(دمج) هديه كيوت25 لكم (( ملف كاااامل للمشاريع الصغيره))+لكل تاجرة جديده للعضوه الجودي

[طوق البنفسج]

رد: هديه كيوت25 لكم (( ملف كاااامل للمشاريع الصغيره))

الله يوفقج و يحقق لج كل الي اتمنينه

 

[الجودي]

لكل تاجرة جديده

طبعا الكثير من الاخوات يحبون العمل بالتجارة وهناك عدة اسباب تمنعهم لعمل تجارة صحيحه

اولها :


- عدم وجود رأس المال الكافي

- عدم دراسة الموضوع بجدية ( دراسة جدوى )

- الخوف من الخسارة

- عدم الخبره

- عدم الجرأه للعمل الحر

- عدم التفرغ

- وجود محاسب


وهناك اسباب اخرى :

- الاعتماد على الغير بالعمل
- الغش
- عدم التركيز لعمل واحد بجدية
- عدم وجود هدف واضح
- التقليد بالمشاريع
- السرقه
- الطمع

نشرح شلون :

لقيام اي مشروع تجاري لازم يكون مميز اما بالخدمة او بالمنتج او بالمكان او بالسعر
ويجب ان نتحلى بالصبر و نركز على مشروع واحد
ولا نعتمد على احد في العمل و خاصة الوافدين مع احترامي للجميع
ان لا نسرق انفسنا اما بأن نعمل بزياده ولا نأخذ حق لانفسنا كافي او عندما نتكاسل بالعمل و نأخذ مبالغ لا نستحقها من الارباح
نغش اما نغش انفسنا او الموظفين اللي عندنا او الزبائن بأي نوع غش لايجوز و الله مايبارك لنا
التقليد بالمشاريع يعني جارتي فتحت صالون افتح انا صالون جنبها او صديقتي افتحت مشغل افتح انا مشغل يعني شنو المميز عندج والا بس تقليد؟؟

عدم وجود الخبره يضيعج واللي ما عنده خبره يسأل اصحاب الخبره
ما نسوي دراسة جدوى وهي اساس اي عمل واهم ركن و الكثير يغفل عنها
عدم التفرغ افتح مشغل و اتركه وامر مره بالشهر غلط لان المال السايب يعلم السرقه
لازم تكوني متفرغه لعملك الحر
عدم الجرأه في كثير عندهم شغل مميز بس تخاف ليش انتوا تشوفون السوريين يحط كل فلوسه بمحله و يجازف بديرة غربه عشان يحقق اللي في باله من ربح
الخوف من الخساره اكيد في خساره في البداية لان شي جديد و مو معروف لكن الربح يكون موجود بالصبر والجهد
لازم وجود محاسب و ميزانية و جدول لليومية يحفظ لج حقج لو في يوم احتجتي توسع تاخذين تمويل من البنوك لوجود ميزانية

رأس المال وهو الاهم وجود عدة شركات تمول الى 85%

مثل شريكي من كامكو - الشركة الكويتية لتمويل المشروعات - غلوبل عن قريب - الرائده - البنك الصناعي


اتمنى يعجبكم الموضوع وانا كاتبته عن تجارب و خبره واللي بتنقله رجاءا تكتب منتدى كويتيات العضوه الجودي
:tek:

 

[إنسانه بكل حالاتي]

رد: لكل تاجرة جديده

مشكوره حبيبتي ويعطيج العافيه :tek:

 

[الجودي]

رد: لكل تاجرة جديده

الله يعافيج حبيبتي مشكوره على الرد ان شاء الله اكون افدتج

 

[الجودي]

رد: لكل تاجرة جديده

ارجو التثبيت

 

[A. style]

رد: لكل تاجرة جديده

يعطيج العافية

 

[أم ضارى]

رد: لكل تاجرة جديده

حلو الموضوع يعطيج العافيه

 

[AFRoDiT]

رد: لكل تاجرة جديده

شكراً اختي ع الافاده ..

