دمووع الشووق

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
السلاام علييكمم ...

هذي اول روايه اكتبها ... كنت حدي متردده انزلها ولأ ... بس لاني كتبتها قلت انزلها و اجرب .. اتمنى انها تعجبكم .. و اتقبل منكم اي نقد على ان ىيكون بناء..




هذه هي طفلتي المددله "البجر" اتمنى ان تعتنوا بها جيدا و لا تهملوها:p



بسم الله ... هنا تبدأ روايتي .. حيث احيانا تجد نفسك تقع في حب انسان كان عدوك اللدود ... راح ابدأ بالشخصياات :) ..




....: والله كبرنا يا مرييم و كبرونا هل عيال..


مريم: اي كببرونا صل على النبي .. احنا خلاااص يا عبدالرزاق راحت ايامنا
عبدالرزاق:ههههههه .. اي والله صدقتي راحت ايامنا




عيال عبدالرزاق و مريم :



عبداللطيف و عبدالرحمن و حصة


عايلة عبداللطيف و عايشه


مشاري : 25 سنه ... طوييل مملوح حيييل.. جسمه رياضي و حنطاوي

ضاري: 23 سنه... حنطاوي جمييييلل ... في شوية طول ... عصبي بس طيب .. عنيد
نوره:20 سنه .. حلوه .. هاديه ... رومنسييه
جود:18 سنه .. حيييل مع( شوق و شيخه و لجين)



عايلة عبدالرحمن و ساره




خالد: 25 سنه .. حيييل مع جاسم ... طويل ...أسمر شوي .. مملوح

فواز:24 سنه... حييل مع حمد ... أسمر ... شعره ناعم و شوي طويل
شهد:20سنه.. حييل مع نوره و جنه... هاديه وحساسه وااايد.. اكثر شي يميزها عيونها
شوق:19 سنه.. فيها خبااال مو طبيعي بس اذا عصبت ما تعرف الي جدامها... جذاابه حيييل و مملوحه
شيخه:18 سنه .. جمييييله ... ملامحهاا هاديه و عيونها عسليه ناعسه ... تمووت بالمقالب و الخبال...




عايلة محمد و حصه


حمد:24 سنه .. جمييل و ابيض و عيونه وسااع و ناعسه...

بدر: 23سنه... فييه شوي من حمد اخوه .. حنون و قلبه طيييب
جنه: 22 سنه .. مملوحه و هاديه .. بس اذا افصلت اتصير وحده ثانية
عمر : 21 سنه .. غشمرجي حيييل ... مملوح و شوي مغرور..
لجين: 19 سنه ... تموووت بالخبال .. مملوحه ابسرعه اتعصب



....................................................................






...: يالله يمه قووم حق صلاة اليمعه عشان نلحق عقبها انروح بيت يدك ...

...: (لا رد)
...: اففف ضروووي يالله قوووم لا والله انادي ابوك علييك ذبحتني
ضاري: (لا رد)
ام مشاري بصرااخ: ضرووووي قوووم من الصبح و انا اقعد فييك عفيه نوم
ضاري : الساعه جم الحين ؟
ام مشاري : الساعه عشر و نص يالله قووم عشان يمديني اقعد اخوك
ضاري: قعدي بعدين قعديني
ام مشاري : والله يا ضاري ان ييت و لقيتك نايم لأنادي علييك ابوك يتفاهم معااك... و طلعت
ضاري: اففففف .. و راح يغسل ويها و يسبح..





ابغرفة مشاري...
ام مشاري: مشاري ... مشاري.. مشااري يالله صلااااااة
مشاري: كاني قمت
ام مشاري : قووم يالله راح يأذن
مشاري: كاني قايم بس دقايق ..
ام مشاري رراحت الحمام و اترست قلاص مااي و كتته على مشاري..
مشاري قاام مخترع : بسم الله .. يمه اشهالطريق الحضاريه
ام مشاري : تستاهل صارلي ساعه اقوم فييك و انت حاقرني
.......
بعد الصلاة ابيت اليد ..


عبدالرزاق: مرييم يا مرييم يا ام
عبداللطيف
مريم: امر بغيت شي؟؟
عبدالرزاق: ما يأمر عليج ظالم .. دقي علا
عيالج شوفي وينهم جنهم تأخروا اليوم؟؟
مريم: توني امكلمتهم كااهم يايين
بالطرييج ما كملت الجمله الا و جود تفتح
الباب ...
جود: يااا هلاااا و مرحبا علا احلا شايب و
عيوز
مريم: أنا عيوز يالي ما تستحيين
جود : مشكلتكم تزعلوون من الحق
ام مشاري: السلام عليكم .. و اتبوس راس
عمها و خالتها...
شوي ولا نوره و مشاري و ضاري يايين:
السلاااام عليييكمم!!
نوره : شلونج يمه مرييم..و شلونك بابا
عبدالرزاق؟؟
مرييم: اي هذا السنع من انتي و اتاشر علا
جود..
جود: مرييومتي حبيبتي ليش تزعليين من
الحق
كانت بترد بس قاطعها مشاري: و شنو يعني
إحنا مالنا رب صارلنا ساعه ولا حتا
عبرتونا ابكلمه...
عبدالرزاق: يعني ما تعرف يدتك و جودي اذا
تجابلوا..
مرييم: ويييه ... الا وين ضرووي؟؟
مشاري: كاهو ما صدق نوصل حط راسه و نام..
ام مشاري وهي يايه من المطبخ: خالتي
عبدالرحمن و حصه بيون اليوم؟؟
مرييم: اييه يمه بيوون..
انم مشاري: و متا تبينه ننجب الغدا؟؟
مريم: اول ما ايون .. قولي حق الخدم يمه ما
يحتاي اتعبين نفسج..
ام مشاري: ما فيها تعب خالتي
اشوي ولا ينفتح الباب و تدخل شييخه و أهي
تركض و شوق وراها
شوق ابعصبيه: والله ما أطوفها لج!
شيخه و أهي تركض ما انبهت حق الي نائم يم
يدتها .. و تركض ابدفاشتها المعتاده
شيخه : يممممممه مرييييم تكفه ساعديني
ولا راااح تذبحني..
جود: شوقي لييش امعصبه جذي شمسوييتلج
هالنسره؟
شوق: تخيلي من الصبح وانا أدور ايبودي
اخر شي القاه ابجنطتها؟؟؛@@
جود ابخبث طفولي: هيييي و بتسكتيين؟؟
شووق: نعععععم اسكت أنا اسكت عن كل شيي بس
لي اغراضي خط احمر..@..
شيخه بصرااخ و ليلحين مو منتبها حق الي
نايم يمها: هييي انتي جودوو عندج كلمه
سنعه قوليها ما عندج اكرمينا ابسكوتج..
قااام و اهو حييل متنرفز: خيييير انتي
يايه عند راسي اتصارخين ما لقيتي لا هل
مكاان؟؟@@..
شيخه: اوخ السموحه استاذ ضاري ما شفتك.. و
ابدفاشه: و الله محد قالك نام بالصاله
الله يا كثرهم الغرف!!
مرييم: شيخو خلصتي من اختج قاعده
اتهاوشين مع ولد عمج..
الا ابدخلت ام خالد او بو خالد و شهد:
السلام عليكم..
الكل : و علييكم السلاام..
ام خالد: خبير انتي وياها ليش أصواتكم
واصله لي السكه؟؟
شيخه: هاذي بنتج المتوحششه..
عبدالرزاق: ههههههههههه... والله انج
نصاابه..
خالد ياي من بره: دااام السالفه فيها
نصابه اكييد شيخوو
الكل:ههههههههههه
شيخه مدت بوزها و راحت عند أبوها : بابي
شووفهم يطنزوون علي..
بوخالد:ههههههههههه... يالله عاد ترا ما
أرضا علا شوااخ هذي شيختكم
شوق راحت عند يدها: شووف ولدك شلوون يدلع
شيووخ و أنا كاشت فيني جني بنت البطه
السودا..
فوااز: انتي شنو مصلحجييه!!
عبدالرزاق: آفا علييج اذا أهوو ما دلعج
أنا ادلعج .. جم شوق عندي
توها يايه بترد لكن في شخص سبقها بالرد:
وحددده و مليييييييييييقققههه
اشهقت شووق ابنرفزه: أنا مليييقه؟؟ عااد
أنا اطلع ولا شي عند ملااقتك
..:أناا الشييخ عمر
اتقاطعه شوق: و الكوووبه!!
....: السلااام علييكمم!!
الكل: و عليكم السلام... (بعد السلام و
أخيرا العايله اجتمعت)
سااره و حصه: عييل وين ام مشاري ؟؟
مريم: بالمطبخ تنطر الكل ايي عشان تنجب
الغدا
ام خالد: أنا بروح أقولها ان ينا وأشوف
اذا أليني اساعدها
ام حمد: و أنا بععد بيي معااج
...:هلووووووو؛)
جود و شيخه و شوق: لجووونن حبييبتي
لجبين:ههههههههههه .... لا اتخافون يبت كل
الي طلبتو
شيخه: اشوه جان غيرت استقبالي
ضاري: أنتي شنو الهدوا محذوف من
قاموسج؟؟؛@
شيخه: استغفرالله ... أنتا اشتبي فيك هوشه!!
فوااز: هدو يالربع اشفييكم
حمد: اقوول فوازو شراايك الييوم انروح
القهوه؟
عبدالرزاق: جنووي بابا وين أبوج؟؟
جنه: بالدوانيه مع خوالي !
عبدالرزاق: عييل أنا ارووح لهم
مرييم : وانا بعد ارووح اشوف شصار عالغدا
بدر: حموود صج انك ما تستحي الحين كلنا
موجوديين و ما تعزم الا فوازو؟؟
مشاري: آخووك أصلن من زماان ما يستحي مو
شي يدييد!!
عمر: صح السانك اخ مشاري
حمد: جنكم غلطتوا علي و لا يتهيأ لي؟؟
خالد : لاا ما يتهيأ لك!!
بدر: ضروووي؟
ضاري: همممم
بدر: انشالله بتم نايم ؟؟
ضاري و انتوا اتخلون احد يناام؟؟ و يطالع
شيخه ابحقد
شيخه: خير بالإخو مأكله حلالك جذي اتخز؟!
ضاري: شيخو قصري الشر ولا اتحرشيين كاافي
أني قاعد علا صوتج الكرواني..
شيخه: أصلن المفروض تحمد ربك انك قاعد
علا صوتي ... غيرك يتمنونه منوه...
جود: بسسسسسسسس!!! تراا صدعتونه..
بدر: طع منو تكلم الناطق الرسمي لقروب
الفشله!!
جود خزته ابطرف عينها : هاهاهاهاهاي...
ظرييييف ماشالله علييك .. من وين متسلف هل
خفت الدم؟
مرييم:يالله عن الهوااش و قوموا غدا!!
علا طاولة الاكل..
مرييم: شرايكم اليوم كلكم اتنامون عندي؟
جود: طبعا و بدون تفكييير ايييي..
شوق: و انا اايد بنت عميي
شيخه: وانا كمااان
نوره ابكل هدووا: انتي ما تشاورين انتي
اتامريين يالغاليه
شهد بس هزت راسها بالايجاب..
شييخه: بس بدوون الشباب..
ضاري: ليش انشالله بيتج وانا مادري...
شيخه: أنا ما كلمتك لي كلمتك ذيج الساعه
رد..
ام خالد: شيخووو و وييعه لسانج صايير
وااايد طويييل يبييله قص..
ام مشاري: هوووو ام خالد اشفييج عالبنت
بعد صح كلامها اهو شكو يدخل..
ضاري: يمممممه... شنو شكو؟
عبدالرزاق: بسسسسسسسس عااااد
احترمواالنعمه...
شيخه: الحمدالله و قامت و اهي خانقتها
العبره...
بوخالد: وييين شيوخه ليلحين ما كملتي
اكلج...
شيخه و عيونها بدت تنترس ادمووع : لاا
شبعت ....
ام مشاري ابنظره حاده: شفت ضايقت البنت و
خليتها لتقوم من عالاكل..
ضاري: الحمدالله... و قام واهو يتحلطم
ولما وصل عند المغاسل سمع صوتها و أهي
تبجي..رااح جان يوقف وراها
ضاري: ما توقعتج جذي دلووعه...
لفت شيخه عليه و اعيونها متروسه ادموع:
اييي مو انت الي تمصخرت جدام الي يسوا و
الي ما يسوا...
ضاري: شيخوو عن الدلع طوول عمرج وااحد من
الربع لا تقعدين اتدلعين الحين
شيخه حزت الكلمه ابخاطرها حييل بس ما حبت
اتبين: موو أنتو ما ينفع معاكم الا وحده
جذي..
ضاري: ايي هذي شيخو الصجيه.. اقوول لا
تستانسيين علا دور الانوثه وايد لانه مو
لايق و لف ويها و مشى...
بالصاله..
جود و شوق و لجون قاعديين يلعبون سوني

