دموع الرجل تحبين تشوفيهاااا

[hend6363]

هاي بناتتتت كيف الحال

بنات انا قريت موضوع عن دموع الرجل في هذا المنتدي الجميييييل
و جاني سوال
و حبيت نتشارك في الحوارر
كل وحدة تقول لنا موضوع اي قصة حدتث و ريلها بكي يلااااااااا نبي تفاعلللللل

 

[في بحرهم عذبوني]

متزوجه من سنتين و لا عمره بجى جدامي
يقول الريال ما يبجي لو حتى كانت امه ميته

 

[امواج الكويت]

لا والله ما شفته وعساني ما اشوفه دمعة

بس انا شفت ابوي وهو يبجي عساها ما تكرر

 

[ســكــّر]

ويه بصراحه اكرهه هالموقف مادري ماحب الريال يبجي احسه بيكون ضعيف بنظري
واهو انسان وشي طبيعي راح يبجي مهمى كان هذا بشر وعنده احساس ويحس ولازم يمر عليه هالموقف
بس ماحب اشوفه جدام عيني

مشكوره على الموضوع

 

[puppet]

النبي يعقوب بكى على ابنه يوسف

وَابْيَضَّتْ عَيْنَاهُ مِنَ الْحُزْنِ فَهُوَ كَظِيمٌ

الدمعة رحمة .. ما هي حكر على المرأة ولا هي ضعف

وبكاء الرسول على ابنه الرضيع وبكاءه على شهداء مؤتة ..

 

[الحلا^^مبتليني]

انا ماحس بالامان اللي معاه واحس انه هو مصدر قوتي
يبجي جدامي جعلي ماشوفها يارب

 

[kokowat]

الحمدالله ما شفته يبجي

أصلا آنا إذاشفت ريال يبجي أو بس يتألم أبجي ما أتحمل

 

[hend6363]

شكرااااااااا علي الردود

 

[KOKOWA]

انا شفت اخويي العود عمره 32 يبجي يوم توفت امي الله يرحمها واللله ان عور قلبي اللي انا تمنيت اموت ولا اشوفه يبجي جذي

 

[ღ آنتـ حبيبئ ღ]

بالعكس انا احب اشوف دمووع الريال لان جد تحسينه انه حنوووون وفيه طيبه بس طبعا مايبجي عند اي احد الا عند زوجته او عند امه .. بس

ومافيهااااا شي مووووعيب ..ولاغلط ان الواحد يبجي يطلع اللي بقلبه ومنو قال انه لما يبجي يكوون ضعيف / الرسول

عليه افضل الصلاه والسلام بجى اكثر من مره مو معناته ضعيف !! واذا امه وابوه

يموتون مايبجي @@ شنو هذاا .. قلبه من صخر ولا حديد ؟؟؟:0bee2e8d89::

شي حلووو بس طبعا مو بكل وقت .. وابسط دليل شوفوا رياييل لما يصلون بالمسيد ولما اللإمام يقرآ الدعاء شلوون يبجوون من قلب واكثر

من الحريم وهذا دليل الخشووع مو الضعف .. والسمووحه كلن له رآيـه

 

[om-HaSsoOon]

ماحب اشوف ريال يبجي خاصه ابوي الله يخليه ويطول لنا بعمره يارب

وبالنسبه لزوجي يمكن مره وحده شفته وكسر خاطري حيل

 

[انا والجرح]

زوجي بجى عندي 3 مرات يوم مات ابوه الله يرحمه ويوم اتعبت بنتي حراره عاديه وبجى ومره بجى بس من شنو مدري بس كان يبجي حيل عور قلبي يقطع القلب بصراحه ما احب اشوف الرجال يبجي ومره شفت عمي اخوه ابوي يبجي وتقطع قلبي من البجي ما احب اشوف الرجال يبجي

 

[alamal2amal]

واااااااااااااااااااااي يعوروروووووووووووووون قلبي لا بجوون ان شااء الله ما اشوووف دمووعهم بس الدمووع رحمه من ربي