قصدج بتقعديين بالعاصمه لا مستحييل ما ينقعد فيها تلوع الجبد وفي وايد فنادق حلوه والفندقين اللي انا رحتهم حلوين واسهارهم زينه

 

[ام مهودي]

رد: بسافر المالديف ومتوهقة !!!!!!

فوور سيزوون مستحييل الليله ب 100 انا متأكده فور سيزوون غالي

 

[pineapple]

رد: بسافر المالديف ومتوهقة !!!!!!

مشكورين بنات على هالردود الحلوة

انا دخلت على السايت فنادق في المالديف لقيت الغالي والرخيص وعرفت مستوى الحجز الغرف الشاليه \داخل البحر


شاليه يطل عالبحر

شي سوبر ديلوكس مع حديقة وحمام سباحة وجاكوزي ويطل عالبحر

ورحت مكتب طيران لكن الفنادق الي يتعامل معاها غاليه بالالاف حق 5 ليالي

منو مكتب متعود يطلع رحلات للمالديف وجنه فهمت من كلامكم ان السفر لها من شهر 11 سبتمر الى مارس اقضل

هل راح يكون الحين الجو حار حيل وما يسوى خصوصا اني متحجبة والباقين لا

 

[ام مهودي]

رد: بسافر المالديف ومتوهقة !!!!!!

اي انا كاتبه بموضوعي انه افضل وقت من 12 الى 3 وبس و5 ليالي لازم توصل الالف هذا مو فنادق توب بعد فنادق 4 نجوم نفس اللي انا رحتلهم بس حلويين روحي العطلات للامارات يضبطوونج او من الانترنت ارخص

 

[pineapple]

رد: بسافر المالديف ومتوهقة !!!!!!

اي انا كاتبه بموضوعي انه افضل وقت من 12 الى 3 وبس و5 ليالي لازم توصل الالف هذا مو فنادق توب بعد فنادق 4 نجوم نفس اللي انا رحتلهم بس حلويين روحي العطلات للامارات يضبطوونج او من الانترنت ارخص

ام مهودي مشكورة على ردج

الي فهمتخ الجو هناك في شهر يوليو (7) يكون امطار استوائية وحر


والأفضل نروح من بين شهر 12 الى 3 وهذا الجو عندنا شتوي يكون عندهم حلو وتقدرين تجابلين الشمس


لاني متحجبة --- معاي الفنادق الي في ميل ونقيت فنادق راقيه واسعارها للشخصين لمدة 5 ليالي بحدود


625 واحنا عددنا 4 - انا ما ابي اروح واقعد في مكان بعيد ابي شي حلو الي قعدتي فيه يطل على البحر او داخل البحر وكم سعره ل 5 ليالي ومن وين حجزتي للرحلة اي مكتب سفريات


وهل الآفضل اغير وقت الرحلة ااجلها لشهر 2 في العطلة الربيعية وايد سالتج بس لانج الوحيده رايحة للديرة


حتى مكتب السفريات يقولي محد يطلع المالديف العام طلعنا بس اثنين .

 

[pineapple]

رد: بسافر المالديف ومتوهقة !!!!!!

بنات عفيه ردو علي

 

[ام مهودي]

رد: بسافر المالديف ومتوهقة !!!!!!

حبوبه شفيييييييييج قتلج شوفي موضوعي خو انات كاتبه كل شي وين حجزت و اي فندق وبجم كله اول صفحه
السفريات ما راح ينفعوونج كلش
انا حجزت بموقع expedia.com
التذكره منطيران الجزيره والفندقين من اكسبيديا

 

[pineapple]

رد: بسافر المالديف ومتوهقة !!!!!!

مشكورة انا قريت الموضوع بس الظاهر مو كل الصفحات برد افتحه مرة ثانيه

 

[A. style]

رد: بسافر المالديف ومتوهقة !!!!!!

السلام عليكم . انا رجعت بالسلامة.. شوفي حبيبتي نصيحة من اختج لاتروحين الحين ترى الجو ماينفع اول 3 ايام كله مطر وغيم يعني قزرتها بالشاليه وتالي ساعتيم تطلع الشمس وبعدها مطر .ز حتى الي هناك قالو ان افضل شي شهر 1 و2 لان الجو يكون روعة .ز كنسلي المالديف افضلج .

 

[هامورة]

اللي رايحة المالديف او سيشل تدخل .....

مراحب بنات الديره:tek:

انا محتاره بينهم واللي رايحة تقولي عن افضل فندق و كل شي سواء رايحة جزيرة مالديف او سيشل ؟

ومن روحتكم جم يوم يستاهلون ؟

صوره للمالديف_03BA:

وسيشل_03BA:

ابي اللي صج جوووو ثااااااااااااااني_03BA:​

 

[الفرفورةرفرف]

رد: اللي رايحة المالديف او سيشل تدخل .....