شهد و جنه و نوره يسولفون عن الموضا و سوالف البنات

بو خالد و بو مشاري و بو حمد و اليد قاعدين يتكلمون عن الاسهم
الامهات بالمطبخ يسوون جاي و حلو
الشباب يلعبون جنجفه..

ادخلت شيخه و اعيونها وارمه من البجي

جود : شواااخ تعالي لعبي معانا
شيخه بابتسامه باهته: لا مالي مزااج
شوق راحت قعدت عند اختها: شيخو اشفيج اشدعوه عليج ليلحين ما تعودتي سمعي و قطي بحر..
شيخه و اعيونها امغورقه: يعني لييش اتفشلني ..
شوق: اذا على ضرووي ترى خالتي عايشه زفته
شيخه: صججج؟؟
شوق و اهي تضحك: ايي صجج .. يلا عااد تعالي لعبي معانا
شيخه: اوكيك..جود: و اخيرا شرفتينا ... اقول لجون يبي شريط كرااش بلييز

ابمكان ثاني بالصاله

ضاري قاعد عالفيس بوك و يكلم فلانه و علانه...بدر: ضرووي شتسوي .. تعال العب معانا احسنلك من هل خمه الي قاعد اتكلمهم
ضاري: يالله كاني يااي ..ولا فجاءه شيخه تصارخ
شيخه: هيااااااااااااا فزت عليييجج حررره
ضاري : هيييييييييه انتي مو قاعده بالشارع جذي قاعده اتصارخيين.شيخه عطت نظره...
بو خالد: شيووخ ليش اتصارخين؟؟@؟.
شيخه: فززززت على شوقو و راح تعطيني الي ابي
شوق : لانج غشاشه ...
لجين: لا ما غشت اهي فازت صج..
جود: اقوول شباب تعالوا خل نتبارى كرة قدم ..

