دموعي بعيني واكتب الموضوع

[al-musk]

طيعيه مدام مو مقصر بولاشي ويحبج.. والي فات مات وانتي خلي عندج احساس بالمسؤولية وانج لازم ماتسوين شي يضايقه وطبعيي محد يحب ينحقر ولا يطنش وبالنسبة للبس خلي كشختج بالبيت وولاتنكدين عيشتج وحياتج على شي سخيف بذمتج شنو اللبس جدام راحه البال ؟!
وبالنسبة للاشكال الي صار خلاص شي راح ومضا بغلطه وبالتزامج واحترامج لنفسج تمنعينه يكررها

والله يسهل عليج

 

[جوري 2007]

عيل سمعي الكلام ولا تخسرينه ، منو فينا تتجرأ تطلع بدون ماتبلغ ريلها والا تلبس لبس ريلها مايرضى عنه !!

 

[!الجادل الصعب!]

انتي امشي معاه عدل دامه ماشي معاج بالسليم
بس نصيحه لاتخلينه يتعود علا مدة اليد الحين انتهى الموضوع
بس لويعيدها خل يكون لج موقف حاسم

 

[Reem]

عسسى ربي يوفقج إنتي وياه يارب ويتمم عليكم~,<


ياختي سمعي كلأمه عششان مايعصب,~


وانتي تبجين يمكن عشان ماااتوقعتي رده فعللة,~> وانصدمتي فيه ,~>

يخختي هونيهاا وخلاص دامكم الحيين متصافييين الحمدلله بس ابتعدي عن شي يغثه ,

موفقه يارب,~>

اناا معاها / وحاولي تفهمينه ان موعادي يمد يده عشان يفكر عدل قبل

والله الهادي

 

[(*ام عهــــد *)]

ياحياتي البنات ماقصرو

 

[حبيبي مالكني]

ليش اتحبين اتنكدين على عمرج
انسي
دام زوجج اعتذر
وانتي لا تثيرينه عشان لا يعيد نفس هالتصرف

 

[بسكوته ذايبه]

حبيبتي اول سنه زواج تكون في مشااااكل شي طبيعي ... عقبها ان شاء الله كل واحد فيكم بيفهم طبع الثاااني


انا كنت عنييييييده ومزاااااجيه بشكل مو طبيعي الحين صرت افكر بعقل قبل ما اسوي اي شي واهو هم الحمدلله تسنع بعد ماكان طبعه غرييييب


الله يهديكم ويخليكم لبعض​

 

[بولندية]

البنات كفو وفوو

و سالفة الطلعة و اللبس كل رياييلنا جذي بس تفاهمي معاه على سالفة الطق

 

[pink chiffon]

انتي ذكرتي الاشياء اللي تعصبه يعني تعرفينها خلاص اخذي على نفسج عهد انج ماتكررينها واكيد ماراح يعصب او يمد يده

 

[Morena]

حبيبتي اول شي في شغلات غلط منج مثل الطلعه بدون استئذان او تلبسين لبس مايعجبه من حقه حلاله ومرته لكن مو حقه الضرب!!!! لا تستهينين ابدا في الضرب

لانه اذا سكتي راح يتمادى !!! انا ماقولج سوي مشكله لا

دام انه يحبج روحي قعدي معاه وكلميه بكل حب وتسامح وقوليله انا ابيك وشاريتك ومابي افقد اللي بيننا بسبب امور نقدر نسيطر عليها انا مابيك تمد ايدك علي خل نحاول نحل الامور بهدوء

جربي هالحل معاه يمكن لانه يحبج يحاول يعدل من نفسه

ترا العصبيه درجات وممكن احتواءها

لكن الطق ان سكتي بيزييييييد

اذا اهوا خوش ريال تجنبي اي مشكله معاه الحل بيدج

 

[أنثى لاا تنسى]

اب اب

 

[3rosta]

سمعي كلامه وسوي اللي يرضيه ..
لاتستفزينه

 

[Perfect J]

وانتي ليش تنرفزيه
يعني مميزاته ما شالله أكثر من عيوبه
اسمعي كلامه وهو من النوع الغيور .. يعني اتفقتي تطلعين بشي وبعدين تلبسين عباية التطريز فيها أوفر
وما تبينه يتكلم

وما يجوز تطلعين من بيتج الا باذن منه ..

الله يهديكم لبعض

 

[غنآآآتي]

حاولي تنسين دامه اعتذر خلاص انتهى الموضوع والله يسعدج ي رب

 

[أكذب عليك]

دامج غلطي مفروض تتحملين ردة الفعل وصج ردة فعله مبالغ فيه
بس دامج غلطي هو غلط
يعني تساويتوا لاتفكرين تغلطين مرا ثانيه بالاضافه سالفة الضرب غلط
تعوذي من ابليس واطردي الوساوس من حياتج

 

[بوح الحنين]

انا نفسك طيب معي بس ياسواد ليلي لو عاندته رغم انه عنيد انا زوجي يدقق فيني حتى مالبس غير الشنطه السوداء والجزمه السوداااااء تدرين مرات اقول تحكم هذا بس التفت لجانب الايجابي اقول يغار علي وشي حلو لما الزوج يغار على زوجته
انا مرات اقوله معسكر هذا حتى العباية راس والحمدالله على كل شي

 

[mrs.inona]

والله مادري شقوولج !!!




بس دايماً قولي الله يهدييه ؛)

 

[om MaRyooM]

اول شي دامج تعرفين اللاشياء الي تخليه يفصل عليج لاتسوينها

وثاني شي من اول مرة يمد ايده لاتسكتين .. مو معناته يحبني ويدللني يعني يمد ايده علي لا طبعا ..
لاترظين وكلميه وقوليله هالشي مو من شيم الرجال ولا من اخلاق الرسول عليه الصلاة والسلام

وقوليله ان مديتها مرة ثانية بتشوفني ببيت اهلي وبخلي الكل يعرف !
يمكن شوي يستحي ويخاف


وعليج بالدعااااااااء اختي
الدعاء والصدقة بنية تغيير زوجج ويصير هادي
وصدقيني مع الصبر والحكمة بالمواقف رح يتغير

ومافي ريال كامل

 

[modern]

حطي ببالك ان الرجال لو مد ايده مرة رح يمدها مرة ثانية ... و هذا موقف صعب و ما ينفع بالبكي ... لازم تكلميه و اذا ما فهم عليكي خلي احد يكلمه حتى لو أبوه.... أنا مريت اول حياتي الزوجية بهذا الموقف اول مرة قلت ما رح يكررها لحين ما صارت المرة الثالثة اتخذت موقف جدي و مصيري.. ممكن الطق يسوي مشكلة صحية جدية

 

[قمرية الفيس]

والله العظيم الي تمرين فيه انا عشته بالضبط زوجي حيل حبيب ولامرة تهاوشنا ولما تهاوشنا فعلا غلط على وجرحني حييييييييل والسالفة صالها مده بس للحين يس اتذكرها تخنقني العبرة