مرحبا حبوبة
انا رحت موريشوس والمالديف
والرحلتين كانو خياااااااااااااااااااال
بس طبعا مافي سوق بس بحر يعني اذا انتي ماتحبين البحر وايد ولازم سزق ما انصحج لأن الديرة مافيها الا طبيعة واذا انت فعلا من هواة البحر انصحج فيهاااا خاصة اذا انتي متزوجة الجزيرتين خيال بس الصراحة المالديف غير,انا سكنت في منتجع اسمة سن آيلاند رووووعة في كل شي بس الصراحة المالديف غالية عكس موريشوس والمالديف فيها كل شي يعني هذا النمتجع في كل رياضات البحر وفي قواري رحلات صيد وجت سكس وغوص وسباحة و وسكي البحر والتجديف الصراحة رحلتي كانت شهر 11 اللي فات رحت اسبوع بالضبط على طيران الجزيرة وليلحين اذا تذكرت هالرحلة امووووووووووووووووت من الوله استانست فيها وايد مع زوجي وتاخذين راحتج محد يخزززج ولا يدري عنج والله راح تستانسين ونصيحة اخذي غرفة {الووتر بانجلو}يعني الغرفة اللي تحتها ماي صج غالية بس تستانسين بلكونتج بروح والدرج اللي تنزلين منة عالبحر لج خاص فيج وفي المنتجع سبا واي سبا؟عجيييييييييييييييييييييييييييييييييييييييييييييييب
بالهواء الطلق بس مسكر وفي انواع سبا لما تخلصين انتي وريلج اتنقعين معاه في بانيو واحد وتعالي شوفي الرومانسية_03BA: الطيور فوقج وتسمعين اصوات عجيبة من انواع الطيور
اما بالنسبة للبحر شي خياال الماي تبارك الرحنم كأنة انت صابته بكلاس صافي والسمك عجيييب انواع واشكال واليراييير يمج انا سبحت على اليال ولا يتجمعون حوالي يرايير صغار:eh_s(12): عبالي سمج بس طلعو اسماك قرش والله كانت هالرحلة عجيبة واذا حبيتي اي استفسار انا حاضر وعلى فكرة حتى موريشوس حلوة بس نشاطاتها تختلف بس هم حللللللللللللللوة عندي صور بس للاسف ما اعرف انزلهم عالشاشة اذا حبيتي باي سؤال انا حاضرة توكلي على الله وروحي بس مو بالصيف لأن جوها الحين مطر اهيا نفس جو الهند
واتمنى اكون افدتج

 

[A. style]

رد: اللي رايحة المالديف او سيشل تدخل .....

هلا اختي انا رحت المالديف بس ما انصحج بالصيف لان الموسم الحين عوصف والجو مومستقر مطر وغيم حرام ماراح تستانسين ..
انا قعدت بمنتجع ايلاند هايد اوي منعزل وبعيد عن الضجة بصراحة الطبيعة موطبيعية ..وكنت ماخذة فيلا على البحر وفيها حوض سباحة خاص واحلى شي انها تقربج من زوجج حيل تتشاركون بكل الأنشطة الحداق والسنوركيلنغ .. والبلياردو وايد انشطة غيرها . واذا كان عندج مناسبة خاصة عيد ميلاد او زواج شوفي المفاجآت .. وضروري تجربين السبا المشترك مع الزوج مثل ماقالت الأخت رفرف عجيب حده .. وحاولت احطلج جم صورة من كاميرتي بس حجمهم اكبر من المسموح ..
واي استفسار من عيوني

 

[هامورة]

رد: اللي رايحة المالديف او سيشل تدخل .....

رفرف حبيبتي عليكم بالعافية :tek: بس وخريني عن اسماك القرش هههههه حدي خوافه صغار كبار ينخاف منهم:dddds: انزين شلون الوضع هناك امان؟ و الاكل عندهم سمعت انه موزود !!!

و انا سمعت انه موريشوس مو وايد حلوة :cxxxp: المالديف احلى واونس


,,,,,,,,,,,,,,

ام فهودي حبيبتي عليكم بالعافيه اي انسب شهر لها ؟

وحطينلنا صور _03BA: شوقتيني:tek:

,,,,,,,,,

في احد راح بورا بورا ؟ صورها رووووووووووعه:cxxxp:

 

[الفرفورةرفرف]

رد: اللي رايحة المالديف او سيشل تدخل .....

انا ابي احد راح بورا بورا
ما في احد رد علي
{هامورة}
الاكل هناك بوفيه في كل شي وكي يوم اكل نوع لا وفي رحلات بحر حداق اذا صدتي شي يشوونلج اياة ويسوون لكم جو رومانسي بس لابد تاخذين معاج انواع الكاكاو والبفك والبطاط والمكسرات لأن هناك ماعندهم تشتهينهم

 

[84 Miss Chocolate]

رد: الماااااااااااااااااااالديف ضروري

دشي قسم دول اسيا و شوفي تقارير البنات .