بوخالد:ههههههههه... مادري متى بتكبروون

انتظر ردودكم :)
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
انشالله اول ما اخلص البارت الياي انزله على طول.... :)
مشكوره على المتابعه:)
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
البارت الثاني...
شوق: شراايكم أنادي الشباب تلعبون معانا
و الي يفوز يطلب الي يبي من اي احد...
البنات: اووكيي
شوق راحت عند الشباب : شباااااب شرايكم
تلعبون معانا سوني و الي يفوز يطلب الي
يلي من اي احد..
الشباب: الي يبي؟؟
شوق:ايي الي يبي
الشباب : أوكي ..
و كلهم راحوا مع شوق.. و شهد و جنه و نوره
مشجعااات
شوق: يالله بنلعب كرة قدم منو يبي يبدي؟؟
شيخه: ميييييييي
شوق:ههههههههههه... انزين و منو يباريها؟
ضاري: انا..
شوق: خلاااص اوكيي... يلا ابدوا... و بدا
اللعب و انواع الحماااس...
الشبااااب : قووووووووولللللل
ضاري: ههههههههههه... اقول شيخو هذا القول
رقم جم؟؟
شيخه : هييهييعييي مليييق يعني بتحرني
أصلن انت غشاش!!
و خلصت المباراه..
شوق: يالله ضروووي من قدك فزت علا
شواااخ...
ضاري يضحك ابغرور: ههههههه ... ما توقعتها
جذي صيييده..
شيخه اشوي و تنبط من الحره: هعهعهع ...
سخييييف.. خلصني اطلب ترا عندي اشغال
غيرك....
ضاري: أوكي يا بس بس ومن .. اقصد بسنس ومن...
اممممممم سوال ليش دمج وايد ثقيل؟
شيخه و أهي خانقتها العبره: لأنك ولد
عمي... و قطت يدت السوني من ايدها و مشت...
شوق: يالله منو يباريني؟؟
عمر: أنا..
و بدا اللعب و انتها ابفوز شوق علا عمر
ابفارق قووول و غششش
شوق: ابييييك اتقززنا اليوم
عمر: افففففف امري لله...
شوق: شهوده تعالي لعبي...
حمد: يالله شوشو أنا ابارييج...
شهد: لاا ما اعرف العب كره
حمد : عن الدلع و يالله تعالي..
شهد: حمووود ماا احب هل العااب
شوق: شهوده يالله عاااااددد عن الدلع..
شهد: افف أوكي...
لعبت شهد مع حمد و فازت عليه..
حمد: هذا و انتي ما أتعرفين لو أتعرفين
شتسوين..
شهد: ههههههههههه... صراحه ما توقعتك جذي
صييده يا ولد العم..
شوق: اقووول بنااات امشوا معاااي عندي
لعبه عجيييبههه...
راحواا البناات كلهم فوق و لحقتهم شوق
معاها بطل...
جود: شوقو إشهلعبه الخطيييرهه؟؟
نوره: جودي نطري عليها اشفييج...
شوق: تعالوا قعدوا علا شكل دائره ...
نهاية البارت ...
انشالله اول ما اخلص البارت الياي انزله :)
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
شيخه: يالله قعدنا غردي
لجين: يالله شوقو ورانا طلعه عمور بيقززنا
شوق: راح نلعب لعبة التحدي .. كل وحده اتحدى الثانيه اتسوي شي جرئ... يصير اتغير الطلب ثلاث مات عقب احنا نختار لها اجرأ وااحد اوكيييي؟
البنات : اوكيييييييييييي
شوق: ههههههههه.. يالله و فرت البطل.. ولا لجين تطلب شيخه..
لجيين: ممممممممممممم... اتحداااج اتيبين راس واحد من شبابنا
شيخه: هاااااااااا...
لجين : تبين اغير السؤال؟
شيخه: لااااااا اوكيكك لج ما طلبتي ... منو تبين اييب راسه؟
لجين : اي وااااحد كيفج
ابتسمت شيخه ابمكر : اوووكييييككك... ولا يسمعون عمر يناديهم من تحت
عمر: يالله و الله العظيييم الي اتأخر راح امشي عنها
البنات هجووم على السلم: كانا يايييييننن
عمر:هههههههههههههههههههههه... والله حراام فيكم اسم بنات..
شيخه: هه..هه..خخ..هه
شوق: مشرووع نظحك يعني ؟؟
لجين: يالله امشوابالسياره عمر يسوق و يمه جنه و وراهم نوره و شهد و المرتبه الاخيرم عصابة المافيا.. شيخه و شوق و لجين.
.شوق: عمممووورر حطلنا شي نسمعه ..
عمر: شنو تبون؟؟
شيخه:نوااال..
لجين:عبدالمجييدد
شوق:راشد
عمر: خلاااص راااشد
شوق: ساعاات بلييييييييز
عمر: ماشيي .. و يملي السياره صوت راشد الحزيين
ساعات احس ان الزمن قاسي ولايمكن يلين
وساعات احس ان الفرح محال ولا يمكن يحين
هذا اللى شفته بدنيتى وكل ما مضالى من سنين
يا من يعلمنى الفرح وفرح القلب الحزين
اشكي مرارت حيرتى بدنيا ماضنى بتزيل
واذا بدي بعينى الامل تجد احزانى وتبين
روح زمانى وانتهى وترك لى الجرح الدفين
دنيا كفى الله شرها تخلى كل قاسي يلين...
شوق اتفكر يعني ليمتى مراح يحس فيني .. ليمتى بتم خاشه ابقلبي.. (شوق ما اتحب تعترف ابحبها لانها اتحس ان الحب ضعف)
عمر سرحااااان و يتذكر(اااااااااخ .. اصلن ما في شي اسمه حب ما في شي اسمه وفااا)
نرجع شوي لي وراا..: عمموووريييي
عمر: عييوووونه و قلبه امري
..: مشتااقتلك..عمر: و اناا اكثثر.. امممون ممكن ايي اليوم و اتهديني؟؟
اماني: لااا الا اذا مت
ابيوم كاان طالع مع ربعه و صارله وااايييد مو مكلم اماني ..يدق عليها ما ترد .. و هو يتمشى مع ربعه جاان يشوف حبيبته اماني مع واحد و حامل .. انصدم صدمة عمره و من عقبها سكر على قلبه و صااار باااااارد...و اهو قاعد يتذكر ولا يقاطعه صوت جنه
جنه : عممممممممممررررر انتبببههههه سيييياررره
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
ليييششش مااا فيي ردوود مو عاجبتكم الروايه ؟؟ :(
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
البارت الثالث..



جنه: عممممممررر انتبه سياااره



انتبه عمر لكن كاان طايف الوقت :​




طااااااااااااااخخخخ​




طق راس عمر بالسكان و نزف لين اغما عليه​

اما جنه اغما عليها علا طول...



شوق: عمممممممممممممررررر​

وصلوا الإسعاف نقلوا عمر و جنه
المستشفى ...



شيخه تبجي: لازم اندق علا الشباب اييوون..​




جود: صح​




شوق بس تبجي​




لجين: شوقي اشفيج انشالله مافييهم الا​

العافيه...



شوق يزيد بجيها...​




جود: شيوخ دقي علا اي احد أنا فوني طافي..​




شيخه: اوكييك.. دقت علا بيت يدها ترن ترن..​




..: الو​




.شيخه: الوو​




..: من معاي؟؟​




شيخه: منو ضاري؟​





ضاري: اي ضاري منو؟؟​





شيخه: أنا شيخه هي هي هي ..​




ضاري: شيوخ اشفييج تبجيين؟؟​




شيخه: ضاري تعال سوينا حادث و عمور تعور​

اهو و جنه... هئ هئ هئ



ضاري بصرااخ: شنووووو؟؟ يالله مااني ياي​

انتو وينكم؟؟



شيخه: صوب مجمع ال.......​




ضاري: يالله كأني ياي..​






بالطرييج و اهم رايحين المستشفى..



شوق اتذكر قبل اسبوعيين



شوق اتكلم رفيجتها:



شريفه: شوقي بس عاد بسج صيااح عورتي قلبي



شوق: شرووف يحب وحده ثانيه... يقول ما في وفا



شريفه: لانه توه جرحه ما برى.. نطري و حاولي تكسبينه



شوق: يعني جذي رايج؟



شريفه: طبعا.. صحت على صوت شيخه



شيخه: شوقي يالله و صلنا



فتحت شوق الباب و قامت تركض و دمووعها انهار جاريه على خدها..



وصلت عند الاستقبال : لوسمحت عمر محمد ال....



شيخه: و جنه محمد ال...



..: والله مادري شقول بس عمر حاليا بالعنايه



لجين: يمه اخوووووووي



ضاري : انزين و جنه



..: جنه بالجناح الثالث الغرفه الرابعه.. ما مداه يخلص الا البنات يركضون...



ضاري : مشكور اخوي.. و ركض لحق البنات..



كل البنات راحوا عند جنه يتكمنون عليها الا وحده .. ما قدرت تمنع نفسها من انها اتروح و اتزور اعزز الناس لقلبها..



وصلت صوب العنايه: سستر عادي ادخل اشوفه؟



السستر: لاا ما يصحش



..: انزيين نادي الدكتور اكلمه



السستر : اووكي .. نادت الدكتور



الدكتور : امري اختي فييج شي؟



..: اخووي داخل و بشوفه



الدكتور: بس يا..



..: الله يخليك والله ما اطول



الدكتور: اووكيي



لبسها الدكتر اللبس و دخلها .. ما قدرت تمنع دموعها و اهي اتشوف حبيبها بين الحياة و الموت..



..: عمووور.. عموووورر.. عموور يالله عااد قوووم .. عموور تكفه لا تخليني في اشياااء واااايد ابي اقولك ياااهمم!



..: عمووور انا احبببك لاا اتسوي مثل حمود و اتروح و اتخليني .. عمممر الله يخليييك محتاجتلك لا تخليني



شراايكم انروح مكان ثاني و بعدين انردلهم :)



دخلوا البنات : السلاااام



جنه ابتعب: هلااا والله



شهد: خوفتينا عليييج هئ هئ هئ



جنه : خلاص شهودي ما فيني شي



شيخه: الحمدلله على سلامتج جنوووي



جنه: الله يسلمج.. لجوون اشدعوه ترى والله ما فيني شي



اركضت لجين و قطت عمرها ابحظن اختها: تدريين لو


يصير فييح شي انا اممت.. هئ هئ هئ ..



جنه : اسمله علييج يا بعد قلبي خلااص عااد



رااحت نوره و شالت لجين من حضن جنه : لجوون حياتي جنووي تعبانه لازم انداريها مو انكد عليهاا..



جود : الحمدلله على سلااااامتتتجج



جنه: الله يسلمج .. الا وين شوقي ما اشوفها



شيخه و جود : ااا .. اتوقع بالحمام لانه كاانت اتصييح بالسياره ..



اما ضاري فكاان بره يبلغ الشباب و الاهل ..



نرد مره ثاانيه لغرفة العنايه



شوق : عمممررر .. تكفى بس سو اي حركه و يقطع كلامها صوت جهااز القلب يصفر و قلب عمر يوقف ...