موضوع يستاهل التثبيت برأيي


قواج الله

 

[Betty]

رد: لكل تاجرة جديده

يعطيج العافيه

 

[الجودي]

رد: لكل تاجرة جديده

مشكورين اتمنى انكم استفدتوا

 

[y7lok_7loho]

رد: هديه كيوت25 لكم (( ملف كاااامل للمشاريع الصغيره))

مشكورة ما قصرتى بس وين راس المال ؟؟؟ االله كربم

 

[sKyLiTeGirL]

رد: لكل تاجرة جديده

يه يه يه شهالابداع يا الجودي ماشاء الله عليج

موضوع حده مفـــــــــــــــــــــيد ويستاهل التثبيت عشان ايكون مرجع

للبنات اللي بيبتدون بالتجاره

انا عن نفسي وايد استفدت خصوصا بموضوع الميزانيه والمحاسب كلش ماطرت على بالي !!!!

مشكــــــــــــــــــــــورا حبوبه ماقصرتي على هالمعلومات المهمه والمفيده بنفس الوقت

 

[الجودي]

رد: لكل تاجرة جديده

يا بعد جبدي بردتي قلبي

ودي الكل يستفيد

 

[$$ ام فهد $$]

رد: هديه كيوت25 لكم (( ملف كاااامل للمشاريع الصغيره))

مشكووووووووووووووورة

الله يعطيج العافيه ويفتح لج باب رزقه ويهديلج خلقه ويحفظ لج كل

عزيز وغالي

 

[sKyLiTeGirL]

رد: لكل تاجرة جديده

يا بعد جبدي بردتي قلبي

ودي الكل يستفيد

ياقلبي انتي صج ماقصرتي وان شاء الله البنات يستفيدون من موضوعج لانه وايد مهم

وانا استفدت منج بهالموضوع وغيره عساج ع القوه وموضوعج يستحق التثبيت:tek:

 

[الجودي]

رد: لكل تاجرة جديده

مشكوره و ما قصرتي واي شي تبين بخصوص التجاره عن تجربه ترا انا حاضر

خل يتثبت الموضوع و بتشوفين الابداعات بس البنات الله يهديهم ما يشجعون

 

[أشواق العلي]

رد: هديه كيوت25 لكم (( ملف كاااامل للمشاريع الصغيره))

يعطيج الف الف عافية على هالمجهود الرائع والموضوع المفيد اللي فعلا يستحق التثبيت والتميز

 

[sKyLiTeGirL]

رد: لكل تاجرة جديده

مشكوره و ما قصرتي واي شي تبين بخصوص التجاره عن تجربه ترا انا حاضر

خل يتثبت الموضوع و بتشوفين الابداعات بس البنات الله يهديهم ما يشجعون

والله انتي اللي مشكوره على هالمجهود...دليل الاستفاده موبس بالردود شوفي اللي مرو على موضوعج

جم؟ وانا متأكده انهم استفادو منه وايد

الله لايحرمنا من ابداعاتج ياحلوه

 

[زوينة]

رد: لكل تاجرة جديده

يعطيج العافية على هالموضوع الحلو .. جد جد تميز

مشكورة وما قصرتي على هالمعلومات ...

 

[kuwaitya_zoGaa]

رد: لكل تاجرة جديده

حبيبتى ...
مشكوره وااااااااااااااايد وايد على هالموضوع الحلو اللى مثل كاتبته

انا بشرح لج ضروفى وقولى لى شنو المشروع اللى يضبط معاى ؟؟؟ لانى صج احترت ومانى عارفه
وابى احد ياخذ بأيدى ويوصلنى لطريق النور خخخخخخخخخخخخخخخخ دخلنا مسلسل .

1. انا مومتزوجه ... يعنى ماعندى ارتباطات اسريه .
2.انا موظفه . ... يعنى بالفتره الصباحيه عندى شغل .
3. ماعندى اى احد ممكن انه يساعدنى او انه يمسك المشروع .

شتنصحينى فيه ؟؟؟ انا فكرت بالصالون على اساس انه كان معاى شريكه بس الله ماكتب وفكرت بالمشغل بس مالقيت اى نوع من انواع التشجيع ...

ميولى ... احب اصمم ... احب سوالف المكياج بس ما احب احط لغيري يعنى صج صج صج احب التجاره بس موعارفه شسوى ودى اييب بضاعه بس ماعرف اطلب من النت