شوق : عموورررر عمووووووووورررر عمووووووووور لا لا لا لا ... لا تخليني تكفه .. عمووووووررر .. والله امووت من بعدك ... لا اتصييير مثل حمووودد علقني فيه و رااااح تكفه .. (اكيد انكم تتسائلون منو حمود .. محمد كان اخو شوق التؤم و كان اقرب وااحد لها.. قبل لا يتوفى كاانت شووق رقيقه و حساسه بس من قوة الخبر حااولت اتقسي قلبها و تظهر الامبالاة)


شوق ابكااء هستيريي : لا تووووقفف الله يخلييييييكككك اشتغل تكفه و يدخلون ستاااف الدكاتره و يطردون شوق و ينقلون عمر على طول لغرفة العملياات..



شوق : يباااا و اتقط نفسها ابحظن ابوهاا .. يبااا مااتت سوى نفس حمود و راااح ..



بوخالد : لا حول و لا قوة الا بالله ذكري ربج و انشالله ما في الا العافيه ..



.. لا تخليني حبيبي ..
دخيلكـ .. اقولك دخيلكـ ..



يعني تتركني وترحل ..
لا دخيلك ما اتحمل ..



على الساعه سبع العايله كلها كانوا بالمستشفى...

اتمنى هالمره في ردوود :)
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0

صاار ثلاث ساعات حق عمر بالعملياات...
كل العايله كانوا موجوديين حتى جنه أصرت
اييبونها عالويل جير...
حصه: يااارب يارحمن يا رحييم... ولدي بين
أدينك ياااا رب تلطف إبحاله .... يااا
ربب ... هئ هئ هئ هئ .... ااااخخخ يااا وليدي
ليته فيني ولا فييييك ااااخخخ ....
أهني شوق حست انها انهارت و راحت قطت
نفسها ابحظن عمتها و قامت تبجي
ابهستيريا...
ام مشاري و ام خالد راحوا عندهم..
ام مشاري: ذكري ربج يا حصه ... ما يصير جذي...

حصه: اااااه يااا عايششه... هذا
الغالييي... هييئ هييئ هييئ.. اذا انشق
صبعه قلبي يعورني علييه اشلوون و اهو بين
الحيااه و المووت..
شوق زاد بجيها ... راحوا جود و شيخه عندها
و خذوها عندهم ...
اما جنه و لجين قاعدين يم بعض و يبجوون من
غييير توقف و شهد و نوره يحاولوون
يهدوونهم...
الشباب كانوا يحااولوون يخففون عن حمد
ضاري: ياا حمد ياا اخوي هونها و تهوون ...
اهو محتاج دعااكم ..
حمد منزل راسه و مو راضي يرد علا احد..
مشاري: ياا حمد اذكر ربك ترا مو زيين الي
قاعد اتسويي
بدر: الله بقومه بالسلامه و يحفظه..
خالد: لازم اتكوون قوي اذا مو عشانك عشان
امك و خواتك..
فواز ياي و معاه مااي : صح كلام بدر .. امك
و خواتك محتاجينك اكثر من كل مره...
حمد و خانقته العبره و أبصوت عالي: هذااا
اخوووويييي ... عضيديييي اتعرفووون يعني
شنو اخوووويييي... يعني ظهري سندي هذا
عضيديييي اذا صار في شي اموووووت والله
امممووووتت..
عبدالرزاق: اذكر ربك يا يبا و ادعيله...
ابوحمد كااان طووول الوقت ساكت بس لما
ولده تكلم قام يبجي .... و ما في شي أصعب من
انك تشوف ريااال يبجي...
بوخالد: الله يهدااك يا محمد اذكر ربك و
استعييين ابربك...
بوحمد زاد بجيه ... قاامت حصه وراحت و قطت
نفسها ابحظن ريلها.. كانوا يبجون بجي
ام و اب ما يدرون شنو مصير ولدهم هل
بيكلمونه مره ثانيه ولا بيحضرون عزاه...
هل ولدهم قاعد يتعور ولا مو حااس.. دموووع
ام و اب لا يعلمون هل ستكون لهم فرصه
اخيره ليقولوا لابنهم كم هم يحبونه...
بكااء ام ترى ابنها و هو ينازع الموت.. بكاء
اب يرى ابنه يتألم ولكن ليس باليد حييله..
كل الموجوديين زاااد بجيييهم من هل
المنظر الاكثر من حزييييننن...
عبدالرزاق قرب منهم : ماا يصير جذي يايبه
ادعوله .. اهو حاليا مو محتاج الا الدعا ..
ابو مشاري: يا بو حمد ماا يصير جذي اذكر
ربك يا رجل...
بوحمد: لا اله الا الله ... لا حول ولا قوة
الا بالله...
ام مشاري: تعالي يا حصه تعالي قعدي ريحي
رويلاتج و شربييلج مااي و ذكري ربج و
انشالله مو صااير ألا كل خيير..،
راحت ام حمد مع ام مشاري .. ابهاللحظه طلع
الدكتور من غرفة العملياات و ويها كلش ما
يبشر بالخيييرر...
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
راح بوحمد عند الدكتور: هااا دكتور بشر...
الدكتور: والله مادري شقولكم..
حمد: قوول يا دكتور صبت عظامنا عمر في شي!؟
الدكتور: شوف يا اخ
حمد: حمد
الدكتور: شوف يا اخ حمد أنا ماراح اجذب
علييك .. عمر اذا ما قام خلال ٤٨ ساعه رااح
نضطر ان انشيل من علييه الأجهزة لانه راح
اتحوشه سكته دماغيه...
حمد من قوة الصدمه نزل على ركبته و قاام
يبجي جنه يااهل: لاا انت تجذب عمر عمره
ماراح يخليني عمر يدري ان أنا ما اقدر
اعييش بدونه ... هذا اخووي..
لجين: يممممممه اخووووويي بيروووح و
تركض عند أبوها و اتهزه: يباااا عمررر
يباااا طلعهههه اهو ما يحب المستشفيااات
بوحمد بس يبجي.. راحت عند امها: يممممه
بتخلييين عمر يروووح؟؟ يممممه عمرر ...
خذتها ام مشاري ابحضنها: بس يمه ادعيله
اهو الحين محتاج دعاج..
جنه: ياارب اتشافيه و اتعافيه يااارب...
يارب مالنا قوه علا فقدانه يارب لا تحمل
نفوسنا فوق طاقتها.. يارب لا تحرمنا
منه...؛(
و قاام البجي بالمستشفا ...

كلهم كانوا يبجون الا وحده من الصدمه
قاامت تمشي و تمشي ليين وصلت الغرفه الي
فيها عمر بالعنايه...
ادخلت أبهدو لدرجة ان محد حس فيها .. وصلت
صوب السرير.. شافت شكله و حوالينا
الاجهزه كاان شكله ماا يسر لا عدو و لا
رفييق..
شوق: عمممرر... تكففه لاا تسكت رد عليي مو
علييك أتكون ساااكت... عمووور تذكر يوم
أتقول أنا أقوا من ان يهدني اي شي؟؟
شوق و دموعها ينزلون ابغزاره: عمووور
تذكر كنت دايم تقوول انا ما راح ازعل أمي
و أبوي لو مهما صاار.. تعاااال شوفهم
شلووون يبجووون،...
شوق و ادموعها اتزيد : لااا تحقرنيي أنا
ادري انك اقوا من انك لتعيش علا هل
اجهزه... و يزيد بجيها و يرتفع صوتها :
عمووووورر قووووم الله يخلييييك اذا مو
عشاني عشان خواتك و أخوك و ام و أبوك الي
راح تنعمي عيونهم من البجي.. و قامت
اتهزه: تكفففففهههههه عمممووور لااا
اتخليني عمور حبييبيي تكفه الله
يخلييكك... و قامت تبجي و راسها علا
السرير.. شوي ولا أتحسس ايد علا راسها
ارفعت راسها ولا هذي أيد انسااان
اتحبببه حييييل: عمووور انت قمت؟؟
بس تحطمت لما ما لقت رد.. قامت عدلت شكلها
عشان يتطلع لكن امنعتها ايد عمر لما مسك
ايدها .. لفت شافت اجاهد عشان يفتح عينه ..
من الوناسه قاامت تركض و نادت الدكتور ..
يوم فحصه الدكتور: الحمدلله الحمدلله...
عمر يبا اذا تسمعني افتح عيينك... شوي ولا
عمر يفتح عينه... شوووق شنو اقولكم شعورها
قامت تبجي و تبجي ليين حيت انها راح يغما
عليها من الوناسه.. طلع الدكتور حق الأهل
بره: ابشرركممم.. كلهمم التموا عليييه..
الدكتور: عمر تعدا مرحلة الخطر و انشالله
بننقله الغرفه الحيين...
بوحمد سجد سجدت شكر لله.. لم حمد تبجي و
اتيبب.. حمد قاام يظحك.. لجيين و جنه لموا
بعض و قاموا يبجون.. كلهم تحمدوا ربهم...
اطلعت شوق و اوقفت معاهم .. محد كان
املاحظ غيابها الا جود و شيخه..
شيخه: شوقو وين كنتي؟؟
شوق أتوزع ابتسامات.،
جود: الحمدلله و الشكر اشفييج اختي
ينيتي؟؟
شوق: ااااخخخخخ؛) احسسسسسس
ابرااااااااحه نفسييييييه.،،
شيخه أتحب ايدها : الحمدلله و الشكر
انرد عند الدكتور..
بوحمد: انزين متا نقدر ندخل عنده..
الدكتور: إحنا الحين راح ننقله الغرفه و
انشوف فحوصاته و اقولكم..
بومشاري: ضاري يبه أخذ البنات .. خل
يريحون أبيت عمتك عشاان اييبون غيارات
حق عمر مره وحده..
ضاري : انشالله يبه..
خذا البنات و راحوا كلهم انتشروا الي
تتدوش و ألي تأكل و الي اتحط حق عمر
غيارات و ضاري منسدح بالصاله.. بس قطع
علييه لحظة استرخاه صوت شيخه..
شيخه: هااك ضااري اكل انت من امس مو مأكل
شي
فتح عينه و اهو يبتسم: مشكووره شوااخ ما
اتقصريين..
شيخه و اهي اتردله الابتسامه: و روح مره
وحده اخذلك دش و البس شي من عند حمود او
عموور..
ضاري: اي والله و انتي قلتيها..
اكل ضاري و صعد اخذله غفوه و بعدين سبح و
غير هدومه و نزل.. نزل من غير لا يتنحنح ما
كان يدري ان في أخد بالصاله.. لكن طاحت
عينه علا وحده لفتها علا جتفها و فاله
شعرها الكستنائي الي يوصل لي اخر
شعرها...قعد يقول ابقلبه منو هذي اكييد
جودي خلني اروح اتحرش فيها.. و نزل ابسرعه
و حط اييده علا عينها
شيخه؛ شوقي ترا مالي خلق مقالبج..
ضاري ابقلبه ويييه اطلعت مو جود شسوي
ابعمري الحين
شيخه: جودي اذا هذي انتي وخري بليييز..
وخر ضاري و تنحنح .. شيخه ابحركه تلقاايه
اربطت شعرها و البست لفتها و لفت ويها
ولا اتشوف ضاري صاد..
ضاري: السموحه يا بنت العم حسبتج جود
اختي..
شيخه قلبها قاام يدق حييل و ويها قلب
الوانه: لاا أنا اسفه نسيت انك أهني و لفت
ويها و اصعدت كانت تركض صدفت ابطريجها
البنات اول ما شافتهم
شيخه و اهي تلهث: امبيي إمبيييي..
شوق و جود و لجين: اشفييج ؟؟
شيخه قالتلهم كل شي و ويها يقط ألوان
لجين: والله انج مو هينه.. يعني أتقول انج
حبيتيه؟
شيخه: هييي هيي هي..شكو حبيته.. بس مادري
احسه انسان عجيييب
جود:لوووول والله و طيحج اخووي و محد سما
علييج.. يالله عااد راوينا شطارتج و انتي
بعد طيحي..
شيخه: اقووول ظفي ويهج.. قالت طيحج..
حبيبتي أنا شيخه عبدالرحمن ال.... ليلحيين
ما انولد الي يطيحني...
البنات: ههههههههههههه...
بالمستشفا::
الدكتور: تقدرون الحين تدخلون بس
لوسمحتو ما ابي ازعاج و اي ضغوطات او
عصبيه ابي راحه تامه للمرييض...

بالسياره...

ضاري: بناات اذا وصلنا ما ابي بجي و مناحات اتفقنا البنات: انشالله..
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
بنااات عاجبتكم الروايه يعني انزل بعد باارت و لا اوقفهااا؟؟
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
بالمستشفا::
الدكتور: تقدرون الحين تدخلون بس
لوسمحتو ما ابي ازعاج و اي ضغوطات او
عصبيه ابي راحه تامه للمرييض...

بالسياره...

ضاري: بناات اذا وصلنا ما ابي بجي و مناحات اتفقنا البنات: انشالله.. ...... انرد حق المستشفا... ام حمداول ما ادخلت الغرفه قاامت تبجي و اركضت و احضنت ولدها: الحمدلله على سلامتك يمه.. في شي يعورك؟ .. عمر يبتسم ابتعب: لاا يالغاليه ما فيني الا العافيه بس حبيت اعرف غلاتي عندكم..ابقلبه(و عرفت غلااتيي... بسس وينها ما اشوفها؟) بوحمد: غاااااليي من غير اختبارات ;p .. و رااح و حضن ولده و باس رااس: طهوور انشالله .. حمد اول ما شاف اخوه حس ان العبره خانقته .. حس ان كاان ممكن يفقد اخووه .. كان ممكن يفقد تؤام روحه.. قطع عليه تفكيييره صووت اخوه عمر يبتسم ابتعب: هااا حموود مالنا سلاام .. ابتسم حمد و راح حضن اخوه و كثر ما يقدر كاان يحااول يحبس ادمووعه: ما اتشوووف شر يالغالي .. بدر : يالله عاااد وخر مثل ما انت اخو ترا هم انا اخوه .. راح بدر و باس راس عمر: مااتشوووف شر يالغالي .. طهوور انشالله .. و كل الموجودين خواله و عيال خواله و حريمهم يدته و يده تحمدوله بالسلامه.. و اهمه قااعدين يسولفون ادخلوا البناات البناات: السلاام علييكم... اركضت لجيين و لمت اخوهاا: انا مادري انت شلون خذيت الليسن عمر و هو يضحك: يعني هذي الحمدلله على السلامه.. لجيين : الحمدلله على سلاامتك يا حبييب البي رااحت جنه عند عمر >معلومه جنه و عمر اقرب اثنييين حق بعض جنه اتمووووووت على شي اسمه عمر< ... انرد اوصلت لي عنده و اوقفت.. عمر : جنووي ماراح تتحمدينلي بالسلامهجنه قربت و قطت نفسها ابحظن اخوها و قامت تبجي و تبجي و تبجي ... عمر و اهو يمسح على راسها: جنوووي حبيبتي بسس كاانيي مافيني شي يالله عااد بسج صيااح.. ارفعت نفسها جان اتبوسه على راسه : ان سويتها مره ثانيه ياويلك فاااهممم. عمر: هههههههههه.. فااهم عمتي و لمهاا حيييل.. وصل ضاري : اوه اوه الشيخ عمر و رااح لمه على خفييف ماا اتشووف شر يالغالي عمر: الشر ماا ايييك تسلم .. شهد ابهدوءها المعتاد: ما اتشوف شر .. كفارات انشالله عمر : الشر ماا اييج تسلمين.. شيخه : الحمدلله على السلامه يا اخويا..عمر: ههههههه.. الخمدلله و الشكر .. الله يسلمج .. جوود: الحمدلله على السلامه مستر عمر انشالله ما اتعيدها اقين عمر: هههههههه .. ليشش حلاو اعيدها .. الله يسلمج.. نوره ابابتسامه: طهوور انشالله يا ولد عمتي.. عمر: تسلمييين يا بنت الخاال.. ويا دورها .. دورها بس ما لقاها .. توه ياي بيسال بس اسالت عنها ام خالد ام خالد: شيووخ ويين شوق ما اشوفهاا.. شيخه ابارتباك واضح: اممم م..ا.. مادري..

ضاري عطاها نظرة ليش الاستهبال: اهي اطلبت مني اوديها بيتكم يا خاله .. ام خالد ابخوف : لييش فييهاا شي؟؟ شيخه: لاا بس تبي اتييب جم شغله و تيي ابسيارتهاا! عمر ابقلبه(اكييد منحرجه مني .. بس انا نا ابيها تدري اني سمعتها ابيها اتعاملني مثل قبل).. عمر غمض عينه ابحجة انه تعباان .. بسس اهو كاان يبي يتذكر كل الي صار بالعنايه.. شوي ولا ينفتح الباب قرر انه ما يفتح عينه لان ماله خلق يسلم على احد.. بس سمع صوتهاا.. الصوت الوحيد الي كان ناطره.. شوق : الحمدلله على سلامتك يا ولد عمتي.. عمر فتح عينه لقاها امنزله راسها .. شاافها .. صح انه مو اول مره يشوفها بس اول مره يشوفها من ناحية الانسانه اللي اتحبه.. عمر ابروده المعتاد مع شوق : الله يسلمج ... ما اتقصريين .. ارفعت شوق راسها و طاحت عينها ابعينه قالت ابقلبها(ههه.. توقعتك بتغير .. بسس كنت غلطانه).. لفت ويها و راحت اقعدت يم شيخه و حطت راسها ابحظنها اداري ادموعها.. عمر(اناا اسف يا شوق بس ماني مستعد احب و انطعن مره ثاانيه ..اسف).. ظل يطالعها شلو كانت امسكره عيونها و تعابير ويها اشلون جامده ... شيخه ابهمس: شوقي تبين اقول حق امي انرد البيت؟ شوق ابنفس الهمس و صوتها مخنوق : ياليييت.. شيخه: يمه شوقو تعبانه اشوي بنرد انا وياها البيت

ام حمد: شوااقه يمه اشفييج ارفعت راسها و عيونها امغورقه(اهه فيني جرووح ولدج): سلامتج عميمه بس راسي يعورني .. ام خالد يت يمها و ابخوف لانها اتعرف شوق مو صداع اللي يبجيها: تبين ايي معااج شوق: لاا يمه ما يحتااي الحين اروح ارييح و انشالله اصير احسن.. ام خالد : اذا جذي على راحتج يمه... شوق: شوااخ بتييين معاااي؟ شيخه: يب يب j سلموا و اطلعوا على طوول.. توقعاتكم .. شوق هل بتزور عمر مره ثانيه؟عمر هل بيستمر اباسلووب التجريييح؟؟شييخه بتنفذ التحدي؟؟منو راح يكون اللي شيخه راح تختاره؟؟
 

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
سوووري البارت كنت قاعده اسويله تعديل بس طافت ال30 دقيقه و صار جذي:$..

المهم .. توقعااتكمم...
شوق هل بتزور عمر مره ثانيه؟

عمر هل بيستمر اباسلووب التجريييح؟؟

شييخه بتنفذ التحدي؟؟

منو راح يكون اللي شيخه راح تختاره للتحدي؟؟

بناااااات لوسمحتووو ابي تفاااااعللل لااا اتحبطونييي
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
بالسياره شيخه اتسوق و شوق صاكه عينها اتحاول تتماسك كثر ما تقدر لانها ما اتحب تبجي جدام احد ...

شيخه: شوشو في شي تبين اتقولينه؟

شوق ابصوت يعور القلب: لاا ابي اوصل البيت بسسس...

شيخه(اااه يا شوق طول عمرج تسمعين مشاكل الناس بس ما اتحبين احد يسمع مشاكلج)

اول ما اوصلوا البيت شوق افتحت باب السياره و قامت تركض لييين اوصلت غرفتها.. ادخلت الغرفه و اقفلت عليها الباب و سندت جسمها عليه لييين اقعدت و قااامت تبجي و تبجيي..

شيخه اول ما شافت شوق جذي اركضت وراها على طول .. لما اصعدت فوق راحت عند غرفة شوق ولا تسمع شهقاتها ... قلبها عورها على اختها ...

شيخه و اهي اطق الباب: شوق فتحي البااب

شوق اتحاول اتحكم ابصوتها: شيووخ ماااليي خلق تعباانه

شيخه ابحنيه: شوقي فتحيلي الباب .. يمكن اقدر اسااعدج ... يالله شووق...

شوق: شيووخ و الله تعباانه

شيخه:ادريي والله ادري و انا ابي اشاركج تعبج ..

قامت شوق و افتحت الباب و ردت اقعدت..

شيخه ادخلت و راحت عند شوق اقعدت يمها : شوقي حبيبتي مافيها شي اذا بجيتي جدامي.. ماافيها شي اذا خليتيني اشاركج حزنج انا اختج و طووا عمري بتم معااج

شوق قطت عمرها ابحظن اختها و اتركت العنان لدموعها: والله تعبت ماادري ليشش يسويي جذي والله اني ما عمري ما زعلته

شيخه: شووق حبيبتي قوليلي اشصار؟؟

شوق قالت حق شيخه كل شي..

شيخه: شوقو اتوقع انه ما سمعج لما كلمتي عشان جذي يكلمج ابرود! و بعدين ظوول عمره عموور جذي

شوق: ولييش بس انا كلمني ابهالبرود؟

شيخه: يمكن لما كلمتي ككان في شي يعوره

شوق: لااا اهو طول عمره جذي و خصوصا معاي .. و ردت تبجي .. شيخه خلتها تبجي على راحتها.. لين شوق نامت ابحظن شيخه..

{.. آلتعــب

مـآ هو تعب جسمـ وعظـآمـ
آلتعــب .. لمـآ تحب وتنــجرح ! {.. وآلعمى
مـآ هو ظلآمـ في ظلآمـ
آلعمــى .. طعنـﮧ تجي وآنت بـ فـرح !​




شيخه(اااخخخخ ياا شوق الله يقدرني و اقدر اسااعدج) بالمستشفا..
عمر(اففففف انا لييش سويييت جذي؟ .. يعني اهي لو ماكانت اتحبني جان ما بجت جذي.. بس هم اماني كانت اتحبني و خانتني ... ااااه يا اماني ذبحتيني!)

اسف ومقدر يا فلانه ويني والحب وينه
لي جرح نايم امانه لا تعبثين وتصحينه

اتركيني اداريه من قسى ناس[ن] جارحينه

ادري عليك قسيت لكن من شي[ن] ما تعرفينه

ما ودي يافلان قلبك في عذاباته وهمه تحطينه

قامت شوق من النوم و عيونها متفوخه من البجي و اتحس ابصداع... انزلت تحت اتسويلها نسكافيه عشان اتعدل راسها.. و اهي قاعده تشرب رن تليفونها ..
شوق: السلام عليكم هلا يمه..

ام خالد : هلا شواقه ششلونج الحين ؟؟

شوق: الحمدلله احسن..

ام خالد: اذا احسن مري بيت عمتج في جم شغله محتاجينها

شوق(لاا لاا لاا) : يعني لازم ايي المستشفى

ام خالد: ايي لااازم اتييين عمتج محتاجه جم شغله..

شوق استسلمت للامر الواقع: خلااص انشالله دزولي مسج شنو تبون..

قامت شوق ابتثاقل و راحت غيرت ملابسها و البست احجابها و انزلت... مرت على بيت عمتها خذت الي يبونه و راحت المستشفى... قامت تمشي ابممرات المستشفى ما تبي تدخل الغرفه.. وصلت غرفة عمر طقت الباب و ادخلت..

شوق: السلام عليكم

ام حمد : و عليك السلام

شوق: عيل وينهم البنات و امي و حريم عمامي؟

ام حمد : راحو بيت يدج يرتاحون و يردون باجر

شوق: يعني انتي اهني ابروحج؟

ام حمد: ايي

شوق ابتردد و اهي ودها يكون الجواب نفي: تبين اقعد معاج اليوم؟

ام حمد: انا مابي اغصبج بس جان زين..

شوق : خلااص بس اكلم امي اقولها اني بقعد اهني معاج..

عمر الي كان مغمض عينه على اساس انه نايم .. اففففف لييش يعني بتنام ما تفهم اني ما ابيها!

راحت ام حمد اتكلمهم و ظلت شوق مع عمر بالغرفه..

عمر: شوق شوق تتصنع الامبالاه: هممم

عمر: شوق

شوق: نعم ؟؟

عمر : شوفي يا شوق انا بقولج شغله بس مابيج تاخذينها ابحساسيه!

شوق و بدا الخوف يتسلسل قلبها : شنو قوول عمر: شوفي انا احب وحده شوق حست احد يعصر قلبها حييل قامت و مشت لي الحمام(تكرمون): الله يهنيكم...

عمر: يعني عادي تقعدين مع واحد ما يكنلج اي مشاعر ؟

شوق: حبيت اقولك يا ولد عمتي - و شددت على الكلمه- انا هني بس عشان امك تحتاجني .. لا تظن اني هني عشانك.. لفت ويها و ادخلت الحمام.. اول ما صكت باب الحمام دموعها انزلوا اتسندت على الباب و ايدها على حلجها اتحاول تكتم شهقاتها.. ( انكسرتي يا شوق هئ هئ هئ ... كسرني ..) اتعرفون الشعور الي لما اتكونين حاطه كل امالج على شخص و ابكلمه يهدم كل شي هذا كان احساس شوق!!


يمطر لغيري من حنانك سحابك ..
ويموت قلبي ظاميٍ بين أياديك ..
رجيت عطفك بس طال الرجا بك..
لين انقطع باليأس كل الرجا فيك..

ادخلت ام حمد ولا اتشوف عمر ابروحه ..

ام حمد: عمر يمه وين شوق

تبطل باب الحمام و لا تطلع شوق ابابتسامتها المعهوده: كاني عميمه بس كنت بالحمام..


عمر(ابي افهم هل انسانه شلون تقدر اتخش كل هذا.. ماني فادر احبج مانييي قادر.. )
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
ادخلت ام حمد ولا اتشوف عمر ابروحه ..
ام حمد: عمر يمه وين شوق
تبطل باب الحمام و لا تطلع شوق ابابتسامتها المعهوده: كتني عميمه بس كنت بالحمام
ام حمد: احسبج رحتي! شوق: هههههه ... لاا اتخافين ماني منحاشه
عمر: اذا ماتبين اتنامين عادي قولي ..
شوق عطته نظره: اذا انت مو عاجبك وجودي تقدر اتنام من الحين لان انا بنام عند عميمه... ....

الساعه 2:30 الفير بييت بومشاري.. تحديدا ابغرفة جود..
جود: ههههههه يالله دور لجوون تطلب شيوخ..

لجين ابنظره خبيثه: نفس طلبي المره الي طافت

شيخه ابغرور: هه... ماافي احد عاجبني عشان اييب راسه!

لجين: خلااص انا او جودي نختارلج..

جود: ضاري

لجين : يبتييييهاااا!

شيخه: هييييه انتي وياها انشالله مو جذي..

لجين: شيخو اشفيج انتغشمر..

شيخه: لاا انا قبلت التحدي بس نطرو بروح اكلم شوقي بشوف شلونها الحين..جودي في احد قاعد الحين مالي خلق البس حجابي...

جود: ما اظن مشاري من زمان نايم و ضرووي قاعد يطالع افلام!

شيخه: اوكيك.. انزلت تحت و كانت لابسه نفنووف فوق الركبه وردي على ميكي و ميني ماوس .. كان شكلها حييل كيووت و رافعه شعرها ابطريقه عشوائيه بس كاان حده يشوق..

شيخه و اهي تقعد عالغنفه: الوو

شوق ابصوت مبحوح: هلاا شيووخ

شيخه: شلوونج الحين

شوق ابكتمانها المعتاد: الحمدلله ما فيني لا العافيه..

شيخه وااضح : بس صوتج مو عاجبني

شوق: لاني ما اقدر اتكلم عدل عميمه نايمه.

. شيخه: انتي بالمستشفى للحين

شوق: انا بنام هني

شيخه ابعصبيه: انتي صاحيه و لا قاعده تستهبلين

شوق ابرود: لييش يعني؟

شيخه: شوقو ليمتى يعني سعادتة الناس فوق سعادتج؟؟

شوق: عميمه تحتاجني انام عندها

شيخه: ليش مو جنووي او لجوون؟؟ شوق لاا اتقطين عمرج علييه خلييه ايولي..
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
شوق: شيووخ اشهالكلام انتي اكثر وحده تدرين اني ما اقط عمري على احد

شيخه: كيفج انا قتلج و انتي كيفج..

شوق: شيووخ بنام تامرين على شي

شيخه حست انها زودتها اشوي: نووم العوافي .. مع السلامه..

شوق: يعافييج .. باااي.. اول ما سدته جان اتقط روحها عالمخده و تقعد تبجي و تبجي..

عمر: شوق؟

شوق:......

عمر:شوق؟

شوق: نعم؟

عمر: اشفييج؟؟
شوق : راسي يعورني

عمر : شوق انا اسف بس صدقيني قلبي مو ملكي..

شوق بسك طعوون ذبحتني: ما همني قلبك ملكك و لا لأ .. لانك مجرد ولد عمتي..

عمر : اذا جذي تصبحين على خيير

شوق ابحه: و انت من اهله
ضاقت عليييك و مااا لقيييت الا انااا؟؟

انرد عند شيخه الي كانت قاعده بالصاله و حاطه ريل على ريل و اتفكر ابشوق؟؟

..: بوووووو شيخه تصروعت: بسم الله… عمممه انشالله.. لفت ويها ولا اطيح عينها ابعين ضاري.. كاان لابس شورت لي نص فخذه و بلوزه سماويه كاان شكله وااااو..

ضاري و انا كله مبتلش معاها بس صرااحه خطييره: انا اسف ..

(كل العاييله يتخربطون بين جود و شيخه من وره لان نفس الشي)

شيخه و ويها اشاره المرور: لاا عادي انا اسفه و ركض فووق.. و اهي على الدري ولا تسمع ضاري

ضاري: اقوول شيووخ؟

شيخه: نعمم

ضاري و فيه الضحكه: مو جنج متنانه و مجكره شوي

شيخه : شايف ويهك انت ضاري لف ويها و قعد يطالع نفسه بالمنظره: يايه اتقارنين ويهج ابويهي؟

شيخه صج جمييييل بس واايد مغرور: انت على شنو شايف نفسك

ضاري ابغرور : هه.. لاني اينظره وحده اقدر اييب عشره من اشكالج!

شيخه ابعصبيه و حده: حددكك لا اتقارني ابنات الشوارع الي انت اتكلمهم! و كملت طريجها لي فوق .. ادخلت الغرفه و واهيا امعصببببه..
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
لجين: شيووخ اشفييج

شيخه ارفعت راسها و ابنظره نااريه : اذا ما خلييته يندم على كل كلمه ما اطلع شيخه..

جود: منو هذا شيوخ؟؟

لفت ويها على جود: اخووج الحمااار

جود: مشااري؟؟

شيخه: لاا ضرووي التعبان؟؟

جود و لجين: ههههههههههههه.. ليش اشسوى؟ قالتلهم شيخه كل شي ... عقبها اقعدوا ضحك و سوالف لي الساعه 5 .. ...

الساعه 9 الصبح بالمستشفا.. قامت اتحس نفسها مخنووقه.. لفت لقت ام حمد و عمر نايمين ... ادخلت الحمام غسلت ويها جاان تطلع بره الغرفه انزلت تحت بالكافي ...

قام من النوم تلفت شاف مكانها فاضي .. وين رااحت هذي؟ استغفرالله الحين تبدي افلامها بجي و نوااح بالحمام.. ما مدااه يخلص كلامه و لا ينفتح باب الغرفه و تدخل شوق بيدها الكوفي و قاعده تشرب ابهدووء

عمر يالله عوونك: صباح الخير

شوق ااخ ليش لازم دايم تفرض وجودك: صباح النور

قامت ام حمد: هاا قايميين

عمر و شوق ابنفس الوقت: اييي ام حمد : ههههه..

راحت شوق عند عمتها و باستها على راسها: صبحكج الله بالخير عميمه..

ام حمد: صبحج الله بالنور و السرور..

عمر: صبااح الخير مامي

ام حمد: صباح النور حبيبي..

شوق: عميمه انا برد البيت اغير تامرين على شي و انا راده؟

ام حمد: سلامتج يمه.. والله يابخت الي بياخذج..

شوق حست ابغصه و تغصبت البسمه: ههه تسلمين عميمه

عمر مقهوور حده مايدري لييش: هذي داعيه علييه امه الي بياخذها

جبتها عالجرح و كنك مادريتو انت قااصدد ماهيي عنيي اصدفت

ارفعت راسها و طاحت عينها ابعينا بسسس حراام علييك بسس: تسلم يا ولد عمتي .. يالله انا استاذن و اطلعت و اهي اتحارب دموعها لا ينزلوون..

ام حمد: لييش اتقوول جذي حق البنيه مسكينه ما شفنه منها الا كل خيير

عمر انا شلون قلت جذي استغفرالله: كنت اتغشمر يمه

ام حمد: الله يهدييك بس

شوق اركبت السياره و اهي شبه منهاره.. لييش جذيي يسوي فيني انا اشسويتله اخخ ياربيي.. مشت بالسياره ليين اوصلت عند البحر انزلت اقعدت عالبحر و اهي تكتم شهقاتها و لا يرن مبايلها جوجو:*..

شوق ابصوت مبحوح: الوو

جود: الو
شوق: هلا جودي

جود: شوقي حبي اشفييج ؟؟

شوق ما اقدرت اتحمل اكثر قامت تبجي و تبجي: تعباانه و ربي تعبببت

جود ابخوف كبير: شوقي وينج؟؟

شوق : انا عالبحر يم *** جود: احنا الحين انيي ..

جود اركضت فوق : بناات

شيخه و لجين: هاا

ابخوف: قومو لبسو بسرعه

لجين: اشفيج جودي عموور في شي؟

جود: لاا توني كلمت شوقو و قالتلهم.. غيروا ملابسهم ابسرعه و راحوا المكان الي شوق موجوده..

شيخه و اهي تركض: شوقو؟؟

شوق لفت ويها و شافت شيخه و لجين و جود يايين صوبها..

شيخه لمتت شوق حييل: عسى التعب فيني ولا فييج

لجين : شوقي قولي اشفييج؟؟

شوق اااخ شقوولكمم: مافيني جود شوقي حبي قولي يمكن نقدر انساعدج..

لفت ويها عالبحر و قعدت عالرمل و حطت راسها بين ريولها و قامت تبجي..

يا بحر انا جيتك من همومي اعاني
جاك قلبي يشتكي جفا حبيبه

جيتك كلي امل تاخذ همومي عشاني
اسألك بالله يا بحر اسمع هالمصيبه

ابحكي لك عن اللي خذا قلبي ووجداني
انادي له وصوتي يسمعه وعيا لا يجيبه

شيخه اقعدت يمها: شوق حبيبتي خلااص..

لجين: شوقي منو امضايقج؟؟

شيخه: انا اقولج منو!

شوق: لاا شيووخ تكفه

جود: شوقو احنا من متى انخش على بعض؟

شوق: لا مو عن بس..

لجين: لا بس ولا شي شيخو قولي

شيخه طالعت شوق و شوق اشرت لها ان قولي.. قالتلهم شيخه كل شي و شوق سرحانه اتشوف البحر..

لجين: شوقي
شوق اكتفت انها ترفع راسها

لجين: شوفي ابغض النظر عن ان اخووي ترا والله ما يستاهل دمعه من دموعج خليييه يولي و حقريي

جود: صح انا مع لجوون سحبي علييه لان ما يستاهل دمووعج فجاءه رن مبايل شيخه..
شيخه: الوو

..: الوو شيخه

شيخه: نعم منو معاي

..: يعني منو.. انا ضاري

شيخه: هلا ضاري.. بغيت شي؟؟

ضاري: اذا ما ابي شي بدق عبط مثلا؟

شيخه ابتافف: اخلص اشتبي؟

ضاري: امي تقول وينكم

شيخه: كانه يايين المستشفى \

ضاري: انزين لا اتاخروون و بلا ينون

شيخه: انزيين تبي شي ثاني استاذ ضاري

ضاري : امممم

شيخه: اقوول اقلب يور فيس بلييز

ضاري: هههههههه جاو

شوق: يالله امشوا تأخرنا على المستشفى..

جود: مثل ما اتفقنا


شوق ابابتسامه: انشالله .. مشكوريين حبايبي..


لجين: ولو.. طلع اخووي مو هين بعد


شوق: ههههههه جب يالله امشو جدامي اشوف


جود: اي هذي شوق الي انا اعرفها


شيخه: يالله صبايا خاطري استانس اليوم اشرايكم انسوي حفله ان اور هاوس...


شوق: ايي والله فكره من زمااان مو مستانسيين رن مبايل لجين

لجين: هلوو

بدر: ويعوو الناس يقولون السلام عليكم..

لجين : بل بل بل كليتني !! اشتبي

بدر: ترا عمور رخصوا يعني تعالوا البيت على طوول

لجين : يعني مو على عرض؟ ههههههه

بدر: كركركركر.. ياااثقل دمج تعلمي خفة الدم و بعدين نكتي .. بااي و سده ابويها..

لجين : بنات ترا رخصوا عموور يالله امشوا خنروح البيت لا يشنقونه..

البنات: يالله
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
ابيت ام حمد

ام مشاري : الحمدلله على سلامتك يمه..

عمر: الله يسلمج خالتي

ام خالد : هاا شتحس فيه ليلحين معاك عوار ولا لأ؟

عمر: لا الحمدلله واايد احسن

ام مشاري و ام خالد : الحمدلله

مريم(اليده): عمور يمه ديربالك على نفسك ترى الدكتوور قال انك تحتاج رااحه..

عمر: تاامرين امر اصلاا بس اشووفج هذي ابرحها راااحه..ههه..

مريم استحت: الله ياخذ بلييسك عياار.. ههههه

جنا: عموووري؟؟

فوااز خق على صوتها..

عمر: عيوون عموور؟

جنه : تسلم عيونك حبيبي.. متى راح يشيلون الجبس الي ابريلك؟؟

عمر: والله ماادري.. اقول فوازو؟

فواز:هلا.. و يطالع جنه و يرد اطالع عمر جنه انتبهت لنظرات فواز و ويها قام يقط الوان

عمر: اشرايكم اتنامون اليوم عندي اهني؟

جنه ابعفويه: و البنات انامو اهني وااااو فواز طالعها و ابتسم.. جنه من الفشله ويها صار اشارة مرور

عمر: لااا بسسس الشباب

شهد: يعني طرده يا ولد العمه؟

نوره: ما هقيتها منك طحت من عيني

عمر: ههههههههه.. لااا عااد كلش ولا نورو و شهووداهني ادخلوا شلت المافيا;p

شوق: هاااايوو

شيخه: سلاااموووو

جود: يا مرحبااا

لجين: صباح الخييييرر

شوق: الحين هذا شكو؟

لجين : ماادريي ماااعندي شي اقوله قلتوا كل شي

مريم: الحين بدال هل هواش تعالوا سلموا

شوق راحت عنها و اهي كانت قاعده يم عمر: سلاام على احلى مريوووم ابهالدنيا و باست راسها..

مريم: و عليكم السلام تعالوا قعدو يمي من زمان عن خبالكم .. اقعدوا عندها و قاموا يسولفون و شوق نست حزنها و همها و قامت تضحك و اتغشمر ..

مريم: اقوول ضرووي؟؟

ضاري: عيوون ضرووي و قلبه ؟

مريم: عن العياره و تعال غن لنا من زمان عن صوتك..

شهد: اناا عندي فكره!

حمد: قوولي يا ام الافكاار

شهد طنشت: اشرايكم انسوي افرقه بنات و شباب و انشوف منو احلى اصوات..
ا
لكل:اووكيي

مريم : و انا الحكم..
 
التعديل الأخير:

الم الفراق

New member
إنضم
11 يونيو 2011
المشاركات
41
مستوى التفاعل
0
النقاط
0
تقسموا البنات و الشباب على افرقه..

مريم : يالله نبدي ابضاري..

ضاري ابتسم و رفع راسه و مايدري ليش طاحت عينه على شيخه..

ضاري: اشتبون تسمعون؟

الكل: اي شي..

ضاري: احم احم..

ليه احس و انا اشوفك حزين و قلبي الليله بهمي ممتلي
كانها الفرقا.. طلبتك حاجتين لا تعلمني و لا تكذب علي
خلني ما بين شكي و اليقين وش يهم رضاي خله و ازعلي
باكر اللي خافي لازم يبين الوعد بالقى مكانك به خلي
و انتظر لي ليله او ليلتين لين ما يقضي السحاب و ينجلي
ولا قطعت الياس ببكي دمعتين
للهوى الاول و باوادع هلي صاحبي بموت من كثر الحنين
بس انا بختار موعد مقتلي
بس انا بختار موعد مقتلي

الكل: اووووووووووووو...

مريم : يعطيك العافيه على هالصوت الروعه..

ضاري ابغرور:هه.. يعافيج يمه مريم يالله منو يبدي من البنات..

شيخه : شوقو

لجين: ايي يالله شوقو من زماان مو سامعين صوتج

شوق بابتسامه : اوكي.. احم احم.. و ابكبرياءها المعتاد

قال الوداع ,, و مقصده يجرح القلب محال قلبي ينجرح من وداعه
ان حبني,, يا مرحبا ابراعي الحب و ان راح,, ربي يحفظه كل ساعه
و ليه ليه يودعني ,, و ليه ليه يعذبني وليه ليه يجرح قلبي,, و انا احبه ليه ليه
............
وافي و ذوقه راقي و صدق ينحب لاكن عيبه فالجفا و القطاعه

ارفعت راسها و طاحت عينها ابعين عمر و جنها تقوله المقطع لك..

و انا لو اني فيه مغرم و معجب نفسي عزيزه و المحبه قناعه
...............

اخترت دربه لاكن اختار له درب شريت حبه لكن اليوم باعه
و دامه و قف مع مع حاسدي و اعلن الحرب لابد مالكثره تغلب الشجاعه
.............
ببقى احب الحب و اتخير القرب و اقول للغالين سمعاّ و طاعه
وش حيلت الانسان لو خافقه حب ما اظن ينسى الحب في ظرف ساعه

البنات: سلم الصوووووتت
 
التعديل الأخير: